Ramzan: ಆರು ಮಿಲಿಯನ್‌ ಪ್ಲೇಟ್‌ ಬಿರಿಯಾನಿ ಸಪ್ಲೈ ಮಾಡಿದ ಸ್ವಿಗ್ಗಿ

ಬೆಂಗಳೂರು, ಏಪ್ರಿಲ್‌ 11: ಜನಪ್ರಿಯ ಆಹಾರ ವಿತರಣಾ ವೇದಿಕೆ ಸ್ವಿಗ್ಗಿ ಮೂಲಕ ರಂಜಾನ್ ಅವಧಿಯಲ್ಲಿ ಸುಮಾರು 6 ಮಿಲಿಯನ್ ಪ್ಲೇಟ್‌ಗಳ ಬಿರಿಯಾನಿಯನ್ನು ಆರ್ಡರ್ ಮಾಡಲಾಗಿದೆ. ಇದು ಸಾಮಾನ್ಯ ತಿಂಗಳುಗಳಿಗೆ ಹೋಲಿಸಿದರೆ 15% ಹೆಚ್ಚಳವಾಗಿದೆ. ಪವಿತ್ರ ಹಬ್ಬದ ಮಾಸದಲ್ಲಿ ಬಿರಿಯಾನಿಯೊಂದಿಗೆ ರಾಷ್ಟ್ರ ಜನರ ಪ್ರೀತಿಯನ್ನು ಅನಾವರಣಗೊಳಿಸಿದೆ.

ಒಂದು ಮಿಲಿಯನ್ ಪ್ಲೇಟ್ ಬಿರಿಯಾನಿ ಮತ್ತು 5.3 ಲಕ್ಷ ಪ್ಲೇಟ್ ಹಲೀಮ್ ಆರ್ಡರ್ ಮಾಡುವ ಮೂಲಕ ಹೈದರಾಬಾದ್ ಬಿರಿಯಾನಿ ಪ್ರಿಯರ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ. ಬಿರಿಯಾನಿ, ಹಲೀಮ್ ಮತ್ತು ಸಮೋಸಾದಂತಹ ಸಾಂಪ್ರದಾಯಿಕ ಮೆಚ್ಚಿನವುಗಳು ಇಫ್ತಾರ್ ಅವಧಿಯಲ್ಲಿ ಹೆಚ್ಚಾಗಿ ಆರ್ಡರ್‌ ಮಾಡಲ್ಪಟ್ಟಿವೆ. ರಂಜಾನ್ ಸಮಯದಲ್ಲಿ ನಿರಂತರ ಜನಪ್ರಿಯತೆಯನ್ನು ಕಾಯ್ದುಕೊಂಡಿವೆ.

ರಂಜಾನ್ ಸಮಯದಲ್ಲಿ ಸ್ವಿಗ್ಗಿ ಇಫ್ತಾರ್ ಆರ್ಡರ್‌ಗಳಲ್ಲಿ ಸಂಜೆ 5:30 ರಿಂದ 7 ರವರೆಗೆ 34% ಹೆಚ್ಚಳ ಕಂಡು ಬಂದಿದೆ. ದೇಶದುದ್ದಲಗಕ್ಕೂ ಚಿಕನ್ ಬಿರಿಯಾನಿ, ಮಟನ್ ಹಲೀಮ್, ಸಮೋಸಾ, ಫಲೂಡಾ ಮತ್ತು ಖೀರ್ ಇಫ್ತಾರ್‌ಗಾಗಿ ಆರ್ಡರ್ ಮಾಡಿದ ಪ್ರಮುಖ ವಸ್ತುಗಳು. ಸಾಮಾನ್ಯ ತಿಂಗಳಿಗೆ ಹೋಲಿಸಿದರೆ ಆಹಾರ ವಿತರಣಾ ವೇದಿಕೆಯಲ್ಲಿ ಬಿರಿಯಾನಿ ಆರ್ಡರ್‌ಗಳಲ್ಲಿ ಸುಮಾರು 15% ಹೆಚ್ಚಳವನ್ನು ಸೂಚಿಸುತ್ತದೆ.

ಸಾಮಾನ್ಯ ದಿನಗಳಿಗೆ ಹೋಲಿಸಿದರೆ ರಾಷ್ಟ್ರದಾದ್ಯಂತ ಇತರ ಜನಪ್ರಿಯ ತಿನಿಸುಗಳ ಆರ್ಡರ್‌ಗಳಲ್ಲಿ ಗಣನೀಯ ಏರಿಕೆ ಕಂಡುಬಂದಿದೆ. ಹಲೀಮ್ 1454.88% ರಷ್ಟು ಭಾರಿ ಏರಿಕೆ ಕಂಡಿದ್ದರೆ, ಫಿರ್ನಿ 80.97% ಹೆಚ್ಚಳದೊಂದಿಗೆ ನಂತರದ ಸ್ಥಾನದಲ್ಲಿದೆ. ಮಾಲ್ಪುವಾ ಆರ್ಡರ್‌ಗಳು 79.09% ರಷ್ಟು ಏರಿಕೆಯಾಗಿವೆ, ಆದರೆ ಫಲೂಡಾ ಮತ್ತು ಡೇಟ್ಸ್‌ಗಳು ಕ್ರಮವಾಗಿ 57.93% ಮತ್ತು 48.40% ರಷ್ಟು ಏರಿಕೆ ಕಂಡಿವೆ.

ರಂಜಾನ್‌ನ ಸ್ವೀಟ್ ಸ್ಪಾಟ್ ಮುಂಬೈ, ಹೈದರಾಬಾದ್, ಕೋಲ್ಕತ್ತಾ, ಲಕ್ನೋ, ಭೋಪಾಲ್ ಮತ್ತು ಮೀರತ್‌ನಲ್ಲಿ ಮಲ್ಪುವಾ, ಖರ್ಜೂರ ಮತ್ತು ಫಿರ್ನಿ ಸೇರಿದಂತೆ ಇಫ್ತಾರ್ ಸಿಹಿ ತಿನಿಸುಗಳ ಆರ್ಡರ್‌ಗಳಲ್ಲಿ ತೀವ್ರ ಹೆಚ್ಚಳ ಕಂಡುಬಂದಿದೆ.