ಇಂಟರ್ನೆಟ್ ಇಲ್ಲದೆ ಈ 4 ವಿಧಾನಗಳ ಮೂಲಕ UPI ಪಾವತಿ ಮಾಡಿ

ಇತ್ತೀಚಿನ ದಿನಗಳಲ್ಲಿ UPI ಪಾವತಿ ಎಲ್ಲೆಡೆ ಸಾಮಾನ್ಯವಾಗಿದೆ. ಹೆಚ್ಚಿನ ಜನ ನಗದು ತಮ್ಮ ಜೇಬಿನಲ್ಲಿ ಇರಿಸಿಕೊಳ್ಳುವುದಕ್ಕಿಂತ ತಮ್ಮ ಡಿಜಿಟಲ್ ರೂಪದಲ್ಲೇ ಹಣ ಪಾವತಿಯನ್ನು ಮಾಡುತ್ತಾರೆ. ಆದರೆ, ಸ್ಮಾರ್ಟ್‌ಫೋನ್ ಇಲ್ಲದಿದ್ದರೂ ಕೂಡ ಈಗ ನೀವು UPI ಪಾವತಿ ಮಾಡಬಹುದು! ಹೌದು ಆರ್‌ಬಿಐ ಯುಪಿಐಗೆ ಸಂಬಂಧಿಸಿದಂತೆ ಬಹಳಷ್ಟು ಅಪ್ಡೇಟ್ ಗಳನ್ನು ಮಾಡುತ್ತಿದ್ದು ಇದರಲ್ಲಿ ಸ್ಮಾರ್ಟ್‌ಫೋನ್ ಹೊಂದಿಲ್ಲದಿದ್ದರೂ, ಹಾಗೂ ಇಂಟರ್ನೆಟ್ ಇಲ್ಲದೆಯೂ UPI ಪಾವತಿಯನ್ನು ಮಾಡಲು ಬಯಸಿದರೆ, ಸಾಧ್ಯವಾಗುತ್ತದೆ.

ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ಹೊರತಂದಿರುವ UPI 123Pay ಮೂಲಕ ಫೀಚರ್ ಫೋನ್ ಮತ್ತು ಸ್ಮಾರ್ಟ್‌ಫೋನ್ ಬಳಕೆದಾರರಿಗೆ ಡಿಜಿಟಲ್ ಪಾವತಿಗಳನ್ನು ಮತ್ತಷ್ಟು ಸುಲಭ ರೀತಿಯಲ್ಲಿ ಮಾಡುವ ಅವಕಾಶ ಕಲ್ಪಿಸಿದೆ. ಹೀಗಾಗಿ ಇಂಟರ್ನೆಟ್ ಇಲ್ಲದಿದ್ದರೂ UPI 123Pay ಮೂಲಕ 10,000 ರೂ.ವರೆಗಿನ ವಹಿವಾಟುಗಳನ್ನು ಮಾಡಬಹುದು. ಇಂಟರ್ನೆಟ್ ಸಂಪರ್ಕವಿಲ್ಲದೆ UPI ಅನ್ನು ಬಳಸುವ ಸ್ಮಾರ್ಟ್ ಫೋನ್ ಅಲ್ಲದ ಬಳಕೆದಾರರಿಗಾಗಿ ಅಭಿವೃದ್ಧಿಪಡಿಸಲಾದ ಫೀಚರ್ ಗಳಲ್ಲಿ UPI 123Pay ಒಂದಾಗಿದೆ. UPI 123PAY ಅಡಿಯಲ್ಲಿ ವಹಿವಾಟುಗಳಿಗೆ ಯಾವುದೇ ಶುಲ್ಕಗಳಿಲ್ಲ.

1. ಧ್ವನಿ ಪಾವತಿ (IVR): ನೀವು ಸ್ಮಾರ್ಟ್‌ಫೋನ್ ಹೊಂದಿಲ್ಲದಿದ್ದರೆ, ನೀವು IVR (ಇಂಟರಾಕ್ಟಿವ್ ವಾಯ್ಸ್ ರೆಸ್ಪಾನ್ಸ್) ಸಹಾಯದಿಂದ ಧ್ವನಿ ಸಹಾಯದಿಂದ ಪಾವತಿಯನ್ನು ಸಹ ಮಾಡಬಹುದು. ಇದಕ್ಕಾಗಿ ಅವರು ಗೊತ್ತುಪಡಿಸಿದ IVR ಸಂಖ್ಯೆಗೆ ಕರೆ ಮಾಡಬೇಕು, ನಂತರ ನಿಮ್ಮ ಕೀಪ್ಯಾಡ್‌ನಿಂದ ಸರಿಯಾದ ಆಯ್ಕೆಯನ್ನು ಆರಿಸುವ ಮೂಲಕ ನೀವು ಪಾವತಿಯನ್ನು ಮಾಡಬಹುದು.

2. ಮಿಸ್ಡ್ ಕಾಲ್: ಮಿಸ್ಡ್ ಕಾಲ್ ಮೂಲಕವೂ ನೀವು ಸುಲಭವಾಗಿ ಪಾವತಿ ಮಾಡಬಹುದು. ಅದಕ್ಕಾಗಿಯೇ ಮೀಸಲಿಟ್ಟ ಸಂಖ್ಯೆಗೆ ಮಿಸ್ಡ್ ಕಾಲ್ ನೀಡಬೇಕು. ಇದಾದ ಬಳಿಕ ಮರಳಿ ಕಾಲ್ ಬರುತ್ತದೆ. ಈ ಕರೆಯಲ್ಲಿ ನಿಮ್ಮ UPI ಪಿನ್ ನಮೂದಿಸುವ ಮೂಲಕ ನೀವು ವಹಿವಾಟನ್ನು ದೃಢೀಕರಿಸಬಹುದು.

3. Proximity Sound Payment: ಇದು ಟೋನೆಟ್ಯಾಗ್ ಸಹಯೋಗದೊಂದಿಗೆ ರಚಿಸಲಾದ ಮತ್ತು NSDL ಪಾವತಿಗಳ ಬ್ಯಾಂಕ್‌ನಿಂದ ಬೆಂಬಲಿತವಾದ ಸಾಮೀಪ್ಯ ಧ್ವನಿ ಆಧಾರಿತ ಪಾವತಿಯಾಗಿದೆ. ಯಾವುದೇ ಸಾಧನದಲ್ಲಿ ಸಂಪರ್ಕರಹಿತ, ಆಫ್‌ಲೈನ್ ಮತ್ತು ಸಾಮೀಪ್ಯ ಡೇಟಾ ಸಂವಹನವನ್ನು ಸಕ್ರಿಯಗೊಳಿಸಲು ಈ ಪಾವತಿ ವಿಧಾನಗಳು ಧ್ವನಿ ತರಂಗಗಳನ್ನು ಬಳಸುತ್ತವೆ. ಇದರ ಅಡಿಯಲ್ಲಿ, ನೀವು ವಿಶೇಷ ಟೋನ್ ಮೂಲಕ ಪಾವತಿ ಮಾಡಬಹುದು, ಇದು ನಿಮ್ಮ ಫೋನ್‌ಗೆ ಹತ್ತಿರದ ಸಾಧನದಿಂದ (POD) ಬರುತ್ತದೆ ಮತ್ತು ಈ ಸಾಧನದಲ್ಲಿ ನಿಮ್ಮ ಫೋನ್ ಅನ್ನು ಟ್ಯಾಪ್ ಮಾಡುವ ಮೂಲಕ ನೀವು ಪಾವತಿ ಮಾಡಬಹುದು.

4. ಫೀಚರ್ ಫೋನ್ ಅಪ್ಲಿಕೇಶನ್: ನಿಮ್ಮ ಫೀಚರ್ ಫೋನ್‌ನಲ್ಲಿರುವ ವಿಶೇಷ ಅಪ್ಲಿಕೇಶನ್ ಬಳಸಿ ಇಂಟರ್ನೆಟ್ ಇಲ್ಲದೆ ನಿಮ್ಮ ಫೋನ್‌ನಲ್ಲಿ ಅಪ್ಲಿಕೇಶನ್ ಮೂಲಕ UPI ಪಾವತಿಯನ್ನು ಮಾಡಬಹುದು.

ಈ ನಾಲ್ಕನೇ ಆಯ್ಕೆಯು ಫೀಚರ್ ಫೋನ್ ಬಳಕೆದಾರರಿಗೆ ಆಗಿದೆ. ನಿಮ್ಮ ಫೇಸರ್ ಫೋನ್‌ನಲ್ಲಿರುವ ಅಪ್ಲಿಕೇಶನ್ ಮೂಲಕ ನೀವು UPI ಪಾವತಿಯನ್ನು ಮಾಡಬಹುದು.UPI 123PAY ಅಡಿಯಲ್ಲಿ ವಹಿವಾಟುಗಳಿಗೆ ಯಾವುದೇ ಶುಲ್ಕಗಳಿಲ್ಲ.

ಅಕ್ಟೋಬರ್ 25, 2024 ರ NPCI ಸುತ್ತೋಲೆಯ ಪ್ರಕಾರ, "UPI 123Pay ಗಾಗಿ ಏಕ ವಹಿವಾಟಿನ ಮಿತಿಯನ್ನು 5,000 ರೂ.ನಿಂದ 10,000 ರೂ.ಗೆ ಹೆಚ್ಚಿಸಲು RBI ನಿರ್ಧರಿಸಿದೆ.

UPI 123PAY ಜೊತೆಗೆ ಬ್ಯಾಂಕ್ ಖಾತೆ ಲಿಂಕ್ ಮಾಡುವುದು ಹೇಗೆ?

UPI 123PAY ನೊಂದಿಗೆ ಬ್ಯಾಂಕ್ ಖಾತೆಯನ್ನು ಲಿಂಕ್ ಮಾಡಲು ಕೆಳಗಿನ ಹಂತಗಳನ್ನು ಅನುಸರಿಸಬಹುದು:

ಹಂತ 1. ಯಾವುದೇ IVR ಸಂಖ್ಯೆಗೆ ಕರೆ ಮಾಡಿ
ಹಂತ 2. ನಿಮ್ಮ ಭಾಷೆಯನ್ನು ಆಯ್ಕೆ ಮಾಡಿ
ಹಂತ 3. ನಿಮ್ಮ ಬ್ಯಾಂಕ್ ಖಾತೆಯನ್ನು ನೋಂದಾಯಿಸಲು ಆಯ್ಕೆಮಾಡಿ
ಹಂತ 4. ನಿಮ್ಮ ಡೆಬಿಟ್ ಕಾರ್ಡ್ ವಿವರಗಳನ್ನು ನಮೂದಿಸಿ
ಹಂತ 5. UPI PIN ಹಂತವನ್ನು ಹೊಂದಿಸಿ
ಈ ಕ್ರಮಗಳನ್ನು ಅನುಸರಿಸಿದ್ರೆ UPI 123PAY ನೊಂದಿಗೆ ಬ್ಯಾಂಕ್ ಖಾತೆಯನ್ನು ಯಶಸ್ವಿಯಾಗಿ ಲಿಂಕ್ ಮಾಡಲಾಗಿರುತ್ತದೆ.