ನೆಸ್ಲೆಯ ಸೆರೆಲಾಕ್ ಶಿಶು ಹಾಲಿನಲ್ಲಿ ಸಕ್ಕರೆ ಅಂಶ ಪತ್ತೆ: ತನಿಖಾ ವರದಿಯಲ್ಲಿ ಬಹಿರಂಗ

ನವದೆಹಲಿ, ಏಪ್ರಿಲ್‌ 18: ವಿಶ್ವದ ಅತಿದೊಡ್ಡ ಕನ್ಸ್ಯೂಮರ್ ಗೂಡ್ಸ್ ಮತ್ತು ಬೇಬಿ ಫಾರ್ಮುಲಾ ತಯಾರಕ ನೆಸ್ಲೆ ಸಂಸ್ಥೆಯೂ ಭಾರತ, ಇತರ ಏಷ್ಯಾ, ಆಫ್ರಿಕನ್ ದೇಶಗಳಲ್ಲಿ ಮಾರಾಟವಾಗುವ ಶಿಶುಗಳ ಹಾಲಿಗೆ ಸಕ್ಕರೆಯನ್ನು ಸೇರಿಸುತ್ತಿದೆ ಎಂಬ ಅಘಾತಕಾರಿ ವರದಿ ಹೊರಬಿದ್ದಿದೆ.

ಪಬ್ಲಿಕ್ ಐ, ಸ್ವಿಸ್ ತನಿಖಾ ಸಂಸ್ಥೆ ನಡೆಸಿದ ತನಿಖಾ ವರದಿಯ ಪ್ರಕಾರ, ನೆಸ್ಲೆ ಭಾರತ ಸೇರಿದಂತೆ ಹಲವಾರು ದೇಶಗಳಲ್ಲಿ ಶಿಶು ಹಾಲು ಮತ್ತು ಏಕದಳ ಉತ್ಪನ್ನಗಳಿಗೆ ಸುಕ್ರೋಸ್ ಅಥವಾ ಜೇನುತುಪ್ಪದ ರೂಪದಲ್ಲಿ ಸಕ್ಕರೆಯನ್ನು ಸೇರಿಸಿದೆ. ಇದು ಸ್ಥೂಲಕಾಯತೆ ಮತ್ತು ದೀರ್ಘಕಾಲದ ಕಾಯಿಲೆಗಳನ್ನು ತಡೆಗಟ್ಟುವಲ್ಲಿ ಕೇಂದ್ರೀಕರಿಸುವ ಅಂತರರಾಷ್ಟ್ರೀಯ ಮಾರ್ಗಸೂಚಿಗಳ ನೇರ ಉಲ್ಲಂಘನೆಯಾಗಿದೆ. ಆದರೆ ಉಲ್ಲಂಘನೆಗಳು ಏಷ್ಯನ್, ಆಫ್ರಿಕನ್ ಮತ್ತು ಲ್ಯಾಟಿನ್ ಅಮೇರಿಕನ್ ದೇಶಗಳಲ್ಲಿ ಮಾತ್ರ ಕಂಡುಬಂದಿವೆ ಎಂದು ಎಂದು ಪಬ್ಲಿಕ್ ಐ ನಡೆಸಿದ ತನಿಖೆ ಹೇಳಿದೆ.

ಏಷ್ಯಾ, ಆಫ್ರಿಕಾ ಮತ್ತು ಲ್ಯಾಟಿನ್ ಅಮೆರಿಕದಲ್ಲಿ ಮಾರಾಟವಾದ ಬಹುರಾಷ್ಟ್ರೀಯ ಶಿಶು-ಆಹಾರ ಉತ್ಪನ್ನಗಳ ಮಾದರಿಗಳನ್ನು ಸ್ವಿಸ್ ಸಂಸ್ಥೆಯು ಬೆಲ್ಜಿಯಂ ಪ್ರಯೋಗಾಲಯಕ್ಕೆ ಪರೀಕ್ಷೆಗಾಗಿ ಕಳುಹಿಸಿದ ನಂತರ ಈ ಮಾಹಿತಿ ಬಹಿರಂಗವಾಗಿದೆ.

ಭಾರತದಲ್ಲಿ ನೆಸ್ಲೆಯಿಂದ ಹೆಚ್ಚು ಮಾರಾಟವಾಗುವ ಎರಡು ಬೇಬಿ-ಫುಡ್ ಪ್ರೋಡಕ್ಟ್ ಗಳಲ್ಲಿ ಹೆಚ್ಚಿನ ಮಟ್ಟದ ಸಕ್ಕರೆಯನ್ನು ಹೊಂದಿರುತ್ತವೆ ಎಂದು ವರದಿ ಹೇಳಿಕೊಂಡಿದೆ. ಆದರೆ ಯುನೈಟೆಡ್ ಕಿಂಗ್‌ಡಮ್, ಜರ್ಮನಿ ಸ್ವಿಟ್ಜರ್‌ಲ್ಯಾಂಡ್ ಮತ್ತು ಇತರ ಅಭಿವೃದ್ಧಿ ಹೊಂದಿದ ರಾಷ್ಟ್ರಗಳಲ್ಲಿ ಅಂತಹ ಉತ್ಪನ್ನಗಳು ಸಕ್ಕರೆ ಮುಕ್ತವಾಗಿವೆ ಎಂದು ಪಬ್ಲಿಕ್ ಐ ಗಮನಿಸಿದೆ.

ಭಾರತದಲ್ಲಿ, ಎಲ್ಲಾ 15 ಸೆರೆಲಾಕ್ ಬೇಬಿ ಉತ್ಪನ್ನಗಳು ಪ್ರತಿ ಸೇವೆಗೆ ಸರಾಸರಿ 3 ಗ್ರಾಂ ಸಕ್ಕರೆಯನ್ನು ಹೊಂದಿರುತ್ತವೆ ಎಂದು ಸಂಶೋಧನೆಗಳು ತೋರಿಸಿವೆ. ಇದೇ ಉತ್ಪನ್ನವನ್ನು ಜರ್ಮನಿ ಮತ್ತು ಯುಕೆಯಲ್ಲಿ ಯಾವುದೇ ಸೇರಿಸಿದ ಸಕ್ಕರೆಯಿಲ್ಲದೆ ಮಾರಾಟ ಮಾಡಲಾಗುತ್ತಿದೆ ಎಂದು ಅದು ಸೇರಿಸಲಾಗಿದೆ. ಇಥಿಯೋಪಿಯಾ ಮತ್ತು ಥೈಲ್ಯಾಂಡ್‌ನಲ್ಲಿ, ಉತ್ಪನ್ನವು ಪ್ರತಿ ಸೇವೆಗೆ ಸುಮಾರು 6 ಗ್ರಾಂ ಸಕ್ಕರೆಯನ್ನು ಹೊಂದಿರುತ್ತದೆ ಎಂದು ಅಧ್ಯಯನ ಹೇಳಿದೆ.

ಭಾರತದಲ್ಲಿ 2022ರಲ್ಲಿ ಮಾರಾಟವು 250 ಮಿಲಿಯನ್ ಡಾಲರ್​ ಮೀರಿತ್ತು. ಎಲ್ಲಾ ಸೆರೆಲ್ಯಾಕ್ ಬೇಬಿ ಸಿರಿಲ್​ಗಳು ಪ್ರತಿ ಡಬ್ಬವು ಸರಾಸರಿ 3 ಗ್ರಾಂನಷ್ಟು ಸಕ್ಕರೆ ಅಂಶವನ್ನು ಹೊಂದಿದೆ ಎಂಬುದು ತಿಳಿದುಬಂದಿದೆ.

ಅದೇ ಪರಿಸ್ಥಿತಿಯು ಆಫ್ರಿಕಾದ ಖಂಡದ ಮುಖ್ಯ ಮಾರುಕಟ್ಟೆಯಾದ ದಕ್ಷಿಣ ಆಫ್ರಿಕಾದಲ್ಲಿ ಚಾಲ್ತಿಯಲ್ಲಿದೆ, ಅಲ್ಲಿ ಎಲ್ಲಾ ಸೆರೆಲಾಕ್ ಬೇಬಿ ಸಿರಿಲ್‌ಗಳು ನಾಲ್ಕು ಗ್ರಾಂ ಅಥವಾ ಹೆಚ್ಚಿನ ಸಕ್ಕರೆಯನ್ನು ಹೊಂದಿರುತ್ತವೆ. ಇನ್ನು ಬ್ರೆಜಿಲ್‌ ದೇಶ ನೆಸ್ಲೆಯ ವಿಶ್ವದ ಎರಡನೇ ಅತಿದೊಡ್ಡ ಮಾರುಕಟ್ಟೆಯಾಗಿದ್ದು, 2022 ರಲ್ಲಿ ಸುಮಾರು $150 ಮಿಲಿಯನ್ ಮಾರಾಟವಾಗಿದೆ. ಇಲ್ಲಿ ಸೆರೆಲಾಕ್ ಬೇಬಿ ಸಿರಿಲ್‌ಗಳು ಮುಸಿಲಾನ್ ಹೆಸರಿನಿಂದ ಕರೆಯಲಾಗುತ್ತಿದ್ದು, ಸರಾಸರಿ 3 ಗ್ರಾಂಗಳಷ್ಟು ಸಕ್ಕರೆಯನ್ನು ಹೊಂದಿರುತ್ತವೆ ಎಂದು ವರದಿ ಬಹಿರಂಗಪಡಿಸಿದೆ.

ಪ್ಯಾಕೇಜಿಂಗ್ ಲೇಬಲ್‌ಗಳಲ್ಲಿ ನೆಸ್ಲೆ ಸಕ್ಕರೆಯ ಪ್ರಮಾಣದ ಬಗ್ಗೆ ತಿಳಿಸಿದೆಯೇ?

"ನೆಸ್ಲೆ ತನ್ನ ಉತ್ಪನ್ನಗಳಲ್ಲಿರುವ ವಿಟಮಿನ್‌ಗಳು, ಖನಿಜಾಂಶಗಳು ಮತ್ತು ಇತರ ಪೋಷಕಾಂಶಗಳನ್ನು ಆದರ್ಶೀಕರಿಸುವ ಚಿತ್ರಣವನ್ನು ಬಳಸಿಕೊಂಡು ಪ್ರಮುಖವಾಗಿ ಎತ್ತಿ ತೋರಿಸುತ್ತದೆ. ಆದರೆ ಸಕ್ಕರೆ ವಿಚಾರಕ್ಕೆ ಬಂದಾಗ ಅದು ಪಾರದರ್ಶಕತೆ ತೋರಿಲ್ಲಈ ರೀತಿಯ ಉತ್ಪನ್ನಗಳ ಪ್ಯಾಕೇಜಿಂಗ್‌ನಲ್ಲಿ ಲಭ್ಯವಿರುವ ಪೌಷ್ಠಿಕಾಂಶದ ಮಾಹಿತಿಯಲ್ಲಿ ಸೇರಿಸಲಾದ ಸಕ್ಕರೆಯನ್ನು ಹೆಚ್ಚಾಗಿ ಸೇರಿಸಲಾಗುವುದಿಲ್ಲ ತನಿಖಾ ಸಂಸ್ಥೆಯೂ ವರದಿಯಲ್ಲಿ ಗಮನಿಸಿದೆ,

ಸಕ್ಕರೆಯುಕ್ತ ಉತ್ಪನ್ನಗಳಿಂದ ಶಿಶುಗಳ ಮೇಲೆ ಬೀರುವ ಪರಿಣಾಮದ ಬಗ್ಗೆ ತಜ್ಞರ ಅಭಿಪ್ರಾಯ:

ಮಗುವಿನ ಉತ್ಪನ್ನಗಳಿಗೆ ಸಕ್ಕರೆ ಸೇರಿಸುವುದು ಅಪಾಯಕಾರಿ ಮತ್ತು ಅನಗತ್ಯ ಅಭ್ಯಾಸವಾಗಿದೆ ಎನ್ನುತ್ತಾರೆ ತಜ್ಞರು. ಶಿಶುವಿನ ಆಹಾರಗಳಲ್ಲಿ ಸಕ್ಕರೆ ಸೇರಿಸುವುದು ತುಂಬಾ ವ್ಯಸನಕಾರಿಯಾಗಿದೆ. ಮಕ್ಕಳು ಸಿಹಿ ರುಚಿಗೆ ಒಗ್ಗಿಕೊಳ್ಳುತ್ತಾರೆ ಮತ್ತು ಹೆಚ್ಚು ಸಕ್ಕರೆ ಆಹಾರಗಳನ್ನು ಹುಡುಕಲು ಪ್ರಾರಂಭಿಸುತ್ತಾರೆ, ವಯಸ್ಕರಂತೆ ಬೊಜ್ಜು ಮತ್ತು ಮಧುಮೇಹ ಅಥವಾ ಅಧಿಕ ರಕ್ತದೊತ್ತಡದಂತಹ ಇತರ ದೀರ್ಘಕಾಲದ ಸಾಂಕ್ರಾಮಿಕವಲ್ಲದ ರೋಗಗಳಿಗೆ ಒಳಗಾಗುತ್ತದೆ ಎಂದು ಬ್ರೆಜಿಲ್‌ನ ಫೆಡರಲ್ ಯೂನಿವರ್ಸಿಟಿ ಆಫ್ ಪ್ಯಾರೈಬಾದ ನ್ಯೂಟ್ರಿಷನ್ ವಿಭಾಗದ ಎಪಿಡೆಮಿಯಾಲಜಿಸ್ಟ್ ಮತ್ತು ಪ್ರೊಫೆಸರ್ ರೋಡ್ರಿಗೋ ವಿಯಾನ್ನಾ ಅಭಿಪ್ರಾಯಪಟ್ಟಿದ್ದಾರೆ.