SIP ಪವರ್: ಸಂಪತ್ತು ನಿರ್ಮಿಸಲು ಮಾಸಿಕ ಕೇವಲ 500 ರೂ. ಹೂಡಿಕೆ ನಿಮ್ಮಿಂದ ಸಾಧ್ಯವಿಲ್ಲವೇ?

ಬಹಳಷ್ಟು ಜನರಿಗೆ ಹಣ ಉಳಿಸಬೇಕು ಸಂಪತ್ತು ನಿರ್ಮಿಸಬೇಕು ಎನ್ನುವ ಆಲೋಚನೆ ಇರುತ್ತದೆ. ಆದರೆ ಖರ್ಚು ವೆಚ್ಚ ಕಳೆದು ಹಣ ಉಳಿಸೋದು ಹೇಗೆ? ತಿಂಗಳಾಂತ್ಯದಲ್ಲಿ ಕೈಯಲ್ಲಿ ದುಡ್ಡೇ ಉಳಿಯೋದಿಲ್ಲ ಎಂಬವರು ಈ ಲೇಖನವನ್ನು ಓದಲೇಬೇಕು. ಯಾಕೆಂದರೆ ಮಾಸಿಕವಾಗಿ ಕೇವಲ 500 ರೂ. ಹೂಡಿಕೆಯಿಂದ ಸಂಪತ್ತಿ ನಿರ್ಮಿಸುವ ವಿಧಾನ ಇದು. ಇದಕ್ಕೆ ಪವರ್ ಆಫ್ ಕಾಂಪೌಂಡಿಂಗ್ ಎನ್ನುವುದು. ಮೂಲಭೂತವಾಗಿ 'ಬಡ್ಡಿಯ ಮೇಲೆ ಬಡ್ಡಿಯನ್ನು ಸೇರಿಸುವ' ಕ್ರಿಯೆಯಾಗಿದೆ.

ಸಣ್ಣ ಮೊತ್ತದಿಂದ ದೊಡ್ಡ ಪ್ರಮಾಣದ ನಿಧಿಯನ್ನು ನಿರ್ಮಿಸುವುದು ನಂಬಲು ಕಷ್ಟ, ಆದರೆ ಸ್ಥಿರ ಮತ್ತು ಶಿಸ್ತುಬದ್ಧ ಹೂಡಿಕೆ ತಂತ್ರದಿಂದ ಮಾತ್ರ ಇದನ್ನು ಸಾಧಿಸಬಹುದು. ಇಷ್ಟು ದೊಡ್ಡ ನಿಧಿಯನ್ನು ನಿರ್ಮಿಸುವ ಮತ್ತೊಂದು ಪ್ರಮುಖ ಅಂಶವೆಂದರೆ ಆರಂಭಿಕ ಹೂಡಿಕೆ. ನೀವು ಮೊದಲೇ ಹೂಡಿಕೆ ಮಾಡಲು ಪ್ರಾರಂಭಿಸಿದರೆ, ನಿಮ್ಮ ಹೂಡಿಕೆಯು ದೀರ್ಘಾವಧಿಯಲ್ಲಿ ಬೆಳೆಯಲು ಸಾಕಷ್ಟು ಸಮಯವನ್ನು ಪಡೆಯುತ್ತದೆ.

ತಿಂಗಳಿಗೆ ಕೇವಲ 500 ರೂ. ಮಾತ್ರ ಉಳಿಸಲು ಸಾಧ್ಯ ಎನ್ನುವವರಿಗೆ, ಮ್ಯೂಚುವಲ್ ಫಂಡ್‌ಗಳಲ್ಲಿ ವ್ಯವಸ್ಥಿತ ಹೂಡಿಕೆ ಯೋಜನೆ (SIP) ಉತ್ತಮ ಆಯ್ಕೆಯಾಗಿದೆ. ಇದರಲ್ಲಿ ನೀವು ಒಂದು ನಿರ್ದಿಷ್ಟ ಮೊತ್ತವನ್ನು ನಿಯಮಿತವಾಗಿ ಅಂದರೆ ಮಾಸಿಕ, ತ್ರೈಮಾಸಿಕ ಅಥವಾ ವಾರ್ಷಿಕವಾಗಿ ಹೂಡಿಕೆ ಮಾಡುತ್ತೀರಿ, ಇಲ್ಲಿ ಒಟ್ಟು ಮೊತ್ತವನ್ನು ಒಮ್ಮೆಗೇ ಹೂಡಿಕೆ ಮಾಡುವ ಬದಲು ಹಂತ ಹಂತವಾಗಿ ಹೂಡಿಕೆ ಮಾಡಬಹುದು.

ಇದರ ಉತ್ತಮ ಅಂಶವೆಂದರೆ, ನಿಮ್ಮ ಮೂಲ ಮೊತ್ತದ ಮೇಲೆ ಮಾತ್ರವಲ್ಲದೆ, ಬಂಡವಾಳ ಲಾಭದ ಮೇಲೂ ಬಡ್ಡಿಯನ್ನು ಗಳಿಸುತ್ತೀರಿ. ಅಂದರೆ, SIP ಚಕ್ರಬಡ್ಡಿಯ ಶಕ್ತಿಯನ್ನು ಬಳಸಿಕೊಳ್ಳುತ್ತದೆ ಮತ್ತು ಕಾಲಾನಂತರದಲ್ಲಿ ನಿಮ್ಮ ಹೂಡಿಕೆಯನ್ನು ಬೆಳೆಸುವ ಸಾಮರ್ಥ್ಯವನ್ನು ಹೊಂದಿದೆ.

ಈ ಲೇಖನದಲ್ಲಿ, ಮಾಸಿಕ 500 ರೂಪಾಯಿ ಹೂಡಿಕೆಯೊಂದಿಗೆ 20 ವರ್ಷಗಳಲ್ಲಿ ನೀವು ಎಷ್ಟು ಹಣವನ್ನು ಸಂಗ್ರಹಿಸಬಹುದು ಎಂಬುದನ್ನು ಲೆಕ್ಕಾಚಾರಗಳ ಮೂಲಕ ವಿವರಿಸುತ್ತೇವೆ. 500 ರೂಪಾಯಿಗಳ SIP ಶಕ್ತಿ: ಮಾಸಿಕ 500 ರೂ. ಹೂಡಿಕೆಯೊಂದಿಗೆ 20 ವರ್ಷಗಳಲ್ಲಿ ನೀವು ಎಷ್ಟು ಹಣ ಒಟ್ಟುಗೂಡಿಸಬಹುದು?

ಕ್ಯಾಲ್ಕುಲೇಟರ್ ಪ್ರಕಾರ, ನೀವು ಮಾಸಿಕ 500 ರೂಪಾಯಿ ಹೂಡಿಕೆ ಮಾಡಿದ್ರೆ ಗೆ 20 ವರ್ಷಗಳಲ್ಲಿ ಹೆಚ್ಚು ಕಮ್ಮಿ 5 ಲಕ್ಷ ರೂ. (4,99,574 ರೂ.ಸುಮಾರು) ನಿರ್ಮಿಸಬಹುದು. ಹೇಗೆ ಎಂದು ತಿಳಿಯೋಣ.

ನೀವು 20 ವರ್ಷಗಳ ಕಾಲ SIP ಮ್ಯೂಚುವಲ್ ಫಂಡ್‌ನಲ್ಲಿ ಪ್ರತಿ ತಿಂಗಳು 500 ರೂಪಾಯಿಗಳನ್ನು ಹೂಡಿಕೆ ಮಾಡುತ್ತಿದ್ದರೆ, ನಿಮ್ಮ ಒಟ್ಟು ಹೂಡಿಕೆ 1,20,000 ರೂಪಾಯಿಗಳಾಗಿರುತ್ತದೆ. ನೀವು ಸರಾಸರಿ ವಾರ್ಷಿಕ 12 ಪ್ರತಿಶತದಷ್ಟು ಆದಾಯವನ್ನು ನಿರೀಕ್ಷಿಸಿದರೆ, ನಿಮ್ಮ ನಿರೀಕ್ಷಿತ ಬಂಡವಾಳ ಲಾಭವು ಸುಮಾರು 3,79,574 ರೂಪಾಯಿಗಳಾಗಿರುತ್ತದೆ. ಆದ್ದರಿಂದ, 20 ವರ್ಷಗಳ ಕೊನೆಯಲ್ಲಿ, ನಿಮ್ಮ ಒಟ್ಟು ನಿಧಿ ಸುಮಾರು 4,99,574 ರೂಪಾಯಿಗಳಿಗೆ ಬೆಳೆಯುತ್ತದೆ.

ಪೂರ್ಣ ಲೆಕ್ಕಾಚಾರಗಳು -

ಹೂಡಿಕೆ ಮಾಡಿದ ಮೊತ್ತ: ರೂ 1,20,000

ಬಂಡವಾಳ ಲಾಭ: ರೂ 3,79,574

ಒಟ್ಟು ಮೌಲ್ಯ: ರೂ 4,99,574

SIPಯಲ್ಲಿ ಗಮನಿಸಬೇಕಾದ ಅಂಶಗಳು

SIP ಒಂದು ಮಾರುಕಟ್ಟೆ-ಸಂಬಂಧಿತ ಹೂಡಿಕೆಯಾಗಿದೆ, ಅಂದರೆ ನಿಮ್ಮ ಹೂಡಿಕೆಯ ಮೌಲ್ಯವು ಮಾರುಕಟ್ಟೆಯ ಏರಿಳಿತಗಳ ಮೇಲೆ ಪರಿಣಾಮ ಬೀರುತ್ತದೆ. ಆದಾಯವನ್ನು ಖಾತರಿಪಡಿಸಲು ಸಾಧ್ಯವಿಲ್ಲ. ಈ ಹಿಂದೆ ತಿಳಿಸಲಾದ 12% ಆದಾಯವು ಕೇವಲ ಒಂದು ಅಂದಾಜು. ಮಾರುಕಟ್ಟೆಯ ಪರಿಸ್ಥಿತಿಗಳಿಗೆ ಅನುಗುಣವಾಗಿ ನಿಮ್ಮ ನಿಜವಾದ ಆದಾಯವು ಬದಲಾಗಬಹುದು. ಉದಾಹರಣೆಗೆ, ಮಾರುಕಟ್ಟೆಯು ಉತ್ತಮವಾಗಿ ಕಾರ್ಯನಿರ್ವಹಿಸಿದರೆ, ನಿಮ್ಮ ಆದಾಯವು 12% ಕ್ಕಿಂತ ಹೆಚ್ಚಾಗಬಹುದು. ಒಂದು ವೇಳೆ ವಾರ್ಷಿಕ ಆದಾಯವು 13% ಅಥವಾ 14% ಆಗಿದ್ದರೆ ಏನಾಗುತ್ತದೆ ಎಂಬುದನ್ನು ನೋಡೋಣ.

ಲೆಕ್ಕಾಚಾರಗಳ ಪ್ರಕಾರ, ವಾರ್ಷಿಕ ಆದಾಯವು ಶೇಕಡಾ 13 ರಷ್ಟಿದ್ದರೆ, ನೀವು 20 ವರ್ಷಗಳಲ್ಲಿ ಅಂದಾಜು 5,72,760 ರೂ.ಗಳ ನಿಧಿಯನ್ನು ನಿರ್ಮಿಸಬಹುದು.

ಒಂದು ವೇಳೆ ವಾರ್ಷಿಕ ಆದಾಯವು ಶೇಕಡಾ 14 ರಷ್ಟಿದ್ದರೆ, ನೀವು 20 ವರ್ಷಗಳಲ್ಲಿ ಅಂದಾಜು 6,58,173 ರೂ.ಗಳ ಫಂಡ್ ನಿರ್ಮಿಸಬಹುದು.

Disclaimer: The write-up is just for information purposes, and is not a recommendation to buy, sell or hold. We have not done fundamental or technical analysis and have no opinion on article mentioned. Neither, the author nor Greynium Information Technologies should be held liable for any losses. Please consult a professional advisor.