ಆನ್ಲೈನ್ ಹಣಕಾಸು ಖಾತೆ/ವ್ಯವಹಾರ ಸುರಕ್ಷತೆ ಹೇಗೆ?

ಪ್ರಸ್ತುತ ನಗದು ರಹಿತ ವ್ಯವಹಾರ, ಡಿಜಿಟಲ್ ಪೇಮೆಂಟ್ಸ್ ಹೆಚ್ಚು ಪ್ರಾಮುಖ್ಯತೆ ಪಡೆಯುತ್ತಿದೆ. ಆನ್ಲೈನ್ ವ್ಯವಹಾರಗಳ(ಮೊಬೈಲ್, ನೆಟ್ ಬ್ಯಾಂಕಿಂಗ್, ಇ-ವಾಲೆಟ್, ಕ್ರೆಡಿಟ್/ಡೆಬಿಟ್ ಕಾರ್ಡ್) ಮೂಲಕ ಬಿಲ್ ಪಾವತಿ ಹೆಚ್ಚಾಗಿದೆ.

ಡೇಟಾ ಹ್ಯಾಕ್ ಅಥವಾ ವಂಚನೆಗಳು ತೆರಿಗೆ ಮತ್ತು ಸಾವುಗಳಂತೆ ಜೀವನದ ಭಾಗವಾಗಿ ಹಿಂಬಾಲಿಸುತ್ತಿವೆ. 2014-15ರಲ್ಲಿ NEFT RTGS ಸೈಬರ್ ಫ್ರಾಡ್ಸ್ ಸುಮಾರು ರೂ. 80 ಕೋಟಿ ವಂಚನೆಗೆ ಕಾರಣವಾಗಿತ್ತು. ಗುರುತು ಕಳ್ಳತನ, ಡೇಟಾ ಉಲ್ಲಂಘನೆ, ಇಮೇಲ್ ಸ್ಕ್ಯಾಮ್ಸ್, ವೈರಸ್, ಮಾಲ್ವೇರ್ ಇಂತಹ ವಂಚನೆಗಳು 24 ಗಂಟೆಗಳ ಕಾಲ ನಡೆಯುತ್ತಿರುತ್ತದೆ. ಹಣಕಾಸು ವಂಚಕರಿಂದ ತಪ್ಪಿಸಿಕೊಳ್ಳಬೇಕೆ? ಇಲ್ಲಿವೆ 8 ಮಾರ್ಗ

ಇಷ್ಟೆಲ್ಲ ಮೋಸ, ವಂಚನೆ ಇದ್ದರೆ ಇದರಿಂದ ರಕ್ಷಣೆ ಹೇಗೆ? ಸುರಕ್ಷತಾ ಕ್ರಮಗಳೇನು? ಎನ್ನುವ ಗೊಂದಲಗಳು ನಮ್ಮಲ್ಲಿ ಇದ್ದೆ ಇರುತ್ತವೆ. ಆನ್ಲೈನ್ ಹಣಕಾಸು ಖಾತೆಯ ಸುರಕ್ಷತೆಗಾಗಿ 10 ಮಾರ್ಗಗಳನ್ನು ಅನುಸರಿಸಿ.

1. ಪ್ರಬಲ ಪಾಸ್ವರ್ಡ್ ರಚಿಸಿ

ಪಾಸ್ವರ್ಡ್ ರಚನೆ ಪ್ರಮುಖ ರಕ್ಷಣೆ. ಇದು ವೈಯಕ್ತಿಕ ಮಾಹಿತಿಗೆ ಅನುಗುಣವಾಗಿ ಅಂದರೆ ನಿಮ್ಮ ಜನ್ಮ ದಿನಾಂಕ ಇಲ್ಲವೆ ಸಂಗಾತಿಯ ಜನ್ಮ ದಿನಕ್ಕೆ ತಕ್ಕಂತೆ ರಚಿಸಿಬೇಡಿ.
ಚಿಹ್ನೆಗಳು, ಸಂಖ್ಯೆಗಳು, ಅಪ್ಪರ್ ಮತ್ತು ಲೋವರ್ ಕೇಸ್ ಸಂಖ್ಯೆಗಳನ್ನು ಬಳಸಿ ಕಡಿಮೆ ಪಾರದರ್ಶಕವಾಗಿರುವಂತೆ ನೋಡಬೇಕು. ಇದು ತುಂಬಾ ಕಷ್ಟಕರ ಎಂದೆನಿಸಿದಲ್ಲಿ ಯಾದೃಚ್ಛಿಕ ಥೀಮ್, ಪ್ರಾಣಿಗಳ ಹೆಸರು, ಹೆಸರು/ಚಿಹ್ನೆಗಳನ್ನು ಉಚ್ಚರಿಸಿ ಪಾಸ್ವರ್ಡ್ ಆಯ್ಕೆ ಮಾಡಿ.

2. ವರ್ಬಲ್ ದೃಢೀಕರಣ ಬೇಡಿಕೆ

ನೀವು ವೇಲ್ತ್ ಮ್ಯಾನೇಜರ್ ಜತೆ ಕೆಲಸ ಮಾಡುತ್ತಿದ್ದರೆ ದೂರವಾಣಿ ಮೌಖಿಕ ದೃಢೀಕರಣದ ಮೂಲಕ ಫಂಡ್ ವರ್ಗಾವಣೆ ಮಾಡಬಹುದು. ಸಾಮಾನ್ಯವಾಗಿ ಇಮೇಲ್ ಐಡಿ ಮತ್ತು ಖಾಸಗಿ ಖಾತೆಗಳ ವಿವರವನ್ನು ಫಂಡ್ ವರ್ಗಾವಣೆಗಾಗಿ ನೀಡುವಾಗಲೇ ಡೇಟಾ ಹ್ಯಾಕ್ ಆಗುವುದು ಹೆಚ್ಚು. ಹೀಗಾಗಿ ಮೌಖಿಕ ದೃಢೀಕರಣ ಮೂಲಕ ಫಂಡ್ ವರ್ಗಾವಣೆ ಉತ್ತಮ.

3. ಬಿಲ್ ಪೇಮೆಂಟ್ಸ್ ಮೇಲೆ ಮಿತಿ ಇರಲಿ

ಮಾಸಿಕ ಬಿಲ್ಲು, SIPs, EMI ನಂತಹ ಅಣ್ಣ ವ್ಯವಹಾರಗಳ ಮೇಲೆ ನೀಗಾ ವಹಿಸಲು ಸಾಧ್ಯವಿರುವುದಿಲ್ಲ. ಇಂತಹ ಬಿಲ್ಲುಗಳಲ್ಲಿ ಏರುಪೇರು ಆಗುತ್ತಿರುತ್ತದೆ. ಹೀಗಾಗಿ ಸತತವಾಗಿ ಪಾವತಿ ಮಾಡಬೇಕಾದ ಬಿಲ್ ಗಳ ಮೇಲೆ ಮಿತಿ ಇರಲಿ. ಕ್ರೆಡಿಟ್ ಕಾರ್ಡ್ ಬಿಲ್ ಮೊತ್ತವನ್ನು ನಿಗದಿಪಡಿಸಿ.

4. ವೈಫೈ ಸುರಕ್ಷಿತವಾಗಿ ಬಳಸಿ

ಸಾರ್ವಜನಿಕ ವೈಫೈ ಕೇಂದ್ರಗಳನ್ನು ಬಳಸುವುದನ್ನು ನಿಲ್ಲಿಸಿ. ಹೆಚ್ಚಿನ ಹ್ಯಾಕರ್ಸ್ ಗಳು ಇಂತಹ ಪಬ್ಲಿಕ್ ವೈಫೈ ಕೇಂದ್ರಗಳನ್ನು ಅವಲಂಬಿಸಿರುತ್ತಾರೆ. ನಿಮ್ಮ ಬಳಿ ಕಂಪನಿ ನೀಡಿದ ವರ್ಚುವಲ್ ಪ್ರೈವೆಟ್ ನೆಟ್ವರ್ಕ್(VPN) ಇಲ್ಲದಿದ್ದರೆ ಬೇರೆ ಕಡೆ VPN ಸೌಲಭ್ಯ ಬಳಸುವಾಗ ಜಾಗೂರಕವಾಗಿರಬೇಕು. ಅಲ್ಲದೆ ಮನೆಯಲ್ಲಿರುವ ವೈಫೈ ಸುರಕ್ಷಿತವಾಗಿರುವಂತೆ ನೋಡಿಕೊಳ್ಳಿ.

5. ಪಾಸ್ವರ್ಡ್ ರಕ್ಷಣೆ

ಸೂಕ್ಷ್ಮವಾಗಿರುವ ಪಿಡಿಎಫ್ ಅಥವಾ ವರ್ಡ್ ಡಾಕ್ಯುಮೆಂಟ್ ಗಳನ್ನು ಇಮೇಲ್ ಮೂಲಕ ಕಳುಹಿಸುವಾಗ ಪಾಸ್ವರ್ಡ್ ರಕ್ಷಣಾತ್ಮಕವಾಗಿದೆಯೇ ಎಂದು ತಿಳಿದುಕೊಳ್ಳಿ. ಇಂತಹ ಪಾಸ್ವರ್ಡ್ ಸೆಟ್ಟಿಂಗ್ ಸುಲಭವಾಗಿ ಬದಲಾಯಿಸಬಹುದು.

6. ನಿಯಮಿತವಾಗಿ ನವೀಕರಿಸಿ

ನಿಯಮಿತ ತಂತ್ರಜ್ಞಾನ ವ್ಯವಸ್ಥೆ ಆಧಾರದ ಮೇಲೆ ಭದ್ರತಾ ಕ್ರಮಗಳನ್ನು ಮುರಿಯಲು ಸಾಧ್ಯವಾಗಿರುತ್ತದೆ. ಹೀಗಾಗಿ ನಿಯಮಿತವಾಗಿ ವಾರಕ್ಕೊಮ್ಮೆ, ತಿಂಗಳಿಗೊಮ್ಮೆ ಪಾಸ್ವರ್ಡ್ ಗಳನ್ನು ನವೀಕರಿಸುತ್ತಿರಬೇಕು. ಇದರಿಂದ ನಿಮ್ಮ ಕಂಪ್ಯೂಟರ್ ನ್ನು ಅಪ್ಡೇಟ್ ಮಾಡುತ್ತಿರುವುದರಿಂದ ವೈರಸ್ ಮತ್ತು ಭದ್ರತಾ ಬೆದರಿಕೆಗಳಿಂದ ಸುರಕ್ಷಿತವಾಗಿಡಬಹುದು.

7. ಸ್ಮಾರ್ಟ್ ಫೋನ್ ಮತ್ತು ಟಾಬ್ಲೆಟ್ ಗಳನ್ನು ಸಂರಕ್ಷಿಸಿ

ಇತ್ತಿಚಿನ ದಿನಗಳಲ್ಲಿ ಎಲ್ಲವೂ ನಮ್ಮ ಕೈ ಬೆರಳ ತುದಿಯಲ್ಲಿದೆ. ಸ್ಮಾರ್ಟ್ ಫೋನ್ ಮತ್ತು ಟಾಬ್ಲೆಟ್ ಎಲ್ಲರ ಮೂಲ ಅಗತ್ಯತೆಗಳಾಗಿವೆ. ನಿಮ್ಮ ಬ್ಯಾಂಕಿಂಗ್ ಆಪ್, ಡಿಮಾಟ್ ಖಾತೆ, ಇಮೇಲೆ ಸಂಪರ್ಕ ಎಲ್ಲವೂ ನಿಮ್ಮ ಸ್ಮಾರ್ಟ್ ಫೋನ್ ನಲ್ಲಿರುವುದರಿಂದ ಅದರ ಸಂರಕ್ಷಣೆ ತುಂಬಾ ಮುಖ್ಯ. ಫೈರ್ ವಾಲ್ಸ್ ಮತ್ತು ಆಂಟಿ ವೈರಸ್ ಪಡೆಯಲು ಮರೆಯಬೇಡಿ.

8. ಡಿವೈಸ್ ಸ್ವಚ್ಛವಾಗಿಡಿ

ಹಳೆ ಸಾಧನಗಳನ್ನು ಮಾರಾಟ ಮಾಡುವಾಗ ಅಥವಾ ಹೊರಹಾಕಲು ಬಯಸಿದಾಗ ನಿಮ್ಮ ವೈಯಕ್ತಿ ಡೇಟಾಗಳನ್ನು ಅಳಸಿ ಹಾಕಿ. ಕೆಲ ಸಾಧನಗಳು ಪ್ರಿ-ಇನ್ ಸ್ಟಾಲ್ಡ್ ಅಪ್ಲಿಕೇಶನ್ ಹೊಂದಿರುವುದರಿಂದ ಡೇಟಾ ನಾಶಪಡಿಸಿ ಇಲ್ಲವೆ ಲಾಕ್ ಮಾಡಿ.

9. OTP ಆಯ್ಕೆ ಮಾಡಿ

One Time Password( ಒಂದು ಸಮಯದ ಗುಪ್ತ ಪದ) ಪಾಸ್ವರ್ಡ್ ರಕ್ಷಣೆಗೆ ಉತ್ತಮವಾದದ್ದು. ಆನ್ಲೈನ್ ಬ್ಯಾಂಕಿಂಗ್ ಖಾತೆ ಪಾಸ್ವರ್ಡ್ ಸಂದರ್ಭದಲ್ಲಿ ಇದು ತುಂಬಾ ಉಪಯುಕ್ತ. ಹೀಗಾಗಿ OTP ಆಯ್ಕೆ ಮಾಡಲು ಮರೆಯಬೇಡಿ.

ಪೋಟೋ ಕೃಪೆ: ದಿ ಎಕನಾಮಿಕ್ ಟೈಮ್ಸ್

10. ಸಾಮಾಜಿಕ ಜಾಲತಾಣಗಳ ಬಗ್ಗೆ ಎಚ್ಚರವಿರಲಿ

ಗೂಗಲ್+, ಪೇಸ್ಬುಕ್ ನಂತಹ ಜಾಲತಾಣಗಳಲ್ಲಿ ವೈಯಕ್ತಿಕ ಮಾಹಿತಿ ಹಂಚಿಕೊಳ್ಳುವುದರಿಂದ ವಂಚಕರಿಗೆ ಸಹಾಯವಾಗುತ್ತದೆ. ಆ ಮೂಲಕ ನಿಮ್ಮ ಖಾಯೆಗಳಿಗೆ ಕನ್ನ ಹಾಕಬಹುದು. ನಿಮ್ಮ ಪ್ರೈವೆಸಿ ಬಗ್ಗೆ ಜಾಗೂರಕರಾಗಿರಿ. ಯಾವುದೇ ಕಾರಣಕ್ಕೂ ವೈಯಕ್ತಿಕ ಮಾಹಿತಿ ನೀಡದಿರಿ.