Super Moon: ವರ್ಷದ ಮೊದಲ ಸೂಪರ್‌ ಮೂನ್‌! ಸಂಜೆ ಆಕಾಶ ನೋಡದನ್ನ ಮಿಸ್‌ ಮಾಡ್ಬೇಡಿ

2026ರ ಮೊದಲ ಸೂಪರ್‌ಮೂನ್ ಜನವರಿ 3, ಶನಿವಾರ ರಾತ್ರಿ ಆಕಾಶದಲ್ಲಿ ಕಾಣಿಸಿಕೊಳ್ಳಲಿದೆ. ಅಂದರೆ ಈ ವರ್ಷದ ಮೊದಲ ಸೂಪರ್‌ ಮೂನ್‌ (Super Moon) ಇಂದು ಗೋಚರಿಸಲಿದೆ. ಈ ಸಂದರ್ಭದಲ್ಲಿ ಚಂದ್ರನು ಶೇ 30ರಷ್ಟು ಹೆಚ್ಚು ಪ್ರಕಾಶಮಾನವಾಗಿ ಮತ್ತು ಶೇ 14%ರಷ್ಟು ದೊಡ್ಡದಾಗಿ ಗೋಚರಿಸುತ್ತದೆ. ಭಾರತದಲ್ಲಿ ಸೂರ್ಯಾಸ್ತ್ರದ ನಂತರ ಸಂಜೆ ಇದನ್ನು ಸ್ಪಷ್ಟವಾಗಿ ವೀಕ್ಷಿಸಬಹುದು.

ಸೂಪರ್‌ಮೂನ್‌ ಎಂದರೇನು?
ಸೂಪರ್‌ ಮೂನ್‌ ಎಂದರೆ ಪೂರ್ಣ ಚಂದ್ರನು ಭೂಮಿಗೆ ಅತ್ಯಂತ ಹತ್ತಿರ ಬರುವ ಸಮಯದಲ್ಲಿ ಕಾಣಿಸಿಕೊಳ್ಳುವುದಾಗಿದೆ. ಇದರಿಂದ ಚಂದ್ರ ಸಾಮಾನ್ಯ ಕಾಣುವುದಕ್ಕುಂದ 14% ದೊಡ್ಡದಾಗಿ ಮತ್ತು 30% ಹೆಚ್ಚಿನ ಪ್ರಕಾಶಮಾನವಾಗಿ ಕಾಣಿಸಿಕೊಳ್ಳುತ್ತದೆ.

ಇನ್ನು ಈ ಸಮಯದಲ್ಲಿ ಚಂದ್ರನು (Moon) ಭೂಮಿಯಿಂದ ಸುಮಾರು 3,62,641 ಕಿಲೋಮೀಟರ್ ದೂರದಲ್ಲಿ ಇರಲಿದ್ದಾನೆ. ಇದೇ ಸಂದರ್ಭದಲ್ಲಿ ಚಂದ್ರನ ಗಾತ್ರ ಮತ್ತು ಪ್ರಕಾಶವನ್ನು ಗಣನೀಯವಾಗಿ ಹೆಚ್ಚಾಗುತ್ತದೆ. ಅಲ್ಲದೇ ಪ್ರತೀ ವರ್ಷವೂ ಈ ಸಂದರ್ಭ ಎಲ್ಲರ ಗಮನ ಸೆಳೆಯುತ್ತದೆ.

ಪೂರ್ಣ ಚಂದ್ರನು ತನ್ನ ಕಕ್ಷೆಯಲ್ಲಿ ಭೂಮಿಗೆ ಅತ್ಯಂತ ಸಮೀಪಕ್ಕೆ ಬರುವ ಹಂತವನ್ನು 'ಸೂಪರ್‌ಮೂನ್' ಎನ್ನುತ್ತಾರೆ. ಇದನ್ನು ವೈಜ್ಞಾನಿಕವಾಗಿ 'ಪೆರಿಜಿ' ಎಂದು ಪರಿಗಣಿಸಲಾಗಿದೆ. ಈ ವಿಶಿಷ್ಟ ಸಂದರ್ಭದಲ್ಲಿ, ಚಂದ್ರನು ಸೂರ್ಯನಿಗೆ ವಿರುದ್ಧ ದಿಕ್ಕಿನಲ್ಲಿ ಇರುವುದರಿಂದ, ಭೂಮಿಗೆ ಹತ್ತಿರವಿರುವ ಚಂದ್ರನ ಭಾಗವು ಸಂಪೂರ್ಣವಾಗಿ ಪ್ರಕಾಶಮಾನವಾಗಿ ಗೋಚರಿಸುತ್ತದೆ. ಇದರಿಂದ ಚಂದ್ರನು ಸಾಮಾನ್ಯ ಹುಣ್ಣಿಮೆ ಸಂದರ್ಭದಲ್ಲಿ ಕಾಣುವುದಕ್ಕಿಂತಲೂ ದೊಡ್ಡದಾಗಿ ಮತ್ತು ಹೆಚ್ಚು ಪ್ರಕಾಶಮಾನವಾಗಿ ಕಾಣಿಸುತ್ತಾನೆ.

ಯಾವಾಗ ಮತ್ತು ಎಲ್ಲಿ ಕಾಣಿಸಿಕೊಳ್ಳುತ್ತದೆ?
ಇನ್ನು ಈ ಸೂಪರ್‌ ಮೂನ್‌ ಅನ್ನು ಜನವರಿ 3 ರಂದು ಸಂಜೆ ವೇಳೆ ಪ್ರಪಂಚದಾದ್ಯಂತ ಆಕಾಶ ವೀಕ್ಷಕರು ಸೂಪರ್‌ ಮೂನ್‌ ನೋಡಬಹುದು. ಭಾರತದಲ್ಲಿ ಚಂದ್ರೋದಯದಲಿ ಸಮಯದಲ್ಲಿ ಜನವರಿ 3 ರಂದು ಕಾಣಬಹುದಗಿದೆ. ಸೂರ್ಯಾಸ್ತದ ನಂತರ ಭಾರತೀಯ ಸಮಯ ಸಂಜೆ 5:45 ರಿಂದ 6 ಗಂಟೆಯವರೆಗೆ ಇದನ್ನು ನೋಡಲು ಸಾಧ್ಯವಾಗುತ್ತದೆ. ಈ ಸಮಯದಲ್ಲಿ ಚಂದ್ರನು 362,642 ಕಿ.ಮೀ ದೂರದಿಂದ ಕಾಣಿಸಿಕೊಳ್ಳುತ್ತಾನೆ ಎಂದು ನಾಸಾ ತಿಳಿಸಿದೆ.

ಜನವರಿ ತಿಂಗಳ ಈ ಹುಣ್ಣಿಮೆಯನ್ನು "ವೂಲ್ಫ್ ಮೂನ್" ಎಂದೂ ಕರೆಯಲಾಗುತ್ತದೆ. ಉತ್ತರ ಗೋಳಾರ್ಧದ ಜಾನಪದದ ಪ್ರಕಾರ, ಚಳಿಗಾಲದ ದೀರ್ಘ ರಾತ್ರಿಗಳಲ್ಲಿ ತೋಳಗಳ ಕೂಗುವಿಕೆಯಿಂದ ಈ ಹೆಸರು ಬಂದಿದೆ ಎಂದು ಹೇಳಲಾಗಿದೆ. ಇದನ್ನು "ಮೂನ್ ಆಫ್ಟರ್ ಯೂಲೆ" ಎಂದೂ ಗುರುತಿಸಲಾಗುತ್ತದೆ. ಈ ಸೂಪರ್‌ಮೂನ್‌ ಅನ್ನು ಯಾವುದೇ ವಿಶೇಷ ಉಪಕರಣಗಳಿಲ್ಲದೆ ನೋಡಬಹುದು. ಆದರೆ ಇನ್ನೂ ಸೂಕ್ಷ್ಮವಾಗಿ ವೀಕ್ಷಿಸಬೇಕೆಂದರೆ ದೂರದರ್ಶಕ ಅಥವಾ ದೂರದೃಷ್ಟಿ ಬಳಸುವುದು ಉತ್ತಮ.

ಇನ್ನು 2026ರಲ್ಲಿ ಒಟ್ಟು ಮೂರು ಸೂಪರ್‌ ಮೂನ್‌ಗಳಿವೆ. ಅದರಲ್ಲಿ ಒದು ಇಂದು ಅಂದರೆ ಜನವರಿ 3 ರಂದು ಸಂಭವಿಸುತ್ತದೆ. ಉಳಿದ ಎರಡು ಸೂಪರ್‌ ಮೂನ್‌ಗಳು ನವೆಂಬರ್‌ 24 ಮತ್ತು ಡಿಸೆಂಬರ್‌ 24 ರಂದು ಸಂಭವಿಸಲಿದೆ ಎಂದು ವರದಿಯಾಗಿದೆ. ಸದ್ಯ ಇಂದು ಸಂಭವಿಸುವ ಸೂಪರ್‌ ಮೂನ್‌ ವರ್ಷದ ಮೊದಲದ್ದಾಗಿದೆ.