Luxury beauty division sale: ಲಾರಿಯಲ್‌ಗೆ 40,000 ಕೋಟಿ ರೂ. ಮೌಲ್ಯದ ಬ್ಯೂಟಿ ವಿಭಾಗ ಸೇಲ್‌ ಮಾಡಿದ ಕೆರಿಂಗ್..!

ಐಷಾರಾಮಿ ಬ್ರ್ಯಾಂಡ್‌ಗಳ ಸಮೂಹವಾದ ಕೆರಿಂಗ್ (Kering) ತನ್ನ ಬ್ಯೂಟಿ ವಿಭಾಗವನ್ನು ಫ್ರೆಂಚ್ ಸೌಂದರ್ಯ ದೈತ್ಯ ಲ'ಓರಿಯಲ್ (L'Oréal) ಗೆ ಸುಮಾರು 4 ಬಿಲಿಯನ್ ಯುರೋ (ಸುಮಾರು ₹40,000 ಕೋಟಿ) ಮೌಲ್ಯದಲ್ಲಿ ಮಾರಾಟ ಮಾಡಲು ಒಪ್ಪಂದ ಮಾಡಿಕೊಂಡಿದೆ. ಈ ನಿರ್ಧಾರವು ಚೀನಾದ ಮಾರುಕಟ್ಟೆಯಲ್ಲಿ ಗೂಚಿ (Gucci) ಉತ್ಪನ್ನಗಳ ಬೇಡಿಕೆ ಕುಸಿದಿರುವುದರಿಂದ, ಕಂಪನಿ ತನ್ನ ಸಾಲವನ್ನು ಕಡಿಮೆ ಮಾಡುವುದು ಮತ್ತು ಪ್ರಮುಖ ಫ್ಯಾಷನ್ ವ್ಯವಹಾರದ ಮೇಲೆ ಕೇಂದ್ರೀಕರಿಸುವುದು ಉದ್ದೇಶವಾಗಿದೆ.

ಲ'ಓರಿಯಲ್ ಸ್ವಾಧೀನದಲ್ಲಿ ಪ್ರಮುಖ ಬ್ರ್ಯಾಂಡ್‌ಗಳು:

ಒಪ್ಪಂದದಂತೆ, ಲ'ಓರಿಯಲ್ ಕೆರಿಂಗ್‌ನ ಕ್ರೀಡ್ (Creed) ಪರ್ಫ್ಯೂಮ್ ಬ್ರ್ಯಾಂಡ್ ಅನ್ನು ಸಂಪೂರ್ಣವಾಗಿ ಸ್ವಾಧೀನಪಡಿಸಿಕೊಳ್ಳಲಿದೆ. ಜೊತೆಗೆ, ಲ'ಓರಿಯಲ್‌ಗೆ ಗೂಚಿ, ಬೋಟೆಗಾ ವೆನೆಟಾ (Bottega Veneta), ಬಲೆನ್ಸಿಯಾಗಾ (Balenciaga) ಸೇರಿದಂತೆ ಕೆರಿಂಗ್‌ನ ಪ್ರಮುಖ ಫ್ಯಾಷನ್ ಹೌಸ್‌ಗಳಿಗೆ ಸುಗಂಧ ದ್ರವ್ಯ ಮತ್ತು ಸೌಂದರ್ಯ ಉತ್ಪನ್ನಗಳನ್ನು ಅಭಿವೃದ್ಧಿಪಡಿಸಲು 50 ವರ್ಷಗಳ ವಿಶೇಷ ಪರವಾನಗಿ ದೊರೆಯಲಿದೆ.

ಗೂಚಿ ಪರವಾನಗಿ ಹಕ್ಕುಗಳು ಮತ್ತು ಸೀಮಿತ ಸಮಯ:

ಪ್ರಸ್ತುತ, ಗೂಚಿ ಪರಫ್ಯೂಮ್ ಹಕ್ಕುಗಳನ್ನು ಕೋಟಿ (Coty) ಸಂಸ್ಥೆ ಹೊಂದಿದೆ. ಈ ಪರವಾನಗಿ 2028ರಲ್ಲಿ ಮುಗಿಯುವ ನಂತರ ಲ'ಓರಿಯಲ್‌ಗೆ ವರ್ಗಾವಣೆಯಾಗುವ ನಿರೀಕ್ಷೆಯಿದೆ. ಈ ಮಾರಾಟದ ಮೂಲಕ ಕೆರಿಂಗ್ ತನ್ನ ಸಾಲವನ್ನು ಕಡಿಮೆ ಮಾಡಿಕೊಳ್ಳಲು ಮತ್ತು ಆರ್ಥಿಕ ಸ್ಥಿರತೆಯನ್ನು ಸಾಧಿಸಲು ಉದ್ದೇಶಿಸಿದೆ.

ಆರ್ಥಿಕ ಸ್ಥಿತಿ ಮತ್ತು CEO ಕ್ರಮಗಳು:

ಕೆರಿಂಗ್‌ಗೆ ಪ್ರಸ್ತುತ ಸುಮಾರು 9.5 ಬಿಲಿಯನ್ ಯುರೋಗಳ ನಿವ್ವಳ ಸಾಲ ಮತ್ತು 6 ಬಿಲಿಯನ್ ಯುರೋಗಳ ದೀರ್ಘಾವಧಿ ಬಾಧ್ಯತೆಗಳು ಇವೆ. ಇತ್ತೀಚಿನ ತ್ರೈಮಾಸಿಕದಲ್ಲಿ ಗೂಚಿಯ ಆದಾಯವು ವರ್ಷಕ್ಕೆ 25% ಕುಸಿತ ಕಂಡಿದ್ದು, ಕಂಪನಿಗೆ ಒತ್ತಡ ಹೆಚ್ಚಿಸಿದೆ. ಹೊಸ ಸಿಇಒ ಲೂಕಾ ಡಿ ಮಿಯೋ (Luca de Meo) ನೇತೃತ್ವದಲ್ಲಿ, ಕೆಲ ಕಠಿಣ ನಿರ್ಧಾರಗಳನ್ನು ತೆಗೆದುಕೊಂಡು, ಕಂಪನಿಯ ಆರ್ಥಿಕ ಸ್ಥಿತಿಯನ್ನು ಸುಧಾರಿಸಲು ಈ ಒಪ್ಪಂದಕ್ಕೆ ಸಹಿ ಹಾಕಲಾಗಿದೆ.

ವ್ಯವಹಾರ ವೈವಿಧ್ಯಗೊಳಿಸುವ ಉದ್ದೇಶ:

2023ರಲ್ಲಿ ಕೆರಿಂಗ್ 3.5 ಬಿಲಿಯನ್ ಯುರೋಗಳಿಗೆ ಕ್ರೀಡ್ ಅನ್ನು ಖರೀದಿಸಿ ತನ್ನ ಬ್ಯೂಟಿ ವಿಭಾಗವನ್ನು ಸ್ಥಾಪಿಸಿತ್ತು. ಗೂಚಿಯ ಮೇಲಿನ ಅವಲಂಬನೆಯನ್ನು ಕಡಿಮೆ ಮಾಡುವುದು ಮತ್ತು ವ್ಯವಹಾರವನ್ನು ವೈವಿಧ್ಯಗೊಳಿಸುವುದು ಈ ಮಾರಾಟದ ಮುಖ್ಯ ಉದ್ದೇಶ. ಆದರೆ ಹೊಸ ವಿಭಾಗವು ಪ್ರಾರಂಭದಾರ್ಧ ವರ್ಷದಲ್ಲಿ 60 ಮಿಲಿಯನ್ ಯುರೋ ನಷ್ಟ ಅನುಭವಿಸಿತು.

ಲ'ಓರಿಯಲ್ ವಿಶ್ವದ ಅತಿದೊಡ್ಡ ಸೌಂದರ್ಯ ಕಂಪನಿಯಾಗಿದ್ದು, ಈಗಾಗಲೇ ಕೆರಿಂಗ್‌ನೊಂದಿಗೆ ವ್ಯಾಪಾರ ಸಂಬಂಧ ಹೊಂದಿದೆ. 2008ರಲ್ಲಿ ಅದು ಇವ್ಸ್ ಸೇಂಟ್ ಲಾರೆಂಟ್ (Yves Saint Laurent) ಬ್ರ್ಯಾಂಡ್‌ನ ಹಕ್ಕುಗಳನ್ನು ಕೆರಿಂಗ್‌ನಿಂದ ಖರೀದಿಸಿತ್ತು. ಇತ್ತೀಚಿನ ಒಪ್ಪಂದವು ಲ'ಓರಿಯಲ್‌ಗೆ ಅತ್ಯಂತ ದೊಡ್ಡ ಖರೀದಿಯಾಗಿದ್ದು, 2023ರಲ್ಲಿ ಆಸ್ಟ್ರೇಲಿಯಾದ ಏಸೋಪ್ (Aesop) ಖರೀದಿಗೆ ಹೋಲಿಸಿದರೆ ದೊಡ್ಡದು.