Nifty 50 investment:ಕೇವಲ 250 ರೂ. ಹೂಡಿಕೆ..ಭಾರತದ ಟಾಪ್ 50 ಕಂಪನಿಗಳಲ್ಲಿ ಲಾಭದ ಹೊಳೆ! ಹೇಗೆಂದು ಇಲ್ಲಿ ತಿಳಿಯಿರಿ

ಬಹುತೇಕ ಹೊಸ ಹೂಡಿಕೆದಾರರು ಷೇರು ಮಾರುಕಟ್ಟೆಗೆ ಪ್ರವೇಶಿಸುವ ಮೊದಲು ಒಂದು ಭ್ರಾಂತಿಯಲ್ಲಿ ಇರುತ್ತಾರೆ..ಅದೇನಂದ್ರೆ ಉತ್ತಮ ಕಂಪನಿಗಳ ಷೇರುಗಳಲ್ಲಿ ಹೂಡಿಕೆ ಮಾಡಲು ಬಹುದೊಡ್ಡ ಮೊತ್ತ ಬೇಕಾಗುತ್ತದೆ ಎಂದು. ಆದರೆ ಇದು ನಿಜವಲ್ಲ. ಇಂದಿನ ಆಧುನಿಕ ಹಣಹೂಡಿಕೆ ಸಾಧನಗಳು, ವಿಶೇಷವಾಗಿ ಎಕ್ಸ್ಚೇಂಜ್ ಟ್ರೇಡೆಡ್ ಫಂಡ್‌ಗಳು (ETF), ಕೇವಲ 250 ರೂ. ನಷ್ಟು ಕಡಿಮೆ ಮೊತ್ತದಿಂದಲೂ ಹೂಡಿಕೆಗೆ ಅವಕಾಶ ನೀಡುತ್ತವೆ.

ETF ಎಂದರೆ ಏನು?

ETF ಎಂಬುದು ನಿಫ್ಟಿ ಅಥವಾ ಸೆನ್ಸೆಕ್ಸ್‌ನಂತಹ ಸೂಚ್ಯಂಕಗಳನ್ನು ಅನುಸರಿಸುವ ಹೂಡಿಕೆ ಸಾಧನ. ನಿಫ್ಟಿ 50 ETF ಅನ್ನು ಖರೀದಿಸಿದರೆ, ನೀವು ನಿಫ್ಟಿ 50 ಪಟ್ಟಿಯಲ್ಲಿರುವ 50 ಅಗ್ರಗಣ್ಯ ಕಂಪನಿಗಳ ಷೇರುಗಳಲ್ಲಿ ಪ್ರಾತಿನಿಧ್ಯ ಹೊಂದುತ್ತೀರಿ. ಈ ಕಂಪನಿಗಳಲ್ಲಿ ರಿಲಯನ್ಸ್, ಐಸಿಐಸಿಐ ಬ್ಯಾಂಕ್, ಎಚ್‌ಡಿಎಫ್‌ಸಿ, ಟಿಸಿಎಸ್, ಇನ್ಫೋಸಿಸ್ ಮುಂತಾದವುಗಳು ಸೇರಿವೆ. ಇದರಿಂದ ನೀವು ಕೇವಲ 250 ರೂ. ಹೂಡಿಕೆಯೊಂದಿಗೆ ರಾಷ್ಟ್ರಮಟ್ಟದ ಸಂಸ್ಥೆಗಳ ಷೇರುಗಳ ಪಾಲುದಾರರಾಗಬಹುದು.

ತಪ್ಪು ಸೂಚ್ಯಂಕದ ಅವಲಂಬನೆಯ ತೀವ್ರತೆ:

ವಿಮಲ್ ಎಂಬ ಹೂಡಿಕೆದಾರ ಎರಡು ವರ್ಷಗಳ ಹಿಂದೆ ಮಿಡ್‌ಕ್ಯಾಪ್ ಮತ್ತು ಸ್ಮಾಲ್‌ಕ್ಯಾಪ್ ಷೇರುಗಳಲ್ಲಿ 3 ಲಕ್ಷ ರೂ. ಹೂಡಿಕೆ ಮಾಡಿದರು. ಆದರೆ ಸೆನ್ಸೆಕ್ಸ್ ಮತ್ತು ನಿಫ್ಟಿಯ ಚಲನೆ ನೋಡಿ ಹೂಡಿಕೆ ನಿರ್ಣಯ ತೆಗೆದುಕೊಂಡವರು. ಈ ಸೂಚ್ಯಂಕಗಳು ಬೃಹತ್ ಕಂಪನಿಗಳ ಪ್ರದರ್ಶನವನ್ನಷ್ಟೇ ಪ್ರತಿಬಿಂಬಿಸುತ್ತವೆ. ಹೀಗಾಗಿ ವಿಮಲ್ ಹೂಡಿಸಿದ್ದ ಕಂಪನಿಗಳ ಮೇಲೆ ಅವು ಪರಿಣಾಮ ಬೀರುವುದಿಲ್ಲ. ಇದು ಹೊಸ ಹೂಡಿಕೆದಾರರಿಗೆ ಪಾಠ: ಯಾವ ಸಂಗ್ರಹ ಸೂಚ್ಯಂಕ ನಿಮ್ಮ ಹೂಡಿಕೆಗಳಿಗೆ ಹೊಂದಿಕೊಳ್ಳುತ್ತದೆ ಎಂಬುದನ್ನು ಮೊದಲು ಅರ್ಥಮಾಡಿಕೊಳ್ಳಬೇಕು.

ನಿಖರವಾದ ಸೂಚ್ಯಂಕಗಳನ್ನು ಅನ್ವಯಿಸಿ:

ಮಾರುಕಟ್ಟೆಯಲ್ಲಿರುವ ಅನೇಕ ಸೂಚ್ಯಂಕಗಳಲ್ಲಿ ನಿಮಗೆ ಸರಿಯಾದದನ್ನು ಆಯ್ಕೆ ಮಾಡುವುದು ಅತ್ಯಗತ್ಯ. ನಿಮ್ಮ ಹೂಡಿಕೆ ಮಿಡ್‌ಕ್ಯಾಪ್ ಷೇರುಗಳಲ್ಲಿ ಇದ್ದರೆ ನಿಫ್ಟಿ ಮಿಡ್‌ಕ್ಯಾಪ್ 150 ಅಥವಾ ನಿಫ್ಟಿ ಸ್ಮಾಲ್‌ಕ್ಯಾಪ್ 250 ಅನ್ನು ಗಮನಿಸಬೇಕು. ವಲಯ ಆಧಾರಿತ ಸೂಚ್ಯಂಕಗಳಾದ ನಿಫ್ಟಿ ಐಟಿ, ನಿಫ್ಟಿ ಬ್ಯಾಂಕ್, ನಿಫ್ಟಿ ಎಫ್‌ಎಂಸಿಜಿ ಮುಂತಾದವುಗಳು ಕೂಡ ಉಪಯುಕ್ತ.

ETF ಮೂಲಕ ಹೂಡಿಕೆ ಹೇಗೆ ಪ್ರಾರಂಭಿಸಬಹುದು?

ETF ಗಳಿಗೆ ಹೂಡಿಕೆ ಮಾಡಲು ನಿಮಗೆ ಡಿಮ್ಯಾಟ್ ಖಾತೆಯ ಅಗತ್ಯವಿದೆ. ಝೆರೋಧಾ (Zerodha), ಗ್ರೋ (Groww), ಅಪ್‌ಸ್ಟಾಕ್ಸ್ (Upstox)..ಮುಂತಾದ ಪ್ಲಾಟ್‌ಫಾರ್ಮ್‌ಗಳಲ್ಲಿ ನಿಫ್ಟಿ 50 ETF ಅಥವಾ ಭಾರತ 22 ETF ಎಂಬುದನ್ನು ಹುಡುಕಿ. 250 ರೂ. ರಿಂದ ಪ್ರಾರಂಭಿಸಿ, ಭಾರತೀಯ ಅಗ್ರಗಣ್ಯ ಕಂಪನಿಗಳ ಷೇರುಗಳಲ್ಲಿ ಹೂಡಿಕೆಯನ್ನು ಆರಂಭಿಸಬಹುದು. ನೀವು ETF ಯನ್ನು ಷೇರುಗಳಂತೆ ಖರೀದಿ ಮತ್ತು ಮಾರಾಟ ಮಾಡಬಹುದು.

ETF ಗಳ ಪ್ರಮುಖ ಲಾಭಗಳು:

ETF ಗಳು ಕಡಿಮೆ ವೆಚ್ಚದ, ಡೈವರ್ಸಿಫೈಡ್ (ವೈವಿಧ್ಯತೆ ಹೊಂದಿರುವ) ಹೂಡಿಕೆ ಮಾರ್ಗವಾಗಿದ್ದು, ನೇರವಾಗಿ ಷೇರು ಮಾರುಕಟ್ಟೆಯಲ್ಲಿ ಲಭ್ಯವಿರುತ್ತವೆ. ಇವು:

ಒಂದು ETF ಖರೀದಿ. ನೂರಾರು ಷೇರುಗಳಲ್ಲಿ ಪಾಲುದಾರಿಕೆ:

• ಕಡಿಮೆ ನಿರ್ವಹಣಾ ಶುಲ್ಕ
• ಡೇ ಟ್ರೇಡಿಂಗ್‌ನಂತೆ ಲಿಕ್ವಿಡಿಟಿ
• ಮ್ಯೂಚುವಲ್ ಫಂಡ್‌ಗಳಿಗೆ ಶ್ರೇಷ್ಠ ಪರ್ಯಾಯ

ಅಪಾಯ ಕಡಿಮೆ, ಲಾಭ ಸಾಧ್ಯತೆ:

ದೊಡ್ಡ ಕಂಪನಿಗಳ ಷೇರುಗಳು ಸಾಮಾನ್ಯವಾಗಿ ಸ್ಥಿರವಿರುವುದರಿಂದ ಹೊಸ ಹೂಡಿಕೆದಾರರಿಗೆ ಹೆಚ್ಚು ಸೂಕ್ತ. ಆದರೆ ಈ ಷೇರುಗಳನ್ನು ಪ್ರತ್ಯೇಕವಾಗಿ ಖರೀದಿಸಲು ಹೆಚ್ಚಿನ ಹಣ ಬೇಕಾಗುತ್ತದೆ. ಉದಾಹರಣೆಗೆ, ಹಿಂದೂಸ್ತಾನ್ ಯೂನಿಲಿವರ್ ಷೇರು ಬೆಲೆ 2,300 ರೂ. ಗಿಂತ ಹೆಚ್ಚಿರಬಹುದು. ಈ ಸಂಕಷ್ಟದ ಪರಿಹಾರವೇ ETF. ಒಂದು ETF ಯು ಎಲ್ಲಾ ಪ್ರಮುಖ ಕಂಪನಿಗಳ ಷೇರುಗಳನ್ನು ಒಳಗೊಂಡಿರುತ್ತದೆ, ಅದೂ 250 ರೂ. ನಷ್ಟು ಕಡಿಮೆ ಮೊತ್ತದಲ್ಲಿ.

ಹೂಡಿಕೆ ಎಂದರೆ ಕೇವಲ ಹಣವಲ್ಲ, ತಿಳುವಳಿಕೆಯೂ ಬೇಕು. ETF ಗಳನ್ನು ಬಳಸಿಕೊಂಡು, ನೀವು ಲಾರ್ಜ್ ಕ್ಯಾಪ್ ಷೇರುಗಳಲ್ಲಿ ಹೂಡಿಕೆಗೆ ನೂತನ, ಸುರಕ್ಷಿತ ದಾರಿ ಕಂಡುಕೊಳ್ಳಬಹುದು. ಕೇವಲ 250 ರೂ. ನಿಂದಲೇ ಭಾರತದಲ್ಲಿನ ಟಾಪ್ 50 ಕಂಪನಿಗಳ ಬೆಳವಣಿಗೆಯಲ್ಲಿ ಪಾಲುದಾರರಾಗಲು ಇದು ಉತ್ತಮ ಆಯ್ಕೆ.