ಪ್ಯಾರಿಸ್‌ ಬೀದಿಗಳಲ್ಲಿ ಅಲೆದಾಡುತ್ತಿರುವ ನವವಿವಾಹಿತ ಅನಂತ್‌ ಅಂಬಾನಿ, ರಾಧಿಕಾ ಮರ್ಚೆಂಟ್‌

ನವದೆಹಲಿ, ಆಗಸ್ಟ್‌ 4: ನವವಿವಾಹಿತರಾದ ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್ ಅವರ ಮುಖದಲ್ಲಿ ಮದುವೆಯ ನಂತರದ ಹೊಳಪು ಸ್ಪಷ್ಟವಾಗಿ ಗೋಚರಿಸುತ್ತಿದೆ. ಅವರು ಇತ್ತೀಚೆಗೆ ಫ್ರೆಂಚ್ ರಾಜಧಾನಿ ಪ್ಯಾರಿಸ್‌ನಲ್ಲಿ ಕೈ ಕೈ ಹಿಡಿದು ನಡೆಯುತ್ತಿರುವ ವಿಡಿಯೋ ವೈರಲ್‌ ಆಗಿದೆ. ಪ್ರಸ್ತುತ ನಡೆಯುತ್ತಿರುವ ಒಲಿಂಪಿಕ್ಸ್ 2024 ಕೂಡ ವೀಕ್ಷಿಸಲು ಬಂದಿದ್ದಾರೆ ಎನ್ನಲಾಗಿದೆ.

ಅವರ ಹೊಸ ಜೀವನದ ಹೆಜ್ಜೆಯ ಕಿರು ತುಣುಕು ಈಗ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿದೆ. ನೆಟಿಜನ್‌ಗಳಿಂದ ಅಪಾರ ಪ್ರತಿಕ್ರಿಯೆಯನ್ನು ಪಡೆಯುತ್ತಿದೆ. ಇನ್‌ಸ್ಟಾಗ್ರಾಮ್‌ನಲ್ಲಿ ಕಡಿಮೆ ಸಮಯದಲ್ಲಿ ವೀಡಿಯೊ ಲಕ್ಷಾಂತರ ವೀಕ್ಷಣೆಗಳನ್ನು ಗಳಿಸಿದೆ.

ಪ್ಯಾರಿಸ್ ಒಲಿಂಪಿಕ್ಸ್‌ನಲ್ಲಿ ಇನ್ನಷ್ಟು ಪದಕ:

ಬಿಲಿಯನೇರ್ ಮುಖೇಶ್ ಅಂಬಾನಿಯವರ ಕಿರಿಯ ಪುತ್ರ ಅನಂತ್‌ ಅಂಬಾನಿ ಸುದ್ದಿ ಸಂಸ್ಥೆ ಎಎನ್‌ಐ ಜೊತೆಗಿನ ಸಂವಾದದಲ್ಲಿ, ಒಲಂಪಿಕ್ಸ್‌ ಪಂದ್ಯಗಳಲ್ಲಿ ಭಾರತೀಯ ತಂಡವು ಉತ್ತಮ ಪ್ರದರ್ಶನ ನೀಡಲಿದೆ. ಅಂತ್ಯದ ವೇಳೆಗೆ ಗಮನಾರ್ಹ ಸಂಖ್ಯೆಯ ಪದಕಗಳನ್ನು ಗೆಲ್ಲುತ್ತದೆ ಎಂಬ ಭರವಸೆ ಇದೆ. ದೇವರ ದಯೆಯಿಂದ ಭಾರತ ತಂಡ ಉತ್ತಮ ಪ್ರದರ್ಶನ ನೀಡುವ ಮೂಲಕ ಹಲವು ಪದಕಗಳನ್ನು ಗೆಲ್ಲಲಿದೆ ಎಂದು ಹೇಳಿದರು.

View this post on Instagram

A post shared by Ambani Family (@ambani_update)

ಭಾರತೀಯ ಅಥ್ಲೀಟ್‌ಗಳು ತನ್ನನ್ನೂ ಒಳಗೊಂಡಂತೆ ಪ್ರತಿಯೊಬ್ಬ ಭಾರತೀಯನನ್ನು ಅತ್ಯಂತ ಹೆಮ್ಮೆಪಡುವಂತೆ ಮಾಡುತ್ತಾರೆ ಎಂಬ ವಿಶ್ವಾಸವಿದೆ. ಈ ಬಾರಿ ಭಾರತದ ಆಡ್ಸ್ ತುಂಬಾ ಚೆನ್ನಾಗಿದೆ. ಅನೇಕ ಯುವಜನರು ಬೇಸಿಗೆ ಕ್ರೀಡಾಕೂಟದಿಂದ ಸ್ಫೂರ್ತಿ ಪಡೆಯುತ್ತಿದ್ದಾರೆ ಎಂದು ರಾಧಿಕಾ ಹೇಳಿದ್ದಾರೆ.

ಅನಂತ್-ರಾಧಿಕಾ ವಿವಾಹ:

ಜುಲೈ 12, 2024 ರಂದು ಮುಂಬೈನ ಪ್ರತಿಷ್ಠಿತ ಜಿಯೋ ವರ್ಲ್ಡ್ ಕನ್ವೆನ್ಷನ್ ಸೆಂಟರ್‌ನಲ್ಲಿ ಫಾರ್ಮಾಸ್ಯುಟಿಕಲ್ ದೈತ್ಯ ವೀರೇನ್ ಮರ್ಚೆಂಟ್ ಅವರ ಪುತ್ರಿ ರಾಧಿಕಾಳೊಂದಿಗೆ ಅನಂತ್ ವಿವಾಹವಾದರು. ಅವರ ಮದುವೆಯ ಹಬ್ಬಗಳಲ್ಲಿ ಮನರಂಜನೆ, ಕ್ರೀಡೆ, ರಾಜಕೀಯ ಮತ್ತು ಉದ್ಯಮ ವಲಯದ ಗಣ್ಯರು ಭಾಗವಹಿಸಿದ್ದರು. ಪ್ರಧಾನಿ ನರೇಂದ್ರ ಮೋದಿ ಅವರು ತಮ್ಮ ಉಪಸ್ಥಿತಿಯೊಂದಿಗೆ ಅನಂತ್ ಮತ್ತು ರಾಧಿಕಾ ಅವರ ವಿವಾಹ ನಡೆಯಿತು.

ತನ್ನ ಪತಿ ಅನಂತ್ ಅಂಬಾನಿಯೊಂದಿಗೆ ಪ್ಯಾರಿಸ್‌ನಲ್ಲಿ ವಿಹಾರಕ್ಕೆಂದು ರಾಧಿಕಾ ಮರ್ಚೆಂಟ್ ಅವರ ಮ್ಯಾಕ್ಸಿ ಉಡುಗೆ ಧರಿಸಿದ್ದಾರೆ. ಇದು ಬಟ್ಟೆ ಲೇಬಲ್ ಸ್ಯಾಂಡ್ರೊ ಪ್ಯಾರಿಸ್‌ನ ಸಿದ್ಧ ಉಡುಪುಗಳ ಸಂಗ್ರಹವಾಗಿದೆ. ಇದನ್ನು ಪ್ಯಾಚ್ವರ್ಕ್ ಮ್ಯಾಕ್ಸಿ ಉಡುಗೆ ಎಂದು ಕರೆಯಲಾಗುತ್ತದೆ. ಇದನ್ನು ನಿಮ್ಮ ಕ್ಲೋಸೆಟ್‌ಗೆ ಸೇರಿಸಿದರೆ ಸರಿಸುಮಾರು ₹18,675 (206.5 ಯುರೋಗಳು) ವೆಚ್ಚವಾಗುತ್ತದೆ.

ದಂಪತಿಗಳು ಪ್ಯಾರಿಸ್‌ನಲ್ಲಿ ಅಡ್ಡಾಡುವ ವೀಡಿಯೊ ಸಾಮಾಜಿಕ ಮಾಧ್ಯಮ ಬಳಕೆದಾರರ ಗಮನವನ್ನು ಸೆಳೆಯಿತು. ಅಂಬಾನಿಗಳು ಕೇವಲ ಮೋಜಿಗಾಗಿ ನಗರಕ್ಕೆ ಭೇಟಿ ನೀಡಿಲ್ಲ. ಅವರು 2024 ರ ಒಲಿಂಪಿಕ್ಸ್‌ ವೀಕ್ಷಿಸಲು ಇಲ್ಲಿಗೆ ಭೇಟಿ ನೀಡಿದ್ದಾರೆ ಎಂದು ವರದಿಗಳು ತಿಳಿಸಿವೆ. ಜನನಿಬಿಡ ರಸ್ತೆಗಳಲ್ಲಿ ಅಡ್ಡಾಡುತ್ತಿದ್ದ ಇಬ್ಬರನ್ನು ಬಿಗಿ ಭದ್ರತಾ ಪರಿಧಿಯಿಂದ ಸುತ್ತುವರಿಯಲಾಗಿತ್ತು. ತನ್ನ ಸಂಗಾತಿಯೊಂದಿಗೆ ಫೋಟೊ ತೆಗೆಯುತ್ತಿದ್ದಾಗ, ರಾಧಿಕಾ ನಗುತ್ತಿರುವುದನ್ನು ಮತ್ತು ನಾಚಿಕೆಪಡುತ್ತಿರುವುದನ್ನು ಕಂಡು ಬಂತು.