Gold Guidelines: ಭಾರತದಲ್ಲಿ ಚಿನ್ನಾಭರಣ ಎಷ್ಟು ಇಟ್ಟುಕೊಳ್ಳಬಹುದು? ಕಾನೂನಾತ್ಮಕವಾಗಿ ನಿರ್ವಹಿಸುವುದು ಹೇಗೆ ತಿಳಿಯಿರಿ

ಚಿನ್ನ..ಭಾರತದಲ್ಲಿ ಒಂದು ಸಾಂಪ್ರದಾಯಿಕ ಮಹತ್ವ ಹೊಂದಿದೆ. ಹೂಡಿಕೆಯ ಸಾಧನವಾಗಿರುವ ಚಿನ್ನ, ಪ್ರತಿಷ್ಠೆಯ ಸಂಕೇತವೂ ಆಗಿದೆ. ಮಹಿಳೆಯರ ಪಾಲಿಗೆ ಅಚ್ಚುಮೆಚ್ಚು ಉಡುಗೊರೆ. ಹಬ್ಬಗಳು, ವಿವಾಹಗಳು ಮತ್ತು ಉಡುಗೊರೆಗಳಲ್ಲಿ ಚಿನ್ನ ಬಹುಮೌಲ್ಯ ವಸ್ತು. ಚಿನ್ನದ ಬೆಲೆ ಎಷ್ಟೇ ಏರಿಕೆಯಾದರೂ ಬೇಕು ಎನ್ನುವ ಆಸೆ ಮಾತ್ರ ಇಳಿಯುವುದಿಲ್ಲ. ಚಿನ್ನದ ಬೆಲೆಗಳು ಏರಿಳಿತವಾಗುತ್ತಿರುವ ಈ ಸಮಯದಲ್ಲಿ, ಬೆಲೆಗಳನ್ನು ಕೂಡ ಗಮನಿಸೋದು ಮುಖ್ಯ, ಅಂದಹಾಗೆ ಚಿನ್ನವನ್ನು ಮನೆಯಲ್ಲಿ ಲೀಗಲ್ ಆಗಿ ಎಷ್ಟು ಇಟ್ಟುಕೊಳ್ಳಬಹುದು. ಏನೆಲ್ಲಾ ಮಾನದಂಡಗಳಿವೆ. ಹಾಗೂ ಅದರ ತೆರಿಗೆ ಸಂಬಂಧಿತ ನಿಯಮಗಳನ್ನು ತಿಳಿದುಕೊಳ್ಳುವುದು ಅಗತ್ಯ. ಅದರ ಬಗ್ಗೆ ಇಲ್ಲಿ ತಿಳಿಯಿರಿ.

ಪ್ರಸ್ತುತ, ಒಬ್ಬ ವ್ಯಕ್ತಿ ಅಥವಾ ಕುಟುಂಬವು ಎಷ್ಟು ಚಿನ್ನಾಭರಣವನ್ನು ಹೊಂದಬಹುದು ಎಂಬುದಕ್ಕೆ ಯಾವುದೇ ಕಾನೂನು ಮಿತಿ ಇಲ್ಲ. ಆದರೆ, ಆದಾಯ ತೆರಿಗೆ ಅಧಿಕಾರಿಗಳು ದಾಳಿ ನಡೆಸುವ ವೇಳೆ ಕೆಲವು ಮಾರ್ಗಸೂಚಿಗಳನ್ನು ಪಾಲಿಸಬೇಕು.

CBDT 1994 ರ ಮಾರ್ಗಸೂಚಿಯ ಪ್ರಕಾರ:

• ವಿವಾಹಿತ ಮಹಿಳೆಯರು: 500 ಗ್ರಾಂವರೆಗಿನ ಚಿನ್ನಾಭರಣವನ್ನು ವಶಪಡಿಸಬಾರದು.
• ಅವಿವಾಹಿತ ಮಹಿಳೆಯರು: 250 ಗ್ರಾಂವರೆಗಿನ ಚಿನ್ನಾಭರಣ ವಶಪಡಿಸಬಾರದು.
• ಪುರುಷರು (ವಿವಾಹಿತ/ಅವಿವಾಹಿತ): ಮಹಿಳೆಯರ ಮಿತಿಗಿಂತ 100 ಗ್ರಾಂ ಕಡಿಮೆ.
• ಈ ನಿಯಮಗಳು ದಾಳಿಯ ವೇಳೆ ಉಂಟಾಗುವ ವಿವಾದಗಳನ್ನು ತಪ್ಪಿಸಲು ಹೊರಡಿಸಲಾಗಿದೆ.

ಚಿನ್ನದ ಮೂಲ ಮತ್ತು ದಾಖಲೆಗಳು:

ಚಿನ್ನಾಭರಣವು ಖರೀದಿ, ಉಡುಗೊರೆ ಅಥವಾ ಪಾರಂಪರಿಕವಾಗಿ ಬಂದಿದ್ದರೂ, ಮೂಲವನ್ನು ಸ್ಪಷ್ಟಪಡಿಸುವುದು ಬಹುಮುಖ್ಯ.

• ಖರೀದಿ ಚಿನ್ನ: ರಶೀದಿಗಳು, ಇನ್ವಾಯಿಸ್‌ಗಳು.
• ಉಡುಗೊರೆ/ಪಾರಂಪರಿಕ ಚಿನ್ನ: ದಾನಿ ದಾಖಲೆಗಳು, ವಿಲ್ (Will), ಆದಾಯ ತೆರಿಗೆ ದಾಖಲೆಗಳು.

ನಗದು ಮೂಲಕ ಚಿನ್ನ ಖರೀದಿಸುವಾಗ, ₹2 ಲಕ್ಷಕ್ಕಿಂತ ಹೆಚ್ಚು ನಗದು ಚಿನ್ನ ಖರೀದಿ ಮಿತಿಯನ್ನು ಪಾಲಿಸಬೇಕು. ಚೆಕ್ ಅಥವಾ ಕಾರ್ಡ್ ಮೂಲಕ ಖರೀದಿಸುವುದು ಸುರಕ್ಷಿತ. ಚಿನ್ನದ ಮೂಲವನ್ನು ತೋರಿಸಬಹುದಾದರೆ, ನಿಗದಿತ ಮಿತಿಯನ್ನು ಮೀರಿ ಚಿನ್ನಾಭರಣ ಇದ್ದರೂ ಅಧಿಕಾರಿಗಳು ಅದನ್ನು ವಶಪಡಿಸಕೂಡದು.

ಇನ್ವೆಂಟರಿ ಮತ್ತು ಹಳೆಯ ದಾಖಲೆಗಳು:

ದಾಳಿ ಸಂದರ್ಭದಲ್ಲಿ, ನಿಗದಿತ ಮಿತಿಯೊಳಗಿನ ಚಿನ್ನಾಭರಣ ವಶಪಡಿಸಬಾರದಿದ್ದರೂ, ಇನ್ವೆಂಟರಿ ತಯಾರಿಸಿ ಚಿನ್ನದ ಮೂಲ ಮತ್ತು ಪ್ರಮಾಣವನ್ನು ದಾಖಲಿಸುವುದು ಉತ್ತಮ. 2015ರ ಮೇರೆಗೆ ಸಲ್ಲಿಸಿದ ಸಂಪತ್ತು ತೆರಿಗೆ ದಾಖಲೆಗಳು ಇದ್ದರೆ, ಚಿನ್ನಾಭರಣದ ಮೂಲವನ್ನು ಸಮರ್ಥವಾಗಿತೆಂದು ಪರಿಗಣಿಸಲಾಗುತ್ತದೆ.

ಚಿನ್ನದ ಪ್ರಮಾಣಕ್ಕೆ ಮಿತಿ ಇಲ್ಲ, ಆದರೆ ಅದರ ಮೂಲ ಮತ್ತು ಖರೀದಿ ದಾಖಲೆಗಳು ಯಾವತ್ತೂ ಮುಖ್ಯ. ನಿಗದಿತ ಮಾರ್ಗಸೂಚಿಗಳನ್ನು ಪಾಲಿಸಿ, ಇನ್ವೆಂಟರಿ ತಯಾರಿಸಿ, ಮತ್ತು ಖರೀದಿ ದಾಖಲೆಗಳನ್ನು ಕಾಪಾಡಿಕೊಂಡರೆ, ದಾಳಿ ಅಥವಾ ತೆರಿಗೆ ಪರಿಶೀಲನೆ ಸಮಯದಲ್ಲಿ ಸಮಸ್ಯೆ ಕಡಿಮೆ ಆಗುತ್ತದೆ.

(ಹಕ್ಕುತ್ಯಾಗ: ವ್ಯಕ್ತಿಗತ ವಿಶ್ಲೇಷಕರ ಅಥವಾ ಘಟಕಗಳ ಅಭಿಪ್ರಾಯಗಳು ಮತ್ತು ಶಿಫಾರಸುಗಳು ಮಾತ್ರ ಇಲ್ಲಿ ಸೂಚಿಸಲಾಗಿದೆ ಮತ್ತು ಅವು Goodreturns.in ಅಥವಾ Greynium Information Technologies Private Limited (ಒಟ್ಟಿಗೆ "ನಾವು" ಎಂದು ಉಲ್ಲೇಖಿಸಲಾಗಿದೆ) ಅವರ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಯಾವುದೇ ವಿಷಯದ ನಿಖರತೆ, ಪೂರ್ಣತೆ ಅಥವಾ ನಂಬಿಕಾರ್ಹತೆಯನ್ನು ನಾವು ಖಚಿತಪಡಿಸುವುದಿಲ್ಲ, ಸಮರ್ಥಿಸುತ್ತಿಲ್ಲ ಅಥವಾ ಹೊಣೆಗಾರರಲ್ಲ. ನಾವು ಯಾವುದೇ ಹೂಡಿಕೆ ಸಲಹೆ ನೀಡುವುದಿಲ್ಲ ಅಥವಾ_SECURITIES_ ಖರೀದಿ ಅಥವಾ ಮಾರಾಟವನ್ನು ಪ್ರೇರೇಪಿಸುವುದಿಲ್ಲ. ಎಲ್ಲಾ ಮಾಹಿತಿಯು ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರ ನೀಡಲಾಗಿದ್ದು, ಯಾವುದೇ ಹೂಡಿಕೆ ನಿರ್ಧಾರಗಳನ್ನು ಕೈಗೊಳ್ಳುವ ಮೊದಲು ಲೈಸೆನ್ಸ್ ಪಡೆದ ಹಣಕಾಸು ಸಲಹೆಗಾರರಿಂದ ಸ್ವತಃ ಪರಿಶೀಲಿಸುವುದು ಅಗತ್ಯ.)