Varanasi Project: ವಾರಾಣಸಿಗೆ ಮೋದಿ 50ನೇ ಭೇಟಿ..₹3,880 ಕೋಟಿ ವೆಚ್ಚದ ಯೋಜನೆಗೆ ಶಂಕುಸ್ಥಾಪನೆ..ಯಾವ ಕ್ಷೇತ್ರಕ್ಕೆ ಆದ್ಯತೆ..?

ಇಂದು (ಏಪ್ರಿಲ್ 11) ಪ್ರಧಾನಿ ಮೋದಿ ಅವರು ವಾರಾಣಸಿಗೆ ಭೇಟಿ ನೀಡಿದ್ದಾರೆ. ವಿಶೇಷತೆ ಏನೆಂದರೆ ಅವರ ಇಂದಿನ ಭೇಟಿ, 50ನೇ ಭೇಟಿಯಾಗಿದೆ. ಹಾಗೆಯೇ ಇಂದು ಅವರು ವಾರಾಣಸಿಯಲ್ಲಿ ₹3,880 ಕೋಟಿ ಮೌಲ್ಯದ 44 ಅಭಿವೃದ್ಧಿ ಯೋಜನೆಗಳನ್ನು ಉದ್ಘಾಟಿಸಿ ಮತ್ತು ಶಂಕುಸ್ಥಾಪನೆ ನೆರವೇರಿಸಿದ್ದಾರೆ. ದು ಅವರು ಪ್ರಧಾನಿಯಾಗಿನಿಂದ ವಾರಣಾಸಿಗೆ ಮಾಡಿರುವ ಐವತ್ತನೇ ಭೇಟಿ ಆಗಿದ್ದು, ಈ ಬಾರಿ ಗ್ರಾಮೀಣ ಅಭಿವೃದ್ಧಿಯ ಉದ್ದೇಶವನ್ನು ಗಮನದಲ್ಲಿಟ್ಟುಕೊಂಡು ಪ್ರಮುಖ ಯೋಜನೆಗಳನ್ನು ಪ್ರಾರಂಭಿಸಲಾಯಿತು.

ಇನ್ನು ಇದೇ ಸಂದರ್ಭದಲ್ಲಿ ವಾರಾಣಸಿ ವಿಭಾಗೀಯ ಆಯುಕ್ತ ಕೌಶಲ್ ರಾಜ್ ಶರ್ಮಾ ಮಾತನಾಡಿ, ಒಟ್ಟು 130 ಕುಡಿಯುವ ನೀರಿನ ಯೋಜನೆಗಳು, 100 ಹೊಸ ಅಂಗನವಾಡಿ ಕೇಂದ್ರಗಳು, 356 ಗ್ರಂಥಾಲಯಗಳು, ಪಿಂಡ್ರಾ ಪ್ರದೇಶದಲ್ಲಿ ಹೊಸ ಪಾಲಿಟೆಕ್ನಿಕ್ ಕಾಲೇಜು ಮತ್ತು ಸರ್ಕಾರಿ ಪದವಿ ಕಾಲೇಜು ಸೇರಿದಂತೆ ಗ್ರಾಮೀಣಾಭಿವೃದ್ಧಿಗೆ ಗುರಿಯಾದ ಹಲವು ಯೋಜನೆಗಳು ಉದ್ಘಾಟನೆಗೊಂಡಿದ್ದನ್ನು ವಿವರಿಸಿದರು.

ಅದೇ ರೀತಿ, ರಾಮನಗರದ ಪೊಲೀಸ್ ಲೈನ್ಸ್‌ನಲ್ಲಿ ನಿರ್ಮಿತ ಸಾರಿಗೆ ಹಾಸ್ಟೆಲ್, ಪೊಲೀಸ್ ಬ್ಯಾರಕ್‌ಗಳು ಮತ್ತು ನಾಲ್ಕು ಗ್ರಾಮೀಣ ರಸ್ತೆಗಳಾದ ಸಹಾಯ ರಸ್ತೆಗಳಿಗೂ ಪ್ರಧಾನಿಯವರು ಉದ್ಘಾಟನೆ ನೆರವೇರಿಸಿದರು. ಈ ಕಾರ್ಯಕ್ರಮದಲ್ಲಿ ಉತ್ತರ ಪ್ರದೇಶದ ರಾಜ್ಯಪಾಲೆ ಆನಂದಿಬೆನ್ ಪಟೇಲ್ ಮತ್ತು ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅವರ ಉಪಸ್ಥಿತಿಯು ಕೂಡಾ ಇದ್ದಿತು.

ಈ ಕಾರ್ಯಾಕ್ರಮವನ್ನು ನಗರ ಮಿತಿಯಿಂದ ಹೊರಗೆ ಇರುವ ರಿಂಗ್ ರಸ್ತೆಯ ಬಳಿಯಲ್ಲಿ ನಡೆಸಲಾಗಿತ್ತು, ಜನರಿಗೆ ಸುಲಭ ಪ್ರವೇಶ ದೊರೆಯುವಂತಾಗಿತ್ತು. ಭದ್ರತಾ ದೃಷ್ಟಿಯಿಂದ ಒಟ್ಟು 4,000ಕ್ಕೂ ಹೆಚ್ಚು ಸಿಬ್ಬಂದಿ, ಇದರಲ್ಲಿ 6 ಎಸ್‌ಪಿಗಳು, 8 ಎಎಸ್‌ಪಿಗಳು, 33 ಡಿಎಸ್‌ಪಿಗಳು, ಪಿಎಸಿ ಹಾಗೂ ಅರೆಸೈನಿಕ ಪಡೆಗಳನ್ನು ನಿಯೋಜಿಸಲಾಗಿತ್ತು. ಅಲ್ಲದೆ ಸಿಸಿಟಿವಿ ಮತ್ತು ಡ್ರೋನ್ ಮೂಲಕ ಮೇಲ್ವಿಚಾರಣೆ ಕೂಡ ಮಾಡಲಾಗಿತ್ತು.

ಪ್ರಧಾನಿ ಮೋದಿ ಅವರು ಜನರನ್ನು ಉದ್ದೇಶಿಸಿ ಮಾಡಿದ ಭಾಷಣದಲ್ಲಿ, ವಾರಣಾಸಿಯಲ್ಲಿ ನಿರಂತರ ಅಭಿವೃದ್ಧಿಯ ಕಾರ್ಯಗಳು ತಮ್ಮ ಹವ್ಯಾಸವಾಗಿದ್ದು, ಪ್ರತಿಒಂದು ಭೇಟಿಯೂ ಜನತೆಗೆ ಹೊಸ ಉಡುಗೊರೆಯನ್ನೇ ನೀಡುತ್ತದೆ ಎಂದು ಹೇಳಿದರು. ಈ ಬಗ್ಗೆ ಮಾಹಿತಿಯೊಂದನ್ನು ತಮ್ಮ ‍‍ X ಖಾತೆಯಲ್ಲಿ ಹಂಚಿಕೊಂಡು, ಈ ಬಾರಿ ರಸ್ತೆಗಳು, ವಿದ್ಯುತ್, ಶಿಕ್ಷಣ ಮತ್ತು ಪ್ರವಾಸೋದ್ಯಮಕ್ಕೆ ಸಂಬಂಧಿಸಿದ ಹಲವು ಯೋಜನೆಗಳನ್ನು ಉದ್ಘಾಟಿಸುವ ಅವಕಾಶ ದೊರೆತಿರುವುದರಲ್ಲಿ ಸಂತೋಷ ವ್ಯಕ್ತಪಡಿಸಿದ್ದರು.

ಉದ್ಘಾಟಿಸಲಾದ ಇತರ ಪ್ರಮುಖ ಯೋಜನೆಗಳಲ್ಲಿ, ವಿದ್ಯುತ್ ಮೂಲಸೌಕರ್ಯಕ್ಕೆ ಉತ್ತೇಜನ ನೀಡುವ ಗುರಿಯೊಂದಿಗೆ ₹1,045 ಕೋಟಿ ಮೌಲ್ಯದ 2 x 400 ಕೆವಿ ಮತ್ತು 1 x 220 ಕೆವಿ ಪ್ರಸರಣ ಉಪಕೇಂದ್ರಗಳು, ಚೌಕಘಾಟ್ ಮತ್ತು ಘಾಜಿಪುರದ ಉಪಕೇಂದ್ರಗಳು ಹಾಗೂ ವಾರಣಾಸಿ ನಗರದ ವಿದ್ಯುತ್ ವಿತರಣಾ ವ್ಯವಸ್ಥೆಯ ವೃದ್ಧಿಗೆ ₹775 ಕೋಟಿ ಮೌಲ್ಯದ ಯೋಜನೆಗಳ ಶಂಕುಸ್ಥಾಪನೆ ಸೇರಿವೆ.

ಅಲ್ಲದೆ, ಪುರಸಭಾ ಅಭಿವೃದ್ಧಿ, ಜಲ ಜೀವನ್ ಮಿಷನ್ ಅಡಿಯಲ್ಲಿ ₹345 ಕೋಟಿ ಮೌಲ್ಯದ ಕುಡಿಯುವ ನೀರಿನ ಯೋಜನೆಗಳು, ಗಂಗಾ ನದಿಯ ಘಾಟ್‌ಗಳ ಪುನಶ್ಚೇತನ, ಭೂದೃಶ್ಯ ಮತ್ತು ಶಿಲ್ಪಕಲೆ ಸ್ಥಾಪನೆ, ಹಾಗೂ ಸ್ಮಾರ್ಟ್ ಸಿಟಿ ಮಿಷನ್ ಅಡಿಯಲ್ಲಿ 77 ಶಾಲಾ ಕಟ್ಟಡಗಳ ನವೀಕರಣ ಹಾಗೂ ಕಸ್ತೂರ್ಬಾ ಗಾಂಧಿ ಶಾಲೆಯ ಕಟ್ಟಡ ನಿರ್ಮಾಣ ಕಾರ್ಯಕ್ಕೂ ಶಂಕುಸ್ಥಾಪನೆ ನೆರವೇರಿಸಲಾಯಿತು.

ಪ್ರಧಾನಿಯವರು ಆಯುಷ್ಮಾನ್ ವಯ ವಂದನ ಕಾರ್ಡ್‌ಗಳನ್ನು 70 ವರ್ಷ ಮೇಲ್ಪಟ್ಟ ಹಿರಿಯ ನಾಗರಿಕರಿಗೆ ವಿತರಿಸಿದರು. ಜೊತೆಗೆ ಜಿಐ ಪ್ರಮಾಣಪತ್ರಗಳನ್ನು ತಬಲಾ, ಥಂಡೈ, ಚಿತ್ರಕಲೆ ಮತ್ತು ತಿರಂಗಾ ಬರ್ಫಿ ಮುಂತಾದ ಸ್ಥಳೀಯ ಉತ್ಪನ್ನಗಳಿಗೆ ನೀಡಲಾಯಿತು. ಈ ಸಂದರ್ಭದಲ್ಲಿ ಬನಾಸ್ ಡೈರಿಯೊಂದಿಗೆ ಸಂಯೋಜಿತವಾಗಿ ಹಾಲು ಪೂರೈಕೆದಾರರಿಗೆ ₹105 ಕೋಟಿ ಮೌಲ್ಯದ ಬೋನಸ್ ಮೊತ್ತವನ್ನೂ ಪ್ರಧಾನಿಯವರು ವರ್ಗಾಯಿಸಿದರು. ಈ ಎಲ್ಲ ಯೋಜನೆಗಳು ವಾರಣಾಸಿಯ ನಿರಂತರ ಅಭಿವೃದ್ಧಿಗೆ ಮತ್ತಷ್ಟು ಬಲ ನೀಡಲಿವೆ ಎಂದು ಸ್ಥಳೀಯ ಬಿಜೆಪಿ ನಾಯಕರು ಅಭಿಪ್ರಾಯಪಟ್ಟಿದ್ದಾರೆ.