ತುರ್ತು ಹಣಕಾಸಿನ ತೊಂದರೆ ಇದ್ಯಾ? ಗೂಗಲ್‌ ಪೇನಲ್ಲಿ ಈಗ ಪರ್ಸನಲ್ ಲೋನ್ ಸೇವೆ! ಹೇಗೆ ಪಡೆಯೋದು?

ಇಷ್ಟುದಿನ ಪಾವತಿಯ ಸಾಧನವಾಗಿದ್ದ ಗೂಗಲ್‌ಪೇ, ಈಗ ಹಣಕಾಸಿನ ನೆರವು ಕೂಡ ಒದಗಿಸುತ್ತಿದೆ. ತನ್ನ ಪಾಲುದಾರ ಬ್ಯಾಂಕ್‌ಗಳು ಮತ್ತು ಹಣಕಾಸು ಸಂಸ್ಥೆಗಳೊಂದಿಗೆ ಸಂಪರ್ಕಿಸಲು ಸಹಾಯ ಮಾಡುತ್ತದೆ. ಈ ಮೂಲಕ ಗೂಗಲ್‌ ಪೇ ತನ್ನ ಬಳಕೆದಾರರ ತುರ್ತು ಆರ್ಥಿಕ ಪರಿಸ್ಥಿತಿಗೆ ನೆರವಾಗುತ್ತಿದೆ.

ಸಾಲ ಪಡೆಯುವವರು ಇತರೆ NBFC, ಬ್ಯಾಂಕುಗಳಿಗೆ ಸಲ್ಲಿಸುವಂತೆಯೇ ಒಂದಷ್ಟು ದಾಖಲೆಗಳನ್ನು ದೃಢಪಡಿಸಬೇಕಾಗುತ್ತದೆ. ಅಂದರೆ ಸಾಲ ಬೇಕಾದವರು ತಮ್ಮ KYC ವಿವರಗಳನ್ನು ಸಲ್ಲಿಸಿ ಅನುಮೋದನೆ ಪಡೆಯಬೇಕಾಗುತ್ತದೆ. ಆದರೆ ಸಾಲ ಪಡೆಯುವ ಮುನ್ನ ಎಷ್ಟು ಎಚ್ಚರಿಕೆ ಇರಬೇಕು ಎಂಬುದು ಇಲ್ಲಿ ತಿಳಿಯಿರಿ.

ಸಾಲ ಪಡೆಯಲು ಯಾರು ಅರ್ಹರು?

ವೈಯಕ್ತಿಕ ಸಾಲ ಅರ್ಜಿ ಸಲ್ಲಿಸುವವರಿಗೆ ವಯೋಮಿತಿ ಇದೆ. ಸಾಮಾನ್ಯವಾಗಿ ವೈಯಕ್ತಿಕ ಸಾಲಕ್ಕೆ ಅರ್ಜಿ ನೀಡುವವರಿಗೆ 21 ರಿಂದ 57 ವರ್ಷದೊಳಗಿನ ವಯಸ್ಸು ಇರಬೇಕು. ಜೊತೆಗೆ ಕನಿಷ್ಠ 600 ರಿಂದ 700 ರವರೆಗೆ ಕ್ರೆಡಿಟ್ ಸ್ಕೋರ್ ಅಗತ್ಯವಿದೆ. ಈ ಸ್ಕೋರ್ ನಿಮ್ಮ ಹಿಂದಿನ ಸಾಲ ಮರುಪಾವತಿ ಶಿಸ್ತು ಮತ್ತು ಹಣಕಾಸಿನ ನಡವಳಿಕೆ ಆಧಾರವಾಗಿ ನಿರ್ಧರಿಸಲಾಗುತ್ತದೆ.

ಸ್ಥಿರ ಆದಾಯದ ಮೂಲ:

ಸದೃಢವಾದ, ಸ್ಥಿರ ಆದಾಯದ ಮೂಲ ಇದ್ದರೆ ಮಾತ್ರ ಸಾಲದ ಅವಕಾಶ ದೊರೆಯುತ್ತದೆ. ಗೂಗಲ್ ಪೇ ಮೂಲಕ ಕೊಡುವ ಸಾಲ ಸಾಮಾನ್ಯವಾಗಿ 6 ತಿಂಗಳಿಂದ 5 ವರ್ಷಗಳವರೆಗೆ ಅವಧಿಯಲ್ಲಿರುತ್ತದೆ. ಇಎಂಐಗಳು ನಿಮ್ಮ ಬ್ಯಾಂಕ್ ಖಾತೆಯಿಂದ ಸ್ವಯಂಚಾಲಿತವಾಗಿ ಕಡಿತವಾಗುವ ವ್ಯವಸ್ಥೆಯಲ್ಲಿರುತ್ತದೆ.

ಬಡ್ಡಿದರಗಳು ಎಷ್ಟು?

ಸಾಲದ ಬಡ್ಡಿದರವು ವಿವಿಧ ಬ್ಯಾಂಕು ಅಥವಾ NBFCಗಳಿಂದ ಬದಲಾಗುತ್ತದೆ. ಕೆಲವೊಂದು ಕಂಪನಿಗಳು 11.25% ಬಡ್ಡಿದರದಿಂದ ಆರಂಭಿಸುತ್ತವೆ, ಇನ್ನು ಕೆಲವು 13.99% ಅಥವಾ ಅದಕ್ಕಿಂತ ಹೆಚ್ಚಾಗಿ ವಿಧಿಸುತ್ತವೆ. ಹೀಗಾಗಿ, ನಿಮ್ಮ ಆಯ್ಕೆ ಮಾಡುವ ಮುನ್ನ ಬಡ್ಡಿದರ, ಶುಲ್ಕ ಮತ್ತು ಷರತ್ತುಗಳನ್ನು ಓದುವುದು ಬಹುಮುಖ್ಯ.

5 ಸರಳ ಹಂತಗಳು:

1. ಗೂಗಲ್‌ ಪೇ ಅಪ್ಲಿಕೇಶನ್‌ನ ನವೀಕರಿಸಿ, ಸಕ್ರಿಯ ಬ್ಯಾಂಕ್ ಖಾತೆಯೊಂದಿಗೆ ಲಿಂಕ್ ಮಾಡಿ.
2. ಲೋನ್ ವಿಭಾಗಕ್ಕೆ 'ನಿಮ್ಮ ಹಣವನ್ನು ನಿರ್ವಹಿಸಿ' ವಿಭಾಗದಲ್ಲಿ 'Loan' ಮೇಲೆ ಕ್ಲಿಕ್ ಮಾಡಿ.
3. "ನಿಮ್ಮ ಹಣವನ್ನು ನಿರ್ವಹಿಸಿ" ಟ್ಯಾಬ್ ಅಡಿಯಲ್ಲಿ "ಸಾಲಗಳು" ವಿಭಾಗಕ್ಕೆ ಸರಿಸಿ.
4. ನಿಮ್ಮ ಕ್ರೆಡಿಟ್ ಪ್ರೊಫೈಲ್ ಆಧಾರದಲ್ಲಿ ನೀಡಲಾಗುವ ಆಫರ್‌ಗಳನ್ನು ವೀಕ್ಷಿಸಿ.
5. ಸಿಂಪಲ್ ಡಿಜಿಟಲ್ ಫಾರ್ಮ್ ತುಂಬಿ, KYC ಹಾಗೂ ಇ-ಮ್ಯಾಂಡೇಟ್‌ಗಳು ಪೂರೈಸಿ.
6. ಅರ್ಜಿ ಅಂಗೀಕಾರವಾದ ಬಳಿಕ, ನೇರವಾಗಿ ನಿಮ್ಮ ಖಾತೆಗೆ ಹಣ ವರ್ಗವಾಗುತ್ತದೆ.

ಎಚ್ಚರಿಕೆ ಇರಲಿ:

ಇನ್ನು ಗೂಗಲ್‌ ಪೇ ಸಾಲದ ಸೌಲಭ್ಯವನ್ನು ವೇಗ ಮತ್ತು ಸುಲಭತೆಯ ದೃಷ್ಟಿಯಿಂದ ಮೆಚ್ಚುತ್ತಿದ್ದಾರೆ. ಆದರೆ ತಜ್ಞರು ಮೊದಲ ಕೊಡುಗೆ ಅಥವಾ ತಕ್ಷಣ ಒಪ್ಪಿಗೆ ಬರುವ ಆಫರ್‌ಗಳ ಕಡೆಗೆ ಜವಾಬ್ದಾರಿಯಿಂದ ನೋಡಬೇಕು ಎಂದು ಎಚ್ಚರಿಸುತ್ತಾರೆ. ಕೆಲವು ಬಳಕೆದಾರರು "ಬ್ಯಾಂಕ್‌ಗಿಂತ ಹೆಚ್ಚಾದ ಬಡ್ಡಿದರ ಇದೆ, ಆದರೆ ತುರ್ತು ಅವಶ್ಯಕತೆಯಿದ್ದರೆ ಇದು ಉಪಯೋಗಕರ" ಎಂದು ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.