ದೇವನಹಳ್ಳಿಯಲ್ಲಿ ಅಲ್ಲ…ಬೆಂಗಳೂರಿನ ಈ ಭಾಗದಲ್ಲಿ ಮೆಗಾ ರೈಲ್ವೆ ಕೋಚ್ ಟರ್ಮಿನಲ್ ನಿರ್ಮಾಣ! ತಿಳಿಯಿರಿ

ಯಲಹಂಕಕ್ಕೆ ದೊಡ್ಡ ಯೋಜನೆ ಬರಲಿದೆ. ದೇವನಹಳ್ಳಿಯಿಂದ ಉತ್ತರ ಬೆಂಗಳೂರಾದ ಯಲಹಂಕಕ್ಕೆ ಮೆಗಾ ರೈಲ್ವೆ ಕೋಚ್ ಟರ್ಮಿನಲ್ ಸ್ಥಳಾಂತರಿಸಲು, ಭಾರತೀಯ ರೈಲ್ವೆ ನಿರ್ಧಾರ ಮಾಡಿದೆ. ದೇವನಹಳ್ಳಿಯಲ್ಲಿ ಇರಬೇಕಿದ್ದ ಈ ರೈಲ್ವೇ ಕೋಚ್ ಟರ್ಮಿನಲ್ ಯಲಹಂಕದ ಕಡೆಗೆ ತಿರುಗಿದ್ದೇಕೆ? ಇದರ ಬಗ್ಗೆ ಓದಿ ತಿಳಿಯಿರಿ

ಹೌದು, ಆಗಲೇ ಹೇಳಿದಂತೆ ಯಲಹಂಕಕ್ಕೆ ಮೆಗಾ ರೈಲ್ವೆ ಕೋಚ್ ಟರ್ಮಿನಲ್ ಸಿಗಲಿದೆ. ದೇವನಹಳ್ಳಿಯು ನಗರದಿಂದ ದೂರವಾಗಿರೋದು ಮತ್ತು ಸಾರಿಗೆ ಸಂಪರ್ಕಕ್ಕೂ ಸಮಸ್ಯೆ ಇದೆ ಈ ಕಾರಣದಿಂದ ಯಲಹಂಕದಲ್ಲಿ ಮೆಗಾ ರೈಲ್ವೆ ಕೋಚ್‌ಗೆ ನಿರ್ಧರಿಸಲಾಗಿದೆ. ಈ ಕೋಚ್‌ನ ವಿಶೇಷತೆಯೇನೆಂದರೆ . ಮುಂದಿನ 25-30 ವರ್ಷಗಳ ರೈಲು ಅಗತ್ಯಗಳನ್ನು ಪೂರೈಸಲು ಈ ಟರ್ಮಿನಲ್ ನಿರ್ಮಾಣವಾಗಲಿದೆ.

ಯೋಜನೆಯ ವೆಚ್ಚ:

ಅಂದಹಾಗೆ ಇದೊಂದು ದೊಡ್ಡ ಮೊತ್ತದ ಯೋಜನೆ..ಸುನಾರು 5,754 ಕೋಟಿ ರೂ. ಯೋಜನೆಯಡಿ ಈ ಮೆಗಾ ರೈಲ್ವೆ ಕೋಚ್ ಟರ್ಮಿನಲ್ ನಿರ್ಮಾಣವಾಗಲಿದೆ. ಅಲ್ಲದೇ ಯಲಹಂಕ ರೈಲ್ ವೀಲ್ ಫ್ಯಾಕ್ಟರಿ ಹತ್ತಿರ ಇದನ್ನು ನಿರ್ಮಾಣ ಮಾಡಲಾಗುತ್ತೆ ಎಂದು ಕೇಂದ್ರ ರೈಲ್ವೆ ರಾಜ್ಯ ಸಚಿವ ವಿ. ಸೋಮಣ್ಣ ಪ್ರಕಟಿಸಿದ್ದಾರೆ.

ಇನ್ನು ಆರಂಭದಲ್ಲಿ ಮೆಗಾ ಕೋಚ್ ಟರ್ಮಿನಲ್ ದೇವನಹಳ್ಳಿಯಲ್ಲಿ ನಿರ್ಮಾಣವಾಗುವ ಉದ್ದೇಶವಿತ್ತು. ಆದರೆ, ನಗರದಿಂದ ದೂರವಿರುವುದು, ಪ್ರಯಾಣಿಕರ ಸಂಚಾರ ಹಾಗೂ ಲಾಜಿಸ್ಟಿಕ್ ಸಮಸ್ಯೆಗಳ ಕಾರಣದಿಂದ ರೈಲ್ವೆ ಇಲಾಖೆ ಯಲಹಂಕದ ಸ್ಥಳವನ್ನು ಆಯ್ಕೆ ಮಾಡಿದೆ. ಯಲಹಂಕ ರೈಲ್ ವೀಲ್ ಫ್ಯಾಕ್ಟರಿ ಸಮೀಪದ ಈ ಸ್ಥಳ ನಗರ ರೈಲು ಜಾಲಕ್ಕೆ ಸುಲಭವಾಗಿ ಸಂಪರ್ಕ ಹೊಂದಿದೆ.

ಪ್ರಸ್ತುತ ಬೆಂಗಳೂರು ಪ್ರಮುಖ ರೈಲು ನಿಲ್ದಾಣಗಳಾದ ಕೆಎಸ್ಆರ್ ಬೆಂಗಳೂರು ಮತ್ತು ಯಶವಂತಪುರ ನಿಲ್ದಾಣಗಳು ತುಂಬಾ ಸಂಚಾರಿ ಒತ್ತಡಕ್ಕೆ ಒಳಗಾಗಿವೆ. ಈ ಒತ್ತಡವನ್ನು ಕಡಿಮೆ ಮಾಡುವುದು ಮತ್ತು ನಗರಕ್ಕೆ ಹೆಚ್ಚುವರಿ ರೈಲು ಸೇವೆಗಳಿಗೆ ಅವಕಾಶ ಕಲ್ಪಿಸುವ ಉದ್ದೇಶದಿಂದ, ಯಲಹಂಕದಲ್ಲಿ 16 ಪ್ಲಾಟ್ಫಾರ್ಮ್ಗಳು, 15 ಪಿಟ್ ಲೈನ್ಗಳು ಮತ್ತು 10 ಸ್ಟೇಬ್ಲಿಂಗ್ ಲೈನ್ಗಳೊಂದಿಗೆ ಟರ್ಮಿನಲ್ ವಿನ್ಯಾಸಗೊಳಿಸಲಾಗಿದೆ.

ಈ ಮೆಗಾ ಟರ್ಮಿನಲ್ ಐದು ಹಂತದ (multi-level) ಆಧುನಿಕ ವಿನ್ಯಾಸದಲ್ಲಿ ನಿರ್ಮಿಸಲಾಗುವುದು. ಪ್ರಯಾಣಿಕರ ಆಗಮನ ಮತ್ತು ನಿರ್ಗಮನ ಪ್ರಕ್ರಿಯೆಯನ್ನು ಪ್ರತ್ಯೇಕಿಸುವ ಮೂಲಕ ದಟ್ಟಣೆಯನ್ನು ಕಡಿಮೆ ಮಾಡಲಾಗುತ್ತದೆ. ಇದು ಭಾರತದ ಮೊದಲ ಸಂಪೂರ್ಣ ಎತ್ತರದ ರೈಲು ಟರ್ಮಿನಲ್ ಆಗಿದ್ದು, ಚೀನಾದ ಹ್ಯಾಂಗ್ಝೌ ನಿಲ್ದಾಣದ ವಿನ್ಯಾಸದಿಂದ ಸ್ಫೂರ್ತಿ ಪಡೆದುಕೊಂಡಿದೆ.

ಯಲಹಂಕ ಟರ್ಮಿನಲ್ ನಗರ ಸಾರಿಗೆ ವ್ಯವಸ್ಥೆಯೊಂದಿಗೆ ಉತ್ತಮವಾಗಿ ಸಂಪರ್ಕಗೊಳ್ಳಲಿದೆ. ಬರಲಿರುವ ಬ್ಲೂ ಲೈನ್ ಮೆಟ್ರೋ ಮೂಲಕ ನೇರ ಸಂಪರ್ಕ ಮತ್ತು ಯಲಹಂಕ-ದೊಡ್ಡಬಳ್ಳಾಪುರ ಹೆದ್ದಾರಿಯಿಂದ ರಸ್ತೆಯ ಪ್ರವೇಶ ಸುಲಭವಾಗಲಿದೆ.

ಈ ಟರ್ಮಿನಲ್ ವರ್ಷಕ್ಕೆ 2.12 ಕೋಟಿಗೆ ಸಮೀಪ ಪ್ರಯಾಣಿಕರನ್ನು ನಿರ್ವಹಿಸುವ ಸಾಮರ್ಥ್ಯವನ್ನು ಹೊಂದಿರುತ್ತದೆ. ವೇಗದ ರೈಲು ಸೇವೆಗಳಿಗೆ ಅಗತ್ಯ ಮೂಲಸೌಕರ್ಯ, ಸುಗಮ ಸಂಚಾರ ವ್ಯವಸ್ಥೆ ಮತ್ತು ಆಧುನಿಕ ಸೌಲಭ್ಯಗಳು ಪ್ರಯಾಣಿಕರ ಅನುಭವವನ್ನು ಸುಧಾರಿಸುತ್ತವೆ. ಇದೇ ಮೂಲಕ ಯಲಹಂಕದ ಪ್ರದೇಶದಲ್ಲಿ ರಿಯಲ್ ಎಸ್ಟೇಟ್ ಮತ್ತು ಆರ್ಥಿಕ ಚಟುವಟಿಕೆಗಳು ಹೆಚ್ಚಾಗಲಿವೆ.

ತದ್ವారా, ಕಳೆದ ದಿನಗಳಲ್ಲಿ ಮೆಗಾ ಕೋಚ್ ಟರ್ಮಿನಲ್ ನಿರ್ಮಾಣವು ಸ್ಥಳೀಯ ಪರಿಸರ, ಹಸಿರು ಹೊದಿಕೆ, ಹಳ್ಳಿಗಳ ನಡುವಿನ ಜೀವವೈವಿಧ್ಯ ಮತ್ತು ನಗರ ಸಂಚಾರದ ಮೇಲೆ ಕೆಲವು ಸವಾಲುಗಳನ್ನು ಉಂಟುಮಾಡಬಹುದು. ಅಂದರೆ, ಪ್ರವೇಶ ದ್ವಾರಗಳು, ಕೊನೆಯ ಮೈಲಿ ಸಂಪರ್ಕ, ಬಸ್/ಆಟೋ ಸೌಲಭ್ಯಗಳ ಕೊರತೆ ಮತ್ತು ವೃತ್ತಪಟಗಳಲ್ಲಿನ ದಟ್ಟಣೆ ಸಮಗ್ರವಾಗಿ ಪರಿಹರಿಸಬೇಕು.

ಒಟ್ನಲ್ಲಿ ಯಲಹಂಕ ಮೆಗಾ ಕೋಚ್ ಟರ್ಮಿನಲ್ ಬೆಂಗಳೂರು ನಗರ ರೈಲು ಸಂಚಾರಕ್ಕೆ ದೀರ್ಘಕಾಲೀನ ಪರಿಹಾರ ನೀಡುವ ಮಹತ್ವದ ಯೋಜನೆ. 16 ಪ್ಲಾಟ್ಫಾರ್ಮ್ಗಳು ಮತ್ತು 10-15 ಪಿಟ್/ಸ್ಟೇಬ್ಲಿಂಗ್ ಲೈನ್ಗಳೊಂದಿಗೆ, ಕೆಎಸ್ಆರ್ ಬೆಂಗಳೂರು ಮತ್ತು ಯಶವಂತಪುರ ನಿಲ್ದಾಣಗಳ ಒತ್ತಡವನ್ನು ಕಡಿಮೆ ಮಾಡಲು ಇದು ನೆರವಾಗಲಿದೆ. ಪರಿಸರ ಮತ್ತು ಸ್ಥಳೀಯ ಸಂಚಾರ ಸಮಸ್ಯೆಗಳಿಗೆ ಸೂಕ್ತ ಪರಿಹಾರ ಕಂಡುಕೊಳ್ಳುವುದು ಅತ್ಯಗತ್ಯವಾಗಿದೆ.