ಆರ್ಥಿಕ ಬಿಕ್ಕಟ್ಟಿನ ನಡುವೆಯೂ ವಿಪ್ರೋ ಸಿಇಓ ವೇತನ ಭಾರೀ ಏರಿಕೆ

ಬೆಂಗಳೂರು, ಜೂನ್ 2: ಸಾಪ್ಟವೇರ್ ದೈತ್ಯ ವಿಪ್ರೋ ಕೂಡ ಕೋವಿಡ್ 19 ನ ಅಡ್ಡಪರಿಣಾಮಗಳನ್ನು ಅನುಭವಿಸುತ್ತಿದೆ ಎಂದು ವರದಿಗಳು ಬಂದಿವೆ. ಅದಾಗ್ಯೂ ಇದೇ ವೇಳೆ ವಿಪ್ರೋದ ಮುಖ್ಯಕಾರ್ಯನಿರ್ವಹಣಾಧಿಕಾರಿ ಅಭಿದಾಲಿ ನಿಮುಚ್ಚವಾಲಾ ಅವರ ವೇತನ ಶೇ 12 ರಷ್ಟು ಏರಿಕೆ ಕಂಡಿದೆ ಎಂದು ವರದಿಯಾಗಿದೆ.

ಅಮೆರಿಕದ Securities and Exchange Commission ಈ ಮಾಹಿತಿಯನ್ನು ಬಹಿರಂಗಪಡಿಸಿದೆ. ಈ ಮೂಲಕ ಪ್ರಸಕ್ತ ಆರ್ಥಿಕ ವರ್ಷದಲ್ಲಿ ವಿಪ್ರೋ ಸಿಇಓ ಸ್ಥಾನದಿಂದ ನಿರ್ಗಮಿಸಲಿರುವ ಅಭಿದಾಲಿ ನಿಮುಚ್ಚವಾಲಾ ಅವರು 4.4 ಮಿಲಿಯನ್ ಯುಸ್ ಡಾಲರ್ ವೇತನ ಪಡೆದುಕೊಂಡಂತಾಗುತ್ತದೆ ಎಂದು ವರದಿ ಬಹಿರಂಗಪಡಿಸುತ್ತದೆ.

ಕೋವಿಡ್ 19 ನಿಂದ ಉದ್ಭವಿಸಿರುವ ಆರ್ಥಿಕ ಬಿಕ್ಕಟ್ಟನ್ನು ಎದುರಿಸಲು ವಿಪ್ರೋದ ಸಂಸ್ಥಾಪಕ ಅಜೀಂ ಪ್ರೇಮ್‌ಜಿ ಹಾಗೂ ಅಧ್ಯಕ್ಷ ರಿಷದ್ ಪ್ರೇಮ್‌ಜಿ ಅವರು ಮಹತ್ವದ ಮುನ್ಸೂಚನೆ ನೀಡಿದ್ದಾರೆ.

ಇದಕ್ಕಾಗಿ profit-linked commissions ರಚಿಸುವ ನಿರ್ಧಾರವನ್ನು ಅವರು ಮಾಡಿದ್ದಾರೆ ಎಂದು ದಿ ಎಕನಾಮಿಕ್ ಟೈಮ್ಸ್ ವರದಿ ಮಾಡಿದೆ. ರಿಷದ್ ಪ್ರೇಮ್‌ಜಿ ಅವರು ಪ್ರಸಕ್ತ ಆರ್ಥಿಕ ವರ್ಷದಲ್ಲಿ ವೇತನ ತೆಗೆದುಕೊಳ್ಳುವುದಿಲ್ಲ ಎಂದು ಹೇಳಿದ್ದಾರೆ.