ಕೇವಲ 4, 6, ಅಥವಾ 9 ಸಾವಿರ ಹೂಡಿಕೆಯಲ್ಲಿ 90 ಲಕ್ಷ ರೂ. ಗಳಿಸಿ; ನಿಮ್ಮ ಆಯ್ಕೆ ಯಾವುದು? ಲೆಕ್ಕಾಚಾರ ನೋಡಿ

ಹೂಡಿಕೆ ಎಂಬುದು ಹಲವರಿಗೆ ದೊಡ್ಡ ಮೊತ್ತದ ಹಣವಿದ್ದಾಗ ಮಾತ್ರ ಮಾಡಬಹುದಾದ ವಿಷಯ ಎಂಬ ಭಾವನೆ ಇರುತ್ತದೆ. ಹೆಚ್ಚಿನವರು ದೊಡ್ಡ ಲಾಭ ಗಳಿಸಬೇಕೆಂದರೆ ದೊಡ್ಡ ಮೊತ್ತವನ್ನೇ ಹೂಡಿಕೆ ಮಾಡಬೇಕು ಎಂದು ನಂಬಿರುತ್ತಾರೆ. ಆದರೆ ಅಚ್ಚರಿಯೆಂದರೆ, ಚಿಕ್ಕ ಮೊತ್ತದ ನಿಯಮಿತ ಹೂಡಿಕೆಯೂ ಕಾಲಾನಂತರದಲ್ಲಿ ದೊಡ್ಡ ಆರ್ಥಿಕ ಬದಲಾವಣೆಯನ್ನು ತರಬಲ್ಲದು. ಇದರ ಬಗ್ಗೆ ಬಹಳಷ್ಟು ಜನ ಯೋಚನೆ ಮಾಡುವುದಿಲ್ಲ. ಸಣ್ಣ ಮೊತ್ತದಿಂದ ದೊಡ್ಡ ನಿಧಿ ಸಂಗ್ರಹಿಸುವುದು ಹೇಗೆ ಗೊತ್ತಾ? ಮುಂದೆ ಓದಿ...

ಮಾಸಿಕವಾದ ಖರ್ಚು ಕಳೆದು ನೀವು ಹೆಚ್ಚೆಂದರೆ ₹4,000 ಉಳಿಸಬಹುದು ಅಂದುಕೊಳ್ಳಿ, ₹ 6,000, ₹9,000 ಸರಿ. ಇದು ನಿಮ್ಮ ಅನುಕೂಲಕ್ಕೆ ಬಿಟ್ಟಿದ್ದು, ಸಣ್ಣ ಮೊತ್ತದೊಂದಿಗೆ ಪ್ರಾರಂಭವಾದರೂ, ನೀವು ಅಚ್ಚರಿಪಡುವಂತೆ ₹90 ಲಕ್ಷದ ಬೃಹತ್ ನಿಧಿಯನ್ನು ಸೃಷ್ಟಿಸಬಹುದು ಎಂದು ನಿಮಗೆ ತಿಳಿದಿರಲಾರದು. ಇದಕ್ಕೆ ಬೇಕಾಗಿರುವುದು ಸರಿಯಾದ ತಂತ್ರ ಮತ್ತು ಶಿಸ್ತಿನ ಹೂಡಿಕೆ. ಹೀಗಾಗಿ ಬಹಳ ಬೇಗನೆ ದೊಡ್ಡ ಫಂಡ್ ನಿರ್ಮಿಸಲು ಸಾಧ್ಯವಾಗುತ್ತದೆ. ಹೂಡಿಕೆಯಲ್ಲಿ ಮುಖ್ಯವಾಗಿ ಬೇಕಾಗಿರುವುದು ನಿರಂತರತೆ ಮತ್ತು ಒಂದು ಯೋಜಿತ ಮಾರ್ಗ. ಹಾಗಾದರೆ, ವ್ಯವಸ್ಥಿತ ಹೂಡಿಕೆ ಯೋಜನೆಯ ಮೂಲಕ ತಿಂಗಳಿಗೆ ₹4,000, ₹6,000 ಅಥವಾ ₹9,000 ಹೂಡಿಕೆ ಮಾಡಿದರೆ, ₹90 ಲಕ್ಷದ ಗುರಿಯನ್ನು ತಲುಪಲು ಎಷ್ಟು ಸಮಯ ಬೇಕಾಗುತ್ತದೆ? ಈ ಕುತೂಹಲಕಾರಿ ಲೆಕ್ಕಾಚಾರವನ್ನು ಮುಂದೆ ನೋಡೋಣ.

ಸಂಯೋಜನೆ ಶಕ್ತಿ ಅರಿತಿಕೊಳ್ಳಿ (Power Of Compounding)

ಸಂಯುಕ್ತ ಹೂಡಿಕೆಯ ಸಹಾಯದಿಂದ, ಇದು ಕೇವಲ ಮೂಲ ಹೂಡಿಕೆಯ ಮೇಲೆ ಮಾತ್ರವಲ್ಲದೆ, ಅದರಿಂದ ಬರುವ ಆದಾಯದ ಮೇಲೂ ಆದಾಯವನ್ನು ಗಳಿಸಲು ಸಹಾಯ ಮಾಡುತ್ತದೆ. ದೀರ್ಘಾವಧಿಯಲ್ಲಿ ಇದು ನಿಮ್ಮ ಸಂಪತ್ತನ್ನು ಗಣನೀಯವಾಗಿ ಬೆಳೆಸಲು ಹಾಗೂ ಹೆಚ್ಚಿಸುವ ಸಾಮರ್ಥ್ಯವನ್ನು ಹೊಂದಿದೆ. ಸಂಯುಕ್ತ ಹೂಡಿಕೆಯಿಂದ ಲಾಭ ಪಡೆಯುವ ಮುಖ್ಯ ರಹಸ್ಯವೆಂದರೆ ಬೇಗನೆ ಹೂಡಿಕೆ ಪ್ರಾರಂಭಿಸುವುದು ಮತ್ತು ನಿರಂತರವಾಗಿ ಹೂಡಿಕೆ ಮಾಡುತ್ತಿರುವುದು.

SIP ಅಂದ್ರೆ ಏನು?

ವ್ಯವಸ್ಥಿತ ಹೂಡಿಕೆ ಯೋಜನೆ (SIP) ಎಂಬುವುದು ಮ್ಯೂಚುವಲ್ ಫಂಡ್‌ಗಳಲ್ಲಿ ನಿಯಮಿತವಾಗಿ ಒಂದು ನಿರ್ದಿಷ್ಟ ಮೊತ್ತವನ್ನು ಹೂಡಿಕೆ ಮಾಡುವ ವಿಧಾನ.ಹೂಡಿಕೆದಾರರಾಗಿ, ನೀವು ನಿಮ್ಮ ಆಯ್ಕೆಗೆ ಅನುಗುಣವಾಗಿ ದೈನಂದಿನ, ವಾರಕ್ಕೊಮ್ಮೆ, ಮಾಸಿಕ, ತ್ರೈಮಾಸಿಕ ಅಥವಾ ವಾರ್ಷಿಕವಾಗಿ ಹೂಡಿಕೆ ಮಾಡಬಹುದು. ಜೊತೆಗೆ, ನೀವು 100 ರೂಪಾಯಿಗಳ ಸಣ್ಣ ಮೊತ್ತದೊಂದಿಗೆ ನಿಮ್ಮ ಹೂಡಿಕೆ ಪ್ರಯಾಣವನ್ನು ಪ್ರಾರಂಭಿಸಬಹುದು.

ವ್ಯವಸ್ಥಿತ ಹೂಡಿಕೆ ಯೋಜನೆಯಿಂದಾಗುವ ಪ್ರಯೋಜನಗಳು?

ವ್ಯವಸ್ಥಿತ ಹೂಡಿಕೆ ಯೋಜನೆಗಳು ಸಂಯುಕ್ತ ಮತ್ತು ನಿಯಮಿತ ಹೂಡಿಕೆಯ ಶಕ್ತಿಯ ಮೂಲಕ ದೀರ್ಘಾವಧಿಯಲ್ಲಿ ಸಂಪತ್ತನ್ನು ನಿರ್ಮಿಸಲು ಸಹಾಯ ಮಾಡಬಹುದು. ಮಾರುಕಟ್ಟೆಯ ಸಮಯಕ್ಕೆ ತಕ್ಕಂತೆ ಕೆಲಸ ಮಾಡುವ ಅಗತ್ಯವನ್ನು ನಿವಾರಿಸುವ ಮೂಲಕ ಅವು ಹೂಡಿಕೆಯನ್ನು ಹೆಚ್ಚು ನಿರ್ವಹಣಾತ್ಮಕ ಮತ್ತು ಕಡಿಮೆ ಒತ್ತಡದಿಂದ ಕೂಡಿಸಬಹುದು.

SIP ಲೆಕ್ಕಾಚಾರದ ವಿವರ ಹೀಗಿದೆ

₹90 ಲಕ್ಷದ ಗುರಿ ನಿಧಿಯನ್ನು ತಲುಪಲು, ನೀವು ಮಾಸಿಕ ₹4,000, ₹6,000, ಅಥವಾ ₹9,000 ಗಳನ್ನು ವಾರ್ಷಿಕ ಶೇ. 12 ರಷ್ಟು ಅಂದಾಜು ಆದಾಯದೊಂದಿಗೆ SIP (ವ್ಯವಸ್ಥಿತ ಹೂಡಿಕೆ ಯೋಜನೆ) ಮೂಲಕ ಹೂಡಿಕೆ ಮಾಡಲು ಬಯಸಿದರೆ ಈ ಸಂಪತ್ತು ನಿರ್ಮಾಣಕ್ಕೆ ತಗಲು ಸಮಯದ ಲೆಕ್ಕಾಚಾರ ನೋಡೋಣ

ಮಾಸಿಕ 4,000 ರೂ. SIP ಮೂಲಕ 90 ಲಕ್ಷ ರೂ.ಗಳನ್ನು ನಿರ್ಮಿಸಲು ಎಷ್ಟು ಸಮಯ ತೆಗೆದುಕೊಳ್ಳುತ್ತದೆ?

ನೀವು 4,000 ರೂ. SIP ಮೂಲಕ ಹೂಡಿಕೆ ಆರಂಭಿಸಿದರೆ 90 ಲಕ್ಷ ರೂಪಾಯಿಗಳ ಕಾರ್ಪಸ್ ಸಂಗ್ರಹವಾಗಲು ಸುಮಾರು 28 ವರ್ಷಗಳು ಬೇಕಾಗುತ್ತದೆ.

24 ವರ್ಷಗಳಲ್ಲಿ ಮಾಸಿಕ 6,000 ರೂ. SIP ಎಷ್ಟು ಸಂಗ್ರಹಿಸಬಹುದು?

24 ವರ್ಷಗಳಲ್ಲಿ ನೀವು ಪ್ರತಿ ತಿಂಗಳು ₹6,000 SIP ಹೂಡಿಕೆ ಮಾಡಿದರೆ, ನೀವು ಹೂಡಿಕೆ ಮಾಡುವ ಒಟ್ಟು ಮೊತ್ತ ₹17,28,000 ಆಗಿರುತ್ತದೆ. ವಾರ್ಷಿಕ ಶೇ. 12 ರಷ್ಟು ಆದಾಯದೊಂದಿಗೆ, ನಿಮ್ಮ ಬಂಡವಾಳದ ಲಾಭ ಅಂದಾಜು ₹73,22,572 ಆಗಿರುತ್ತದೆ. ಹೀಗಾಗಿ, 24 ವರ್ಷಗಳ ಕೊನೆಯಲ್ಲಿ ನಿಮ್ಮ ಅಂದಾಜು ನಿವೃತ್ತಿ ನಿಧಿ ₹90,50,572 ಆಗಿರುತ್ತದೆ.

ಮಾಸಿಕ 9,000 ರೂ. SIP ಮೂಲಕ 90 ಲಕ್ಷ ರೂ.ಗಳನ್ನು ನಿರ್ಮಿಸಲು ಎಷ್ಟು ಸಮಯ ತೆಗೆದುಕೊಳ್ಳುತ್ತದೆ?

90 ಲಕ್ಷ ರೂಪಾಯಿಗಳ ಕಾರ್ಪಸ್ ಸಂಗ್ರಹವಾಗಲು ಸುಮಾರು 21 ವರ್ಷಗಳು ಬೇಕಾಗುತ್ತದೆ.

21 ವರ್ಷಗಳಲ್ಲಿ ಮಾಸಿಕ 9,000 ರೂ. SIP ಎಷ್ಟು ಸಂಗ್ರಹಿಸಬಹುದು?

1 ವರ್ಷಗಳಲ್ಲಿ ನೀವು ಪ್ರತಿ ತಿಂಗಳು ₹9,000 SIP ಹೂಡಿಕೆ ಮಾಡಿದರೆ, ನೀವು ಹೂಡಿಕೆ ಮಾಡುವ ಒಟ್ಟು ಮೊತ್ತ ₹22,68,000 ಆಗಿರುತ್ತದೆ. ವಾರ್ಷಿಕ ಶೇ. 12 ರಷ್ಟು ಆದಾಯದೊಂದಿಗೆ, ನಿಮ್ಮ ಬಂಡವಾಳದ ಲಾಭ ಅಂದಾಜು ₹71,19,061 ಆಗಿರುತ್ತದೆ. ಹೀಗಾಗಿ, 21 ವರ್ಷಗಳ ಕೊನೆಯಲ್ಲಿ ನಿಮ್ಮ ಅಂದಾಜು ನಿವೃತ್ತಿ ನಿಧಿ ₹93,87,061 ಆಗಿರುತ್ತದೆ.

Disclaimer:

The write-up is just for information purposes, and is not a recommendation to buy, sell or hold. We have not done fundamental or technical analysis and have no opinion on article mentioned. Neither, the author nor Greynium Information Technologies should be held liable for any losses. Please consult a professional advisor.