ಕರಡು ನಿಯಮ ಸಿದ್ಧಪಡಿಸಿದ ಭಾರತ ಸರ್ಕಾರ! ಏನಿದು ಒಂದು ರಾಷ್ಟ್ರ, ಒಂದು ಸಮಯ? ಇಲ್ಲಿ ತಿಳಿಯಿರಿ

ದೇಶದಲ್ಲಿ ಏಕರೂಪ ಅಮಯದ ಮಾನದಂಡವನ್ನ ಜಾರಿಗೆ ತರಲು ಭಾರತ ಸರ್ಕಾರ ಸಿದ್ಧತೆಗಳನ್ನ ಮಾಡಿಕೊಳ್ತಿದೆ. ವ್ಯಾಪಾರ ಮತ್ತು ಚಟುವಟಿಕೆಗಳಿಗೆಲ್ಲಾ ಅಧಿಕೃತ ಭಾರತೀಯ ಪ್ರಮಾಣಿತ ಸಮಯವನ್ನ(IST) ಕಡ್ಡಾಯಗೊಳಿಸಲು ಕರುಡಿ ನಿಯಮಗಳನ್ನ ಸರ್ಕಾರ ಸಿದ್ದಪಡಿಸಿದೆ. ಫೇರ್ಭೃಔಋಈ 14 ರೊಳಗೆ ಈ ನಿಯಮಗಳ ಬಗ್ಗೆ ಜನರಿಂದ ಪ್ರತಿಕ್ರಿಯೆಗಳನ್ನ ಕೇಳಲು ಗ್ರಾಹಕರ ವ್ಯವಹಾರಗಳ ಸಚಿವಾಲಯ ಮುಂದಾಗಿದೆ.

ಸರಿಯಾದ ಸಮಯ ಪಾಲನೆಗಾಗಿ ಕಾನೂನು ಚೌಕಟ್ಟನ್ನು ರಜನೆ ಮಾಡುವುದು ಈ ಭಾರತೀಯ ಪ್ರಮಾಣಿತ ಸಮಯದ ನಿಯಮಗಳು 2024ರ ಉದ್ದೇಶವಾಗಿದೆ. ಕಾನೂನು, ಆಡಳಿತಾತ್ಮಕ, ವಾಣಿಜ್ಯ ಮತ್ತು ಅಧಿಕೃತ ದಾಖಲೆಗಳಲ್ಲಿ ಸಮಯದ ಉಲ್ಲೇಖವಾಗಿ ಈ ನಿಯಮಗಳಿಗೆ IST ಅಗತ್ಯವಿರುತ್ತದೆ. ಬ್ಯಾಂಕಿಂಗ್, ಟೆಲಿಕಾಂ, ರಕ್ಷಣೆ ಮತ್ತು AI ನಂತಹ ತಂತ್ರಜ್ಞಾನಗಳಂತಹ ವಲಯಗಳಲ್ಲಿ ನಿಖರವಾದ ಸಮಯಪ್ರಜ್ಞೆಯನ್ನ ಖಚಿತಪಡಿಸಲು ಈ ಉಪಕ್ರಮ ಮಹತ್ವದ ಗುರಿಯನ್ನ ಹೊಂದಿದೆ.

ಯಾವ ವಿಭಾಗದಲ್ಲಿ ಕಡ್ಡಾಯ ಬಳಕೆ?

ಈ ನಿಯಮಗಳ ಪ್ರಕಾರ ವಾಣಿಜ್ಯ, ಸಾರಿಗೆ, ಸಾರ್ವಜನಿಕ ಆಡಳಿತ, ಕಾನೂನು ಹಾಗೆ ಹಣಕಾಸು ಕಾರ್ಯಾಚರಣೆಗಳಲ್ಲಿ ಈ ಹೊಸ ನಿಯಮ ಭಾರತೀಯ ಪ್ರಮಾಣಿತ ಸಮಯ(IST)ಕಡ್ಡಾಯವಾಗಿರುತ್ತದೆ. ಅಲ್ಲದೆ ಈ ಕರಡು ನಿಯಮ ವಾಣಿಜ್ಯ ಉದ್ದೇಶಗಳಿಗಾಗಿ ಏಕರೂಪ ಸಮಯದ ಬಳಕೆ ಇಲ್ಲಿ ನಿಷೇದವಾಗಿರುತ್ತದೆ. ಇನ್ನುಳಿದಂತೆ ವೈಜ್ಞಾನಿಕ ಸಂಶೋಧನೆ, ಖಗೋಳಶಾಸ್ತ್ರ ಸೇರಿದಂತೆ ಇತರೆ ಕ್ಷೇತ್ರಗಳಿಗೆ ವಿನಾಯಿತಿಗಳನ್ನ ನೀಡಲಾಗುವುದು ಆದ್ರೆ ಇದಕ್ಕೆ ಮೊದಲು ಸರ್ಕಾರದ ಅನುಮೋದನೆ ಪಡೆಯಬೇಕಾಗುತ್ತದೆ.

ಗ್ರಾಹಕ ವ್ಯವಹಾರಗಳ ಇಲಾಖೆಯು ರಾಷ್ಟ್ರೀಯ ಭೌತಿಕ ಪ್ರಯೋಗಾಲಯ ಮತ್ತು ISRO ಸಹಯೋಗದೊಂದಿಗೆ ವಿಶ್ವಾಸಾರ್ಹ ಸಮಯ ಉತ್ಪಾದನೆ ಮತ್ತು ಪ್ರಸರಣ ವ್ಯವಸ್ಥೆಯನ್ನು ಅಭಿವೃದ್ಧಿಪಡಿಸಲು ನಿಕಟವಾಗಿ ಕಾರ್ಯನಿರ್ವಹಿಸುತ್ತಿದೆ. ಇದರ ಜೊತೆಗೆ ಆಯಕಟ್ಟಿನ ಮತ್ತು ಕಾರ್ಯತಂತ್ರವಲ್ಲದ ಪ್ರದೇಶಗಳಿಗೆ ಸಮಯ ನಿರ್ಣಯದಲ್ಲಿ ನ್ಯಾನೊಸೆಕೆಂಡ್ ನಿಖರತೆಯೊಂದಿಗೆ ನಿಖರವಾದ ಸಮಯ ಮುಖ್ಯ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.

ಇನ್ನು ಈ ನಿಯಮವನ್ನ ಅನುಷ್ಠಾನಗೊಳಿಸಲು ಫೆಬ್ರವರಿ 14 ರೊಳಗೆ ಕರಡು ನಿಯಮಗಳ ಕುರಿತು ತಮ್ಮ ಸಲಹೆಗಳನ್ನು ನೀಡಲು ಸಾರ್ವಜನಿಕರಲ್ಲಿ ವಿನಂತಿಸಿದ್ದಾರೆ. ಈ ಕರಡನ್ನು ಅನುಷ್ಠಾನಗೊಳಿಸುವ ಮೊದಲು ಈ ನಿಯಮಗಳನ್ನು ಸುಧಾರಿಸಲು ವಿವಿಧ ಕ್ಷೇತ್ರಗಳಿಂದ ಈ ಕುರಿತು ಅಭಿಪ್ರಾಯಗಳನ್ನ ಕಲೆ ಹಾಕಲು ಸರ್ಕಾರ ಮುಂದಾಗಿದೆ. ಏಕರೂಪ ಸಮಯದ ಮಾನದಂಡದ ಕಡೆಗೆ ಹೆಚ್ಚು ಒಟ್ಟತು ನೀಡಿವ ಮೂಲಕ ಈ ಕ್ರಮವು ರಾಷ್ಟ್ರೀಯ ಮೂಲಸೌಕರ್ಯದಲ್ಲಿ ನಿಖರತೆಯನ್ನು ಹೆಚ್ಚಳ ಮಾಡಲು ಭಾರತದ ಬಲವಾದ ಬದ್ಧತೆಯನ್ನ ಸೂಚಿಸುತ್ತದೆ. ಎಲ್ಲಾ ಪ್ರದೇಶಗಳಲ್ಲಿ ಭಾರತೀಯ ಪ್ರಮಾಣಿತ ಸಮಯ(IST) ಅನ್ನು ಕಡ್ಡಾಯಗೊಳಿಸುವ ಮೂಲಕ, ದೇಶವು ಕಾರ್ಯಾಚರಣೆಗಳನ್ನು ಸುಗಮಗೊಳಿಸಲು ಮತ್ತು ಬಹು ಪ್ರದೇಶಗಳಲ್ಲಿ ಸಿದ್ಧತೆಯನ್ನು ಸುಧಾರಿಸುವ ಗುರಿಯನ್ನು ಈ IST ಹೊಂದಿದೆ.

ಭಾರತೀಯ ಪ್ರಮಾಣಿತ ಸಮಯ(IST) ಎಂದರೇನು?

ಭಾರತೀಯ ಪ್ರಮಾಣಿತ ಸಮಯ (IST) ಭಾರತ ಮತ್ತು ಶ್ರೀಲಂಕಾದಲ್ಲಿ ಆಚರಿಸಲಾಗುವ ಸಮಯ. ಇದು ಸಂಘಟಿತ ಸಾರ್ವತ್ರಿಕ ಸಮಯಕ್ಕಿಂತ 5 ಗಂಟೆ 30 ನಿಮಿಷಗಳು ಮುಂದಿದೆ (UTC+5:30) . ಹಗಲು ಉಳಿಸುವ ಸಮಯವನ್ನು ಗಮನಿಸುವ ಅನೇಕ ದೇಶಗಳಿಗಿಂತ ಭಿನ್ನವಾಗಿ, ಭಾರತವು ವರ್ಷಪೂರ್ತಿ ಒಂದೇ ಸಮಯ ವಲಯವನ್ನು ಅನುಸರಿಸುತ್ತದೆ.

ಭಾರತವು ಸ್ವಾತಂತ್ರ್ಯ ಪಡೆದ ನಂತರ IST ಸಮಯ ವಲಯವನ್ನು ಅಧಿಕೃತವಾಗಿ 1947 ರಲ್ಲಿ ಅಳವಡಿಸಿಕೊಳ್ಳಲಾಯಿತು, ಮತ್ತು IST ಗಾಗಿ ಉಲ್ಲೇಖ ಬಿಂದು ಭಾರತೀಯ ಪ್ರಮಾಣಿತ ಸಮಯದ ಮೆರಿಡಿಯನ್ ಆಗಿದೆ , ಇದು ಅಲಹಾಬಾದ್ ಬಳಿಯ ಮಿರ್ಜಾಪುರ ಎಂಬ ಪಟ್ಟಣದ ಮೂಲಕ ಹಾದುಹೋಗುತ್ತದೆ . ಇದನ್ನು ಇಡೀ ದೇಶದಾದ್ಯಂತ ದೈನಂದಿನ ಜೀವನ, ಸರ್ಕಾರಿ ಚಟುವಟಿಕೆಗಳು, ವ್ಯಾಪಾರ ಮತ್ತು ಹೆಚ್ಚಿನವುಗಳಿಗಾಗಿ ಬಳಸಲಾಗುತ್ತದೆ.