IMF: ಭಾರತದ FY24 ಬೆಳವಣಿಗೆ ದರ ಶೇ. 6.1 ರಿಂದ ಶೇ. 6.3 ಏರಿಸಿದ ಐಎಂಎಫ್

ಇಂಟರ್‌ನ್ಯಾಷನಲ್ ಮಾನಿಟರಿ ಫಂಡ್ (ಐಎಂಎಫ್) ತನ್ನ ಇತ್ತೀಚಿನ ಅಕ್ಟೋಬರ್‌ನ ವಿಶ್ವ ಆರ್ಥಿಕ ದೃಷ್ಟಿಕೋನ ವರದಿಯನ್ನು ಮೊರಾಕೊದ ಮರ್ಕೆಕ್‌ನಲ್ಲಿ ನಡೆಯುತ್ತಿರುವ ಐಎಂಎಫ್ ವಾರ್ಷಿಕ ಸಭೆಗಳಲ್ಲಿ ಇಂದು ಬಿಡುಗಡೆ ಮಾಡಿದೆ. ನಿರೀಕ್ಷಿತ ಬಳಕೆಗಿಂತ ಪ್ರಬಲವಾದ ಹಿನ್ನಲೆಯಲ್ಲಿ ಪ್ರಸಕ್ತ ಹಣಕಾಸು ವರ್ಷದ ಏಪ್ರಿಲ್-ಜೂನ್ ತ್ರೈಮಾಸಿಕ ಅವಧಿಯಲ್ಲಿ ಭಾರತದ ಬೆಳವಣಿಗೆಯ ಅಂದಾಜನ್ನು ಹೆಚ್ಚಿಸಿದೆ.

"ಭಾರತದ ಬೆಳವಣಿಗೆಯು 2023 ಮತ್ತು 2024 ಎರಡರಲ್ಲೂ ಶೇಕಡ 6.3 ರಷ್ಟು ಬಲವಾಗಿ ಉಳಿಯುತ್ತದೆ ಉಳಿಯುತ್ತದೆ ಎಂದು ಅಂದಾಜಿಸಲಾಗಿದೆ. 2023 ಕ್ಕೆ ಶೇಕಡ 0.2 ರಷ್ಟು ಏರಿಕೆಯ ಅಂದಾಜು ಇದೆ. ಏಪ್ರಿಲ್-ಜೂನ್ ಅವಧಿಯಲ್ಲಿ ಬೆಳವಣಿಗೆ ಅಧಿಕವಾಗಲಿದೆ ಎಂದು ಐಎಂಎಫ್‌ ಅಂದಾಜು ಮಾಡಿದೆ.

ಕಳೆದ ಮೂರು ತಿಂಗಳಲ್ಲಿ ಐಎಂಎಫ್ ಭಾರತಕ್ಕೆ ತನ್ನ ಜಿಡಿಪಿ ಮುನ್ಸೂಚನೆಯನ್ನು ಎರಡನೇ ಬಾರಿಗೆ ಹೆಚ್ಚಿಸಿದೆ. ಹೆಚ್ಚಿಸಿದ ಮುನ್ಸೂಚನೆಯು ಈಗ ಆರ್‌ಬಿಐಯ ಹಣಕಾಸು ವರ್ಷ 2024ರ ಜಿಡಿಪಿ ಮುನ್ಸೂಚನೆಯ ಶೇಕಡ 6.5 ರ ಸಮೀಪದಲ್ಲಿದೆ.

ಹಣಕಾಸು ವರ್ಷ 2029 ರ ವೇಳೆಗೆ ಭಾರತಕ್ಕೆ ಶೇಕಡ 6.3 ಜಿಡಿಪಿ ಬೆಳವಣಿಗೆಯನ್ನು ಐಎಂಎಫ್ ಊಹಿಸಿದೆ. ಭಾರತದ ಗ್ರಾಹಕ ಬೆಲೆ ಸೂಚ್ಯಂಕ (ಸಿಪಿಐ) ಹಣದುಬ್ಬರವು 2022 ರಲ್ಲಿ ಶೇಕಡ 6.7 ರಿಂದ ಶೇಕಡ 5.5 ಕ್ಕೆ, 2024 ರಲ್ಲಿ ಶೇಕಡ 4.6ಕ್ಕೆ ಇಳಿಕೆಯಾಗಿದೆ ಎಂದು ಐಎಂಎಫ್ ಹೇಳಿದೆ.

ಐಎಂಎಫ್ ವಿಶ್ವ ಆರ್ಥಿಕ ಬೆಳವಣಿಗೆಯು 2022 ರಲ್ಲಿ ಶೇಕಡ 3.5 ರಿಂದ ಈ ವರ್ಷ ಶೇಕಡ 3 ಮತ್ತು ಮುಂದಿನ ವರ್ಷ ಶೇಕಡ 2.9 ಕ್ಕೆ ಇಳಿಕೆಯಾಗಲಿದೆ ಎಂದು ನಿರೀಕ್ಷಿಸಲಾಗಿದೆ. ಜುಲೈನಲ್ಲಿ ಬಿಡುಗಡೆಯಾದ ಅದರ ಅಂದಾಜಿನಿಂದ 2024 ಕ್ಕೆ ಶೇಕಡ 0.1 ರಷ್ಟು ಇಳಿಕೆ ಮಾಡಲಾಗಿದೆ.

"ಪ್ರಮುಖ ಆರ್ಥಿಕತೆಗಳಲ್ಲಿ ಪ್ರಬಲವಾದ ಚೇತರಿಕೆಯು ಯುನೈಟೆಡ್ ಸ್ಟೇಟ್ಸ್‌ನಲ್ಲಿದೆ. 2023 ರಲ್ಲಿ ಜಿಡಿಪಿ ಅದರ ಪೂರ್ವ-ಸಾಂಕ್ರಾಮಿಕ ಮಾರ್ಗವನ್ನು ಮೀರುತ್ತದೆ ಎಂದು ಅಂದಾಜಿಸಲಾಗಿದೆ. ಯೂರೋ ಚೇತರಿಸಿಕೊಂಡಿದೆ. ಆದರೂ ಉತ್ಪಾದನೆಯು ಇನ್ನೂ ಶೇಕಡ 2.2 ರ ಪೂರ್ವ ಕೋವಿಡ್‌ಗಿಂತ ಕಡಿಮೆಯಾಗಿದೆ," ಎಂದು ಐಎಂಎಫ್ ವರದಿ ಉಲ್ಲೇಖಿಸಿದೆ.

ಬೆಳವಣಿಗೆಯು 2022 ರಲ್ಲಿ ಶೇಕಡ 4.1 ರಿಂದ 2023 ಮತ್ತು 2024 ರಲ್ಲಿ ಶೇಕಡ 4 ರವರೆಗೆ ಕುಸಿಯುವ ನಿರೀಕ್ಷೆ ಮಾಡಲಾಗಿತ್ತು.