ಹೊಸ ಬ್ಯೂಟಿ ರಿಟೇಲ್ ಪ್ಲಾಟ್‌ಫಾರ್ಮ್ ತೆರೆದ ಇಶಾ ಅಂಬಾನಿ

ಭಾರತದ ಸಿರಿವಂತ ವ್ಯಕ್ತಿ ಮತ್ತು ರಿಲಯನ್ಸ್ ಇಂಡಸ್ಟ್ರೀಸ್‌ನ ಮುಖ್ಯಸ್ಥ ಮುಖೇಶ್ ಅಂಬಾನಿ ಅವರ ವ್ಯಾಪಾರ ಸಾಮ್ರಾಜ್ಯವು ಇನ್ನಷ್ಟು ವಿಸ್ತಾರಗೊಳ್ಳುತ್ತಿದೆ. ತಮ್ಮ ಮೂವರು ಮಕ್ಕಳ ಸಹಾಯದಿಂದ ತಮ್ಮ ವ್ಯಾಪಾರದ ಗಡಿಯನ್ನು ದಿನದಿಂದ ದಿನಕ್ಕೆ ವಿಸ್ತರಿಸುತ್ತಾ ಹೋಗುತ್ತಿದ್ದಾರೆ. ಇನ್ನುಅವರ ಪುತ್ರಿ ಇಶಾ ಅಂಬಾನಿ ಅವರ ನಾಯಕತ್ವದಲ್ಲಿ ರಿಲಯನ್ಸ್ ರಿಟೇಲ್ ಮುಖ್ಯಸ್ಥರಾಗಿದ್ದಾರೆ.

ಏಪ್ರಿಲ್ 2023 ರಲ್ಲಿ ಆರಂಭವಾದ ಐಷಾರಾಮಿ ಚಿಲ್ಲರೆ ಸರಪಳಿ ತಿರಾ, ತನ್ನ ಹೊಸ ಫ್ಲ್ಯಾಗ್‌ಶಿಪ್ ಸ್ಟೋರ್ ಅನ್ನು ಮುಂಬೈನ ಜಿಯೋ ವರ್ಲ್ಡ್ ಪ್ಲಾಜಾದಲ್ಲಿ ಉದ್ಘಾಟಿಸುವ ಮೂಲಕ ಮತ್ತೊಂದು ಮೈಲಿಗಲ್ಲನ್ನು ಸೃಷ್ಟಿಸಿದೆ. ಈ ಐಷಾರಾಮಿ ಶಾಪಿಂಗ್ ಅನುಭವಕ್ಕೆ ಬಾಲಿವುಡ್ ತಾರೆಗಳು ಮತ್ತು ಪ್ರಮುಖ ವ್ಯಕ್ತಿಗಳು ಸಾಕ್ಷಿಯಾಗಿದ್ದು, ಹೀಗಾಗಿ "ತೀರಾ"ಮತ್ತಷ್ಟು ಜನಪ್ರಿಯವಾಗುವತ್ತ ಹೆಜ್ಜೆ ಹಾಕುತ್ತಿದೆ.

ಖ್ಯಾತೆ ತಾರೆಯರಾದ ಶಾಲಿನಿ ಪಾಸಿ, ತ್ರಿಪ್ತಿ ದಿಮ್ರಿ, ಕಿಯಾರಾ ಅಡ್ವಾಣಿ, ಉದ್ಯಮಿಗಳಾದ ಇಶಾ ಅಂಬಾನಿ ಮತ್ತು ನೀತಾ ಅಂಬಾನಿ ಸೇರಿದಂತೆ ಅನೇಕ ಗಣ್ಯ ವ್ಯಕ್ತಿಗಳು ತೀರಾ ಗ್ರ್ಯಾಂಡ್ ಸ್ಟೋರ್ ಲಾಂಚ್‌ನಲ್ಲಿ ಭಾಗವಹಿಸಿದ್ದರು.

ಮುಂಬೈನ ಜಿಯೋ ವರ್ಲ್ಡ್ ಪ್ಲಾಜಾದಲ್ಲಿ 6,200 ಚದರ ಅಡಿಗಳ ವಿಶಾಲ ಜಾಗದಲ್ಲಿ ಹರಡಿರುವ ಈ ಮಳಿಗೆಯನ್ನು ಗ್ರಾಹಕರಿಗೆ ಅತ್ಯುತ್ತಮ ಶಾಪಿಂಗ್ ಅನುಭವ ನೀಡುವ ಉದ್ದೇಶದಿಂದ ವಿನ್ಯಾಸಗೊಳಿಸಲಾಗಿದೆ. ಅತ್ಯಾಧುನಿಕ ವಿನ್ಯಾಸ, ಆಯ್ದ ಸೌಂದರ್ಯ ಉತ್ಪನ್ನಗಳು ಮತ್ತು ಪ್ರತಿ ಮೂಲೆಯಲ್ಲಿ ಕಂಡುಬರುವ ಸೂಕ್ಷ್ಮ ವೈಶಿಷ್ಟ್ಯಗಳು ಈ ಮಳಿಗೆಯನ್ನು ಇತರರಿಂದ ಪ್ರತ್ಯೇಕಿಸುತ್ತವೆ. ಜಾಗತಿಕ ಐಷಾರಾಮಿ ಮಾನದಂಡಗಳನ್ನು ಅಳವಡಿಸಿಕೊಂಡ ಈ ಮಳಿಗೆಯು ಗ್ರಾಹಕರನ್ನು ತನ್ನ ಸೌಂದರ್ಯದ ಜಗತ್ತಿನ ಕಡೆ ಸೆಳೆಯುವ ಗುರಿ ಹೊಂದಿದೆ. ತಿರಾ ತಂತ್ರಜ್ಞಾನ ಮತ್ತು ಕಸ್ಟಮೈಸ್ ಮಾಡಿದ ಅನುಭವಗಳಿಂದ ನಡೆಸಲ್ಪಡುವ ಹೊಸ ಓಮ್ನಿಚಾನಲ್ ಬ್ಯೂಟಿ ರಿಟೇಲ್ ಪ್ಲಾಟ್‌ಫಾರ್ಮ್ ಆಗಿದೆ.

ಇಲ್ಲಿ ಸೆಂಟ್ ರೂಮ್ ಎನ್ನುವ ಸ್ಥಳವನ್ನು ವಿಶೇಷವಾಗಿ ವಿನ್ಯಾಸಗೊಳಿಸಲಾಗಿದ್ದು, ಸುಗಂಧದ ಪ್ರಪಂಚವನ್ನು ಅನ್ವೇಷಿಸಲು ಬಯಸುವವರಿಗೆ ವಿಶೇಷವಾಗಿ ಮೀಸಲಾದ ಸ್ಥಳವಾಗಿದೆ. ಇಲ್ಲಿ ನೀವು ವಿಶ್ವದಾದ್ಯಂತದ ಅತ್ಯುತ್ತಮ ಸುಗಂಧ ದ್ರವ್ಯಗಳ ಕ್ಯುರೇಟೆಡ್ ಸಂಗ್ರಹವನ್ನು ಕಂಡುಕೊಳ್ಳಬಹುದು.

ಇದೇ ವೇಳೆ ಮಾತನಾಡಿದ ಇಶಾ ಅಂಬಾನಿ ಅವರು " ತೀರಾ ಫ್ಲ್ಯಾಗ್‌ಶಿಪ್ ಸ್ಟೋರ್ ಅನ್ನು ಭಾರತದಲ್ಲಿ ಸೌಂದರ್ಯದಲ್ಲಿ ಐಷಾರಾಮಿಗೆ ಹೊಸ ಮಾನದಂಡವನ್ನು ನಿರ್ಧರಿಸುವ ತಾಣವೆಂದು ಬಣ್ಣಿಸಿದ್ದಾರೆ. ಜಿಯೋ ವರ್ಲ್ಡ್ ಪ್ಲಾಜಾದಲ್ಲಿರುವ ಈ ಸ್ಟೋರ್ ಗ್ರಾಹಕರಿಗೆ ಅನನ್ಯ ಮತ್ತು ಅತ್ಯಾಧುನಿಕ ಶಾಪಿಂಗ್ ಅನುಭವವನ್ನು ನೀಡುವ ಗುರಿ ಹೊಂದಿದೆ. ವಿಶ್ವದರ್ಜೆಯ ಬ್ರ್ಯಾಂಡ್‌ಗಳನ್ನು ಉನ್ನತ ಸೇವೆಗಳೊಂದಿಗೆ ತೀರಾ ಭಾರತೀಯ ಗ್ರಾಹಕರಿಗೆ ಅಂತರರಾಷ್ಟ್ರೀಯ ಐಷಾರಾಮಿ ಬ್ರಾಂಡ್‌ಗಳನ್ನು ಶಾಪಿಂಗ್ ಮಾಡುವ ಅವಕಾಶವನ್ನು ನೀಡುತ್ತಿದೆ. 15 ಶಾಪ್-ಇನ್-ಶಾಪ್ ಬೂಟಿಕ್‌ಗಳೊಂದಿಗೆ, ತೀರಾ ವು ಡಿಯರ್, ಎಸ್ಟೀ ಲಾಡರ್ ಮತ್ತು ವೈವ್ಸ್ ಸೇಂಟ್ ಲಾರೆಂಟ್‌ನಂತಹ ಪ್ರಮುಖ ಬ್ರ್ಯಾಂಡ್‌ಗಳ ಸಮೃದ್ಧ ಸಂಗ್ರಹವನ್ನು ಹೊಂದಿದೆ. ಅಲ್ಲದೆ, ಅಗಸ್ಟಿನಸ್ ಬೇಡರ್‌ನಂತಹ ಅಲ್ಟ್ರಾ-ಐಷಾರಾಮಿ ಸ್ಕಿನ್‌ಕೇರ್ ಬ್ರಾಂಡ್‌ಗಳ ಕ್ಯುರೇಟೆಡ್ ಆಯ್ಕೆಯನ್ನು ಭಾರತದಲ್ಲಿ ಮೊದಲ ಬಾರಿಗೆ ತೀರಾ ಪರಿಚಯಿಸಿದೆ.

ಶಾಪಿಂಗ್ ಅನುಭವವನ್ನು ಇನ್ನಷ್ಟು ಉತೃಷ್ಕ್ಟ ಗೊಳಿಸಲು ಇಲ್ಲಿ ಪುಟ್ಟದಾದ ಕೆಫೆಯು ಇದ್ದು ಗ್ರಾಹಕರಿಗೆ ಇದು ಉಲ್ಲಾಸದ ಅನುಭವವನ್ನು ನೀಡುತ್ತದೆ. ಅಲ್ಲಿ ಗ್ರಾಹಕರು ಸ್ಮಾಲ್ ಬೈಟ್ ಗಳೊಂದಿಗೆ ಕಾಲಜನ್ ಮತ್ತು ಸ್ಪಿರುಲಿನಾ, ಇನ್ಫ್ಯೂಸ್ಡ್ ವಾಟರ್ ಅಥವಾ ಕಾಫಿಯಂತಹ ಆಡ್-ಆನ್‌ಗಳೊಂದಿಗೆ ಸವಿಯುವ ಮೂಲಕ ರಿಫ್ರೆಶ್ ಮಾಡಬಹುದು. ಈ ಪ್ರಮುಖ ಅಂಗಡಿಯು ಶಾಪಿಂಗ್ ಅನುಭವವನ್ನು ಇನ್ನಷ್ಟು ಹೆಚ್ಚಿಸಲು ವರ್ಚುವಲ್ ಟ್ರೈ-ಆನ್‌ಗಳು ಮತ್ತು ವೈಯಕ್ತೀಕರಿಸಿದ ರೆಕಮಂಡ್ ನಂತಹ ಸೌಲಭ್ಯಗಳನ್ನು ಹೊಂದಿದೆ.