Bengaluru Gold Rate: ಭಾರಿ ಕುಸಿತ ನೋಡಿದ ಚಿನ್ನದ ಬೆಲೆ..ಇಂದು ಬೆಂಗಳೂರಲ್ಲಿ ಬರೋಬ್ಬರಿ 5,400 ರೂ. ಉಳಿತಾಯ!

ಬೆಂಗಳೂರಿನಲ್ಲಿ ಇಂದು ಚಿನ್ನದ ಬೆಲೆಗಳಲ್ಲಿ ದಾಖಲೆ ಮಟ್ಟದ ಇಳಿಕೆ ಕಂಡುಬಂದಿದ್ದು, ಮಾರುಕಟ್ಟೆಯಲ್ಲೇ ಹೊಸ ಚರ್ಚೆಗೆ ಕಾರಣವಾಗಿದೆ. ಕಳೆದ ಕೆಲವು ದಿನಗಳಿಂದ ಚಿನ್ನದ ದರಗಳು ಏರಿಳಿತದ ನಡುವೆ ತೇಲುತ್ತಿದ್ದರೂ, ಇಂದು ಬೆಳಗ್ಗೆ ಪ್ರಕಟವಾದ ದರಗಳಲ್ಲಿ 24 ಕ್ಯಾರೆಟ್, 22 ಕ್ಯಾರೆಟ್ ಮತ್ತು 18 ಕ್ಯಾರೆಟ್.. ಎಲ್ಲಾ ವರ್ಗಗಳಲ್ಲಿಯೂ ಸ್ಪಷ್ಟ ಕುಸಿತ ದಾಖಲಾಗಿದೆ. ಜಾಗತಿಕ ಚಿನ್ನ ಮಾರುಕಟ್ಟೆಯ ಧೋರಣೆ, ಅಮೆರಿಕನ್ ಡಾಲರ್ ಬಲ, ಅಂತರರಾಷ್ಟ್ರೀಯ ಬಾಂಡ್‌ಯೀಲ್ಡ್ ಬದಲಾವಣೆ, ಹಾಗೂ ದೇಶೀಯ ಬೇಡಿಕೆಯ ಕುಗ್ಗುವಿಕೆ ಎಲ್ಲವೂ ಸೇರಿ ಇಂದಿನ ದರ ಇಳಿಕೆಯ ಪ್ರಮುಖ ಕಾರಣಗಳಾಗಿ ಪರಿಣಮಿಸಿವೆ.

24 ಕ್ಯಾರೆಟ್ ಚಿನ್ನ ಇಂದಿನ ಬೆಲೆ ವಿವರಣೆ (ಬೆಂಗಳೂರು):

ಇಂದು ಬೆಂಗಳೂರು ಮಾರುಕಟ್ಟೆಯಲ್ಲಿ 24 ಕ್ಯಾರೆಟ್ ಶುದ್ಧ ಚಿನ್ನದ ದರದಲ್ಲಿ ಸ್ವಲ್ಪ ಇಳಿಕೆ ಕಂಡುಬಂದಿದೆ. 1 ಗ್ರಾಂ ಬೆಲೆ ರೂ.13,015 ಆಗಿದ್ದು, ನಿನ್ನೆ ಇದ್ದ ರೂ.13,069 ರೊಂದಿಗೆ ಹೋಲಿಸಿದರೆ ರೂ.54 ಇಳಿಕೆಯಾಗಿದೆ. 10 ಗ್ರಾಂ ಚಿನ್ನದ ದರ ಇಂದು ರೂ.1,30,150 ಇದ್ದು, ಇದು ನಿನ್ನೆಯ ರೂ.1,30,690 ಕ್ಕಿಂತ ರೂ.540 ಕಡಿಮೆ. ಹೆಚ್ಚಿನ ಪ್ರಮಾಣವಾದ 100 ಗ್ರಾಂ ಚಿನ್ನ ಇಂದು ರೂ.13,01,500 ಆಗಿದ್ದು, ನಿನ್ನೆ ರೂ.13,06,900 ಇದ್ದುದರಿಂದ ರೂ.5,400 ಜಾರಿಕೆಯಾಗಿದೆ..

22 ಕ್ಯಾರೆಟ್ ಚಿನ್ನ ಇಂದಿನ ಬೆಲೆ ವಿವರಣೆ (ಬೆಂಗಳೂರು):

22 ಕ್ಯಾರೆಟ್ ಆಭರಣ ಚಿನ್ನಕ್ಕೂ ಇಂದು ದರ ಇಳಿಕೆಯಾಗಿರುವುದು ಕಂಡುಬರುತ್ತಿದೆ. 1 ಗ್ರಾಂ ಬೆಲೆ ರೂ.11,930 ಆಗಿದ್ದು, ನಿನ್ನೆ ಇದ್ದ ರೂ.11,980 ಗಿಂತ ರೂ.50 ಇಳಿಕೆಯಾಗಿದೆ. 10 ಗ್ರಾಂ ಚಿನ್ನ ಇಂದು ರೂ.1,19,300 ಕ್ಕೆ ಲಭ್ಯವಿದೆ, ಇದು ನಿನ್ನೆಯ ರೂ.1,19,800 ದರಕ್ಕಿಂತ ರೂ.500 ಕಡಿಮೆ. 100 ಗ್ರಾಂ ಚಿನ್ನದ ಮೌಲ್ಯ ಇಂದು ರೂ.11,93,000 ಆಗಿದ್ದು, ನಿನ್ನೆ ಇದ್ದ ರೂ.11,98,000 ಕ್ಕಿಂತ ರೂ.5,000 ಇಳಿಕೆಯಾಗಿದೆ.

18 ಕ್ಯಾರೆಟ್ ಚಿನ್ನ ಇಂದಿನ ಬೆಲೆ ವಿವರಣೆ (ಬೆಂಗಳೂರು):

18 ಕ್ಯಾರೆಟ್ ಚಿನ್ನದ ದರವೂ ಇಂದು ಕುಸಿತದಲ್ಲೇ ಮುಂದುವರಿದಿದೆ. 1 ಗ್ರಾಂ ಚಿನ್ನ ಇಂದು ರೂ.9,761 ಆಗಿದ್ದು, ನಿನ್ನೆ ಇದ್ದ ರೂ.9,802 ಗಿಂತ ರೂ.41 ಕಡಿಮೆಯಾಗಿದೆ. 10 ಗ್ರಾಂ ದರ ರೂ.97,610 ಆಗಿದ್ದು, ಇದು ನಿನ್ನೆಯ ರೂ.98,020 ಹೋಲಿಸಿದರೆ ರೂ.410 ಕುಸಿತವಾಗಿದೆ. 100 ಗ್ರಾಂ ಚಿನ್ನದ ಮೌಲ್ಯ ಇಂದು ರೂ.9,76,100 ಆಗಿದ್ದು, ನಿನ್ನೆ ರೂ.9,80,200 ಇದ್ದುದರಿಂದ ರೂ.4,100 ಇಳಿಕೆಯಾಗಿದೆ.

ಬೆಂಗಳೂರಿನಲ್ಲಿ ಬೆಳ್ಳಿ ಬೆಲೆ:

ಇಂದು ಬೆಂಗಳೂರಿನಲ್ಲಿ ಬೆಳ್ಳಿ ಮಾರುಕಟ್ಟೆಯಲ್ಲಿ ಸ್ಪಷ್ಟ ಏರಿಕೆ ಕಂಡುಬರುತ್ತಿದೆ. 1 ಗ್ರಾಂ ಬೆಳ್ಳಿ ಬೆಲೆ ರೂ. 190 ಆಗಿದ್ದು, ನಿನ್ನೆ ರೂ. 187 ಗೆ ಹೋಲಿಸಿದರೆ ರೂ. 3 ಏರಿಕೆಯಾಗಿದೆ. 8 ಗ್ರಾಂ ಬೆಳ್ಳಿಯ ಬೆಲೆ ಇಂದು ರೂ. 1,520 ಆಗಿದ್ದು, ನಿನ್ನೆ ರೂ. 1,496; 10 ಗ್ರಾಂ ಬೆಳ್ಳಿ ಬೆಲೆ ರೂ. 1,900 ಇತ್ತು, ನಿನ್ನೆ ರೂ. 1,870; 100 ಗ್ರಾಂ ಬೆಳ್ಳಿಯ ಬೆಲೆ ಇಂದು ರೂ. 19,000, ನಿನ್ನೆ ರೂ. 18,700; ಮತ್ತು 1000 ಗ್ರಾಂ (1 ಕಿಲೋಗ್ರಾಂ) ಬೆಳ್ಳಿಯ ಬೆಲೆ ಇಂದು ರೂ. 1,90,000 ಆಗಿದ್ದು, ನಿನ್ನೆ ರೂ. 1,87,000; ಅಂದರೆ ರೂ. 3,000 ಏರಿಕೆ ಸಂಭವಿಸಿದೆ.

ಸ್ಪಾಟ್‌ ಗೋಲ್ಡ್‌ ವಿವರ:

ರಾಯಿಟರ್ಸ್‌ ನೀಡಿರುವ ವರದಿ ಪ್ರಕಾರ ಡಿಸೆಂಬರ್‌ 5ರಂದು ಬೆಳಗ್ಗೆ 03:58 GMT ವೇಳೆಗೆ ಪ್ರತಿ ಔನ್ಸ್‌ಗೆ $4,208.46 ಮಟ್ಟದಲ್ಲಿ ಸ್ಥಿರವಾಗಿ ಮುಂದುವರಿದಿದೆ. ಈ ವಾರದ ಒಟ್ಟು ವಹಿವಾಟಿನ ಹಿನ್ನಲೆಯಲ್ಲಿ ಚಿನ್ನವು ಸುಮಾರು 0.5% ಇಳಿಕೆಯ ಮಾರ್ಗದಲ್ಲಿ ಸಾಗುತ್ತಿದೆ. ಇದೇ ವೇಳೆ, ಅಮೆರಿಕದ ಡಿಸೆಂಬರ್‌ ವಿತರಣೆಗೆ ಸಂಬಂಧಿಸಿದ ಗೋಲ್ಡ್‌ ಫ್ಯೂಚರ್ಸ್‌ ದರವು 0.1% ಇಳಿಕೆ ಕಂಡು $4,237.70 ಮಟ್ಟಕ್ಕೆ ತಲುಪಿದೆ.

ಇಂದಿನ ಚಿನ್ನದ ದರ ಇಳಿಕೆ ಬೆಂಗಳೂರಿನ ಮಾರುಕಟ್ಟೆಯಲ್ಲಿ ಖರೀದಿದಾರರು ಮತ್ತು ಹೂಡಿಕೆದಾರರ ಮನಸ್ಸಿಗೆ ಸ್ವಲ್ಪ ತಣಿವು ನೀಡಿದಂತಾಗಿದೆ. ಕಳೆದ ಕೆಲವು ವಾರಗಳಿಂದ ಚಿನ್ನದ ಬೆಲೆ ಏರಿಕೆಯಿಂದ ರಿಟೇಲ್‌ ಮಾರುಕಟ್ಟೆಯಲ್ಲಿ ಖರೀದಿ ಚಟುವಟಿಕೆ ಕುಂದಿದ್ದರೂ, ಇಂದಿನ ಈ ಕುಸಿತ ಮತ್ತೆ ಖರೀದಿ ವಾತಾವರಣವನ್ನು ಜೀವಂತಗೊಳಿಸಿದೆ. ಆದರೆ ಚಿನ್ನದ ದರಗಳು ಯಾವತ್ತೂ ಸ್ಥಿರವಾಗಿ ಇರದ ಕಾರಣ, ಜಾಗತಿಕ ಮಾರುಕಟ್ಟೆ ಬದಲಾವಣೆಗಳು, ವಿದೇಶಿ ವಿನಿಮಯ ದರ, ಕ್ರೂಡ್‌ ಆಯಿಲ್ ಬೆಲೆ ಮತ್ತು ಪ್ರಮುಖ ಆರ್ಥಿಕ ಸೂಚ್ಯಂಕಗಳು ಎಲ್ಲದರ ಮೇಲೆ ಅವಲಂಬಿತವಾಗಿವೆ.