2023ರಲ್ಲಿ ಬರೋಬ್ಬರಿ 186 ಕೋಟಿ ರೂ. ವೇತನ ಪ್ಯಾಕೇಜ್ ಪಡೆದ ಸಿಇಒ ಇವರೇ ನೋಡಿ.!

ಬೆಂಗಳೂರು, ಆಗಸ್ಟ್‌ 20: ಭಾರತದ ಕಾರ್ಪೊರೇಟ್ ವಲಯ ಅಭಿವೃದ್ಧಿಯ ಏರುಗತಿಯಲ್ಲಿ ಸಾಗುತ್ತಿದ್ದು, ಇಂತಹ ಪ್ರಮುಖ ಕಂಪನಿಗಳ ಚುಕ್ಕಾಣಿಯಲ್ಲಿ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿಗಳು ಪ್ರಮುಖರಾಗಿದ್ದಾರೆ. ಈ ನಾಯಕರು ತಮ್ಮ ಸಂಸ್ಥೆಗಳನ್ನು ಹೊಸ ಎತ್ತರಕ್ಕೆ ಮಾರ್ಗದರ್ಶನ ಮಾಡುತ್ತಾರೆ ಮತ್ತು ಅವರ ಪರಿಣತಿ ಮತ್ತು ದೃಷ್ಟಿಗೆ ಗಣನೀಯ ವೇತನವನ್ನು ಪಡೆಯುತ್ತಾರೆ. ಈ ಉನ್ನತ-ಶ್ರೇಣಿಯ ವೃತ್ತಿಪರು ಭಾರತದಲ್ಲಿ ಮಾತ್ರವಲ್ಲದೇ ತಮ್ಮ ಪ್ರಭಾವವನ್ನು ಜಾಗತಿಕವಾಗಿ ವಿಸ್ತರಿಸುತ್ತಾರೆ. ಭಾರತದ ಅತಿ ಹೆಚ್ಚು ಸಂಭಾವನೆ ಪಡೆಯುವ CEO ಅವರ ಪರಿಹಾರ ಪ್ಯಾಕೇಜ್ ಹಲವಾರು ಕೋಟಿಗಳಷ್ಟಿದೆ. ಸಿಇಒ ಸೇರಿದಂತೆ ಈ ದೊಡ್ಡ ದೊಡ್ಡ ಹುದ್ದೆಯಲ್ಲಿರುವವರ ಪ್ಯಾಕೇಜ್‌ಗಳು ಪ್ರತಿ ವರ್ಷ ಅವರ ವಾರ್ಷಿಕ ವರದಿಗಳಲ್ಲಿ ಬಹಿರಂಗಗೊಳ್ಳುತ್ತವೆ.

ಹೀಗಾಗಿ ಭಾರತದಲ್ಲಿ 2023ರ ಆರ್ಥಿಕ ವರ್ಷದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ CEO ಯಾರು ಗೊತ್ತೆ?.

ಮಿಂಟ್ ಮೀಡಿಯಾ ಮತ್ತು ಹಿಂದೂಸ್ತಾನ್ ಟೈಮ್ಸ್ ಪ್ರಕಾರ, ಆರ್ಥಿಕ ವರ್ಷ 2023 ರಲ್ಲಿ ಭಾರತದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ CEO ಕಾಗ್ನಿಸೆಂಟ್‌ನ ರವಿ ಸಿಂಗಿಸೆಟ್ಟಿ. ಇವರು 186 ಕೋಟಿ ರೂಪಾಯಿಗಳ ಪ್ಯಾಕೇಜ್‌ ಪಡೆಯುತ್ತಿದ್ದಾರೆ. ಜನವರಿ 2023 ರಲ್ಲಿ ಕಾಗ್ನಿಜೆಂಟ್‌ನ ಸಿಇಒ ಪಾತ್ರವನ್ನು ವಹಿಸಿಕೊಂಡ ರವಿ ಕುಮಾರ್ ಸಿಂಗಿಸೆಟ್ಟಿ ಅವರು ಎಫ್‌ವೈ 23 ಕ್ಕೆ ಭಾರತದ ಐಟಿ ವಲಯದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ಸಿಇಒ ಆಗಿ ಹೊರಹೊಮ್ಮಿದ್ದಾರೆ., ಮಿಂಟ್ ಪ್ರಕಾರ ಅವರಿಗೆ ಸಿಗುವ ಪ್ಯಾಕೇಜ್‌ನಲ್ಲಿ $20.25 ಮಿಲಿಯನ್ (ಸುಮಾರು ರೂ 169 ಕೋಟಿ) ಮೌಲ್ಯದ ವನ್ ಟೈಮ್ ಸ್ಟಾಕ್ ರಿವಾರ್ಡ್ ಕೂಡಾ ಸೇರಿಸಲಾಗಿದೆ.

ರವಿಕುಮಾರ್ ಸಿಂಗಿಸೆಟ್ಟಿ:

ರವಿಕುಮಾರ್ ಸಿಂಗಿಸೆಟ್ಟಿ ಭುವನೇಶ್ವರದ ಕ್ಸೇವಿಯರ್ ಇನ್‌ಸ್ಟಿಟ್ಯೂಟ್ ಆಫ್ ಮ್ಯಾನೇಜ್‌ಮೆಂಟ್‌ನಲ್ಲಿ ಎಂಬಿಎ ಗಳಿಸಿದ್ದು, ಅದಕ್ಕೂ ಮೊದಲ ಅವರು ಕೊಲ್ಲಾಪುರದ ಶಿವಾಜಿ ವಿಶ್ವವಿದ್ಯಾಲಯದಲ್ಲಿ ಎಂಜಿನಿಯರಿಂಗ್ ಅಭ್ಯಾಸಿಸಿದ್ದರು. 2016 ರಿಂದ 2022 ರವರೆಗೆ, ರವಿ ಕುಮಾರ್ ಸಿಂಗಿಸೆಟ್ಟಿ ಕಾಗ್ನಿಸೆಂಟ್‌ಗೆ ಸೇರುವ ಮೊದಲು ಇನ್ಫೋಸಿಸ್ ನಲ್ಲಿ ಸೇವೆ ಸಲ್ಲಿಸಿದ್ದರು. ಈ ವೇಳೆ, ಅವರು ಇನ್ಫೋಸಿಸ್ ಬಿಪಿಎಂ ಲಿಮಿಟೆಡ್ ಮಂಡಳಿಯ ಅಧ್ಯಕ್ಷತೆ ವಹಿಸಿದ್ದು, ಕಂಪನಿಯ ಜಾಗತಿಕ ಸೇವೆಗಳ ವಿಭಾಗವನ್ನು ನಿರ್ವಹಿಸಿದರು. ಅದಕ್ಕೂ ಮೊದಲು ಅವರು ಪ್ರೈಸ್‌ವಾಟರ್‌ಹೌಸ್‌ ಕೂಪರ್ಸ್, ಒರಾಕಲ್, ಸೇಪಿಯೆಂಟ್, ಕೇಂಬ್ರಿಡ್ಜ್ ಟೆಕ್ನಾಲಜಿ ಪಾರ್ಟ್‌ನರ್ಸ್ ಮತ್ತು ಇನ್ಫೋಸಿಸ್‌ನಲ್ಲಿ ಕಾರ್ಯನಿರ್ವಾಹಕ ಹುದ್ದೆಗಳನ್ನು ಹೊಂದಿದ್ದರು.

ಅವರು ಅಮೇರಿಕಾ ಚೇಂಬರ್ ಆಫ್ ಕಾಮರ್ಸ್ ಬೋರ್ಡ್ ಆಫ್ ಡೈರೆಕ್ಟರ್ಸ್ ಮತ್ತು ನ್ಯೂಯಾರ್ಕ್ ಅಕಾಡೆಮಿ ಆಫ್ ಸೈನ್ಸಸ್‌ನ ಆಡಳಿತ ಮಂಡಳಿಯ ಸದಸ್ಯರೂ ಆಗಿದ್ದಾರೆ. ಅವರು 2024 ರಲ್ಲಿ ಯುಎಸ್-ಇಂಡಿಯಾ ಸ್ಟ್ರಾಟೆಜಿಕ್ ಪಾರ್ಟ್‌ನರ್‌ಶಿಪ್ ಫೋರಮ್‌ನ ನಿರ್ದೇಶಕರ ಮಂಡಳಿಯಲ್ಲೂ ಸೇವೆ ಸಲ್ಲಿಸುತ್ತಿದ್ದಾರೆ.

ಝೆರೋಧಾ ಕಂಪನಿಯ ಸಂಸ್ಥಾಪಕ ಮತ್ತು ಕಾರ್ಯನಿರ್ವಾಹಕ ನಿತಿನ್ ಕಾಮತ್ ಅವರು ಆರ್ಥಿಕ ವರ್ಷ 23ರಲ್ಲಿ 72 ಕೋಟಿ ರೂಪಾಯಿಗಳನ್ನು ಪಡೆದಿದ್ದರೆ, ವಿಪ್ರೋದ ಮಾಜಿ ಸಿಇಓ ಥಿಯೆರಿ ಡೆಲಾಪೋರ್ಟೆ ಅವರು ಹಿಂದಿನ ವರ್ಷದಲ್ಲಿ 82.4 ಕೋಟಿ ರೂಪಾಯಿಗಳನ್ನು ಗಳಿಸಿದ್ದಾರೆ. ಟೈಮ್ಸ್ ಆಫ್ ಇಂಡಿಯಾದ ಪ್ರಕಾರ, ಆರ್ಥಿಕ ವರ್ಷ 23 ರಲ್ಲಿ ಲಾರ್ಸೆನ್ ಮತ್ತು ಟೂಬ್ರೊದ ಸಿಇಒ ಎಸ್‌ಎನ್ ಸುಬ್ರಹ್ಮಣ್ಯನ್ ಅವರು ರೂ 61.27 ಕೋಟಿ ಪಡೆದಿದ್ರೆ, ಪರ್ಸಿಸ್ಟೆಂಟ್ ಸಿಸ್ಟಮ್ಸ್ ಸಿಇಒ ಸಂದೀಪ್ ಕಲ್ರಾ ಅವರು ರೂ 61.7 ಕೋಟಿ ಪಡೆದಿದ್ದರು.