ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್ ಎಕ್ಸ್ ಜಾಗತಿಕ ಸ್ಥಗಿತ! ಸಾವಿರಾರು ಬಳಕೆದಾರರಿಗೆ ಶಾಕ್‌

ಬೆಂಗಳೂರು, ಆಗಸ್ಟ್‌ 28: ಸಾಮಾಜಿಕ ನೆಟ್‌ವರ್ಕಿಂಗ್ ಪ್ಲಾಟ್‌ಫಾರ್ಮ್ X ಜಾಗತಿಕ ಸೇವೆ ಸ್ಥಗಿತ ಸಮಸ್ಯೆಯನ್ನು ಎದುರಿಸುತ್ತಿದೆ. ಇದರಿಂದ ಹಲವಾರು ಬಳಕೆದಾರರ ಸಮಸ್ಯೆ ಎದುರಿಸಿದರು. ಈ ವ್ಯಾಪಕ ಸಮಸ್ಯೆಯ ಹೊರತಾಗಿಯೂ ಕಂಪನಿಯು ಪರಿಸ್ಥಿತಿಯ ಬಗ್ಗೆ ಯಾವುದೇ ಅಧಿಕೃತ ಮಾಹಿತಿಯನ್ನು ನೀಡಿಲ್ಲ.

ಬಳಕೆದಾರರು ಸೇರಿದಂತೆ ವಿವಿಧ ಮೂಲಗಳಿಂದ ಸ್ಟೇಟಸ್‌ ರಿಪೋರ್ಟ್‌ಗಳನ್ನು ಸಂಗ್ರಹಿಸುವ ಮೂಲಕ ಸ್ಥಗಿತಗಳನ್ನು ಮೇಲ್ವಿಚಾರಣೆ ಮಾಡುವ ಡೌನ್‌ಡೆಕ್ಟರ್, ಭಾರತದಲ್ಲಿ ಸುಮಾರು 700 ಕ್ಕೂ ಹೆಚ್ಚು ಜನರು ಬೆಳಿಗ್ಗೆ 9 ಗಂಟೆಗೆ (IST) ಸ್ಥಗಿತಗಳನ್ನು ವರದಿ ಮಾಡಿದ್ದಾರೆ ಎಂದು ಸೂಚಿಸಿದೆ.

ಮಂಗಳವಾರ ಎಕ್ಸ್‌ ಸ್ಥಗಿತದಿಂದ ಯುಎಸ್‌ನಲ್ಲಿನ ಬಳಕೆದಾರರು ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್ ಎಕ್ಸ್‌ನೊಂದಿಗೆ 36,500 ಸಮಸ್ಯೆಗಳನ್ನು ರಿಪೋರ್ಟ್ ಮಾಡಿದ್ದಾರೆ. ಹೆಚ್ಚುವರಿಯಾಗಿ, ಡೌನ್‌ಡೆಕ್ಟರ್ ತೋರಿಸಿರುವಂತೆ ಕೆನಡಾದಲ್ಲಿ 3,300 ಕ್ಕೂ ಹೆಚ್ಚು ವರದಿಗಳು ಮತ್ತು ರಾತ್ರಿ 11:20 ವರೆಗೆ ಯುಕೆಯಲ್ಲಿ 1,600 ರಿಪೋರ್ಟ್‌ಗಳು ಬಂದಿದೆ.

ಎಕ್ಸ್‌ ಸೇವೆಯನ್ನು ಸ್ಥಗಿತಗೊಳಿಸಲಾಗಿದೆ ಮತ್ತು ಅಪ್ಲಿಕೇಶನ್ ಅನ್ನು ಪ್ರವೇಶಿಸಲು ಸಾಧ್ಯವಾಗುತ್ತಿಲ್ಲ ಎಂದು ಅನೇಕ ಇಂಟರ್ನೆಟ್ ಬಳಕೆದಾರರು ದೂರಿದ್ದಾರೆ. ಮೈಕ್ರೋಬ್ಲಾಗಿಂಗ್ ಪ್ಲಾಟ್‌ಫಾರ್ಮ್ ಜಾಗತಿಕ ಸ್ಥಗಿತವನ್ನು ಎದುರಿಸುತ್ತಿರುವುದು ಇದೇ ಮೊದಲಲ್ಲ. ಆಗಸ್ಟ್‌ನಲ್ಲಿ ಎಕ್ಸ್‌ನ ಸೇವೆಗಳು ಸ್ವಲ್ಪ ಸಮಯದವರೆಗೆ ಸ್ಥಗಿತಗೊಂಡಿದ್ದವು. ಅಪ್ಲಿಕೇಶನ್‌ನಲ್ಲಿ ಬಳಕೆದಾರರು ತಮ್ಮ ಪೋಸ್ಟ್‌ಗಳನ್ನು ಪ್ರವೇಶಿಸಲು ಸಾಧ್ಯವಾಗಲಿಲ್ಲ. ಸ್ಥಗಿತದ ಸುದ್ದಿ ಹೊರಬಿದ್ದ ತಕ್ಷಣ ಸಾಮಾಜಿಕ ಮಾಧ್ಯಮದಲ್ಲಿ ಎಕ್ಸ್ ಬಗ್ಗೆ ಮೀಮ್‌ಗಳು ಹಂಚಿಕೊಳ್ಳಲು ಪ್ರಾರಂಭಿಸಿದವು.

ಜಾಗತಿಕ ಸ್ಥಗಿತದ ಸಮಯದಲ್ಲಿ ಎಕ್ಸ್‌ ಅನ್ನು ಪ್ರವೇಶಿಸುವ ಬಳಕೆದಾರರು "ಏನೋ ತಪ್ಪಾಗಿದೆ" ಮತ್ತು "ಮರುಲೋಡ್ ಮಾಡಲು ಪ್ರಯತ್ನಿಸಿ" ಎಂಬ ಎಚ್ಚರಿಕೆಗಳನ್ನು ಸ್ವೀಕರಿಸುತ್ತಿದ್ದರು. ಎಕ್ಸ್‌ನ ಸೇವೆಗಳು ಸ್ವಲ್ಪ ಸಮಯದವರೆಗೆ ಅಡ್ಡಿಪಡಿಸಿದರೂ, ಅಪ್ಲಿಕೇಶನ್ ನಂತರ ಎಂದಿನಂತೆ ಕಾರ್ಯನಿರ್ವಹಿಸಲು ಪ್ರಾರಂಭಿಸಿತು. ಎಲೋನ್ ಮಸ್ಕ್ 2022 ರಲ್ಲಿ ಎಕ್ಸ್‌ ಅನ್ನು $44 ಶತಕೋಟಿಗೆ ಸ್ವಾಧೀನಪಡಿಸಿಕೊಂಡರು. ಟ್ವಿಟರ್ ಅನ್ನು ಮರುಬ್ರಾಂಡ್ ಮಾಡುವುದು ಸೇರಿದಂತೆ ಗಮನಾರ್ಹ ಬದಲಾವಣೆಗಳನ್ನು ಜಾರಿಗೆ ತಂದರು.

ಆಗಸ್ಟ್ 13 ರಂದು ಯುಎಸ್ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮತ್ತು ಎಲೋನ್ ಮಸ್ಕ್ ನಡುವಿನ ಬಹು ನಿರೀಕ್ಷಿತ ಸಂದರ್ಶನವು ತಾಂತ್ರಿಕ ಸಮಸ್ಯೆಗಳಿಂದ ವಿಳಂಬವಾಯಿತು. ಮಸ್ಕ್ ಒಡೆತನದ ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್ ಎಕ್ಸ್‌ನಲ್ಲಿ ಸಂದರ್ಶನ ನಡೆಯಬೇಕಿತ್ತು. 8 ಗಂಟೆಯ ನಿಗದಿತ ಆರಂಭದ ಸಮಯದ 18 ನಿಮಿಷಗಳ ನಂತರ ಎಕ್ಸ್‌ ನಲ್ಲಿನ ಪೋಸ್ಟ್‌ನಲ್ಲಿ ಮಸ್ಕ್‌ ಉಲ್ಲೇಖಿಸಿದ್ದಾರೆ. ಯುಎಸ್‌ ಈಸ್ಟರ್ನ್ ಟೈಮ್ (5:30 AM IST), X ಮೇಲೆ ಭಾರಿ DDoS ದಾಳಿಯು ಕಂಡುಬಂದಿದೆ. ಅವರು ಸಮಸ್ಯೆಯನ್ನು ಪರಿಹರಿಸುವಲ್ಲಿ ಕೆಲಸ ಮಾಡುತ್ತಿದ್ದಾರೆ ಎಂದು ಅವರು ಪ್ರೇಕ್ಷಕರಿಗೆ ಭರವಸೆ ನೀಡಿದ್ದರು.