Namma Metro Yellow Line: ಹಳದಿ ಲೈನ್ ಮೆಟ್ರೋಗೆ 'ನಮೋ' ಚಾಲನೆ..19 ಕಿಮೀ ಉದ್ದ, 16 ನಿಲ್ದಾಣಗಳು! ಟಿಕೆಟ್ ದರ ಎಷ್ಟು?

ಇಂದು ಬೆಂಗಳೂರಿನ ಬಹು ನಿರೀಕ್ಷಿತ ನಮ್ಮ ಮೆಟ್ರೋ ಹಳದಿ ಮಾರ್ಗ ಅಧಿಕೃತವಾಗಿ ಉದ್ಘಾಟನೆಯಾಗಿದೆ. ಪ್ರಧಾನಿ ನರೇಂದ್ರ ಮೋದಿ ಅವರು, ಹಳದಿ ಮಾರ್ಗದ ಮೆಟ್ರೋಗೆ ಶುಭಾರಂಭ ನೀಡಿದ್ದಾರೆ. ಚಾಲಕ ರಹಿತ ಮೆಟ್ರೋ ಇದಾಗಿದ್ದು, ಆರಂಭದಲ್ಲಿ ಮಾತ್ರ ಚಾಲಕರು ಈ ಹಳದಿ ಲೈನ್ ಮೆಟ್ರೋನ ಚಲಿಸುತ್ತಾರೆ. ಆರ್.ವಿ ರಸ್ತೆದಿಂದ ಬೊಮ್ಮಸಂದ್ರದವರೆಗೆ ಸಂಪರ್ಕ ಕಲ್ಪಿಸುವ ಈ ಹೊಸ ಮಾರ್ಗವು ದಕ್ಷಿಣ ಭಾಗದ ಸಾವಿರಾರು ಪ್ರಯಾಣಿಕರಿಗೆ ದೊಡ್ಡ ಅನುಕೂಲ ತಂದಿದೆ. ನಾಳೆಯಿಂದಲೇ ಯೆಲ್ಲೋ ಲೈನ್ ಮೆಟ್ರೋ ಕಾರ್ಯಾಚರಣೆ ಬೆಂಗಳೂರು ಜನರಿಗೆ ಒದಗಲಿದೆ.

ಒಟ್ಟು 19.15 ಕಿಲೋ ಮೀಟರ್ ಉದ್ದದ ಈ ಮಾರ್ಗದಲ್ಲಿ 16 ನಿಲ್ದಾಣಗಳಿದ್ದು, ಪ್ರಾರಂಭದಲ್ಲಿ ಮೂರು ಮೆಟ್ರೋ ರೈಲುಗಳು ಸಂಚಾರ ಪ್ರಾರಂಭಿಸಿವೆ. ತಿಂಗಳ ಕೊನೆಯಲ್ಲಿ ನಾಲ್ಕನೇ ರೈಲೂ ಸೇರಲಿದೆ. 2014ರಲ್ಲಿ ಆರಂಭವಾದ ಈ ಕಾಮಗಾರಿ ಮೂಲ ಯೋಜನೆ ಪ್ರಕಾರ 2021ರೊಳಗೆ ಮುಗಿಯಬೇಕಾಗಿತ್ತು, ಆದರೆ ಹಲವು ಕಾರಣಗಳಿಂದ ವಿಳಂಬವಾಗಿ ಇದೀಗ ಉದ್ಘಾಟನೆ ಕಂಡಿದೆ. ಯೋಜನೆಗೆ 7,616 ಕೋಟಿ ರೂ. ವೆಚ್ಚವಾಗಿದೆ.

ಹಳದಿ ಮಾರ್ಗದ ಪ್ರಮುಖ ಪ್ರಯಾಣ ದರಗಳು:

• ಆರ್.ವಿ ರಸ್ತೆ → ರಾಗಿಗುಡ್ಡ - 10 ರೂ.
• ಆರ್.ವಿ ರಸ್ತೆ → ಜಯದೇವ - 10 ರೂ.
• ಆರ್.ವಿ ರಸ್ತೆ → BTM ಲೇಔಟ್ - 20 ರೂ.
• ಆರ್.ವಿ ರಸ್ತೆ → ಬೊಮ್ಮನಹಳ್ಳಿ - 30 ರೂ.
• ಆರ್.ವಿ ರಸ್ತೆ → ಕೂಡ್ಲೂಗೇಟ್ - 40 ರೂ.
• ಆರ್.ವಿ ರಸ್ತೆ → ಸಿಂಗಸಂದ್ರ - 50 ರೂ.
• ಆರ್.ವಿ ರಸ್ತೆ → ಎಲೆಕ್ಟ್ರಾನಿಕ್ ಸಿಟಿ - 60 ರೂ.
• ಆರ್.ವಿ ರಸ್ತೆ → ಬೊಮ್ಮಸಂದ್ರ - 60 ರೂ.
• ಸಿಲ್ಕ್ ಬೋರ್ಡ್ → ಬೊಮ್ಮಸಂದ್ರ - 60 ರೂ.

ಹಳದಿ ಮಾರ್ಗ ಉದ್ಘಾಟನೆಯಿಂದ ಆರ್.ವಿ ರಸ್ತೆ, ಸಿಲ್ಕ್ ಬೋರ್ಡ್, ಎಲೆಕ್ಟ್ರಾನಿಕ್ ಸಿಟಿ ಮತ್ತು ಬೊಮ್ಮಸಂದ್ರ ಭಾಗದ ಜನರಿಗೆ ಸಂಚಾರ ವೇಗವಾಗಿ ಹಾಗೂ ಸುಗಮವಾಗಿ ನಡೆಯಲಿದೆ. ಇದರಿಂದ ಟ್ರಾಫಿಕ್ ಒತ್ತಡ ಕಡಿಮೆಯಾಗುವ ನಿರೀಕ್ಷೆಯೂ ಇದೆ.

ಇಂದು ಬೆಂಗಳೂರಿನ ದಕ್ಷಿಣ ಭಾಗದ ಸಾವಿರಾರು ಜನರು ಬಹು ನಿರೀಕ್ಷೆಯಿಂದ ಕಾಯುತ್ತಿದ್ದ ನಮ್ಮ ಮೆಟ್ರೋ ಹಳದಿ ಮಾರ್ಗ ಅಧಿಕೃತವಾಗಿ ಚಾಲನೆ ಕಂಡಿದೆ. ಪ್ರಧಾನಿ ನರೇಂದ್ರ ಮೋದಿ ಅವರು ಸ್ವತಃ ಈ ಮಾರ್ಗಕ್ಕೆ ಹಸಿರು ನಿಶಾನೆ ತೋರಿಸಿ ಪ್ರಯಾಣಕ್ಕೆ ಚಾಲನೆ ನೀಡಿದರು. ಚಾಲಕ ರಹಿತ ತಂತ್ರಜ್ಞಾನದ ಈ ಮೆಟ್ರೋ ರೈಲು, ಆರಂಭಿಕ ಹಂತದಲ್ಲಿ ಮಾತ್ರ ಚಾಲಕರಿಂದಲೇ ಸಂಚರಿಸಲಿದ್ದು, ಬಳಿಕ ಸಂಪೂರ್ಣ ಸ್ವಯಂಚಾಲಿತ ವ್ಯವಸ್ಥೆಯಲ್ಲಿ ಕಾರ್ಯನಿರ್ವಹಿಸಲಿದೆ. ಆರ್.ವಿ ರಸ್ತೆದಿಂದ ಬೊಮ್ಮಸಂದ್ರದವರೆಗೆ ಸಂಪರ್ಕ ಕಲ್ಪಿಸುವ ಈ ಮಾರ್ಗವು, ಉದ್ಯೋಗ ಮತ್ತು ವ್ಯವಹಾರ ಕೇಂದ್ರಗಳಾದ ಸಿಲ್ಕ್ ಬೋರ್ಡ್ ಹಾಗೂ ಎಲೆಕ್ಟ್ರಾನಿಕ್ ಸಿಟಿ ಭಾಗಕ್ಕೆ ತಲುಪುವವರಿಗೆ ದೊಡ್ಡ ಅನುಕೂಲವಾಗಲಿದೆ.