ಜೈಪುರದ ಮಗುವಿಗೆ ₹17 ಕೋಟಿ ಮೌಲ್ಯದ ವಿಶ್ವದ ಅತ್ಯಂತ ದುಬಾರಿ ಚುಚ್ಚುಮದ್ದು, ಏನಿದು ಇನ್ಜೆಂಕ್ಷನ್‌?

ಜೈಪುರ, ಮೇ 16: ಸ್ಪೈನಲ್ ಮಸ್ಕ್ಯುಲರ್ ಅಟ್ರೋಫಿ (SMA) ಟೈಪ್ 2 ಎಂಬ ರೋಗದಿಂದ ಬಳಲುತ್ತಿರುವ ಜೈಪುರ ನಗರದ ಇಪ್ಪತ್ತೆರಡು ತಿಂಗಳ ವಯಸ್ಸಿನ ಹೃದಯಾನ್ಶ್‌ಗೆ ವಿಶ್ವದ ದುಬಾರಿ ಚುಚ್ಚುಮದ್ದು ಹಾಕಲಾಗಿದೆ. ಇದಕ್ಕೆ ಬರೋಬ್ಬರಿ 17 ಕೋಟಿ ರೂ. ವೆಚ್ಚವಾಗಿದೆ.

ಈ ಬಾಲಕ ಕಷ್ಟಕ್ಕೆ ಕ್ರೌಡ್‌ಫಂಡಿಂಗ್‌ ಮೂಲಕವೂ ಹಣ ಸಂಗ್ರಹಿಸಲಾಗಿದೆ. ಈ ಕ್ರೌಡ್‌ಫಂಡಿಂಗ್‌ ಅನ್ನು ಮಾರ್ಚ್‌ನಲ್ಲಿ ಹೃದಯಾಂಶ್ ಅವರ ಕುಟುಂಬವು ಪ್ರಾರಂಭಿಸಿತು. ಇದಉ ಸಮಾಜದ ವಿವಿಧ ವರ್ಗಗಳಿಂದ ಬೆಂಬಲವನ್ನು ಗಳಿಸಿತು. ಕ್ರಿಕೆಟಿಗ ದೀಪಕ್ ಚಾಹರ್ ಮತ್ತು ನಟ ಸೋನು ಸೂದ್ ಅವರಂತಹ ಪ್ರಮುಖ ವ್ಯಕ್ತಿಗಳು ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್‌ಗಳಲ್ಲಿ ಮನವಿ ಮೂಲಕ ತಮ್ಮ ನೆರವನ್ನು ನೀಡಿದ್ದಾರೆ.

ಕಳೆದ ಮೂರು ತಿಂಗಳಲ್ಲಿ ಈ ಅಭಿಯಾನ ₹ 9 ಕೋಟಿ ಸಂಗ್ರಹಿಸಿದೆ ಎಂದು ಮಾಧ್ಯಮ ವರದಿಗಳು ತಿಳಿಸಿವೆ. ಎಸ್‌ಎಂಎ ವಿರುದ್ಧದ ಹೋರಾಡುತ್ತಿದ್ದ ಬಾಲಕ ಹೃದಯಾಂಶ್ ಜೈಪುರದ ಜೆಕೆ ಲೋನ್ ಆಸ್ಪತ್ರೆಯಲ್ಲಿ ಕೊನೆಗೂ ಕೋಟ್ಯಾಂತರ ರೂಪಾಯಿಯ ಚುಚ್ಚುಮದ್ದನ್ನು ಪಡೆದರು.

ಐಎಎನ್‌ಎಸ್‌ ವರದಿಯಲ್ಲಿ ವೈದ್ಯರು ಹೇಳಿದ ಪ್ರಕಾರ, "17 ಕೋಟಿ ವೆಚ್ಚದ ವಿಶ್ವದ ಅತ್ಯಂತ ದುಬಾರಿ ಚುಚ್ಚುಮದ್ದನ್ನು ಬೆನ್ನುಮೂಳೆಯ ಸ್ನಾಯು ಕ್ಷೀಣತೆಯಿಂದ ಬಳಲುತ್ತಿರುವ 23 ತಿಂಗಳ ಮಗುವಿಗೆ ಚುಚ್ಚುಮದ್ದಿನ ಅಗತ್ಯವಿತ್ತು. ಕ್ರೌಡ್‌ಫಂಡಿಂಗ್ ಸಹಾಯದಿಂದ ಝೋಲ್ಗೆನ್ಸ್ಮಾ ಇಂಜೆಕ್ಷನ್ ಅನ್ನು US ನಿಂದ ಜೈಪುರಕ್ಕೆ ತರಲಾಯಿತು ಎಂದು ತಿಳಿಸಿದರು.

ಈ ನೆರವಿಗೆ ಎನ್‌ಜಿಒಗಳು ಮತ್ತು ಸಾಮಾಜಿಕ ಸಂಸ್ಥೆಗಳು ಸಂಪನ್ಮೂಲಗಳನ್ನು ಕ್ರೋಢೀಕರಿಸುವಲ್ಲಿ ಮತ್ತು ಹೃದ್ಯಾಂಶ್‌ನ ಉದ್ದೇಶಕ್ಕಾಗಿ ಬೆಂಬಲವನ್ನು ಪಡೆಯುವಲ್ಲಿ ಪ್ರಮುಖ ಪಾತ್ರವನ್ನು ವಹಿಸಿವೆ. ಇದಕ್ಕೂ ಮೊದಲು ಪೊಲೀಸ್ ಸಬ್ ಇನ್ಸ್‌ಪೆಕ್ಟರ್ ನರೇಶ್ ಶರ್ಮಾ ಎಂಬುವವರು ತಮ್ಮ 21 ತಿಂಗಳ ಮಗ ಹೃದಯಾಂಶ್‌ನ ಜೀವ ಉಳಿಸಲು ಅಭಿಯಾನವನ್ನು ಪ್ರಾರಂಭಿಸಿದರು ಎಂದು ಎಎನ್‌ಐ ವರದಿ ಮಾಡಿದೆ.

ಹೃದ್ಯಾಂಶ್‌ನ ಪರಿಸ್ಥಿತಿಯಂತೆಯೇ ಹಲವಾರು ಭಾರತೀಯ ಕುಟುಂಬಗಳು ಜೊಲ್ಗೆನ್ಸ್ಮಾ ಮತ್ತು ಬೆನ್ನುಮೂಳೆಯ ಸ್ನಾಯು ಕ್ಷೀಣತೆ (ಎಸ್‌ಎಂಎ) ಗಾಗಿ ಇತರ ಔಷಧಿಗಳ ಖರೀದಿಗೆ ಹಣಕಾಸು ಒದಗಿಸಲು ಹೆಣಗಾಡುತ್ತಿವೆ.

ಭಾರತದಲ್ಲಿ ಎಸ್‌ಎಂಎ

ಈ ಕಾಯಿಲೆ ಹೊಂದಿರುವ ಭಾರತೀಯರ ಸಂಖ್ಯೆಯ ಬಗ್ಗೆ ಯಾವುದೇ ಅಧಿಕೃತ ಮಾಹಿತಿಯಿಲ್ಲದಿದ್ದರೂ, ಅಂದಾಜಿನ ಪ್ರಕಾರ 10,000 ಜನಿಸಿದ ಶಿಶುಗಳಲ್ಲಿ 1 ರಲ್ಲಿ ಎಸ್‌ಎಂಎ ಪರಿಣಾಮ ಬೀರುತ್ತದೆ ಎಂದು ಎಎನ್‌ಎ ವರದಿ ಮಾಡಿದೆ. ಒಂದು ಅಧ್ಯಯನದ ಪ್ರಕಾರ, 38 ಭಾರತೀಯರಲ್ಲಿ ಒಬ್ಬರು ಎಸ್‌ಎಂಎಯನ್ನು ಉಂಟುಮಾಡುವ ದೋಷಯುಕ್ತ ಜೀನ್‌ನ ವಾಹಕಗಳಾಗಿದ್ದಾರೆ, ಪಶ್ಚಿಮದಲ್ಲಿ 50 ಜನರಲ್ಲಿ 1 ಜನರು ಇದ್ದಾರೆ ಎನ್ನಲಾಗಿದೆ.