ನಿಮ್ಮ ಎಲ್‌ಪಿಜಿ ಸಿಲಿಂಡರ್‌ಗೂ ಇದೆ ಎಕ್ಸ್‌ಪೈರಿ ಡೇಟ್‌, ಇದನ್ನು ತಿಳಿಯುವುದು ಹೇಗೆ?

ನವದೆಹಲಿ, ಸೆಪ್ಟೆಂಬರ್‌ 17: ಎಲ್‌ಪಿಜಿ ಸಿಲಿಂಡರ್ ಅನ್ನು ರೀಫಿಲ್ ಮಾಡುವಾಗ ಅದರ ಮುಕ್ತಾಯ ದಿನಾಂಕವನ್ನು ನೀವು ಕಡ್ಡಾಯವಾಗಿ ಪರಿಶೀಲಿಸಬೇಕು. ನೀವು ಅವಧಿ ಮೀರಿದ ಸಿಲಿಂಡರ್ ಅನ್ನು ಖರೀದಿಸುವುದು ಅಪಾಯಕಾರಿಯಾಗಿದೆ. ಇದರಿಂದ ಭಾರೀ ಅನಾಹುತಗಳು ನಡೆಯುವ ಸಂಭವವಿರುತ್ತದೆ. ಆದ್ದರಿಂದ ಮುನ್ನೆಚ್ಚರಿಕೆ ತೆಗೆದುಕೊಳ್ಳುವುದು ಬುದ್ಧಿವಂತಿಕೆಯಾಗಿದೆ.

ಪ್ರತಿ ತಿಂಗಳು ಹೊಸ ಗ್ಯಾಸ್ ಸಿಲಿಂಡರ್ ಖರೀದಿಸುವಾಗ ಹೆಚ್ಚಿನ ಜನರು ಸಿಲಿಂಡರ್‌ನಿಂದ ಗ್ಯಾಸ್ ಸೋರಿಕೆಯಾಗುತ್ತಿದೆಯೇ ಎಂದು ಮೊದಲು ಪರಿಶೀಲಿಸುತ್ತಾರೆ. ಇದಲ್ಲದೇ ಹಲವು ಬಾರಿ ಅದರ ತೂಕವನ್ನೂ ಪರಿಶೀಲಿಸುತ್ತಾರೆ. ಆದರೆ ಸಿಲಿಂಡರ್‌ನ ಮುಕ್ತಾಯ ದಿನಾಂಕವನ್ನು ಎಂದಿಗೂ ಪರಿಶೀಲಿಸಲು ಹೋಗುವುದಿಲ್ಲ.

ನೀವು ಇಲ್ಲಿ ಸಿಲಿಂಡರ್ ಸಹ ಮುಕ್ತಾಯ ದಿನಾಂಕವನ್ನು ಹೊಂದಿದೆ ಎಂದು ಗೊತ್ತಿರಬೇಕು. ಈ ಮುಕ್ತಾಯ ದಿನಾಂಕವನ್ನು ಪ್ರತಿ ಸಿಲಿಂಡರ್‌ನಲ್ಲಿ ದೊಡ್ಡ ಅಕ್ಷರಗಳಲ್ಲಿ ಬರೆಯಲಾಗಿರುತ್ತದೆ. ಅದು ಯಾವಾಗ ಎಂದು ಅರ್ಥಮಾಡಿಕೊಳ್ಳುವುದು ಬಹಳ ಮುಖ್ಯ.

ಸಿಲಿಂಡರ್‌ನ ಮುಕ್ತಾಯ ದಿನಾಂಕವನ್ನು ಎಲ್ಲಿ ಬರೆದಿರುತ್ತದೆ:

ಸಿಲಿಂಡರ್ ಮಾರಾಟಗಾರರು ನಿಮ್ಮ ಮನೆಗೆ ಗ್ಯಾಸ್ ಸಿಲಿಂಡರ್ ಅನ್ನು ತಂದಾಗ ಮೊದಲು ಆ ಸಿಲಿಂಡರ್‌ನ ಮುಕ್ತಾಯ ದಿನಾಂಕವನ್ನು ಪರಿಶೀಲಿಸವುದು ಅಗತ್ಯ. ಸಿಲಿಂಡರ್‌ನ ಮೇಲಿನ ಭಾಗದ ಕೆಳಗೆ ಉಳಿದಿರುವ ಪಟ್ಟಿ, ಅಂದರೆ ಸುತ್ತಿನ ಭಾಗವನ್ನು ನೋಡಿ ಪರಿಶೀಲಿಸಿಕೊಳ್ಳಿ. ಅದರ ಮೇಲೆ ಇಂಗ್ಲಿಷ್ ಅಕ್ಷರ ಮತ್ತು ಸಂಖ್ಯೆಯನ್ನು ಬರೆಯಲಾಗಿದೆ. ಇದು ಕೋಡ್‌ನಲ್ಲಿ ನೀಡಲಾಗಿರುತ್ತದೆ. ಇದನ್ನು ಮುಕ್ತಾಯ ದಿನಾಂಕ ಎಂದು ಕರೆಯಲಾಗುತ್ತದೆ. ಸುತ್ತಿನ ಭಾಗದ ಕೆಳಗಿನ ಪಟ್ಟಿಯನ್ನು ನೀವು ನೋಡಿದಾಗ, ಹಳದಿ ಅಥವಾ ಹಸಿರು ಪಟ್ಟಿ ಇರುತ್ತದೆ.

ಅದರ ಮೇಲೆ ಬಿಳಿ ಅಥವಾ ಕಪ್ಪು ಬಣ್ಣದಲ್ಲಿ ಸಂಖ್ಯೆಯನ್ನು ಬರೆಯಲಾಗಿರುತ್ತದೆ. ನಿಮ್ಮ ಗ್ಯಾಸ್ ಸಿಲಿಂಡರ್‌ನಲ್ಲಿ ಎ-25 ಎಂದು ಬರೆದಿದ್ದರೆ, ಈ ಸಿಲಿಂಡರ್ ಜನವರಿ 2025 ರಲ್ಲಿ ಮುಕ್ತಾಯಗೊಳ್ಳುತ್ತದೆ ಎಂದರ್ಥ. ವಾಸ್ತವವಾಗಿ, ಅದರ ಮೇಲೆ ಬರೆದಿರುವ A ನಿಂದ D ಅಕ್ಷರಗಳು ತಿಂಗಳ ಮಾಹಿತಿಯನ್ನು ನೀಡುತ್ತವೆ ಮತ್ತು ಸಂಖ್ಯೆಗಳು ವರ್ಷದ ಮಾಹಿತಿಯನ್ನು ನೀಡುತ್ತವೆ.

ಎಬಿಸಿಡಿ ಎಂಬುದರ ಅರ್ಥವೇನು:

ಎಬಿಸಿಡಿಯನ್ನು ಈ ಕೋಡ್‌ನಲ್ಲಿ ತಲಾ ಮೂರು ತಿಂಗಳುಗಳಾಗಿ ವಿಂಗಡಿಸಲಾಗಿದೆ. ಎ ಎಂದರೆ ಜನವರಿ, ಫೆಬ್ರವರಿ ಮತ್ತು ಮಾರ್ಚ್. ಅದೇ ರೀತಿ ಬಿ ಎಂದರೆ ಏಪ್ರಿಲ್, ಮೇ ಮತ್ತು ಜೂನ್. ಅದೇ ರೀತಿ ಸಿ ಎಂದರೆ ಜುಲೈ, ಆಗಸ್ಟ್, ಸೆಪ್ಟೆಂಬರ್. ಅದೇ ರೀತಿ ಡಿ ಎಂದರೆ ಅಕ್ಟೋಬರ್, ನವೆಂಬರ್ ಮತ್ತು ಡಿಸೆಂಬರ್ ಆಗಿರುತ್ತದೆ.

ಈಗ ನಿಮ್ಮ ಸಿಲಿಂಡರ್‌ನಲ್ಲಿ A-24 ಎಂದು ಬರೆದಿದ್ದರೆ, ನಿಮ್ಮ ಸಿಲಿಂಡರ್ 2024 ರಲ್ಲಿ ಜನವರಿ ಮತ್ತು ಮಾರ್ಚ್ ನಡುವೆ ಅವಧಿ ಮುಗಿಯುತ್ತದೆ ಎಂದರ್ಥ. ಆದರೆ D-27 ಎಂದು ಬರೆದಿದ್ದರೆ, ಅಂದರೆ 2027 ರಲ್ಲಿ ಅಕ್ಟೋಬರ್ ಮತ್ತು ಡಿಸೆಂಬರ್ ನಡುವೆ ಸಿಲಿಂಡರ್ ಅವಧಿ ಮುಗಿಯುತ್ತದೆ. ಈ ರೀತಿಯಲ್ಲಿ ನಿಮ್ಮ ಸಿಲಿಂಡರ್‌ನಲ್ಲಿ ಬರೆದಿರುವ ಮುಕ್ತಾಯ ದಿನಾಂಕವನ್ನು ಸಹ ನೀವು ತಿಳಿಯಬಹುದು.

ಮುಕ್ತಾಯ ದಿನಾಂಕವನ್ನು ಏಕೆ ಬರೆದಿರುತ್ತಾರೆ:

ಸಿಲಿಂಡರ್‌ನಲ್ಲಿ ಬರೆಯಲಾದ ಈ ದಿನಾಂಕವು ಪರೀಕ್ಷಾ ದಿನಾಂಕವಾಗಿದೆ. ಇದರ ಅರ್ಥವೇನೆಂದರೆ, ಈ ದಿನಾಂಕದಂದು ಸಿಲಿಂಡರ್ ಅನ್ನು ಪರೀಕ್ಷೆಗೆ ಕಳುಹಿಸಲಾಗುತ್ತದೆ. ಸಿಲಿಂಡರ್ ಮುಂದಿನ ಬಳಕೆಗೆ ಯೋಗ್ಯವಾಗಿದೆಯೇ ಅಥವಾ ಇಲ್ಲವೇ ಎಂಬುದನ್ನು ನೋಡಲಾಗುತ್ತದೆ. ಸಿಲಿಂಡರ್ ಅನ್ನು ಪರಿಶೀಲಿಸುವಾಗ ಅದರ ಹೈಡ್ರೋ ಪರೀಕ್ಷೆಯನ್ನು ಮಾಡಲಾಗುತ್ತದೆ. ಇದಲ್ಲದೆ, ಇದನ್ನು 5 ಪಟ್ಟು ಹೆಚ್ಚು ಒತ್ತಡದೊಂದಿಗೆ ಪರೀಕ್ಷಿಸಲಾಗುತ್ತದೆ. ಪರೀಕ್ಷೆಯ ಸಮಯದಲ್ಲಿ ಮಾನದಂಡಗಳನ್ನು ಪೂರೈಸದ ಅಂತಹ ಸಿಲಿಂಡರ್‌ಗಳು ನಾಶವಾಗುತ್ತವೆ.

ಸಿಲಿಂಡರ್‌ನ ಜೀವಿತಾವಧಿ ಎಷ್ಟಿರುತ್ತದೆ:

ಸಾಮಾನ್ಯವಾಗಿ ಎಲ್‌ಪಿಜಿ ಗ್ಯಾಸ್ ಸಿಲಿಂಡರ್‌ನ ಜೀವಿತಾವಧಿ 15 ವರ್ಷಗಳು ಆಗಿರುತ್ತದೆ. ಸೇವೆಯ ಸಮಯದಲ್ಲಿ ಸಿಲಿಂಡರ್ ಅನ್ನು ಎರಡು ಬಾರಿ ಪರೀಕ್ಷೆಗೆ ಕಳುಹಿಸಲಾಗುತ್ತದೆ. ಮೊದಲ ಪರೀಕ್ಷೆಯನ್ನು 10 ವರ್ಷಗಳ ನಂತರ ಮಾಡಲಾಗುತ್ತದೆ ಮತ್ತು ಎರಡನೇ ಪರೀಕ್ಷೆಯನ್ನು 5 ವರ್ಷಗಳ ನಂತರ ಮಾಡಲಾಗುತ್ತದೆ.