ಮ್ಯೂಚುಯಲ್ ಫಂಡ್: 19 ವರ್ಷಗಳಲ್ಲಿ ಕೇವಲ 10,000 SIP ಮೂಲಕ 1.60 ಕೋಟಿ ಗಳಿಸಿ !

ಹಣವನ್ನ ಕೂಡಿಡಲು ನಮ್ಮ ಬಳಿ ಹಲವು ಆಯ್ಕೆಗಳಿರುತ್ತವೆ. ಆದ್ರೆ ಎಲ್ಲಾ ಆಯ್ಕೆಗಳು ಕೂಡ ಉತ್ತಮ ಆಯ್ಕೆಯಾಗಿರುವುದಿಲ್ಲ ಎಂಬುದನ್ನ ನಾವು ಗಮನದಲ್ಲಿಟ್ಟುಕೊಳ್ಳಬೇಕು. ಅದರಲ್ಲೂ ಕೆಲವೊಮ್ಮೆ ನಾವು ಹಣವನ್ನ ಸಂಗ್ರಹ ಮಾಡುವ ಕಂಪನಿ ನಮಗೆ ಮೋಸ ಮಾಡಿದರೆ ಎಂಬ ಅನುಮಾನಗಳು ಹೆಚ್ಚಿರುತ್ತದೆ. ಅಲ್ಲದೆ ಹೆಚ್ಚಿನ ಜನರು ತಮ್ಮ ನಿವೃತ್ತಿ ಜೀವನಕ್ಕಾಗಿ ಅವರು ಹಣವನ್ನ ಕೂಡಿಡುತ್ತಾರೆ.

ಈ ಆಯ್ಕೆಗಳಲ್ಲಿ ಉತ್ತಮ ಆಯ್ಕೆಗಳಲ್ಲಿ ಒಂದಾದ ಮ್ಯೂಚುಯಲ್‌ ಫಂಡ್‌ ಹೂಡಿಕೆಯು ಈ ಆರ್ಥಿಕ ವಿಭಾಗದಲ್ಲಿ ಹಲವು ಕಾರಣಗಳಿಂದಾಗಿ ಉತ್ತಮ ಆಯ್ಕೆ ಎಂದು ಪರಿಗಣಿಸಲಾಗುತ್ತದೆ. ಸ್ಟಾಕ್‌ಗಳು, ಬಾಂಡ್‌ಗಳು, ಸರಕುಗಳು ಹಾಗು ಆಸ್ತಿ ಸಂಬಮಧಪಟ್ಟಂತ ವಿವಿಧ ಹೂಡಿಕೆಗಳಲ್ಲಿ ಆಗುವಂತಹ ಅಪಾಯಗಳನ್ನ ಇದು ಕಡಿಮೆ ಮಾಡುತ್ತದೆ.

ಬಹಳಷ್ಟು ಹೂಡಿಕೆದಾರರು ತಮ್ಮ ನಿವೃತ್ತಿ ಜೀವನಕ್ಕಾಗಿ ಹಾಗೆ ತಮ್ಮ ಇತರೆ ಕಾರ್ಯಗಳಿಗಾಗಿ 1 ಕೋಟಿ ರೂಗಳಿಗಿಂತ ಹೆಚ್ಚು ಹಣವನ್ನ ಸಂಗ್ರಹ ಮಾಡಲು ಇಚ್ಛಿಸುತ್ತಾರೆ. ಇದಕ್ಕಾಗಿ ಮ್ಯೂಚಲ್‌ ಫಂಡ್‌ ಯೋಜನೆಗಳು ತನ್ನ ಹೂಡಿಕೆದಾರರಿಗೆ ಉತ್ತಮ ಆದಾಯವನ್ನ ನೀಡ್ತಿದೆ. ಜೊತೆಗೆ ಹೂಡಿಕೆದಾರರಿಗೆ 1 ಕೋಟಿಗಿಂದ ಹೆಚ್ಚಿನ ಲಾಭವನ್ನ ಈ ಯೋಜನೆ ನೀಡ್ತಿದೆ.

ಒಬ್ಬ ವ್ಯಕ್ತಿ ಆದಿತ್ಯ ಬಿರ್ಲಾ ಸನ್ ಲೈಫ್ ಇಂಡಿಯಾ ಜೆನ್‌ನೆಕ್ಸ್ಟ್ ಫಂಡ್‌ನಲ್ಲಿ 19 ವರ್ಷಗಳ ಅವಧಿಯಲ್ಲಿ ಮಾಸಿಕ ರೂ 10,000 ಹೂಡಿಕೆ ಮಾಡುವ ಮೂಲಕ ಹೂಡಿಕೆದಾರರು 1.60 ಕೋಟಿ ರೂ. ಮೊತ್ತವನ್ನ ಸಮರ್ಥವಾಗಿ ಸಂಗ್ರಹಿಸಬಹುದು. ಆಗಸ್ಟ್ 2005ರಲ್ಲಿ ಆರಂಭವಾದ ಈ ಓಪನ್‌ ಎಂಡೆಡ್‌ ಇಕ್ವಿಟಿ ನಿಧಿ ಇದು ಮ್ಯೂಚುವಲ್‌ ಫಂಡ್‌ ಯೋಜನೆಯಾಗಿದ್ದು, ಯಾವುದೇ ಸಮಯದಲ್ಲಿ ಖರೀದಿಸಲು ಅಥವಾ ಮಾರಾಟ ಮಾಡಲು ಇಲ್ಲಿ ಮುಕ್ತ ಅವಕಾಶವಿರುತ್ತದೆ. ಇದು ಬಳಕೆಯ ವಿಷಯದ ಮೇಲೆ ಕೇಂದ್ರೀಕರಿಸುತ್ತದೆ. ಭಾರತದ ವರ್ಕ್‌ಫೋರ್ಸ್ ಅನ್ನು ವಿಸ್ತರಿಸುವುದು, ಆದಾಯದ ಮಟ್ಟವನ್ನು ಹೆಚ್ಚಿಸುತ್ತದೆ. ಮತ್ತು ಹೆಚ್ಚಿನ ಖರ್ಚು ಅಭ್ಯಾಸಗಳಂತಹ ಅಂಶಗಳ ಲಾಭವನ್ನು ಪಡೆದುಕೊಳ್ಳುತ್ತದೆ.

ಇದರ ಜೊತೆಗೆ, ನಿಧಿಯ ಆರಂಭದಲ್ಲಿ ಮಾಡಿದ 1ಲಕ್ಷದ ಆರಂಭಿಕ ಹೂಡಿಕೆ ಮೊತ್ತ ಈಗ 22.35 ಲಕ್ಷ ಆಗಿದೆ. ನಿಧಿಯು 1 ವರ್ಷದಲ್ಲಿ 17.68%ನಂತೆ, 3 ವರ್ಷಗಳಲ್ಲಿ 22.38%ನಷ್ಟು ಮತ್ತು 5 ವರ್ಷಗಳಲ್ಲಿ 18.84% ವಾರ್ಷಿಕ ಬೆಳವಣಿಗೆ ದರಗಳೊಂದಿಗೆ (CAGR) ಸ್ಥಿರವಾದ ಬೆಳವಣಿಗೆಯನ್ನ ನಾವಿಲ್ಲಿ ಕಾಣಬಹುದು. NIFTY ಇಂಡಿಯಾ ಬಳಕೆ ಸೂಚ್ಯಾಂಕ TRI ಅನ್ನು ಮೀರಿಸಿದೆ ಎಂಬುದು ಗಮನ ಹರಿಸುವ ಅಂಶವಾಗಿದೆ. ಇದು 21.78% ನಷ್ಟು 3 ವರ್ಷಗಳ ಆದಾಯವನ್ನು ಇದು ದಾಖಲಿಸಿದೆ.

ಆದಿತ್ಯ ಬಿರ್ಲಾ ಸನ್ ಲೈಫ್ ಇಂಡಿಯಾ ಜೆನ್‌ನೆಕ್ಸ್ಟ್‌ ಡೈರೆಕ್ಟ್ ಫಂಡ್-ಗ್ರೋತ್, ಆದಿತ್ಯ ಬಿರ್ಲಾ ಸನ್ ಲೈಫ್ ಮ್ಯೂಚುಯಲ್ ಫಂಡ್‌ ಮೂಲಕ ಕಾರ್ಯ ನಿರ್ವಹಿಸುತ್ತದೆ. ಇದು ವಿಷಯಾಧಾರಿತ-ಬಳಕೆಯ ಮ್ಯೂಚುಯಲ್ ಫಂಡ್ ಆಗಿದ್ದು, ಸೆಪ್ಟೆಂಬರ್ 30, 2024ರ ನಿರ್ವಹಣೆಯಡಿಯಲ್ಲಿ (AUM) ಒಟ್ಟು ಸ್ವತ್ತುಗಳು 6,011 ಕೋಟಿ ರೂ. ಎನ್ನಲಾಗ್ತಿದೆ.

ಈ ಯೋಜನೆಯು ಕಂಪನಿಗಳ ಇಕ್ವಿಟಿ ಅಥವಾ ಇಕ್ವಿಟಿ-ಸಂಬಂಧಿತ ಸಾಧನಗಳಲ್ಲಿ ಹೂಡಿಕೆ ಮಾಡುವುದನ್ನ ಕೇಂದ್ರಿಕರಿಸುತ್ತದೆ. ಹಾಗೆ ದೇಶದಲ್ಲಿ ಉಲ್ಬಣಗೊಳ್ಳುತ್ತಿರುವ ಗ್ರಾಹಕರ ಪ್ರವೃತ್ತಿ ಹಾಗೆ ಇಂದಿನ ಯುವ ಪೀಳಿಗೆಯ ಅನವಶ್ಯಕ ವೆಚ್ಚಮಾಡುವ ಆದಾಯದ ಮೂಲಕ ಲಾಭ ಗಳಿಸಲು ಈ ಯೋಜನೆ ಸಹಾಯ ಮಾಡುತ್ತದೆ. ಇನ್ನು ಈ ಯೋಜನೆಯಲ್ಲಿ ನಾವು ನೋಡೋದಾದ್ರೆ ಇದು ಮುಖ್ಯವಾಗಿ ಹಣಕಾಸು, ಸೇವೆಗಳು, ಗ್ರಾಹಕ ಸ್ಟೇಪಲ್ಸ್, ಆಟೋಮೊಬೈಲ್ ಮತ್ತು ಗ್ರಾಹಕ ವಿವೇಚನೆಯಂತಹ ಕ್ಷೇತ್ರಗಳಿಗೆ ಹಣವನ್ನು ಹಂಚಿಕೆ ಮಾಡುತ್ತದೆ. ಅದೇ ವರ್ಗದಲ್ಲಿರುವ ಇತರೆ ಯೋಜನೆಗಳಿಗೆ ಹೋಲಿಸಿದರೆ ಗ್ರಾಹಕ ಸ್ಟೇಪಲ್ಸ್ ಮತ್ತು ಫೈನಾನ್ಷಿಯಲ್ ಸೆಕ್ಟರ್‌ಗಳಿಗೆ ಇದು ಕಡಿಮೆ ಮಾನ್ಯತೆಯನ್ನು ನೀಡುವ ಮೂಲಕ ಅದು ತನ್ನನ್ನು ಗುರುತಿಸಿಕೊಳ್ಳುತ್ತದೆ.

98.29% ನಷ್ಟು ಭಾರೀ ಹಂಚಿಕೆಯೊಂದಿಗೆ ನಿಧಿಯ ಬಂಡವಾಳವು ಮೊದಲು ದೇಶೀಯ ಷೇರುಗಳನ್ನು ಒಳಗೊಂಡಿದೆ. ಈ ಹಂಚಿಕೆಯೊಳಗೆ, 51.69%ನಷ್ಟು ಲಾರ್ಜ್ ಕ್ಯಾಪ್ ಸ್ಟಾಕ್‌ಗಳಲ್ಲಿದೆ, 23.95% ಮಿಡ್ ಕ್ಯಾಪ್ ಸ್ಟಾಕ್‌ಗಳಲ್ಲಿದ್ದರೆ, 4.52% ಸ್ಮಾಲ್ ಕ್ಯಾಪ್ ಸ್ಟಾಕ್‌ಗಳಲ್ಲಿದೆ. ಫಂಡ್‌ನ ಅಗ್ರ 5 ಬಂಡವಾಳಗಳಲ್ಲಿ ITC ಲಿಮಿಟೆಡ್, ಭಾರ್ತಿ ಏರ್‌ಟೆಲ್ ಲಿಮಿಟೆಡ್, ICICI ಬ್ಯಾಂಕ್ ಲಿಮಿಟೆಡ್, ಟ್ರೆಂಟ್ ಲಿಮಿಟೆಡ್, ಮತ್ತು HDFC ಬ್ಯಾಂಕ್ ಲಿಮಿಟೆಡ್ ಸೇರಿವೆ. ಇದರಿಂದಾಗಿ ಅದರ ಕಾರ್ಯತಂತ್ರದ ಹೂಡಿಕೆ ವಿಧಾನದ ಬಗ್ಗೆ ತಿಳಿಯುತ್ತದೆ.

ಅವಧಿ ನಿಧಿಯ ವರ್ಗ ಸರಾಸರಿ
6 ತಿಂಗಳುಗಳು 21.38% 22.57%
1 ವರ್ಷ 41.13% 44.66%
3 ವರ್ಷಗಳು 18.68% 21.85%
5 ವರ್ಷಗಳು 23.23% 24.2%
10 ವರ್ಷಗಳು 19.21% 17.96%

ಎಸ್‌ಐಪಿ ಬಗ್ಗೆ ತಿಳಿಯಿರಿ

ಮೊದಲು ಎಸ್ಐಪಿ ಮ್ಯೂಚುವಲ್‌ ಫಂಡ್‌ಗಳಲ್ಲಿ ಹೂಡಿಕೆ ಮಾಡುವ ಜನಪ್ರಿಯ ವಿಧಾನವಾಗಿದೆ. ಮ್ಯೂಚುವಲ್‌ ಫಂಡ್‌ ಯೋಜನೆಗಳ ಅಡಿಯಲ್ಲಿ ನಿಯಮಿತವಾಗಿ ಅಂದರೆ ಮಾಸಿಕ ಅಥವಾ ತ್ರೈಮಾಸಿಕ ಹಣವನ್ನ ಹೂಡಿಕೆ ಮಾಡಲು ವ್ಯಕ್ತಿಗಳಿಗೆ ಅವಕಾಶ ನೀಡುತ್ತದೆ. ಹಾಗೆ ನೀವೇನಾದ್ರು ಸಿಸ್ಟಮ್ಯಾಟಿಕ್ ಹೂಡಿಕೆ ಪ್ಲಾನ್ ಆಯ್ಕೆ ಮಾಡಿದ ನಂತರ, ನಿಮ್ಮ ಮೊತ್ತವನ್ನು ನಿಮ್ಮ ಬ್ಯಾಂಕ್ ಅಕೌಂಟಿನಿಂದ ಆಟೋಮ್ಯಾಟಿಕ್ ಆಗಿ ಡೆಬಿಟ್ ಮಾಡಲಾಗುತ್ತದೆ. ಹಾಗೆ ಕೆಲವು ಸಮಯದ ನಂತರ ನೀವು ಖರೀದಿಸುವ ಮ್ಯೂಚುಯಲ್ ಫಂಡ್‌ನಲ್ಲಿ ಮತ್ತೆ ಮರುಹೂಡಿಕೆ ಮಾಡಲಾಗುತ್ತದೆ. ಕೊನೆಯಲ್ಲಿ, ಅದರ ನಿವ್ವಳ ಸ್ವತ್ತು ಮೌಲ್ಯವನ್ನು ಅವಲಂಬಿಸಿರುವ ನಿಮ್ಮ ಮ್ಯೂಚುಯಲ್ ಫಂಡ್‌ನ ಘಟಕಗಳನ್ನು ನಿಮಗೆ ಹಂಚಿಕೆ ಮಾಡಲಾಗುತ್ತದೆ.