Trump Warns India: ಭಾರತಕ್ಕೆ ಹೊಸ ಸುಂಕದ ಬರೆ ಎಚ್ಚರಿಕೆ! ಡೊನಾಲ್ಟ್‌ ಟ್ರಂಪ್‌ ಮತ್ತೆ ಕಿತಾಪತಿ? ಕಾರಣ ಏನು?

ಡೊನಾಲ್ಡ್‌ ಟ್ರಂಪ್‌ ಮತ್ತೆ ಕಿತಾಪತಿ ಕೆಲಸ ಮಾಡ್ತಿದ್ದಾರಾ? ಅರೇ ಏನಿದು ಅಂತೀರಾ? ಭಾರತಕ್ಕೆ ಈಗಾಗ್ಲೇ ಸುಂಕದ ಹೊರೆ ಹೆಚ್ಚಾಗಿ ಆಗಿರೋ ಅವಾಂತರ ಒಂದೆರಡಲ್ಲ. ರಫ್ತು ಮಾರುಕಟ್ಟೆಯಲ್ಲಿ ಕುಸಿತ ಕಂಡಿತು, ಚಿನ್ನದ ಬೆಲೆಯು ಗಗನಕ್ಕೇರಿತು, ವ್ಯವಹಾರ ವಿಚಾರಗಳಲ್ಲಿ ಸಾಕಷ್ಟು ಬದಲಾವಣೆಯಾಯ್ತು. ಇಷ್ಟೆಲ್ಲಾ ಕಿತಾಪತಿಯಾಗಲು ಬಹುತೇಕ ಕಾರಣ ಟ್ರಂಪ್‌ ಸುಂಕದ ಬಿಸಿ ಎನ್ನಬಹುದು. ಹೀಗಿರುವಾಗಲೇ, ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಮತ್ತೊಂದು ಬರೆ ಎಳೆಯೋಕೆ ಮುಂದಾಗಿದ್ದಾರೆ ಎನ್ನಲಾಗ್ತಿದೆ. ಅಂದ್ರೆ ಈಗ ವಿಶ್ವದ ದೊಡ್ಡಣ್ಣ ಟ್ರಂಪ್‌, ಭಾರತಕ್ಕೆ ಹೊಸ ಸುಂಕದ ಎಚ್ಚರಿಕೆ ನೀಡಿದ್ದಾರೆ.

ಹೌದು, ರಷ್ಯಾ ಮತ್ತು ಉಕ್ರೇನ್‌ ಯುದ್ಧಕ್ಕೆ ನೇರವಾಗಿ ಸಂಬಂಧಿಸಿದ ಬೆದರಿಕೆ ಇದಾಗಿದೆ ಎಂದರೆ ತಪ್ಪಾಗಲ್ಲ. ರಷ್ಯಾದ ತೈಲ ಸಮಸ್ಯೆಗೆ ಒಂದು ವೇಳೆ ಸಹಾಯ ಮಾಡದಿದ್ರೆ, ವಾಷಿಂಗ್ಟನ್‌ ನವದೆಹಲಿಯ ಮೇಲೆ ಸುಂಕ ಹೆಚ್ಚಿಸುವ ಸಾಧ್ಯತೆ ಇದೆ ಎಂದಿದ್ದಾರೆ. ಅಲ್ಲದೇ ರಷ್ಯಾದ ತೈಲ ವಿಷಯದಲ್ಲಿ ಕೂಡ ಅವರಿಗೆ ಸಹಾಯ ಮಾಡದಿದ್ರೆ ಕೂಡ, ಭಾರತದ ಮೇಲೆ ಸುಂಕವನ್ನ ನೇರವಾಗಿ ಹೆಚ್ಚಿಸಬಹುದು ಎಂದು, ಸ್ವತಃ ಅಮೆರಿಕ ಅಧ್ಯಕ್ಷ ಟ್ರಂಪ್‌ ಉಲ್ಲೇಖಿಸಿದ್ದಾರೆ.

ಈ ಬಗ್ಗೆಯೇ ಮಾತನಾಡಿದ ಅಮೆರಿಕ ಅಧ್ಯಕ್ಷ, ಮೋದಿ ಬಗ್ಗೆ ಹಾಡಿ ಹೊಗಳಿದ್ದಾರೆ. ನಿಜ ಹೇಳಬೇಕಂದ್ರೆ, ಭಾರತದ ಪ್ರಧಾನಿ ಮೋದಿ ತುಂಬಾ ಒಳ್ಳೆಯ ವ್ಯಕ್ತಿ. ನಾನು ಸಂತೋಷವಾಗಿಲ್ಲ ಎಂದು ಅವರಿಗೆ ತಿಳಿದಿದ್ದರಿಂದ, ಅವರು ನನ್ನನ್ನ ಸಂತಸಪಡಿಸಲು ಬಯಸಿದ್ರು. ಅದು ಅವರಿಗೆ ಬಹಳ ಮುಖ್ಯವಾಗಿತ್ತು. ಅಷ್ಟೇ ಅಲ್ಲ..ಅವರು ಕೂಡ ವ್ಯಾಪಾರ ಮಾಡುತ್ತಾರೆ. ನಾವೂ ಕೂಡ ವ್ಯಾಪಾರದ ಸಲುವಾಗಿ ಸುಂಕವನ್ನ ಬಹಳ ಬೇಗನೇ ಹೆಚ್ಚಿಸಬಹುದು ಎಂದು ಹೇಳಿರೋದು ಭಾರತೀಯರಿಗೆ ದೊಡ್ಡ ಶಾಕ್‌ ಕೊಟ್ಟಂತಾಗಿದೆ. ಇತ್ತ ಮೋದಿಯನ್ನ ಒಳ್ಳೆ ವ್ಯಕ್ತಿ ಅಂದಿದ್ದೂ ಅವರೇ, ಒಳ್ಳೆತನದ ಬೆಣ್ಣೆ ಹಚ್ಚಿ ಸುಂಕ ಹೆಚ್ಚಿಸೋ ಬಗ್ಗೆ ಮಾತನಾಡಿದ್ದೂ ಅವರೇ ಆಗಿದ್ದಾರೆ.

ಟ್ರಂಪ್ ಅವರು ಭಾರತವು ರಷ್ಯಾದೊಂದಿಗೆ ನಿರಂತರವಾಗಿ ತೈಲ ವಹಿವಾಟು ನಡೆಸುತ್ತಿರುವ ಬಗ್ಗೆ ತಮ್ಮ ಖಾತ್ರಿ ಅಭಿಪ್ರಾಯವನ್ನು ವ್ಯಕ್ತಪಡಿಸಿದ್ದರು. ಅವರ ಆಡಳಿತವು ಈ ರೀತಿಯ ವ್ಯವಹಾರಗಳಿಗೆ ವಿರೋಧಿ ನಿಲುವು ವಹಿಸುತ್ತಿದ್ದು, ಆಗಸ್ಟ್ 2025 ರಿಂದ ಭಾರತಕ್ಕೆ ದ್ವಿಗುಣಿತ ತೆರಿಗೆ ವಿಧಿಸುವುದನ್ನು ಅವರು ಉದಾಹರಿಸಿದ್ದರು. ಈಗಾಗಲೇ ಭಾರತವು 50% ಸುಂಕವನ್ನು ಎದುರಿಸುತ್ತಿದೆ. ಟ್ರಂಪ್ ಅವರು ನವದೆಹಲಿಯು ಮಾಸ್ಕೋ ಜೊತೆ ನಿರ್ಮಿಸಿರುವ ಸಂಬಂಧಗಳನ್ನು ಖಂಡಿಸಿದ್ದಾರೆ ಮತ್ತು ಉಕ್ರೇನ್ ಯುದ್ಧದಲ್ಲಿ ಭಾರತವು ರಷ್ಯಾದ ಕಚ್ಚಾ ತೈಲ ಖರೀದಿ ಮೂಲಕ ಅವರಿಗೆ ಬೆಂಬಲ ನೀಡುತ್ತಿದೆ ಎಂದು ಆರೋಪಿಸಿದ್ದಾರೆ.

ಟ್ರಂಪ್ ರಷ್ಯಾ-ಉಕ್ರೇನ್ ಸಂಘರ್ಷದ ಬಗ್ಗೆ ಬಹಳ ಹಿತಾಸಕ್ತಿಯನ್ನು ತೋರಿಸಿದ್ದಾರೆ. ಅವರು ಭಾರತಕ್ಕೆ ರಷ್ಯಾದ ತೈಲ ಖರೀದಿಯನ್ನು ಕಡಿಮೆ ಮಾಡುವಂತೆ ಒತ್ತಾಯಿಸಿ ಭಾರೀ ಸುಂಕಗಳನ್ನು ವಿಧಿಸಿದ್ದಾರೆ, ಅದೇ ಸಮಯದಲ್ಲಿ ಮಾಸ್ಕೋ ಮತ್ತು ಕೈವ್ ನಡುವೆ ಮಧ್ಯವರ್ತಿತ್ವ ಮಾಡಬೇಕೆಂದು ಪ್ರಯತ್ನಿಸಿದ್ದಾರೆ. ವ್ಲಾದಿಮಿರ್ ಪುಟಿನ್ ಅವರೊಂದಿಗೆ ಹಲವಾರು ಸುತ್ತಿನ ಮಾತುಕತೆ ನಡೆಸಿ, ಅವರಿಗೆ ಅಲಾಸ್ಕಾಗೆ ಆಹ್ವಾನ ನೀಡಿದರೂ ಯಾವುದೇ ಸ್ಪಷ್ಟ ಫಲಿತಾಂಶಗಳನ್ನು ತೋರಿಸಲು ಸಾಧ್ಯವಾಗಲಿಲ್ಲ.

ಅದೇ ರೀತಿಯಾಗಿ, ಉಕ್ರೇನ್ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿಯೊಂದಿಗೆ ಹಲವಾರು ಬಾರಿ ಮಾತುಕತೆ ನಡೆಸಿದ್ದರು, ಆದರೆ ಶಾಂತಿಗಾಗಿ ಯಾವುದೇ ದೃಢವಾದ ಯೋಜನೆಗಳಾಗಿಲ್ಲ. ಕೆಲವು ತಿಂಗಳುಗಳ ಹಿಂದೆ, ಪ್ರಧಾನಿ ನರೇಂದ್ರ ಮೋದಿ ಭಾರತವು ರಷ್ಯಾದ ತೈಲ ಖರೀದಿಯನ್ನು ಸ್ಥಗಿತಗೊಳಿಸುವುದಾಗಿ ಹೇಳಿದ್ದರು; ಟ್ರಂಪ್ ಇದನ್ನು ಮಾಸ್ಕೋ ಮೇಲೆ ಒತ್ತಡ ಹೆಚ್ಚಿಸುವ "ಪ್ರಮುಖ ಹೆಜ್ಜೆ" ಎಂದು ವರ್ಣಿಸಿದ್ದಾರೆ. ಆದರೆ ನಂತರ, ಈ ಸಂಬಂಧದಲ್ಲಿ ಯಾವುದೇ ನೇರ ಸಂಭಾಷಣೆ ನಡೆದಿಲ್ಲವೆಂಬುದು ಸ್ಪಷ್ಟವಾಗಿ ತೋರಿತು ಮತ್ತು ಅಮೆರಿಕ ಅಧ್ಯಕ್ಷರ ಹೇಳಿಕೆಯನ್ನು ನಿರಾಕರಿಸಿತು.