ಜೀವ ವಿಮಾ ಪಾಲಿಸಿ ಮೇಲೂ ಸಾಲ ಪಡೆಯಬಹುದು; ಆದರೆ ಹೇಗೆ ಮತ್ತು ಎಷ್ಟು?

ಜೀವ ವಿಮಾ ಪಾಲಿಸಿ ಕೇವಲ ಕುಟುಂಬಕ್ಕೆ ಆರ್ಥಿಕ ಭದ್ರತೆ ನೀಡುವ ಸಾಧನವಲ್ಲ, ಅದು ಒಂದು ಬಹುಮುಖಿ ಹೂಡಿಕೆಯೂ ಹೌದು. ಇತ್ತೀಚಿನ ವರ್ಷಗಳಲ್ಲಿ ಜೀವ ವಿಮೆ ಎಂಬುದು ಅನೇಕ ವಿಧಗಳಲ್ಲಿ ಪ್ರಯೋಜನ ನೀಡಬಲ್ಲ ಯೋಜನೆಯಾಗಿ ಹೊರ ಹೊಮ್ಮಿದೆ. ಜೀವ ವಿಮಾ ಪಾಲಿಸಿಯ ಮತ್ತೊಂದು ಪ್ರಮುಖ ವೈಶಿಷ್ಟ್ಯವೆಂದರೆ ಪಾಲಿಸಿಗಳ ಮೇಲೆ ಸಿಗುವ ಸಾಲ ಸೌಲಭ್ಯ. ಕೆಲವರಿಗೆ ಸಾಲ ಸೌಲಭ್ಯ ದೊರಕುತ್ತದೆ ಎಂದು ತಿಳಿದಿದ್ದರೂ ಅವುಗಳನ್ನು ಪಡೆಯುವುದು ಹೇಗೆ? ಇದರಿಂದ ಸಿಗೋ ಲಾಭ ಏನು ಅನ್ನೋದು ತಿಳಿದಿರುವುದಿಲ್ಲ.

ಸಾಂಪ್ರದಾಯಿಕ ವಿಮಾ ಪಾಲಿಸಿಗಳು ಸಾಮಾನ್ಯವಾಗಿ ನಿಗದಿತ ಅವಧಿಯನ್ನು ಹೊಂದಿರುತ್ತವೆ. ಈ ಪಾಲಿಸಿಗಳು ಪಕ್ವವಾಗುವವರೆಗೆ ಅಥವಾ ಮೆಚ್ಯೂರ್ ಆಗೋ ತನಕ ಪಾಲಿಸಿದಾರರು ಹಣವನ್ನು ಹಿಂಪಡೆಯಲು ಸಾಧ್ಯವಿಲ್ಲ. ಆದರೂ ಹಣ ತುರ್ತು ಅವಶ್ಯಕತೆ ಬಂದಾಗ, ತಾತ್ಕಾಲಿಕ ನಗದು ಕೊರತೆಯನ್ನು ಎದುರಿಸುತ್ತಿದ್ದರೆ ಮತ್ತು ನನಮ್ಮಲಿರುವ ಜೀವಾ ವಿಮಾ ಪಾಲಿಸಿಯನ್ನು ವಿಥ್ ಡ್ರಾ ಮಾಡಲು ಬಯಸದಿದ್ದರೆ, ಅದರ ಮೇಲೆ ನಾವು ಸಾಲವನ್ನು ಪಡೆಯಬಹುದು. ಆದರೆ ಸಾಲ ಪಡೆಯುವಾಗ ಪಾಲಿಸಿದಾರರು ಕೊಂಚ ಎಚ್ಚರಿಕೆ ವಹಿಸಬೇಕು. ಜೊತೆಗೆ ಸಾಂಪ್ರದಾಯಿಕ ಸಾಲದ ಬದಲಿಗೆ ಪರ್ಯಾಯವನ್ನು ಸಾಲ ಹುಡುಕುತ್ತಿರುವರು ಜೀವ ವಿಮಾ ಪಾಲಿಸಿ ವಿರುದ್ಧದ ಸಾಲ ಎಂದರೇನು ಮತ್ತು ಅದು ಹೇಗೆ ಕಾರ್ಯನಿರ್ವಹಿಸುತ್ತದೆ ಎಂಬುದನ್ನು ತಿಳಿಯೋಣ ಬನ್ನಿ

ವಿಮಾ ಪಾಲಿಸಿ ವಿರುದ್ಧದ ಸಾಲ ಎಂದರೇನು?

ಜೀವ ವಿಮಾ ಪಾಲಿಸಿ ಮೇಲೆ ಸಾಲ" (Loan against Life Insurance Policy) ಎಂಬ ಹೆಸರೇ ಈ ಸಾಲ ಎಂದರೇನು ಮತ್ತು ವ್ಯಕ್ತಿಗಳು ಕ್ರೆಡಿಟ್ ಅನ್ನು ಹೇಗೆ ಪಡೆಯಬಹುದು ಎಂಬುದನ್ನು ಹೇಳುತ್ತದೆ. ಸಾಮಾನ್ಯವಾಗಿ ಯಾವುದೇ ಸಾಲ ಪಡೆಯಬೇಕಾದ ಭದ್ರತೆಯ ರೂಪದಲ್ಲಿ ಸಾಲದಾದರೂ ಯಾವುದಾದರೊಂದನ್ನು ಪಡೆದುಕೊಂಡಿರುತ್ತಾರೆ. ಇಲ್ಲೂ ಅಷ್ಟೇ ಕ್ರೆಡಿಟ್ ಪಡೆಯಲು ವ್ಯಕ್ತಿಗಳು ತಮ್ಮ ಜೀವ ವಿಮಾ ಪಾಲಿಸಿಯನ್ನು ಸಾಲ ನೀಡುವವರಿಗೆ ಭದ್ರತೆಯಾಗಿ (Collateral) ನೀಡಬೇಕಾಗುತ್ತದೆ. ಈ ಭದ್ರತೆಯಿಂದಾಗಿ, ಸಾಲ ನೀಡುವವರು ಹೆಚ್ಚಿನ ಸಾಲದ ಮೌಲ್ಯವನ್ನು ನೀಡಬಹುದು, ಸಾಮಾನ್ಯವಾಗಿ 25 ಕೋಟಿ ರೂ. ವರೆಗೆ ಸಾಲ ನೀಡಬಹುದು.

ಜೀವ ವಿಮಾ ಪಾಲಿಸಿ ಮೇಲೆ ಸಾಲ ಹೇಗೆ ಕೆಲಸ ಮಾಡುತ್ತದೆ?

ಜೀವ ವಿಮಾ ಪಾಲಿಸಿ ಮೇಲೆ ನೀಡುವ ಸಾಲವು ವೈಯಕ್ತಿಕ ಸಾಲಗಾರರು ಮತ್ತು ಸಾಲ ನೀಡುವವರ ನಡುವಿನ ಹಣಕಾಸಿನ ಒಪ್ಪಂದವಾಗಿದೆ. ಈ ಒಪ್ಪಂದದ ಪ್ರಕಾರ, ಸಾಲ ನೀಡುವ ಸಂಸ್ಥೆಗಳು ಸಾಲ ನೀಡುವವರ ವಿವೇಚನೆಯ ಆಧಾರದ ಮೇಲೆ ಸರೆಂಡರ್ ಮೌಲ್ಯದ (Surrender Value) ಆಧಾರದ ಮೇಲೆ ಸಾಲದ ಮೊತ್ತವನ್ನು ನೀಡುತ್ತವೆ, ಅದನ್ನು ಸಾಲಗಾರರು ಸಾಲದಾತರು ನಿಗದಿಪಡಿಸಿದ ಅವಧಿಯೊಳಗೆ ಮರುಪಾವತಿಸಬೇಕಾಗುತ್ತದೆ.

ವ್ಯಕ್ತಿಗಳು ಸಾಲ ಪಡೆಯಬಹುದಾದ ಮೊತ್ತವು ಮುಖ್ಯವಾಗಿ ಜೀವ ವಿಮಾ ಪಾಲಿಸಿಯ ಸರೆಂಡರ್ ಮೌಲ್ಯ, ಸಾಲ ನೀಡುವ ಸಂಸ್ಥೆಯು ನೀಡುವ ಸಾಲ-ಮೌಲ್ಯ ಅನುಪಾತ (Loan-to-Value Ratio) ಮತ್ತು ಪಾಲಿಸಿಯು ಲಾಕ್-ಇನ್ ಅವಧಿಯಲ್ಲಿದೆಯೇ ಅಥವಾ ಇಲ್ಲವೇ ಎಂಬುದರ ಮೇಲೆ ಅವಲಂಬಿತವಾಗಿರುತ್ತದೆ. ಸಾಮಾನ್ಯವಾಗಿ, ಸಾಲ ನೀಡುವವರು ಭದ್ರತೆಯ ಮೌಲ್ಯದ ಸುಮಾರು 50% ಅನ್ನು ನೀಡುತ್ತಾರೆ.

ಸಾಲ ಪಡೆಯಲು ಇರಬೇಕಾದ ಅರ್ಹತೆ

- ಜೀವ ವಿಮಾ ಪಾಲಿಸಿಗಳ ಮೇಲೆ ಸಾಲ ಪಡೆಯುವ ಅವಕಾಶ ಎಲ್ಲರಿಗೂ ಲಭ್ಯವಿಲ್ಲ. ನಿಮ್ಮ ಪಾಲಿಸಿಯು ಸಾಲ ಪಡೆಯಲು ಅರ್ಹವಾಗಿದೆಯೇ ಎಂದು ಮೊದಲು ಪರಿಶೀಲಿಸುವುದು ಮುಖ್ಯ. ನಿರ್ದಿಷ್ಟ ಅವಧಿಯ ಪಾಲಿಸಿಗಳು ಮತ್ತು ಸಂಪೂರ್ಣ ಜೀವ ವಿಮಾ ಪಾಲಿಸಿಗಳ ಸರೆಂಡರ್ ಮೌಲ್ಯದ ಆಧಾರದ ಮೇಲೆ ಸಾಲ ಪಡೆಯಬಹುದು. ಆದರೆ, ಟರ್ಮ್ ಇನ್ಶೂರೆನ್ಸ್ ಪಾಲಿಸಿಗಳ ಮೇಲೆ ಸಾಲ ಸಿಗುವುದಿಲ್ಲ.

- ಟರ್ಮ್ ಪಾಲಿಸಿಗಳು ಮುಕ್ತಾಯದ ನಂತರ ಯಾವುದೇ ಹಣಕಾಸಿನ ಲಾಭವನ್ನು ನೀಡುವುದಿಲ್ಲ. ಆದ್ದರಿಂದ ಅವುಗಳನ್ನು ಸಾಲಕ್ಕೆ ಭದ್ರತೆಯಾಗಿ ಬಳಸಲಾಗುವುದಿಲ್ಲ. ನಿರಂತರವಾಗಿ ಮೂರು ವರ್ಷಗಳವರೆಗೆ ಪ್ರೀಮಿಯಂ ಪಾವತಿಸಿದ ಇತರ ರೀತಿಯ ವಿಮಾ ಪಾಲಿಸಿಗಳ ಮೇಲೆ ಸಾಲ ಪಡೆಯಲು ಅವಕಾಶವಿದೆ.

- ಜೀವ ವಿಮಾ ಪಾಲಿಸಿಯ ಮೇಲೆ ಸಾಲ ಪಡೆಯುವುದು ಎಂದರೆ, ನಿಮ್ಮ ಸ್ವಂತ ಉಳಿತಾಯದಿಂದ ಹಣವನ್ನು ಎರವಲು ಪಡೆದಂತೆ. ಆದ್ದರಿಂದ, ಸಾಲದ ಉದ್ದೇಶವನ್ನು ಪರಿಗಣಿಸಲಾಗುವುದಿಲ್ಲ ಮತ್ತು ಸಾಲ ಮಂಜೂರು ಮಾಡುವ ಪ್ರಕ್ರಿಯೆಯೂ ಸರಳವಾಗಿರುತ್ತದೆ.

- ಸಾಲ ಪಡೆಯುವವರ ಆದಾಯದ ದಾಖಲೆಗಳ ಅಗತ್ಯವಿಲ್ಲದಿದ್ದರೂ, ಅವರ ಹಿಂದಿನ ಹಣಕಾಸಿನ ಸ್ಥಿತಿಯನ್ನು ಪರಿಶೀಲಿಸಲಾಗುತ್ತದೆ.

ಸಾಲದ ಮರುಪಾವತಿ ಹೇಗೆ?

ವಿಮಾ ಪಾಲಿಸಿಯ ಅವಧಿಯ ಮುನ್ನ ಸಾಲವನ್ನು ಸಂಪೂರ್ಣವಾಗಿ ಮರುಪಾವತಿ ಮಾಡಬೇಕು. ಕಂತು ಪಾವತಿಸುವಾಗ ಅಸಲು ಹಾಗೂ ಬಡ್ಡಿ ಅಥವಾ ಬಡ್ಡಿ ಮಾತ್ರ ಪಾವತಿಸುವ ಆಯ್ಕೆ ಇದೆ. ಒಂದು ವೇಳೆ ಕೇವಲ ಬಡ್ಡಿ ಮಾತ್ರ ಪಾವತಿಸುತ್ತ ಬಂದಲ್ಲಿ ಪಾಲಿಸಿಯ ಕೊನೆಯಲ್ಲಿ ಸಿಗುವ ಪಕ್ವ ಮೊತ್ತದಲ್ಲಿ ಸಾಲದ ಹಣವನ್ನು ಕಳೆದು ಉಳಿದ ಮೊತ್ತ ನೀಡಲಾಗುತ್ತದೆ.