ಗ್ಯಾಸ್ ಬೆಲೆ ಮೇಲೆ ಸರ್ಕಾರದ ನಿಯಂತ್ರಣ ಕೊನೆಗೊಳ್ಳುತ್ತದೆಯೇ?

ನವದೆಹಲಿ, ಜೂನ್ 26: ಅಡುಗೆ ಅನಿಲದ ಬೆಲೆಗಳ ಮೇಲಿನ ಸರ್ಕಾರದ ನಿಯಂತ್ರಣವನ್ನು ಕೇಂದ್ರ ಸರ್ಕಾರ ಕ್ರಮೇಣ ಕೊನೆಗೊಳಿಸಲಿದೆ ಎಂದು ಕೇಂದ್ರ ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ಖಾತೆ ಸಚಿವ ಧರ್ಮೇಂದ್ರ ಪ್ರಧಾನ್ ಶುಕ್ರವಾರ ಹೇಳಿದ್ದಾರೆ.

ಅನಿಲ ಮೇಲಿನ ಸರ್ಕಾರ ಬೆಲೆ ನಿಯಂತ್ರಣವನ್ನು ಕೊನೆಗಾಣಿಸಿ, ಕ್ರಮೇಣ ಮಾರುಕಟ್ಟೆಯೊಂದಿಗೆ ಬೆಲೆ ನಿರ್ಧಾರವನ್ನು ಬಿಡಲಾಗುವುದು ಎಂದು ಅವರು ಹೇಳಿದ್ದಾರೆ.

ದೇಶದ ಪ್ರಸ್ತುತ ಇಂಧನ ಬೇಡಿಕೆ 85% ರಷ್ಟಿದೆ ಮತ್ತು 2021 ರ ಎರಡನೇ ತ್ರೈಮಾಸಿಕದ ಅಂತ್ಯದ ವೇಳೆಗೆ ಇಂಧನ ಬೇಡಿಕೆ ಇದೇ ಮಟ್ಟದಲ್ಲಿ ಇರುತ್ತದೆ ಎಂದು ಧರ್ಮೇಂದ್ರ ಪ್ರಧಾನ್ ಹೇಳಿದ್ದಾರೆ.

ವಿಮಾನ ಇಂಧನವನ್ನು ಹೊರತುಪಡಿಸಿ ದೇಶದ ಇಂಧನ ಬೇಡಿಕೆ ಸೆಪ್ಟೆಂಬರ್-ಅಕ್ಟೋಬರ್ ವೇಳೆಗೆ ಲಾಕ್‌ಡೌನ್ ಪೂರ್ವ-ಮಟ್ಟಕ್ಕೆ ಮರಳಲಿದೆ. ಭಾರತದ ತೈಲ ಸಂಸ್ಕರಣಾ ಸಾಮರ್ಥ್ಯವು 2030 ರ ವೇಳೆಗೆ 439 ಎಂಟಿಪಿಎ ಮತ್ತು 2040 ರ ವೇಳೆಗೆ 533 ಎಂಟಿಪಿಎಗೆ ಏರಿಕೆಯಾಗಲಿದೆ ಎಂದು ಪ್ರಧಾನ್ ಹೇಳಿದ್ದಾರೆ.