ಮತ್ತೆ ದುಬಾರಿಯಾದ ಮಾರುತಿ ಸುಜುಕಿ ವಾಹನಗಳು; ಏ. 1 ರಿಂದ ಶೇ.4 ರಷ್ಟು ಏರಿಕೆ

ಮಾರುತಿ ಸುಜುಕಿಯ ಕಾರು ಕೊಂಡುಕೊಳ್ಳಲು ತಯಾರಿ ನಡೆಸುವವರಿಗೆ ಬೇಸರ ಸುದ್ದಿ ಒಂದಿದೆ. ಮಾರುತಿ ಸುಜುಕಿ ಸಂಸ್ಥೆಯು, ಏಪ್ರಿಲ್ 1 ರಿಂದ ತನ್ನ ಎಲ್ಲಾ ವಾಹನಗಳ ಬೆಲೆಯನ್ನು 4% ರಷ್ಟು ಹೆಚ್ಚಿಸುವುದಾಗಿ ತಿಳಿಸಿದೆ. ಈ ಬಗ್ಗೆ ಸೋಮವಾರ ಪ್ರಕಟಣೆ ಹೊರಡಿಸಿದ್ದು ಇದರ ಪರಿಣಾಮವಾಗಿ, ಮಾರುತಿ ಸುಜುಕಿ ಷೇರು ಮಾರುಕಟ್ಟೆಯಲ್ಲಿ 2% ರಷ್ಟು ಏರಿಕೆ ಕಂಡಿದೆ. ಹೆಚ್ಚುತ್ತಿರುವ ಇನ್‌ಪುಟ್ ವೆಚ್ಚಗಳು ಮತ್ತು ಕಾರ್ಯಾಚರಣೆಯ ವೆಚ್ಚಗಳು ಈ ನಿರ್ಧಾರದ ಹಿಂದಿನ ಪ್ರಮುಖ ಕಾರಣಗಳಾಗಿವೆ ಎಂದು ಕಂಪನಿ ಉಲ್ಲೇಖಿಸಿದೆ.

ಮಾರುತಿ ಸುಜುಕಿ ದೇಶೀಯ ಮಾರುಕಟ್ಟೆಯಲ್ಲಿ ಆರಂಭಿಕ ಹಂತದ ಆಲ್ಟೊ ಕೆ10 ನಿಂದ ಹಿಡಿದು ಬಹುಪಯೋಗಿ ವಾಹನ ಇನ್ವಿಕ್ಟೊ ವರೆಗಿನ ಮಾದರಿಗಳನ್ನು ಮಾರಾಟ ಮಾಡುತ್ತದೆ. ವಾಹನದ ಮಾದರಿಯನ್ನು ಅವಲಂಬಿಸಿ ಬೆಲೆ ಏರಿಕೆಯ ಪ್ರಮಾಣದಲ್ಲಿ ವ್ಯತ್ಯಾಸವಿರುತ್ತದೆ ಎಂದು ಕಂಪನಿಯು ಹೇಳಿಕೆಯಲ್ಲಿ ಸ್ಪಷ್ಟಪಡಿಸಿದೆ. ಕಂಪನಿಯು ತನ್ನ ವೆಚ್ಚವನ್ನು ಕಡಿಮೆ ಮಾಡಲು ಮತ್ತು ಗ್ರಾಹಕರ ಮೇಲೆ ಬೀಳುವ ಹೊರೆ ಕಡಿಮೆ ಮಾಡಲು ಪ್ರಯತ್ನಿಸುತ್ತಿದೆ. ಆದರೂ, ವೆಚ್ಚ ಹೆಚ್ಚಾದ ಕಾರಣ ಬೆಲೆಯ ಸ್ವಲ್ಪ ಭಾಗವನ್ನು ಗ್ರಾಹಕರಿಗೆ ವರ್ಗಾಯಿಸುವುದು ಅನಿವಾರ್ಯವಾಗಿದೆ ಎಂದು ಕಂಪನಿ ಹೇಳಿದೆ. ಆಟೋಮೊಬೈಲ್ ಉದ್ಯಮವು ಹಣದುಬ್ಬರದ ಒತ್ತಡಗಳು, ಹೆಚ್ಚಿದ ಕಚ್ಚಾ ವಸ್ತುಗಳ ವೆಚ್ಚಗಳು ಮತ್ತು ಹೆಚ್ಚಿದ ಲಾಜಿಸ್ಟಿಕ್ಸ್ ವೆಚ್ಚಗಳೊಂದಿಗೆ ಹೋರಾಡುತ್ತಿರುವಾಗ ಮಾರುತಿ ಸುಜುಕಿಯಿಂದ ಈ ಹೇಳಿಕೆ ಬಂದಿದೆ

ಮಾಡೆಲ್ ಗೆ ಅನುಗುಣವಾಗಿ ಬೆಲೆ ಹೆಚ್ಚಳದಲ್ಲಿ ವ್ಯತ್ಯಾಸ:

ಮಾರುತಿ ಸುಜುಕಿ ಇಂಡಿಯಾ ನಿಯಂತ್ರಕ ದಾಖಲೆಯಲ್ಲಿ, ಹೆಚ್ಚುತ್ತಿರುವ ಒಳಹರಿವಿನ ವೆಚ್ಚಗಳು ಮತ್ತು ಕಾರ್ಯಾಚರಣೆಯ ವೆಚ್ಚಗಳ ಕಾರಣದಿಂದಾಗಿ ಏಪ್ರಿಲ್‌ನಿಂದ ತಮ್ಮ ಕಾರುಗಳ ಬೆಲೆಯನ್ನು ಹೆಚ್ಚಿಸಲು ಯೋಜಿಸಿದೆ ಎಂದು ಹೇಳಿದೆ. ಬೆಲೆ ಹೆಚ್ಚಳವು ಕಾರು ಮಾಡಲ್ ಗಳನ್ನು ಅವಲಂಬಿಸಿ ಬದಲಾಗುತ್ತದೆ. ಕಂಪನಿಯು ನಿರಂತರವಾಗಿ ವೆಚ್ಚವನ್ನು ಉತ್ತಮಗೊಳಿಸಲು ಮತ್ತು ಗ್ರಾಹಕರ ಮೇಲಿನ ಪರಿಣಾಮವನ್ನು ಕಡಿಮೆ ಮಾಡಲು ಪ್ರಯತ್ನಿಸುತ್ತಿದೆ, ಆದರೆ ಹೆಚ್ಚಿದ ವೆಚ್ಚದ ಒಂದು ಭಾಗವನ್ನು ಮಾರುಕಟ್ಟೆಗೆ ವರ್ಗಾಯಿಸಬೇಕಾಗುತ್ತದೆ ಎಂದು ಕಂಪನಿ ಹೇಳಿದೆ.

ಇದಕ್ಕೂ ಮೊದಲು, ಜನವರಿಯಲ್ಲಿ, ಕಂಪನಿಯು ಫೆಬ್ರವರಿ 1 ರಿಂದ ವಿವಿಧ ಮಾಡೆಲ್ ಗಳ ಬೆಲೆಯಲ್ಲಿ 32,500 ರೂಪಾಯಿಗಳವರೆಗೆ ಹೆಚ್ಚಳವನ್ನು ಘೋಷಿಸಿತ್ತು. ಮಾರುತಿ ಸುಜುಕಿ ಇಂಡಿಯಾ ಷೇರುಗಳು ಶೇ. 0.61 ರಷ್ಟು ಏರಿಕೆಯಾಗಿ ₹ 11,578 ಕ್ಕೆ ವಹಿವಾಟು ನಡೆಸುತ್ತಿವೆ.

ಫೆಬ್ರವರಿಯಲ್ಲಿ ಕಂಪನಿಯ ಮಾರಾಟ

ಮಾರುತಿ ಸುಜುಕಿ ಇಂಡಿಯಾ ಫೆಬ್ರವರಿಯಲ್ಲಿ ಒಟ್ಟು ಮಾರಾಟದಲ್ಲಿ 1,99,400 ಯುನಿಟ್‌ಗಳಿಗೆ ಏರಿಕೆಯಾಗಿದೆ ಎಂದು ವರದಿ ಮಾಡಿದೆ. ಆದರೆ ಕಳೆದ ವರ್ಷ ಇದೇ ತಿಂಗಳಲ್ಲಿ ಕಂಪನಿಯು ಒಟ್ಟು 1,97,471 ಯುನಿಟ್‌ಗಳನ್ನು ಮಾರಾಟ ಮಾಡಿತ್ತು. ಇನ್ನು ಕಳೆದ ತಿಂಗಳು ಒಟ್ಟು ವಾಹನ ಮಾರಾಟ 1,60,791 ಯುನಿಟ್‌ಗಳಾಗಿದ್ದು, ಕಳೆದ ವರ್ಷದ ಇದೇ ಅವಧಿಯಲ್ಲಿ ಇದು 1,60,271 ಯುನಿಟ್‌ಗಳಷ್ಟಿತ್ತು ಎಂದು ಕಂಪನಿ ತಿಳಿಸಿದೆ. ಇದು ಕಳೆದ ವರ್ಷ ಮತ್ತು ಈ ವರ್ಷಕ್ಕೆ ಹೋಲಿಸಿದರೆ ಇದು ಕೊಂಚ ಕುಸಿತ ಕಂಡಿದೆ.

ಕಂಪನಿಯು ಇತ್ತೀಚೆಗೆ ವಾಹನ ಹಣಕಾಸುಗಾಗಿ ಹೀರೋ ಫಿನ್‌ಕಾರ್ಪ್ ಜೊತೆ ಕೈಜೋಡಿಸಿದೆ. ಘಟಕಗಳ ನಡುವಿನ ಒಪ್ಪಂದದ ಪ್ರಕಾರ, ಪಾಲುದಾರಿಕೆಯು ವಾಹನ ತಯಾರಕರ ವ್ಯಾಪಕ ಜಾಲ ಮತ್ತು ಹೊಸ ಮತ್ತು ಪೂರ್ವ ಸ್ವಾಮ್ಯದ ಕಾರು ಸಾಲಗಳಿಗೆ ಹೀರೋ ಫಿನ್‌ಕಾರ್ಪ್‌ನ ಹಣಕಾಸು ಪರಿಹಾರಗಳ ಕೊಡುಗೆಯನ್ನು ಬಳಸಿಕೊಳ್ಳುತ್ತದೆ.