ಇನ್ಫೋಸಿಸ್‌ ಗುಡ್‌ನ್ಯೂಸ್..ವಜಾಗೊಂಡ 240 ಟ್ರೈನಿಗಳಿಗೆ ಸಂಬಳದ ಜೊತೆ ವಸತಿ ಭತ್ಯೆ..! ಜೊತೆಗೆ ಉಚಿತ ಟ್ರೈನಿಂಗ್ ಕೂಡ

ದೇಶದಲ್ಲಿ ಪ್ರಮುಖ ಐಟಿ ಸೇವೆ ಒದಗಿಸುತ್ತಿರುವ ಇನ್ಫೋಸಿಸ್ ಈವರೆಗೂ ಒಂದಷ್ಟು ಕಹಿಸುದ್ದಿಯನ್ನೇ ನೀಡಿತ್ತು. ಅಂದರೆ ಕೆಲಸದಿಂದ ನೂರಾರು ಜನರನ್ನು ವಜಾಗೊಳಿಸಿದ್ದು, ಸಂಬಳ ಹೆಚ್ಚಳದಲ್ಲಿಯೂ ನಿರಾಸೆ ಮೂಡಿಸಿದ್ದು ಹೀಗೆ ಒಂದಷ್ಟು ಕಹಿ ಅನುಭವಗಳನ್ನು ನೀಡಿತ್ತು. ಆದ್ರೆ ಈಗ ಬಂದಿರುವ ಸುದ್ದಿ ಪ್ರಕಾರ, ವಜಾಗೊಂಡ 240 ತರಬೇತುದಾರರಿಗೆ ಇನ್ಪೋಸಿಸ್ ಸಮಾಧಾನವಾದ ಸುದ್ದಿ ನೀಡಿದೆ. ಅದೇನೆಂದರೆ ತರಬೇತುದಾರರರಿಗೆ ಒಂದು ತಿಂಗಳ ಸಂಬಳ ನೀಡಲಾಗಿದೆ. ಇದರ ಜೊತೆಗೆ ಉಚಿತವಾಗಿ ಬಾಹ್ಯ ತರಬೇತಿ, ವಸತಿ ಭತ್ಯೆ ಕೂಡ ನೀಡಿದೆ ಎಂಬುದು ವರದಿಯಾಗಿದೆ.

ಹೌದು, ಇನ್ಫೋಸಿಸ್‌ನಿಂದ ವಜಾಗೊಂದ 240 ತರಬೇತುದಾರರು, ತಮ್ಮ ಕೆಲಸದಲ್ಲಿ ಅಷ್ಟೊಂದು ಚುರುಕಾಗಿರಲಿಲ್ಲ ಎನ್ನಲಾಗಿದೆ. ಹೀಗಾಗಿಯೇ ಅವರನ್ನು ಸೇವೆಯಿಂದ ವಜಾಗೊಳಿಸಲಾಗಿತ್ತು. ಆದರೂ ಅವರಿಗೆ ನಿರಾಸೆಯಾಗಬಾರದು ಎಂದು ಇನ್ಪೋಸಿಸ್ ಈ ನಿರ್ಧಾರ ತೆಗೆದುಕೊಂಡು, ಅವರಿಗೆಲ್ಲ ನೆರವಾಗಿದೆ.

ಇ-ಮೇಲ್‌ನಲ್ಲಿ ಏನಿತ್ತು..?

ಅಂದಹಾಗೆ ಇನ್ಫೋಸಿಸ್ ಕಂಪನಿ, ಈ 240 ತರಬೇತುದಾರರಿಗೆ ಇಮೇಲ್ ಮೂಲಕ ವಿವರಣೆ ನೀಡಿತ್ತು. ಅಂದರೆ ಅವರನ್ನು ಕಂಪನಿಯಿಂದ ಕೈ ಬಿಡಲಾಗುತ್ತಿದೆ. ಆದರೆ ಅವರನ್ನು ಖಾಲಿ ಕೈಯಲ್ಲಿ ಕಳಿಸುವುದಿಲ್ಲ. ಅವರಿಗೆ ಕೌಶಲ್ಯಾಭಿವೃದ್ಧಿ ಕಾರ್ಯಕ್ರಮಗಳನ್ನು ನೀಡಲು ಇನ್ಫೋಸಿಸ್ ಸಿದ್ಧವಾಗಿದೆ ಎಂಬುದನ್ನು ಇ-ಮೇಲ್ ಮೂಲಕ ತಿಳಿಸಿತ್ತು. ಅದರಂತೆ ಕಂಪನಿ, NIIT ಮತ್ತು ಅಪ್‌ಗ್ರಾಡ್ ಸಂಸ್ಥೆಗಳೊಂದಿಗೆ ಸಹಯೋಗದಲ್ಲಿ ತರಬೇತಿಗಳನ್ನು ನೀಡಲು ಮುಂದಾಗಿದೆ.

ಇನ್ಫೋಸಿಸ್ ಸ್ಪಷ್ಟಪಡಿಸಿದ್ದೇನೆಂದರೆ, ನೀವು ಜೆನೆರಿಕ್ ಫೌಂಡೇಷನ್ ತರಬೇತಿ ಕಾರ್ಯಕ್ರಮದಲ್ಲಿ, ಅಪ್ರೆಂಟಿಸ್‌ಶಿಪ್ ಕಾರ್ಯಕ್ರಮಕ್ಕಾಗಿ ಆರ್ಹತೆಗಳನ್ನು ಪೂರೈಸಲಾಗಲಿಲ್ಲ. ಹೀಗಾಗಿ ನಿಮ್ಮ ಪ್ರಯಾಣವನ್ನು ನಾವು ಮುಂದುವರಿಸಲು ಸಾಧ್ಯವಿಲ್ಲ. ಆದರೆ ನಿಮ್ಮ ಕೌಶಲ್ಯ ವೃದ್ಧಿಯ ಜವಾಬ್ದಾರಿ ಹೊತ್ತಿದ್ದು, ನಿಮಗೆ ನಾವು ಬಾಹ್ಯವಾಗಿ ತರಬೇತಿ ನೀಡುತ್ತೇವೆ ಎಂದು ತಿಳಿಸಿದೆ.

ಟ್ರೈನಿಂಗ್ ಮುಗಿಸಿದ ಬಳಿಕ ತರಬೇತಿದಾರರು ಇನ್ಫೋಸಿಸ್‌ನ ಬಿಪಿಎಂ ಲಿಮಿಟೆಡ್‌ನೊಳಗಿನ, ನೌಕರಿಯ ಅವಕಾಶಗಳಿಗೆ ಅರ್ಜಿಯನ್ನು ಕೂಡ ಹಾಕಬಹುದು. ತರಬೇತಿ ಮಾಡುತ್ತಿದ್ದವರು ಐಟಿ ವೃತ್ತಿಗೆ ಸಂಬಂಧಿಸಿದಂತೆ ಮತ್ತಷ್ಟು ತರಬೇತಿ ಪಡೆಯಲು ಮತ್ತು ತಮ್ಮ ಕೌಶಲ್ಯಗಳನ್ನು ವಿಸ್ತರಿಸಲು ಅವಕಾಶ ಹೊಂದಿದ್ದಾರೆ ಎನ್ನಲಾಗಿದೆ. ಇದಿಷ್ಟೇ ಅಲ್ಲ..ಫೆಬ್ರವರಿ ತಿಂಗಳಿನಿಂದ ವಜಾಗೊಳಿಸಲಾದರು ಕೂಡ ಈ ತರಬೇತಿ ಕೋರ್ಸ್‌ಗಳಲ್ಲಿ ಉಚಿತವಾಗಿ ದಾಖಲಿಸಿಕೊಳ್ಳಬಹುದು ಎನ್ನಲಾಗಿದೆ.

ಇನ್ನು ಇನ್ಫೋಸಿಸ್ ತನ್ನದೇ ಆದ ಆಂತರಿಕ ಮೌಲ್ಯಮಾಪನಗಳಲ್ಲಿ ನಿರೀಕ್ಷಿತ ಪ್ರಮಾಣವನ್ನು ತಲುಪಲಾರದ 240 ತರಬೇತುದಾರರನ್ನು ವಜಾ ಮಾಡಿರುವುದಾಗಿ ಹೇಳಿದೆ. ಕಂಪನಿ, ತನ್ನ ಸೇವೆಗಳ ಡಿಮಾಂಡ್‌ನಲ್ಲಿ ಇಳಿಕೆಯ ಹಿನ್ನೆಲೆಯಲ್ಲಿ ಈ ವಜಾಗೊಳಿಸುವಿಕೆಯನ್ನು ನಡೆಸಿದೆ. ಪ್ರಸ್ತುತ ಹಣಕಾಸು ವರ್ಷದಲ್ಲಿ, ಇನ್ಫೋಸಿಸ್ 0% ರಿಂದ 3% ರವರೆಗೆ ಆದಾಯ ವೃದ್ಧಿಯನ್ನು ನಿರೀಕ್ಷಿಸಿದೆ.

ಇನ್ಫೋಸಿಸ್‌ನ ಸಿಇಓ ಜಯೇಶ್ ಸಂಘರಾಜ್ಕರು ಪ್ರಕಟಿಸಿದಂತೆ, 2026ನೇ ಹಣಕಾಸು ವರ್ಷದಲ್ಲಿ 20,000 ಕ್ಕೂ ಹೆಚ್ಚು ಹೊಸ ಉದ್ಯೋಗಿಗಳ ಆಯ್ಕೆ ಮಾಡುವ ಯೋಜನೆಯನ್ನು ಕಂಪನಿ ಹೊಂದಿದೆ.

ಇನ್ಫೋಸಿಸ್ ತನ್ನ ಉದ್ಯೋಗಿಗಳಿಗೆ ನೀಡುವ ಈ ರೀತಿಯ ಸಹಾಯ ಮತ್ತು ಹೊಸ ಕೌಶಲ್ಯಾಭಿವೃದ್ಧಿ ಕಾರ್ಯಕ್ರಮಗಳು, ಉದ್ಯೋಗಿಗಳಿಗೆ ತಲುಪುವ ಪ್ರಗತಿಗೆ ನವೀನ ಮಾರ್ಗಗಳನ್ನು ಒದಗಿಸಿವೆ. 240 ಕಲಿಕಾರರಿಗೆ ತರಬೇತಿ ಮತ್ತು ವಿಶೇಷ ಸಹಾಯವನ್ನು ನೀಡುವ ಮೂಲಕ ಇನ್ಫೋಸಿಸ್ ತನ್ನ ಜವಾಬ್ದಾರಿಯನ್ನು ಅತ್ಯುತ್ತಮವಾಗಿ ಪೂರೈಸುತ್ತಿದೆ. ತರಬೇತಿ, ವಸತಿ, ಪ್ರಯಾಣ ಭತ್ಯೆ ಮತ್ತು ಸಂಬಳ ಮುಂತಾದ ಸಹಾಯಗಳು, ಈ ಉದ್ಯೋಗಿಗಳಿಗೆ ಮತ್ತೊಂದು ಮುನ್ನಡೆಗಾರಿಕೆಯನ್ನು ಕೊಡುವಲ್ಲಿ ಸಹಾಯ ಮಾಡುತ್ತವೆ.

ಇನ್ಫೋಸಿಸ್ ಈ ಮೂಲಕ ಅಲ್ಲದೆ, ನೈತಿಕ ಕರ್ತವ್ಯಗಳನ್ನು ಪೂರೈಸುವ ಮೂಲಕ ಶಕ್ತಿ ನೀಡುತ್ತಿರುವುದರ ಜೊತೆಗೆ, ಶ್ರೇಯಸ್ಕರ ಪ್ರಯತ್ನಗಳು ಹಾಗೂ ಬೌದ್ಧಿಕವಾಗಿ ಉತ್ತಮ ಉತ್ಪಾದನಾಶೀಲತೆಗಾಗಿ ಕಾರ್ಯನಿರ್ವಹಿಸುತ್ತಿದೆ. ಕಂಪನಿಯು ತನ್ನ ಸೇವೆಗಳ ಮೂಲಕ ಉದ್ಯೋಗಿಗಳಿಗೆ ನಿರ್ವಹಣೆಯ ಬಗ್ಗೆ ಉತ್ತಮ ಅಭಿಪ್ರಾಯವನ್ನು ಮೂಡಿಸುತ್ತಿದೆ.
ಇದರಿಂದ, ಪ್ರತಿ ಉದ್ಯೋಗಿಯ ಬದುಕು ಮತ್ತು ವೃತ್ತಿ ಅಭಿವೃದ್ಧಿ ಉತ್ತಮಗೊಳ್ಳಲು ಸಹಾಯ ನೀಡುತ್ತಿದ್ದು, ಇನ್ಫೋಸಿಸ್ ಇನ್ನೂ ಹೆಚ್ಚಿನ ಜನರ ಪ್ರಗತಿ ಮತ್ತು ನೆಮ್ಮದಿ ಕಡೆಗೆ ಹರಿದುಹೋಗಬಹುದು. ಈ ರೀತಿಯ ತಂತ್ರಗಳು ಮುಂದಿನ ದಿನಗಳಲ್ಲಿ ಇನ್ಫೋಸಿಸ್‌ನ ಬೆಳವಣಿಗೆಯ ತೇಜಸ್ಸು ಮತ್ತು ಬೆಳವಣಿಗೆಗಾಗಿ ಪ್ರಮುಖ ಕಳಕಳಿಯನ್ನು ತರುತ್ತವೆ.