Best Investment Scheme: ತಿಂಗಳಿಗೆ 12,500 ರೂಪಾಯಿ ಹೂಡಿಕೆ ಮಾಡಿ 4 ಲಕ್ಷ ಗಳಿಸಿ! ಈ ಸ್ಕೀಮ್‌ನಲ್ಲಿ ಮಾತ್ರ

ಹೂಡಿಕೆಗಾಗಿ ಈಗಾಗಲೇ ಹಲವು ಯೋಜನೆಗಳಿಗೆವೆ. ಅದರಲ್ಲೀ ಪೋಸ್ಟ್‌ ಆಫೀಸ್‌ನ ಹಲವು ಸ್ಕೀಮ್‌ಗಳನ್ನು ಉತ್ತಮವೆಂದು ಪರಿಗಣಿಸಲಾಗಿದೆ. ಪೋಸ್ಟ್‌ ಆಫೀಸ್‌ನ ಹಲವು ಹೂಡಿಕೆ ಯೋಜನೆಗಳು ಉತ್ತಮ ಬಡ್ಡಿದರದೊಂದಿಗೆ, ಸುರಕ್ಷಿತ ಯೋಜನೆಗಳೆಂದು ಪರಿಗಣಿಸಲಾಗಿದೆ. ಅದೇ ಕಾರಣದಿಂದ ದೇಶದಲ್ಲಿ ಲಕ್ಷಗಟ್ಟಲೆ ಜನರು ಪೋಸ್ಟ್‌ ಆಫೀಸ್‌ನಲ್ಲಿ ಹೂಡಿಕೆ (Post Office Investment) ಮಾಡುತ್ತಾರೆ. ಇನ್ನು ಕೇಂದ್ರ ಸರ್ಕಾರ ಉದ್ಯೋಗಿಗಳಿಗಾಗಿ ಹಲವು ಯೋಜನೆಗಳನ್ನು ಜಾರಿಗೆ ತಂದಿದೆ. ಅದರಲ್ಲಿ ಪಬ್ಲಿಕ್‌ ಪ್ರಾವಿಡೆಂಟ್‌ ಫಂಡ್‌ (PPF) ಕೂಡಾ ಒಂದು.

ಕೇಂದ್ರದಿಂದ ಜಾರಿಗೆ ಬಂದ ಈ ಪಬ್ಲಿಕ್ ಪ್ರಾವಿಡೆಂಟ್ ಫಂಡ್ (PPF) ಯೋಜನೆಯು ವಾರ್ಷಿಕವಾಗಿ 7.1% ಬಡ್ಡಿ ದರವನ್ನು ನೀಡುತ್ತದೆ. ಅಲ್ಲದೇ ಈ ಯೋಜನೆಯಲ್ಲಿ ಹೂಡಿಕೆ ಮಾಡಿದ್ರೆ ತೆರಿಗೆ ವಿನಾಯಿತಿಯನ್ನೂ ಸಹ ಪಡೆಯಬಹುದು. ಇನ್ನು 15 ವರ್ಷಗಳ ಅವಧಿಯಲ್ಲಿ ಪ್ರತಿ ವರ್ಷ ₹1.5 ಲಕ್ಷ ಹೂಡಿಕೆ ಮಾಡುವ ಮೂಲಕ ₹40.68 ಲಕ್ಷ ಮೆಚುರಿಟಿ ಮೊತ್ತವನ್ನು ಗಳಿಸುವ ಅವಕಾಶವನ್ನು ಈ ಸ್ಕೀಮ್‌ ಒದಗಿಸುತ್ತದೆ.

ಅಧಿಕ ಲಾಭ, ಸುರಕ್ಷಿತ ಯೋಜನೆ:
ಸುರಕ್ಷಿತ ಮತ್ತು ವಿಶ್ವಾಸಾರ್ಹ ಹೂಡಿಕೆ ಯೋಜನೆಗಳನ್ನು ಹುಡುಕುತ್ತಿರುವವರಿಗೆ ಈ ಯೋಜನೆ ಉತ್ತಮವಾಗಿದೆ. ಅಂಚೆ ಇಲಾಖೆಯು ಇಂತಹ ಹಲವಾರು ಉಳಿತಾಯ ಯೋಜನೆಗಳ ಮೂಲಕ ಆಕರ್ಷಕ ಲಾಭಗಳನ್ನು ನೀಡುತ್ತಿದೆ. ಅದರಲ್ಲೂ ಸಣ್ಣ ಉದ್ಯಮಿಗಳಿಗೆ, ಕಡಿಮೆ ಹೂಡಿಕೆ ಮಾಡುವವರಿಗೆ ಈ PPF ಯೋಜನೆಯು ಉತ್ತಮವಾಗಿದೆ. ಈ ಯೋಜನೆ ಮೂಲಕ ಜನರು ತೆರಿಗೆ-ಮುಕ್ತ ಪ್ರಯೋಜನಗಳನ್ನು ಪಡೆಯಬಹುದು.

ಒಂದು ಯೋಜನೆ, ಹಲವು ಪ್ರಯೋಜನ
ಪ್ರಸ್ತುತ, ವಾರ್ಷಿಕವಾಗಿ 7.1% ಬಡ್ಡಿ ದರದ ಅಡಿಯಲ್ಲಿ ಬರುವ ಈ PPF ಯೋಜನೆಯ ಹೂಡಿಕೆದಾರರು ಠೇವಣಿ ಇಟ್ಟ ಮೊತ್ತದ ಮೇಲೆ ಮಾತ್ರವಲ್ಲದೆ ಗಳಿಸಿದ ಬಡ್ಡಿ ಮತ್ತು ಮೆಚುರಿಟಿ ಮೊತ್ತದ ಮೇಲೂ ತೆರಿಗೆ ವಿನಾಯಿತಿ ಪಡೆಯುತ್ತಾರೆ. ಆದ್ದರಿಂದ ಒಂದೇ ಯೋಜನೆಯಿಂದಾಗಿ ಮೂರು ರೀತಿಯಲ್ಲಿ ತೆರಿಗೆ ವಿನಾಯಿತಿಯನ್ನು ನೀಡುವ ಈ ಯೋಜನೆಯನ್ನು ದೇಶದ ಅತ್ಯಂತ ಸುರಕ್ಷಿತ ಮತ್ತು ತೆರಿಗೆ ವಿನಾಯಿತಿ ನೀಡುವ ಯೋಜನೆ ಎಂದು ಗುರುತಿಸಲಾಗಿದೆ.

ಅಂಚೆ ಇಲಾಖೆ ಬಿಡುಗಡೆ ಮಾಡಿದ ಇತ್ತೀಚಿನ ಮಾಹಿತಿಯ ಪ್ರಕಾರ, 15 ವರ್ಷಗಳ ಕಾಲ ಪ್ರತಿ ತಿಂಗಳು ₹12,500 (ಅಂದರೆ, ವಾರ್ಷಿಕವಾಗಿ ₹1.5 ಲಕ್ಷ) ಹೂಡಿಕೆ ಮಾಡುವವರು, ಮೆಚುರಿಟಿ ನಂತರ 40 ಲಕ್ಷಕ್ಕೂ ಹೆಚ್ಚು ಮೊತ್ತವನ್ನು ಪಡೆಯುತ್ತಾರೆ ಎಂದು ವರದಿಯಾಗಿದೆ.

15 ವರ್ಷದಲ್ಲಿ ಒಟ್ಟು ಹೂಡಿಕೆ 22.5 ಲಕ್ಷ ರೂಪಾಯಿ ಆಗಿದ್ದರೆ, ಗಳಿಸಿದ ಬಡ್ಡಿ ಸುಮಾರು ₹18.18 ಲಕ್ಷ ಇರುತ್ತದೆ. ಇದರಿಂದ ಅವಧಿಯ ಕೊನೆಯಲ್ಲಿ ಒಟ್ಟು ಮೊತ್ತ ₹40.68 ಲಕ್ಷಕ್ಕೆ ತಲುಪುತ್ತದೆ ಎಂದು ವರದಿಯಾಗಿದೆ.

ಕಡಿಮೆ ಆದಾಯದವರಿಗೆ ಬೆಸ್ಟ್‌ ಸ್ಕೀಮ್
PPF ಯೋಜನೆಯನ್ನು ಕನಿಷ್ಠ 500 ರೂ. ಹೂಡಿಕೆಯೊಂದಿಗೆ ಪ್ರಾರಂಭಿಸಬಹುದು. ಕಡಿಮೆ ಆದಾಯವಿದ್ದವರಿಗೆ ಈ ಯೋಜನೆ ಉತ್ತಮವಾಗಿದೆ. ಆದಾಗ್ಯೂ, ಇದು 15 ವರ್ಷಗಳ ಲಾಕ್-ಇನ್ ಅವಧಿಯನ್ನು ಹೊಂದಿದ್ದು, ಹೂಡಿಕೆದಾರರ ಉಳಿತಾಯ ಪ್ಲಾನ್‌ಗೂ ಸೂಕ್ತವಾಗಿದೆ.