ಪರ್ಸನಲ್ ಲೋನ್ ಪಡೆಯಲು ಬೇಕಾದ ದಾಖಲೆಗಳೇನು?

ಕೆಲವೊಂದು ಸಮಯ ನಮಗೆ ಗೊತ್ತೊಲ್ಲದೆಯೇ ಹಣಕಾಸಿನ ಮುಗ್ಗಟ್ಟಿಗೆ ಸಿಲುಕಿ ಬಿಡುತ್ತೇವೆ. ಈ ವೇಳೆ ನಮ್ಮ ಸಹಾಯಕ್ಕೆ ಬರುವುದು ಪರ್ಸನಲ್ ಲೋನ್ ಗಳು. ಹಲವಾರು ಸಂದರ್ಭಗಳಲ್ಲಿ ಪರ್ಸನಲ್ ಲೋನ್ ಅಗತ್ಯ ಬೀಳುತ್ತದೆ. ಈ ವೇಳೆ ನಾವು ಯಾವ ರೀತಿ ನಡೆದುಕೊಳ್ಳಬೇಕು ಎಂಬುದನ್ನು ತಿಳಿದುಕೊಳ್ಳಬೇಕಾದದ್ದು ಅಗತ್ಯ.

ನಿಮ್ಮ ಖರ್ಚು ಆದಾಯವನ್ನು ಮೀರಿದಾಗಲೂ ಪರ್ಸನಲ್ ಲೋನ್ ಬೇಕಾಗುತ್ತದೆ. ಆದರೆ ನಿಮಗೆ ಸಾಲ ಕೊಡುವವರು ಲೆಕ್ಕ ಹಾಕುವುದು ನಿಮ್ಮ ಆದಾಯದ ಮೌಲ್ಯವನ್ನೇ ಅನ್ನೋದನ್ನ ಮರೆಯಬೇಡಿ. ನಿಮ್ಮ ಇಎಮ್ ಐ ಅಂದರೆ ಕಂತು ತುಂಬುವ ಶಕ್ತಿಯೂ ಸಾಲ ನೀಡಿಕೆಯಲ್ಲಿ ಪ್ರಮುಖವಾಗುತ್ತದೆ. ಪರ್ಸನಲ್ ಲೋನ್ ಗೆ ಅರ್ಜಿ ಹಾಕುವ ಮುನ್ನ ಕ್ರೆಡಿಟ್ ಕಾರ್ಡ್ ಬಿಲ್ ಗಳನ್ನು ಮರುಪಾವತಿ ಮಾಡಿರಬೇಕು.[ಕ್ರೆಡಿಟ್ ಕಾರ್ಡ್ ಕೊಳ್ಳುವ ಮುನ್ನ 9 ಅಂಶ ತಲೆಯಲ್ಲಿರಲಿ]

ಪರ್ಸನಲ್ ಲೋನ್ ವಿವರಗಳು
* 50 ಸಾವಿರದಿಂದ 25 ಲಕ್ಷ ದವರೆಗೆ ಪರ್ಸನಲ್ ಲೋನ್ ಪಡೆಯಬಹುದು.
* ಸಾಲದ ಹಣ ಪಡೆಯುವಾಗ ಶೇ.1 ರಿಂದ 4 ರವರೆಗೆ ಶುಲ್ಕ ಪಾವತಿ ಮಾಡಬೇಕಾಗುತ್ತದೆ
* ಒಂದು ವರ್ಷದಿಂದ 5 ವರ್ಷದ ಅವಧಿಗೆ ಸಾಲ ಪಡೆಯಬಹುದು
* ತಿಂಗಳ ಕಂತು ಅಥವಾ ಇಎಮ್ ಐ ನೀವು ಪಡೆದ ಸಾಲದ ಆಧಾರದಲ್ಲಿ ನಿರ್ಧರಿತವಾಗುವುದು.

ಸಾಲ ಪಡೆಯಲು ಇರಬೇಕಾದ ಅರ್ಹತೆಗಳು
* ಸಾಲ ಪಡೆಯಲು ಬಯಸುವವನು ನಿರ್ದಿಷ್ಟ ಪ್ರಮಾಣದ ವೇತನ ಪಡೆಯುತ್ತಿರಬೇಕು ಅಥವಾ ವ್ಯಾಪಾರದಲ್ಲಿ ತೊಡಗಿರಬೇಕು
* ವಯಸ್ಸು 22 ರಿಂದ 59 ವರ್ಷದ ಒಳಗಿರಬೇಕು
* ಬ್ಯಾಂಕ್ ಖಾತೆ ಹೊಂದಿರಬೇಕು
* ಹಿಂದಿನ ವ್ಯವಹಾರ ಮತ್ತು ಮರುಪಾವತಿ ದಾಖಲಾತಿ ಉತ್ತಮವಾಗಿದ್ದರೆ ಒಳ್ಳೆಯದು
* ಕಳೆದ ಮೂರು ತಿಂಗಳಲ್ಲಿ ನೀವು ಸಾಲ ಪಡೆಯಲು ಹೋಗಿ ಬರಿಗೈಯಲ್ಲಿ ಬಂದ ದಾಖಲೆ ಇರಬಾರದು
* ಪ್ರತಿ ತಿಂಗಳು ಹಣ ಮರುಪಾವತಿ ಮಾಡುವ ಶಕ್ತಿ ಹೊಂದಿರಬೇಕು[ಕ್ಯಾನ್ಸಲ್ಡ್ ಚೆಕ್ ಗಳು ಎಲ್ಲೆಲ್ಲಿ ಉಪಯೋಗಕ್ಕೆ ಬರುತ್ತವೆ?]

ಸಾಲ ಪಡೆಯಲು ಏನೇನು ಬೇಕು?
* ಪಾಸ್ ಪೋರ್ಟ್ ಸೈಜ್ ಫೋಟೋ
* ದಾಖಲಾತಿಗಳೊಂದಿಗೆ ಭರ್ತಿ ಮಾಡಿದ ಅರ್ಜಿ
* ಕೊನೆಯ ಮೂರು ತಿಂಗಳ ವೇತನ ಪತ್ರ(ಸ್ಯಾಲರಿ ಸ್ಲಿಪ್)
* ಕೊನೆಯ ಆರು ತಿಂಗಳ ನಿಮ್ಮ ಬ್ಯಾಂಕ್ ವ್ಯವಹಾರದ ದಾಖಲಾತಿ
* ಗುರುತಿನ ಪತ್ರ(ಯಾವುದಾದರೊಂದು): ಪಾನ್ ಕಾರ್ಡ್, ಪಾಸ್ ಪೋರ್ಟ್, ಚಾಲನಾ ಪರವಾನಗಿ, ಚುನಾವಣಾ ಪತ್ರ, ಸರ್ಕಾರಿ ನೌಕರರಾಗಿದ್ದರೆ ನಿರ್ದಿಷ್ಟ ಇಲಾಖೆಯ ಗುರುತಿನ ಚೀಟಿ.
* ವಿಳಾಸ ದೃಢೀಕರಣ(ಯಾವುದಾದರೊಂದು): ಪಾಸ್ ಪೋರ್ಟ್, ಚಾಲನಾ ಪರವಾನಗಿ, ಚುನಾವಣಾ ಪತ್ರ, ರೆಶನ್ ಕಾರ್ಡ್, ಬ್ಯಾಂಕ್ ಸ್ಟೇಟ್ ಮೆಂಟ್, ಬಾಡಿಗೆ ಕರಾರು, ದೂರವಾಣಿ ಬಿಲ್, ವಿದ್ಯುತ್, ನೀರಿನ ಬಿಲ್

ಕೊನೆ ಮಾತು: ದಿನದಿಂದ ದಿನಕ್ಕೆ ಪರ್ಸನಲ್ ಲೋನ್ ಪಡೆಯುವವರ ಸಂಖ್ಯೆ ಹೆಚ್ಚಾಗುತ್ತಿದೆ. ಭಾರತದಲ್ಲಿದೇ ಅತಿ ದುಬಾರಿ ಬಡ್ಡಿ ತೆರುವ ಸಾಲ ಎಂದರೆ ಈ ಸಾಲಗಳೇ. ಒಮ್ಮೊಮ್ಮೆ ಶೇ. 24 ರವರೆಗೂ ಬಡ್ಡಿ ನೀಡಬೇಕಾಗಿ ಬರಬಹುದು. ನಿಮ್ಮ ಆದಾಯವನ್ನು ಲೆಕ್ಕ ಹಾಕಿಕೊಂಡು ಎಲ್ಲಾ ಕಾಗದ ಪತ್ರ ಪರಿಶೀಲಿಸಿ ಅತಿ ಅಗತ್ಯ ಎಂದೆನಿಸಿದಾಗ ಮಾತ್ರ ಪರ್ಸನಲ್ ಲೋನ್ ಪಡೆಯುವುದು ಒಳಿತು. (ಗುಡ್ ರಿಟರ್ನ್ಸ್.ಇನ್)

Read in English: Documents and Eligibility Needed for a Personal Loan