ಪೇಟಿಎಂ, ಟಾಟಾ ಎಐಜಿ ಆರೋಗ್ಯ ವಿಮೆ ಘೋಷಣೆ

ಟಾಟಾ ಎಐಜಿ ಮತ್ತು ಪೇಟಿಎಂ ಸಂಸ್ಥೆಗಳು ಕ್ಯಾಬ್ ಮತ್ತು ಆಟೋ ಚಾಲಕರಿಗೆ ಆರೋಗ್ಯ ವಿಮೆ ಒದಗಿಸಲು ಒಪ್ಪಂದ ಮಾಡಿಕೊಂಡಿವೆ. ಈ ಯೋಜನೆ ರೂ. 50,000 ರವರೆಗೆ ವೈದ್ಯಕೀಯ ವೆಚ್ಚವನ್ನು ಭರಿಸಲಿದೆ.

ಆರೋಗ್ಯ ವಿಮೆಗಾಗಿ ಟೈ ಅಪ್

ಮೊಬೈಲ್ ಪಾವತಿ ಉದ್ಯಮವಾದ ಪೇಟಿಎಂ ನ ಡಿಜಿಟಲ್ ವ್ಯಾಲೆಟ್ ಬಳಸುವ ಕ್ಯಾಬ್ ಮತ್ತು ಆಟೋ ಚಾಲಕರಿಗೆ ಟಾಟಾ ಎಐಜಿ ಜನರಲ್ ಇನ್ಸೂರೆನ್ಸ್‌ ಮೂಲಕ ಹಣವಿಲ್ಲದೆ ಆರೋಗ್ಯ ವಿಮೆ ಸಕ್ರಿಯಗೊಳಿಸಲು ಈ ಕಂಪನಿಗಳು ಟೈ ಅಪ್ ಆಗಿವೆ.

ಪೇಟಿಎಂ ವಿಮೆ ವಿನ್ಯಾಸ

ಗುಣಮಟ್ಟದ ವೈದ್ಯಕೀಯ ಆರೈಕೆ ಮತ್ತು ಆದಾಯಕ್ಕೆ ಅನುಗುಣವಾಗಿ ಚಾಲಕರಿಗೆ ಆರೋಗ್ಯ ಸೇವೆಯನ್ನು ಒದಗಿಸಲು ಪೇಟಿಎಂ ಬಯಸಿದಂತೆ ಟಾಟಾ ಎಐಜಿ ಜನರಲ್ ಇನ್ಸೂರೆನ್ಸ್‌ ಹಣವಿಲ್ಲದ ವಿಮೆ ಯೋಜನೆಯನ್ನು ವಿನ್ಯಾಸ ಮಾಡಿದೆ.

50 ಸಾವಿರ ಆರೋಗ್ಯ ಸೌಲಭ್ಯ

ಪಾಲಿಸಿಯ ಚಂದಾದಾರರಾಗುವ ಚಾಲಕರ ಆರೋಗ್ಯ ಸ್ಥಿತಿಯನ್ನು ಈ ಯೋಜನೆಯ ಅಡಿಯಲ್ಲಿ ಸುಧಾರಿಸಲಾಗುವುದು. ಇದು ರೂ. 50,000ರವರೆಗೆ ವೈದ್ಯಕೀಯ ವೆಚ್ಚವನ್ನು ಭರಿಸಲಿದೆ.

ದೆಹಲಿಯಲ್ಲಿ ಉತ್ತಮ ಪ್ರತಿಕ್ರಿಯೆ

ಈ ಯೋಜನೆಗೆ ದೆಹಲಿಯಲ್ಲಿ ಉತ್ತಮ ಪ್ರತಿಕ್ರಿಯೆ ಸಿಕ್ಕಿದ್ದು, ಶೀಘ್ರದಲ್ಲಿಯೇ ದೇಶದ ಇನ್ನಿತರ ಭಾಗಗಳಿಗೂ ವಿಸ್ತರಿಸಲು ನಿರೀಕ್ಷಿಸಲಾಗಿದೆ. ಈಗಾಗಲೇ 18,000 ಚಾಲಕರು ಈ ಸೇವೆಯನ್ನು ಸೈನ್ ಅಪ್ ಮಾಡಿದ್ದಾರೆ.

ಜಂಟಿ ಉದ್ಯಮ

ಟಾಟಾ ಎಐಜಿ ಜನರಲ್ ಇನ್ಸೂರೆನ್ಸ್‌ ಉದ್ಯಮವು ಟಾಟಾ ಗ್ರೂಪ್ ಮತ್ತು ಅಮೆರಿಕನ್ ಇಂಟರ್ನ್ಯಾಷನಲ್ ಗ್ರೂಪ್(ಎಐಜಿ) ನೊಂದಿಗಿನ ಜಂಟಿ ಉದ್ಯಮವಾಗಿದೆ.