POMIS: ಪೋಸ್ಟ್ ಆಫೀಸ್ ಮಾಸಿಕ ಆದಾಯ ಯೋಜನೆ - ಇತ್ತೀಚಿನ ಬಡ್ಡಿ ದರವೆಷ್ಟು?

ಸದ್ಯ ಜನರಿಗೆ ಹೂಡಿಕೆಯ ಮಹತ್ವ ಅರ್ಥವಾಗುತ್ತಿದೆ. ಹಾಗಾಗಿ ಇಂದು ಜಗತ್ತಿನ ಹೆಚ್ಚಿನ ಮಂದಿ ಸದ್ಯ ಹೂಡಿಕೆಯತ್ತ ಮನಸ್ಸು ಮಾಡುತ್ತಿದ್ದಾರೆ. ಹಿಂದಿನ ಜನರು ಹಣವನ್ನು ಕೂಡಿಡುವ ಅಭ್ಯಾಸ ಹೊಂದಿದ್ದರೆ ಇಂದು ಜನರು ಆರ್ಥಿಕ ಸಂಸ್ಥೆಗಳಲ್ಲಿ ಹೂಡಿಕೆ ಮಾಡುತ್ತಿದ್ದಾರೆ.

ಹಿಂದಿನ ಕಾಲದ ಜನರ ಹೂಡಿಕೆ ಯಾವುದೇ ಬಡ್ಡಿ ನೀಡದಿದ್ದರೂ ಕಷ್ಟಕಾಲದಲ್ಲಿ ಇಂದಿಗೆ ನೆರವಿಗೆ ಬರುತ್ತದೆ. ಸದ್ಯ ಕಾಲ ಬದಲಾಗಿದ್ದು, ಇಂದಿನ ಹೂಡಿಕೆ ಬಡ್ಡಿರೂಪದಲ್ಲಿ ನೆರವು ಬರುವುದಲ್ಲದೆ ಹೂಡಿದ ಮೊತ್ತವು ಭವಿಷ್ಯಕ್ಕೆ ಪೂರಕವಾಗಿದೆ.

ಅಲ್ಲದೆ ಇದರಿಂದ ಜನರಿಗೆ ಲಾಭದಾಯಕ ಬಡ್ಡಿದರವೂ ಲಭಿಸುತ್ತದೆ. ಕೇವಲ ಬ್ಯಾಂಕ್‌ಗಳಲ್ಲಿ ಅಲ್ಲದೆ ಹೂಡಿಕೆದಾರರು ಪೋಸ್ಟ್‌ ಆಫೀಸ್‌ಗಳಲ್ಲಿ ಕೂಡ ಸದ್ಯ ಹಣ ಹೂಡುತ್ತಿದ್ದು, ಆಕರ್ಷಕ ಬಡ್ಡಿದರಗಳು ಕೂಡ ಹೂಡಿಕೆದಾರರನ್ನು ಆಕರ್ಷಿಸುತ್ತಿದೆ.

ಏನಿದು POMIS?

ಪೋಸ್ಟ್ ಆಫೀಸ್ ಮಾಸಿಕ ಆದಾಯ ಯೋಜನೆ (POMIS) ಸ್ಥಿರವಾದ ಮಾಸಿಕ ಆದಾಯವನ್ನು ನೀಡುವ ಸರ್ಕಾರಿ ಬೆಂಬಲಿತ ಉಳಿತಾಯ ಯೋಜನೆಯಾಗಿದೆ. ಮುಖ್ಯವಾಗಿ ಬ್ಯಾಂಕ್‌ಗಳಿಗೆ ಹೋಲಿಕೆ ಮಾಡಿದರೆ ಇದೊಂದು ಸುರಕ್ಷಿತ ಉಳಿತಾಯ ಪರ್ಯಾಯವಾಗಿದೆ. ನಾವು ಹೂಡಿದ ಬಂಡವಾಳ ರಕ್ಷಣೆಯು ಈ ಯೋಜನೆಯ ಪ್ರಾಥಮಿಕ ಪ್ರಯೋಜನಗಳಲ್ಲಿ ಒಂದಾಗಿದ್ದು, ಇದು ಉಳಿತಾಯಕ್ಕೆ ಸುರಕ್ಷಿತ ಆಯ್ಕೆಯಾಗಿದೆ.

ಮೆಚ್ಯುರಿಟಿಯ ನಂತರ ನಾವು ಹೂಡಿದ ಮೊತ್ತವನ್ನು ಹಿಂಪಡೆಯಬಹುದು. POMIS ಮಾಸಿಕ ಆದಾಯ ಮತ್ತು ಸಾಲದ ಹೂಡಿಕೆಗಳಿಗಿಂತ ಸಾಮಾನ್ಯವಾಗಿ ಉತ್ತಮವಾದ ಆದಾಯವನ್ನು ನೀಡುವುದರಿಂದ, ಅಪಾಯದಿಂದ ಪಾರಾಗಲು ಬಯಸುವ ಹೂಡಿಕೆದಾರರು ಈ ಯೋಜನೆಗಳಲ್ಲಿ ಹೆಚ್ಚು ಹೂಡಿಕೆ ಮಾಡಲು ಬಯಸುತ್ತಾರೆ. ಪೋಸ್ಟ್ ಆಫೀಸ್ ಮಾಸಿಕ ಆದಾಯ ಯೋಜನೆಗೆ ಆದಾಯವನ್ನು ಖಾತರಿಪಡಿಸಲಾಗಿದೆ.

ಪೋಸ್ಟ್ ಆಫೀಸ್ ಮಾಸಿಕ ಆದಾಯ ಯೋಜನೆಯ ಬಡ್ಡಿ ದರ

POMIS ನ ಪ್ರಸಕ್ತ(ಅಕ್ಟೋಬರ್-ಡಿಸೆಂಬರ್ 2024) ತ್ರೈಮಾಸಿಕದ ಬಡ್ಡಿ ದರವು ಮಾಸಿಕವಾಗಿ ಪಾವತಿಸಬೇಕಾದ ವಾರ್ಷಿಕ 7.4 ಪ್ರತಿಶತವಾಗಿದೆ. ಪ್ರಾರಂಭದ ದಿನಾಂಕದಿಂದ ಒಂದು ತಿಂಗಳು ಪೂರ್ಣಗೊಂಡ ನಂತರ ಮತ್ತು ಮುಕ್ತಾಯದವರೆಗೆ ಬಡ್ಡಿಯನ್ನು ಪಾವತಿಸಲಾಗುತ್ತದೆ.

ಹೆಚ್ಚುವರಿ ಬಡ್ಡಿ ಇಲ್ಲ

ಭಾರತೀಯ ಅಂಚೆ ಇಲಾಖೆಯ ವೆಬ್‌ಸೈಟ್ ನ ಮಾಹಿತಿ ಪ್ರಕಾರ, ಒಂದು ವೇಳೆ ಪ್ರತೀ ತಿಂಗಳು ಪಾವತಿಯಾಗುವ ಬಡ್ಡಿಯನ್ನು ಖಾತೆದಾರರು ಕ್ಲೈಮ್ ಮಾಡದಿದ್ದರೆ ಅಂತಹ ಬಡ್ಡಿ ಯಾವುದೇ ಹೆಚ್ಚುವರಿ ಬಡ್ಡಿಯನ್ನು ಗಳಿಸುವುದಿಲ್ಲ. ಠೇವಣಿದಾರರು ಮಾಡಿದ ಯಾವುದೇ ಹೆಚ್ಚುವರಿ ಠೇವಣಿಯ ಸಂದರ್ಭದಲ್ಲಿ, ಹೆಚ್ಚುವರಿ ಠೇವಣಿ ಮರುಪಾವತಿಸಲಾಗುತ್ತದೆ.

ಕೇವಲ PO ಉಳಿತಾಯ ಖಾತೆಯ ಬಡ್ಡಿಯು ಖಾತೆಯನ್ನು ತೆರೆಯುವ ದಿನಾಂಕದಿಂದ ಮರುಪಾವತಿಯ ದಿನಾಂಕದವರೆಗೆ ಅನ್ವಯಿಸುತ್ತದೆ. ಅದೇ ಪೋಸ್ಟ್ ಆಫೀಸ್ ಅಥವಾ ECS ನಲ್ಲಿ ನಿಂತಿರುವ ಉಳಿತಾಯ ಖಾತೆಗಳಿಗೆ ಸ್ವಯಂ ಕ್ರೆಡಿಟ್ ಮೂಲಕ ಬಡ್ಡಿಯನ್ನು ಡ್ರಾ ಮಾಡಬಹುದು. ಸಿಬಿಎಸ್ ಪೋಸ್ಟ್ ಆಫೀಸ್‌ಗಳಲ್ಲಿನ ಎಂಐಎಸ್ ಖಾತೆಗಳ ಸಂದರ್ಭದಲ್ಲಿ, ಯಾವುದೇ ಸಿಬಿಎಸ್ ಪೋಸ್ಟ್ ಆಫೀಸ್‌ನಲ್ಲಿರುವ ಉಳಿತಾಯ ಖಾತೆಗಳಿಗೆ ಮಾಸಿಕ ಬಡ್ಡಿಯನ್ನು ವರ್ಗಾಯಿಸಬಹುದು. ಠೇವಣಿದಾರನ ಕೈಯಿಂದಲೇ ಬಡ್ಡಿಗೆ ತೆರಿಗೆ ವಿಧಿಸಲಾಗುತ್ತದೆ.

ಖಾತೆ ಶುಲ್ಕಗಳ ಪ್ರೀ-ಮೆಚ್ಯೂರ್ ಮುಚ್ಚುವಿಕೆ

ಒಂದು ವರ್ಷದ ನಂತರ ಮುಂಚಿತವಾಗಿ ಹಣವನ್ನು ಹಿಂಪಡೆಯಲು ಅವಕಾಶ ಕಲ್ಪಿಸಲಾಗಿದೆ. ಆದರೆ ಮೂರು ವರ್ಷಗಳ ಮೊದಲೇ ಮೊತ್ತವನ್ನು ಹಿಂಪಡೆಯಲು ಬಯಸಿದರೆ ನಿಮ್ಮ ಠೇವಣಿಯ ಮೇಲೆ 2% ಕಡಿತ ಮಾಡಲಾಗುತ್ತದೆ. ಹಾಗಾಗಿ ಮೂರು ವರ್ಷಗಳ ಬಳಿಕ ನೀವು 1% ಕಡಿತವನ್ನು ಹೊಂದಿರುತ್ತೀರಿ.

ಮೆಚ್ಯುರಿಟಿ

ಖಾತೆಗಳನ್ನು ತೆರೆಯುವ ದಿನಾಂಕದಿಂದ 5 ವರ್ಷಗಳ ನಂತರ ಅಧಿಕೃತವಾಗಿ ಪಾಸ್ ಬುಕ್‌ನೊಂದಿಗೆ ಅಗತ್ಯ ಅರ್ಜಿ ನಮೂನೆಯನ್ನು ಸಂಬಂಧಿತ ಅಂಚೆ ಕಚೇರಿಗೆ ಸಲ್ಲಿಸುವ ಮೂಲಕ ಅಧಿಕೃತವಾಗಿ ಸ್ಕೀಮ್‌ಗಳನ್ನು ಅಂತ್ಯಗೊಳಿಸಬಹುದು. ಒಂದು ವೇಳೆ ಖಾತೆದಾರರು ಮೆಚ್ಯೂರಿಟಿಯ ಮೊದಲು ಮರಣಹೊಂದಿದರೆ, ಖಾತೆಯನ್ನು ರದ್ದುಗೊಳಿಸಬಹುದು. ಮೊತ್ತವನ್ನು ನಾಮಿನಿ ಅಥವಾ ಉತ್ತರಾಧಿಕಾರಿಗಳಿಗೆ ಮರುಪಾವತಿಸಬಹುದು. ಮರುಪಾವತಿಯನ್ನು ನೀಡಿದ ಹಿಂದಿನ ತಿಂಗಳವರೆಗೆ ಬಡ್ಡಿಯನ್ನು ಪಾವತಿಸಲಾಗುತ್ತದೆ.

ಸುರಕ್ಷಿತ ಹೂಡಿಕೆ

ಎಲ್ಲರಿಗೂ ತಿಳಿದಿರುವಂತೆ ಪೋಸ್ಟ್‌ ಆಫೀಸ್‌ ಸರ್ಕಾರದ ಅಧೀನದ ಸಂಸ್ಥೆಯಾಗಿರುವುದರಿಂದ ಇಲ್ಲಿ ಮಾಡಿದ ಹೂಡಿಕೆಗಳು ಎಂದಿಗೂ ಸುರಕ್ಷಿತವಾಗಿರುತ್ತದೆ. ಹಾಗಾಗಿ ಹೂಡಿಕೆದಾರರು ತಮ್ಮ ಹೂಡಿಕೆಯ ಬಗ್ಗೆ ಯಾವುದೇ ರೀತಿಯ ಅಳುಕು ಹೊಂದುವ ಅಗತ್ಯವಿಲ್ಲ. ಆದರೆ ಹೂಡಿಕೆ ಸಮಯದಲ್ಲಿ ಬುದ್ದಿವಂತಿಕೆಯ ಯೋಜನೆಯ ಮೇಲೆ ಹೂಡಿಕೆ ಮಾಡಿದರೆ ನಮಗೆ ಹೆಚ್ಚಿನ ಲಾಭ ಲಭಿಸಲು ಸಾಧ್ಯವಿದೆ. ಹಾಗಾಗಿ ಈ ವಿಚಾರದಲ್ಲಿ ಸೂಕ್ತ ಆರ್ಥಿಕ ತಜ್ಞರ ಪಡೆಯುವುದು ಬುದ್ದಿವಂತಿಕೆಯ ಲಕ್ಷಣವಾಗಿದೆ.