ಭಾರತದಲ್ಲಿ ಕಾರು ತಯಾರಿಕಾ ಕಾರ್ಖಾನೆ ನಿರ್ಮಸಲು ರಿಲಯನ್ಸ್‌ನೊಂದಿಗೆ ಟೆಸ್ಲಾ ಮಾತುಕತೆ

ನವದೆಹಲಿ, ಏಪ್ರಿಲ್‌ 10: ಭಾರತದಲ್ಲಿ ತನ್ನ ಕಾರ್ಖಾನೆ ಸ್ಥಾಪಿಸಲು ಟೆಸ್ಲಾ ಸ್ಥಳೀಯ ಪಾಲುದಾರರನ್ನು ಹುಡುಕುತ್ತಿದೆ. ದೇಶದಲ್ಲಿ ಉತ್ಪಾದನಾ ಸೌಲಭ್ಯವನ್ನು ನಿರ್ಮಿಸಲು ಸಂಭವನೀಯ ಜಂಟಿ ಉದ್ಯಮಕ್ಕಾಗಿ ರಿಲಯನ್ಸ್ ಇಂಡಸ್ಟ್ರೀಸ್‌ನೊಂದಿಗೆ ಮಾತುಕತೆ ನಡೆಸುತ್ತಿದೆ ಎಂದು ಬಿಸಿನೆಸ್‌ ಲೈನ್‌ ವರದಿ ಮಾಡಿದೆ.

"ಮಾತುಕತೆಗಳು ಆರಂಭಿಕ ಹಂತದಲ್ಲಿದ್ದು, ಒಂದು ತಿಂಗಳಿನಿಂದ ನಡೆಯುತ್ತಿದೆ. ಈ ಕ್ರಮವನ್ನು ಆಟೋಮೊಬೈಲ್ ಕ್ಷೇತ್ರಕ್ಕೆ ರಿಲಯನ್ಸ್‌ ಪ್ರವೇಶ ಎಂದು ಅರ್ಥೈಸಬಾರದು . ಭಾರತದಲ್ಲಿ ಎಲೆಕ್ಟ್ರಿಕ್ ವಾಹನಗಳ ಸಾಮರ್ಥ್ಯವನ್ನು ನಿರ್ಮಿಸುವುದು ಜಂಟಿ ಉದ್ಯಮದಲ್ಲಿ ರಿಲಯನ್ಸ್‌ನ ಉದ್ದೇಶವಾಗಿದೆ ಎಂದು ಮೂಲಗಳು ತಿಳಿಸಿವೆ.

"ರಿಲಯನ್ಸ್‌ನ ಪಾತ್ರವನ್ನು ಇನ್ನೂ ಖಚಿತಗೊಳಿಸಲಾಗಿಲ್ಲವಾದರೂ, ಭಾರತದಲ್ಲಿ ಟೆಸ್ಲಾಗೆ ಉತ್ಪಾದನಾ ಸೌಲಭ್ಯ ಮತ್ತು ಮಿತ್ರ ಪರಿಸರ ವ್ಯವಸ್ಥೆಯನ್ನು ಸ್ಥಾಪಿಸುವಲ್ಲಿ ಭಾರತೀಯ ಸಂಘಟಿತ ಸಂಸ್ಥೆಯು ಮಹತ್ವದ ಪಾತ್ರವನ್ನು ವಹಿಸುತ್ತದೆ ಎಂದು ನಿರೀಕ್ಷಿಸಲಾಗಿದೆ ಎನ್ನಲಾಗಿದೆ. 2023 ರಲ್ಲಿ ರಿಲಯನ್ಸ್‌ ಅಶೋಕ್ ಲೇಲ್ಯಾಂಡ್ ಸಹಭಾಗಿತ್ವದಲ್ಲಿ ಭಾರತದ ಮೊದಲ ಹೈಡ್ರೋಜನ್ ಆಂತರಿಕ ದಹನಕಾರಿ ಎಂಜಿನ್-ಚಾಲಿತ ಹೆವಿ-ಡ್ಯೂಟಿ ಟ್ರಕ್ ಅನ್ನು ಪ್ರಾರಂಭಿಸಿತು. ರಿಲಯನ್ಸ್‌ ಕಳೆದ ವರ್ಷ ಇವಿಗಳಿಗಾಗಿ ತೆಗೆಯಬಹುದಾದ ಮತ್ತು ಬದಲಾಯಿಸಬಹುದಾದ ಬ್ಯಾಟರಿಗಳನ್ನು ಅನಾವರಣಗೊಳಿಸಿತು.

ಟೆಸ್ಲಾ ಸಿಇಒ ಎಲೋನ್ ಮಸ್ಕ್, ಸಿಇಒ ನಿಕೊಲಾಯ್ ಟ್ಯಾಂಜೆನ್ ಅವರೊಂದಿಗೆ ಎಕ್ಸ್ ಸ್ಪೇಸ್‌ಸ್, "ಭಾರತವು ಈಗ ಜನಸಂಖ್ಯೆಯ ಆಧಾರದ ಮೇಲೆ ವಿಶ್ವದ ಅತಿ ಹೆಚ್ಚು ಜನಸಂಖ್ಯೆ ಹೊಂದಿರುವ ದೇಶವಾಗಿದೆ. ಎಲ್ಲಾ ದೇಶಗಳು ಎಲೆಕ್ಟ್ರಿಕ್ ಕಾರುಗಳನ್ನು ಹೊಂದಿರುವಂತೆ ಭಾರತವೂ ಎಲೆಕ್ಟ್ರಿಕ್ ಕಾರುಗಳನ್ನು ಹೊಂದಿರಬೇಕು. ಭಾರತದಲ್ಲಿ ಟೆಸ್ಲಾ ಎಲೆಕ್ಟ್ರಿಕ್ ವಾಹನಗಳನ್ನು ಒದಗಿಸುವುದು ಸ್ವಾಭಾವಿಕ ಪ್ರಗತಿಯಾಗಿದೆ. ಆ ಮೂಲಕ ಭಾರತಕ್ಕೆ ಟೆಸ್ಲಾ ಪ್ರವೇಶವನ್ನು ಖಚಿತಪಡಿಸುತ್ತದೆ ಎಂದಿದ್ದಾರೆ.

ಟೆಸ್ಲಾದ ಹಿರಿಯ ಅಧಿಕಾರಿಗಳು ಒಂದು ತಿಂಗಳೊಳಗೆ ಕಾರ್ಖಾನೆ ಸ್ಥಳವನ್ನು ಅಂತಿಮಗೊಳಿಸಲು ಮತ್ತು ರಿಲಯನ್ಸ್‌ನೊಂದಿಗೆ ಜಂಟಿ ಉದ್ಯಮದಲ್ಲಿ ತಯಾರಿಗೆ ದೇಶಕ್ಕೆ ಭೇಟಿ ನೀಡುವ ನಿರೀಕ್ಷೆಯಿದೆ. ರಿಲಯನ್ಸ್‌ ಜೊತೆಗಿನ ಜೆವಿ ಮಾತುಕತೆಗಳು ಪ್ರತ್ಯೇಕವಾಗಿಲ್ಲದ ಕಾರಣ, ನಡೆಯುತ್ತಿರುವ ಮಾತುಕತೆಗಳು ಫಲಪ್ರದವಾಗದಿದ್ದರೆ ಟೆಸ್ಲಾ ಮತ್ತೊಂದು ದೇಶೀಯ ಪಾಲುದಾರನನ್ನು ಹುಡುಕಬಹುದು ಎಂದು ತಿಳಿದು ಬಂದಿದೆ.