ಒಂದೇ ಅಂಗಡಿಯಲ್ಲಿ ಬರೋಬ್ಬರಿ 70 ವರ್ಷಗಳ ಕಾಲ ಕೆಲಸ ಮಾಡಿದ ಮಹಿಳೆ: ಆದ್ರೂ 2ನೇ ದಿನದಲ್ಲಿ ಕೆಲಸ ತೊರೆಯಲು ಹೇಳಿದ್ದೇಕೆ?

ನವದೆಹಲಿ, ಏಪ್ರಿಲ್‌ 28: ವೃತ್ತಿಯೂ ನಮ್ಮ ಬದುಕಿಗೆ ಅನಿವಾರ್ಯ. ವೃತ್ತಿ ಜೀವನದಲ್ಲೂ ಒಂದೇ ಸಂಸ್ಥೆಯಲ್ಲಿ ಕೆಲಸ ಮಾಡಿ ನಿವೃತ್ತಿ ಪಡೆಯುವ ಟ್ರೆಂಡ್ ಈಗಿಲ್ಲ. ಬೇರೆ ಬೇರೆ ಅವಕಾಶ ಹುದ್ದೆಗಳನ್ನು ಬದಲಾಯಿಸುತ್ತಾ ವೃತ್ತಿ ಜೀವನದಲ್ಲಿ ಉತ್ತುಂಗಕ್ಕೆ ಏರಲು ಬಯಸುತ್ತಾರೆ.

ಒಂದೇ ಸಂಸ್ಥೆಯಲ್ಲಿ ಕೆಲಸ ಮಾಡಿದ ಇಂತಹ ನಿದರ್ಶನಗಳು ಅಪರೂಪಕ್ಕೆ ಕಂಡುಬಂದರೂ, ಅವರು ಹೆಚ್ಚೆಂದರೆ ಒಂದು ಸಂಸ್ಥೆಯಲ್ಲಿ 40ರಿಂದ 45 ವರ್ಷಗಳ ಕಾಲ ಮಾತ್ರ ಕೆಲಸ ಮಾಡಿರುತ್ತಾರೆ. ಇಲ್ಲೊಬ್ಬರು ಮಹಿಳೆ ಒಂದೇ ಸಂಸ್ಥೆಯಲ್ಲಿ ತಮ್ಮ ಜೀವಮಾನದ ಮುಕ್ಕಾಲು ಭಾಗವನ್ನು ಕಳೆದಿದ್ದಾರೆ. ಹೌದು ಸುಮಾರು 68 ವರ್ಷಗಳ ಕಾಲ ಒಂದೇ ಸಂಸ್ಥೆಯಲ್ಲಿ ಕೆಲಸ ಮಾಡಿದ ಇವರಿಗೆ ಕೇವಲ ಎರಡು ದಿನಗಳ ನೊಟೀಸ್ ನೀಡಿದ್ದು ಈಗ ಕೆಲಸವನ್ನು ತೊರೆಯಬೇಕಾದ ಅನಿವಾರ್ಯತೆ ಬಂದೊಂದಗಿದೆ. ಹೌದು ಅವರೇ ಜಿಲ್ ಕಾರ್ನಿಕ್ ಈಗ ಅವರ ವಯಸ್ಸು 82 ವರ್ಷ! ಹಾಗೆಂದು ವಯಸ್ಸಿನ ಕಾರಣಕ್ಕೆ ಅವರನ್ನು ಕೆಲಸ ತೊರೆಯುವಂತೆ ಹೇಳಲಿಲ್ಲ. ಇದಕ್ಕೆ ಕಾರಣ ಬೇರೆಯೇ ಇದೆ.

ಜಿಲ್ ಕಾರ್ನಿಕ್ ಅವರು ಕೇವಲ 14 ವರ್ಷದವರಿದ್ದಾಗ 1956 ರಲ್ಲಿ ಡಾರ್ಸೆಟ್‌ನ ಬ್ಲಾಂಡ್‌ಫೋರ್ಡ್‌ನಲ್ಲಿರುವ "ಕ್ಲಾರ್ಕ್ಸ್" ಪಾದರಕ್ಷೆ ಮಾರಾಟದ ಅಂಗಡಿಯಲ್ಲಿ ಕೆಲಸ ಮಾಡಲು ಪ್ರಾರಂಭಿಸಿದರು. ಅವರು ಮುಂದಿನ 68 ವರ್ಷಗಳ ಕಾಲ ಪ್ರತಿದಿನ ಅದೇ ಅಂಗಡಿಯಲ್ಲಿ ಕೆಲಸ ಮಾಡುವುದನ್ನು ಮುಂದುವರೆಸಿದರು. ಆದರೂ ಈ ವಾರ, ಕ್ಲಾರ್ಕ್ಸ್ ತಕ್ಷಣದಿಂದಲೇ ಜಾರಿಗೆ ಬರುವಂತೆ ನೊಟೀಸ್ ನೀಡಿದ ಬಳಿಕ ಅವರ ದಶಕಗಳ ಸೇವೆಯು ಕೊನೆಗೊಂಡಿತು.

"ನಾನು ನನ್ನ ಇಡೀ ಜೀವನವನ್ನು ಕ್ಲಾರ್ಕ್‌ಗಳಿಗೆ ಅರ್ಪಿಸಿದ್ದೇನೆ. ಇದಕ್ಕಾಗಿ ತನ್ನ ಇಡೀ ಜೀವನಕ್ಕಾಗಿ ಬ್ಲಾಂಡ್‌ಫೋರ್ಡ್‌ನಲ್ಲಿ ವಾಸಿಸುತ್ತಿದ್ದೆ. ನಾನು ಕೆಲಸ ಮಾಡುತ್ತಿದ್ದ ಅಂಗಡಿಯಲ್ಲಿ ನಾನು ಅಲ್ಲಿ ವಾಸಿಸುತ್ತಿದ್ದೆ, ಅಲ್ಲಿ ಕೆಲಸ ಮಾಡಿದ್ದೇನೆ ಮತ್ತು ನನ್ನ ಮಗುವನ್ನು ಅಲ್ಲಿಗೆ ಕರೆತಂದಿದ್ದೆ. ನನ್ನ ಮಗ ಅಂಗಡಿಯಲ್ಲಿ ಪ್ಲೇಪೆನ್‌ನಲ್ಲಿ ಇರುತ್ತಿದ್ದ, ನಾನು ಕೆಲಸ ಮಾಡುತ್ತಿದ್ದೇನೆ. ನಾನು ಎಲ್ಲವನ್ನು ಇಷ್ಟಪಟ್ಟು ಮಾಡಿದ್ದೆ" ಎಂದು 82 ವರ್ಷದ ಜಿಲ್ ಕಾರ್ನಿಕ್ ಹೇಳಿದ್ದಾರೆ.

ಡಾರ್ಸೆಟ್‌ನ ಬ್ಲಾಂಡ್‌ಫೋರ್ಡ್‌ನಲ್ಲಿರುವ "ಕ್ಲಾರ್ಕ್ಸ್" ಪಾದರಕ್ಷೆ ಮಾರಾಟದ ಅಂಗಡಿಯಲ್ಲಿ ಸೋಮವಾರ ಮುಚ್ಚಲ್ಪಟ್ಟಿದೆ. ಇದೇ ಕಾರಣಕ್ಕೆ ಅಂಗಡಿ ಶಾಶ್ವತವಾಗಿ ಮುಚ್ಚುವ ಮೊದಲು ಅವರಿಗೆ ಕೆಲಸ ತೊರೆಯುವಂತೆ ನೊಟೀಸ್ ನೀಡಲಾಗಿತ್ತು. ಅಂಗಡಿ ಮುಚ್ಚುವುದರೊಂದಿಗೆ ಕಾರ್ನಿಕ್ ಅವರ ಏಳು ದಶಕಗಳ ಸೇವೆಯನ್ನು ಕೊನೆಗೊಂಡಿದೆ.

14 ವರ್ಷವಿದ್ದಾಗ ಕೆಲಸಕ್ಕೆ ಸೇರಿದ್ದ ಅವರು ತರಬೇತಿ ಕೋರ್ಸ್‌ಗೆ ಹಾಜರಾಗಲು 1969 ರಲ್ಲಿ ತಮ್ಮ ಹನಿಮೂನ್ ಮುಂದೂಡಿದ್ದರು. ಮಗ ಜೇಸನ್ 1975 ರಲ್ಲಿ ಜನಿಸಿದಾಗ, ಅವರು ಅವನನ್ನು ಪ್ಲೇಪೆನ್‌ನಲ್ಲಿ ಅಂಗಡಿಯನ್ನು ಸಂಭಾಳಿಸುತ್ತಾ ಮಗನನ್ನು ಬೆಳೆಸಿದ್ದರು.

ಸಮರ್ಪಕವಾದ ಪಾದರಕ್ಷೆ, ಬೂಟುಗಳನ್ನು ಹುಡುಕಲು ಸಾವಿರಾರು ಗ್ರಾಹಕರಿಗೆ ಸಹಾಯ ಮಾಡಿದಂತೆ ಭಾಸವಾಗುತ್ತಿದೆ.ಕೆಲವು ಸಂದರ್ಭಗಳಲ್ಲಿ ನಾನು ಒಂದೇ ಕುಟುಂಬದ ನಾಲ್ಕು ತಲೆಮಾರುಗಳಿಗೆ ಅವರ ಸರಿಯಾದ ಸೈಜ್ ನ ಬೂಟುಗಳನ್ನು ಹುಡುಕಲು ಸಹಾಯ ಮಾಡಿದ್ದೇನೆ. ಮಾತ್ರವಲ್ಲದೇ ಯಾವಾಗಲೂ ಗ್ರಾಹಕರೊಂದಿಗೆ ಉತ್ತಮ ಸಂಬಂಧವನ್ನು ಹೊಂದಿದ್ದೆ ಕೆಲಸ ತೊರೆದ ಬಳಿಕ ಗ್ರಾಹಕ ಸ್ನೇಹಿತರಿಂದ ದೊರೆತ ಬೆಂಬಲದ ಸಂದೇಶಗಳು ಅಪಾರ " ಎಂದು ಹೇಳಿದ್ದಾರೆ.

ಅವರ ಕೆಲಸದ ಅಚ್ಚುಮೆಚ್ಚಿನ ಭಾಗವು ಶಾಲಾ ವಿದ್ಯಾರ್ಥಿಗಳಿಗೆ ತಮ್ಮ ಹೊಸ ಶೂಗಳನ್ನು ಪಡೆಯಲು ಮಕ್ಕಳಿಗೆ ಸಹಾಯ ಮಾಡುವುದಾಗಿತ್ತು. ನಾನು ಕೆಲಸ ಮಾಡಿದ ಸಿಬ್ಬಂದಿ ಬಗ್ಗೆ ಪ್ರೀತಿಯ ನೆನಪುಗಳು ಕಾಡುತ್ತಿವೆ ಎಂದು ಹೇಳಿದ್ದಾರೆ.

ಕ್ಲಾರ್ಕ್ಸ್ ವಕ್ತಾರರು ಈ ಬಗ್ಗೆ ಪ್ರತಿಕ್ರಿಯಿಸಿದ್ದು: "ಬ್ಲ್ಯಾಂಡ್‌ಫೋರ್ಡ್ ಫೋರಮ್ ಸ್ಟೋರ್ ತಂಡದ ಎಲ್ಲಾ ಸದಸ್ಯರಿಗೆ ನಾವು ಪ್ರಾಮಾಣಿಕವಾಗಿ ಧನ್ಯವಾದಗಳನ್ನು ಸಲ್ಲಿಸುತ್ತೇವೆ ಮತ್ತು ಅತ್ಯುತ್ತಮ ಗ್ರಾಹಕ ಸೇವೆಯನ್ನು ಒದಗಿಸುವ ಬದ್ಧತೆಗಾಗಿ ಅದರಲ್ಲೂ ಕ್ಲಾರ್ಕ್ಸ್ ನಲ್ಲಿ ನಿರ್ದಿಷ್ಟವಾಗಿ ಜಿಲ್, ಅವರ ಗಮನಾರ್ಹ ಮತ್ತು ಅಭೂತಪೂರ್ವ 68 ವರ್ಷಗಳ ಸೇವೆ ಮತ್ತು ನಮ್ಮ ಗ್ರಾಹಕರಿಗೆ ಸಮರ್ಪಣೆಯನ್ನು ಎಲ್ಲರೂ ಬಹಳವಾಗಿ ಗೌರವಿಸುತ್ತಾರೆ .ನಾವು ಜಿಲ್‌ಗೆ ಶುಭ ಹಾರೈಸುತ್ತೇವೆ" ಎಂದು ತಮ್ಮ ಪ್ರಕಟನೆಯಲ್ಲಿ ತಿಳಿಸಿದ್ದಾರೆ.