ಆಮ್ ಆದ್ಮಿ ಭೀಮ ಯೋಜನೆ ಪ್ರಯೋಜನಗಳೇನು?

ಭಾರತದ ಸರ್ಕಾರದ ಹಣಕಾಸು ಸಚಿವಾಲಯ ಸಾಮಾಜಿಕ ಭದ್ರತೆ ಯೋಜನೆಗಳಾಗಿ ಆಮ್ ಆದ್ಮಿ ಭೀಮ ಯೋಜನಾ ಮತ್ತು ಜನಶ್ರೀ ಭೀಮ ಯೋಜನೆಗಳ ವಿಲೀನವನ್ನು ಅನುಮೋದಿಸಿದೆ. ನಾಗರಿಕರಿಗೆ ಸಾಮಾಜಿಕ ಭದ್ರತೆ ಒದಗಿಸುವುದು ಈ ಯೋಜನೆಯ ಮುಖ್ಯ ಉದ್ದೇಶವಾಗಿದ್ದು, 01-01-2013ರಿಂದ ಕಾರ್ಯರೂಪಕ್ಕೆ ತರಲಾಗಿದೆ. (10 ಉತ್ತಮ ಎಲ್ಐಸಿ ಪಾಲಿಸಿ)

ಆಮ್ ಆದ್ಮಿ ಭೀಮ ಯೋಜನೆ ಅಡಿ ಸಾರ್ವಜನಿಕರಿಗೆ ದೊರಕುವ ಸೌಲಭ್ಯಗಳ ವಿವರ ಇಲ್ಲಿ ನೀಡಲಾಗಿದೆ.

1. ಅರ್ಹತೆ

1. 18 ರಿಂದ 59 ವರ್ಷದ ನಡುವಿನ ವ್ಯಕ್ತಿಗಳು ಈ ಯೋಜನೆಗೆ ಅರ್ಹರಾಗಿರುತ್ತಾರೆ.
2. ಸಾಮಾನ್ಯವಾಗಿ ವ್ಯಕ್ತಿ ಕುಟುಂಬದ ಮುಖ್ಯಸ್ಥನಾಗಿರಬೇಕು ಅಥವಾ ಸಂಪಾದನೆ ಮಾಡುತ್ತಿರುವ ಬಿಪಿಎಲ್ ಕುಟುಂಬದ ಸದಸ್ಯನಾಗಿರಬೇಕು ಅಥವಾ ವೃತ್ತಿಪರ ಗುಂಪು/ಗ್ರಾಮೀಣ ಭೂರಹಿತ ಕುಟುಂಬ ಆಗಿರಬೇಕು.

2. ನೋಡಲ್ ಏಜೆನ್ಸಿ

ಕೇಂದ್ರ ಸಚಿವ ಇಲಾಖೆ/ರಾಜ್ಯ ಸರ್ಕಾರ/ಕೇಂದ್ರಾಡಳಿತ ಪ್ರದೇಶ/ಯಾವುದೇ ಇತರ ಸಾಂಸ್ಥಿಕ ವ್ಯವಸ್ಥೆ/ಯಾವುದೇ ನೋಂದಾಯಿತ ಎನ್ಜಿಒ ಮೂಲಕ ನಿಯಮಗಳ ಪ್ರಕಾರ ಯೋಜನೆಯನ್ನು ನಿರ್ವಹಿಸಲು ನೇಮಿಸಲ್ಪಟ್ಟ ಸಂಸ್ಥೆಗಳನ್ನು ನೋಡಲ್ ಏಜೆನ್ಸಿ ಎನ್ನುತ್ತಾರೆ. ಗ್ರಾಮೀಣ ಭೂರಹಿತ ಕುಟುಂಬ ವಿಷಯಕ್ಕೆ ಸಂಬಂಧಿಸಿದಂತೆ ರಾಜ್ಯ ಸರಕಾರ / ಕೇಂದ್ರಾಡಳಿತ ಪ್ರದೇಶ ಈ ಯೋಜನೆಯನ್ನು ನಿರ್ವಹಿಸಲು ನೋಡಲ್ ಏಜೆನ್ಸಿಯನ್ನು ನೇಮಕ ಮಾಡಿರುತ್ತದೆ.

3. ದಾಖಲಾತಿಗಳು

- ರೇಷನ್ ಕಾರ್ಡ್
- ಜನನ ನೋಂದಣಿ ಪತ್ರ
- ಶಾಲಾ ಪ್ರಮಾಣಪತ್ರ
- ಮತದಾರರ ಪಟ್ಟಿ
- ಸರ್ಕಾರಿ ಇಲಾಖೆ/ಪ್ರಸಿದ್ದ ಉದ್ಯೋಗದಾತರಿಂದ ನೀಡಲ್ಪಟ್ಟ ಗುರುತಿನ ಕಾರ್ಡ್
- ಆಧಾರ್ ಕಾರ್ಡ್

4. ಪ್ರೀಮಿಯಂ

ಈ ಯೋಜನೆ ಅಡಿ ಸದಸ್ಯರು ವಾರ್ಷಿಕವಾಗಿ ರೂ. 200 ಪಾವತಿಸಬೇಕಾಗಿದ್ದು, ರೂ. 30,000 ಕವರೆಜ್ ಸಿಗುತ್ತದೆ. ಇದರಲ್ಲಿ 50% ಸಾಮಾಜಿಕ ಭದ್ರತಾ ನಿಧಿಯಿಂದ ಸಬ್ಸಿಡಿ ನೀಡಲಾಗುವುದು. ಗ್ರಾಮೀಣ ಭೂರಹಿತ ಕುಟುಂಬ(RLH) ಉಳಿದ 50% ಪ್ರೀಮಿಯಂ ಮೊತ್ತ ರಾಜ್ಯ ಸರ್ಕಾರ/ಕೇಂದ್ರಾಡಳಿತ ಪ್ರದೇಶದಿಂದ ಪಡೆದುಕೊಳ್ಳಬಹುದು. ಉಳಿದ ಔದ್ಯೋಗಿಕ ಗುಂಪಿನವರು 50% ಪ್ರೀಮಿಯಂ ನೋಡಲ್ ಏಜೆನ್ಸಿ ಮತ್ತು /ರಾಜ್ಯ ಸರ್ಕಾರ / ಕೇಂದ್ರಾಡಳಿತ ಪ್ರದೇಶಗಳಿಂದ ಪಡೆಯಬಹುದು. ಅಟಲ್ ಪಿಂಚಣಿ ಯೋಜನೆ(APY) ಮಾಡಿಸುವುದು ಹೇಗೆ?