ಹೆಚ್ಚಾದ ಬೇಸಿಗೆಯ ತಾಪಮಾನ...ಎಸಿ, ಕೂಲರ್ ಫುಲ್ ಡಿಮ್ಯಾಂಡ್! ಮುಂದಿನ ದಿನಗಳಲ್ಲಿ ಸ್ಟಾಕ್‌ಗಳ ಕೊರತೆ..!

ಭಾರತದಲ್ಲಿ ಬೇಸಿಗೆ ಶುರುವಾಗಿದೆ. ತಾಪಮಾನ ಹೆಚ್ಚುತ್ತಿರುವುದರಿಂದ ಪ್ರತಿ ನಿತ್ಯ ಫ್ಯಾನ್, ಎಸಿ ಅಗತ್ಯವಿದೆ. ಹೀಗಾಗಿ ಭಾರತದಲ್ಲಿ ಎಸಿ, ಕೂಲರ್‍‌ಗಳ ಬೇಡಿಕೆ ಹೆಚ್ಚಾಗುತ್ತಿದೆ. ಇದರ ಅಗತ್ಯ ನಿರೀಕ್ಷೆ ಮಟ್ಟಕ್ಕಿಂತ ಹೆಚ್ಚಾಗಿದೆ. ಆದರೆ ವರದಿಗಳ ಪ್ರಕಾರ ಈ ವರ್ಷ ಭಾರತದಲ್ಲಿ ACಗಳ ತೀವ್ರ ಕೊರತೆ ಎದುರಾಗಬಹುದು ಎನ್ನಲಾಗಿದೆ. ದೇಶಾದ್ಯಂತ ಸ್ಟಾಕ್‌ಗಳ ಕೊರತೆಯಾಗಬಹುದು ಎನ್ನಲಾಗಿದೆ. ಬೇಸಿಗೆಯಲ್ಲಿ ಬೇಡಿಕೆ ಇನ್ನಷ್ಟು ಹೆಚ್ಚಾದರೆ, ಸ್ಟಾಕ್ ಕಡಿಮೆಯಾಗಬಹುದು ಮತ್ತು ಬೆಲೆಗಳು ಹೆಚ್ಚು ಜಾಸ್ತಿ ಆಗಬಹುದು. AC ತಯಾರಿಕಾ ಕಂಪನಿಗಳು ಈ ಸವಾಲನ್ನು ಎದುರಿಸಲು ಪ್ರಯತ್ನಿಸುತ್ತಿರುವಾಗ, ಗ್ರಾಹಕರು ಹಾಗೂ ಹೂಡಿಕೆದಾರರು ಈ ಬದಲಾವಣೆಗೆ ಎಚ್ಚರಿಕೆಯಿಂದ ಎದುರಿಸಲು ಸಿದ್ಧರಾಗಬೇಕು.

ಇನ್ನು ಕಳೆದ ವರ್ಷದ ಬೇಸಿಗೆ ಹೇಗಿತ್ತೆಂದರೆ, ಕಳೆದ ಹತ್ತು ವರ್ಷಗಳ ತಾಪಮಾನ ಎದುರಿಸುವಂತಾಗಿತ್ತು. ಹಲವೆಡೆ ತಾಪಮಾನ 50 ಡಿಗ್ರಿ ಸೆಲ್ಸಿಯಸ್‌ಗೆ ತಲುಪಿದ ಪರಿಣಾಮ, ACಗಳು, ಏರ್ ಕೂಲರ್‌ಗಳು, ಮತ್ತು ಫ್ರಿಜ್‌ಗಳ ಬೇಡಿಕೆ 35%-40% ಹೆಚ್ಚಾಯಿತು. ತೀವ್ರ ಬೇಡಿಕೆ ಹೆಚ್ಚಾದ ಹಿನ್ನೆಲೆ ಉತ್ಪಾದಕರು ಅಗತ್ಯ ಸರಬರಾಜು ನೀಡಲು ಸಾಧ್ಯವಾಗದೇ ಹೊರಬಂದಿದ್ದಾರೆ. ಇನ್ನು ಬೇಡಿಕೆ ಹೆಚ್ಚಾಗಿದ್ದರಿಂದ ACಗಳ ಮೌಲ್ಯ 2-3% ಏರಿಕೆ ಕಾಣಬಹುದು. ಹೀಗಾಗಿಯೇ ಗ್ರಾಹಕರು ಮುಂಚಿನಿಂದಲೇ ಎಸಿ ಖರೀದಿಸಲು ಯೋಚಿಸುವುದು ಸೂಕ್ತವಾಗಿದೆ. ಹವಾಮಾನ ಬದಲಾವಣೆಯಿಂದ ಮುಂದಿನ ವರ್ಷಗಳಲ್ಲಿ ಕೂಡ ಇದೇ ಪರಿಸ್ಥಿತಿ ಮುಂದುವರಿಯುವ ಸಾಧ್ಯತೆ ಇದೆ.

ಎಸಿಗಳ ಕೊರತೆಗೆ ಕಾರಣ ಏನಿರಬಹುದು..?

AC ತಯಾರಿಕೆಯಲ್ಲಿ ಅತ್ಯವಶ್ಯಕ ಭಾಗವಾದ ಕಂಪ್ರೆಸರ್‌ಗಳ ಸರಬರಾಜಿನಲ್ಲಿ ತೊಂದರೆಗಳು ಕಾಣಿಸಿಕೊಂಡಿವೆ. ಇದರಿಂದಲೇ ಉತ್ಪಾದನಾ ಪ್ರಕ್ರಿಯೆಗಳು ಕೂಡ ನಿಧಾನಗೊಳ್ಳುತ್ತಿದೆ. ಅಲ್ಲದೇ ಬೇಸಿಗೆಯ ತಾಪಮಾನ ಕೂಡ ಏರಿಕೆಯಾಗುತ್ತಿದ್ದು, ಜನರು ಹೆಚ್ಚಾಗಿ AC ಖರೀದಿ ಮಾಡುತ್ತಿದ್ದಾರೆ, ಇದರಿಂದ ಸರಬರಾಜು ನಿಯಂತ್ರಣಕ್ಕೆ ಸವಾಲು ಎದುರಾಗಿದೆ. ಅಗತ್ಯ ವಸ್ತುಗಳ ಕೊರತೆಯಿಂದ ಕಂಪನಿಗಳು ಸಾಕಷ್ಟು AC ಉತ್ಪಾದಿಸಲು ಸಾಧ್ಯವಾಗದೆ ಕಷ್ಟ ಅನುಭವಿಸುತ್ತಿವೆ. ಇದರಿಂದ ಕಡಿಮೆ ಲಭ್ಯತೆ ಮತ್ತು ಹೆಚ್ಚಿನ ಬೇಡಿಕೆ ACಗಳ ದರವನ್ನು ಹೆಚ್ಚಿಸುವ ಸಾಧ್ಯತೆ ಇದೆ.

AC ಷೇರುಗಳ ಮೇಲಾಗುವ ಪರಿಣಾಮಗಳೇನು..?

ಶೇರು ಮಾರುಕಟ್ಟೆಯಲ್ಲಿ ಹವಾನಿಯಂತ್ರಣ ಕ್ಷೇತ್ರದ ಕಂಪನಿಗಳ ಷೇರುಗಳ ಬೆಲೆ ಏರಿಕೆಯಾಗಿದೆ. ಏಕೆಂದರೆ ಹೆಚ್ಚಿನ ಮಾರಾಟ ನಿರೀಕ್ಷೆ ಇದ್ದು, AC ಕಂಪನಿಗಳ ಲಾಭ ಹೆಚ್ಚಾಗಬಹುದು ಎಂದು ನಿರೀಕ್ಷಿಸುತ್ತಿದ್ದಾರೆ. ಷೇರುಗಳ ಚಲನೆ ಇತ್ತೀಚೆಗೆ ಸುಮಾರು 9% ಏರಿಕೆ ಕಂಡು ಬಳಿಕ ಸ್ವಲ್ಪ ಕಡಿಮೆಯಾಯಿತು. ಪ್ರಸ್ತುತ ರೂ. 2,086 ದರದಲ್ಲಿ ವ್ಯಾಪಾರವಾಗುತ್ತಿದ್ದು 0.67% ಕುಸಿತ ಗಮನಿಸಬಹುದಾಗಿದೆ. ಅಲ್ಲದೇ ಕೊನೆಯ ಕೆಲವು ವ್ಯಾಪಾರ ದಿನಗಳಲ್ಲಿ 11% ಲಾಭ ಗಳಿಸಿದೆ.

ಭಾರತದಲ್ಲಿ AC ಮಾರಾಟ ಭಾರಿ ಏರಿಕೆಯಾಗುವ ನಿರೀಕ್ಷೆ:

ಬೇಸಿಗೆ ಬಂದಾಗೆಲ್ಲ ಕೂಲರ್‍‌ಗಳ ಬೇಡಿಕೆ ಹೆಚ್ಚುತ್ತದೆ. ಹಾಗೆಯೇ ಈ ವರ್ಷವೂ ಬೇಡಿಕೆ ಹೆಚ್ಚಾಗಿದ್ದು, ಅತಿಹೆಚ್ಚು ಮಾರಾಟ ಸಾಧ್ಯತೆ ಇದೆ. ತಜ್ಞರು ಅಭಿಪ್ರಾಯಪಟ್ಟಿರುವ ಪ್ರಕಾರ ಈ ಬಾರಿ AC ಮಾರಾಟದಲ್ಲಿ 25-30% ಏರಿಕೆ ಕಾಣಬಹುದು ಎನ್ನಲಾಗಿದೆ. ಅದಕ್ಕೆ ಮೂಲ ಕಾರಣಗಳು ಭಾರತೀಯ ಹವಾಮಾನ ಇಲಾಖೆ ಅನುಸಾರ, 2025ರ ಬೇಸಿಗೆ ದಾಖಲೆ ಮಟ್ಟದ ತಾಪಮಾನ ಹೊಂದಿರಬಹುದು ಎಂದು ಮಾಹಿತಿ ನೀಡಿರುವುದು. ಆರಂಭದಲ್ಲೇ ಉಷ್ಣತೆ ಹೆಚ್ಚಾಗುತ್ತಿದ್ದು ಇದು ಜನರನ್ನು AC ಮತ್ತು ಕೂಲರ್‌ಗಳ ಖರೀದಿಯತ್ತ ಒಲಿಸಬಹುದು.ಕಡಿಮೆ ಲಭ್ಯತೆ ಮತ್ತು ಹೆಚ್ಚಿನ ಬೇಡಿಕೆಯ ಕಾರಣದಿಂದಾಗಿ, AC ಬೆಲೆಗಳು ಕೂಡ ಏರಬಹುದು.

ಹೀಗೆ ಭಾರತದಲ್ಲಿ ಎಸಿ, ಕೂಲರ್‍‌ಗಳ ಬೇಡಿಕೆ ದಿನೇ ದಿನೆ ಹೆಚ್ಚುತ್ತಿದೆ. ಈಗಾಗಲೇ ತಾಪಮಾನದ ತೀವ್ರತೆ ಹೆಚ್ಚಾಗಿದ್ದು ಜನರು, ಆದಷ್ಟು ಬೇಗ ಎಸಿ ಖರೀದಿ ಮಾಡುವುದು ಉತ್ತಮ. ಇಲ್ಲವಾದರೆ ಮುಂದಿನ ದಿನಗಳಲ್ಲಿ ಎಸಿ ಬೆಲೆ ಮತ್ತಷ್ಟು ಹೆಚ್ಚಾಗುತ್ತದೆ.