ಲೈಫ್ ಟೈಮ್ ಫ್ರೀ ಕ್ರೆಡಿಟ್ ಕಾರ್ಡ್ ಲಾಭಗಳು ನೂರಾರು!

ಬೆಂಗಳೂರು, ಜುಲೈ 30: ಕ್ರೆಡಿಟ್ ಕಾರ್ಡ್ ಇಂದು ಯಾರ ಬಳಿ ಇಲ್ಲ ಎಂದು ಕೇಳುವಂತಹ ಸ್ಥಿತಿ ಇದೆ. ಆದರೆ ಹಲವಾರು ಜನರಿಗೆ ಕ್ರೆಡಿಟ್ ಕಾರ್ಡ್ ಬೇಕಿರುತ್ತದೆ ಆದರೆ ಅವರು ವಾರ್ಷಿಕ ಶುಲ್ಕ ಕಟ್ಟಲು ಸಿದ್ಧರಿರುವುದಿಲ್ಲ. ಹಾಗಿದ್ದರೆ ಇದರಿಂದ ಬಚಾವ್ ಆಗೋದಕ್ಕೆ ಅವರು ಏನು ಮಾಡಬೇಕು? ಅದಕ್ಕೊಂದು ಪರಿಹಾರ ಇದೆ ಅದುವೆ ಲೈಫ್ ಟೈಮ್ ಫ್ರೀ ಕ್ರೆಡಿಟ್ ಕಾರ್ಡ್. ಇದರ ಲಾಭ ಮತ್ತು ಅನಾನೂಕೂಲ ಎರಡನ್ನು ತಿಳಿದುಕೊಳ್ಳಬೇಕು.

ಲೈಫ್ ಟೈಮ್ ಫ್ರೀ ಕ್ರೆಡಿಟ್ ಕಾರ್ಡ್ ಅನ್ನೋದು ಒಂದು ಜನಪ್ರಿಯ ಕ್ರೆಡಿಟ್ ಕಾರ್ಡ್. ಏಕೆಂದರೆ ಇದು ಯಾವುದೇ ಶುಲ್ಕ ಒಳಗೊಂಡಿರುವುದಿಲ್ಲ. ಅಲ್ಲದೇ ಇದರಿಂದ ರಿವಾರ್ಡ್ ಮತ್ತು ಕ್ಯಾಶ್ ಬ್ಯಾಕ್ ಪಡೆಯಬಹುದು.

ಮೊದಲನೆಯದು ಅಮೆಜಾನ್ ಪೇ ಐಸಿಐಸಿಐ ಬ್ಯಾಂಕ್ ಕ್ರೆಡಿಟ್ ಕಾರ್ಡ್ ಬಗ್ಗೆ ಮಾತನಾಡೋಣ. ಈ ಕಾರ್ಡ್‌ನೊಂದಿಗೆ ಬರುವ ರಿವಾರ್ಡ್ ಗಳಿಗೆ ಯಾವುದೇ ಮಿತಿಯಿಲ್ಲ ಜತೆಗೆ ಯಾವುದೇ ಎಕ್ಸ್ ಪೈರಿ ಡೇಟ್ ಇರುವುದಿಲ್ಲ. ಒಂದು ವೇಳೆ ನೀವು ಅಮೆಜಾನ್ ಪ್ರೈಮ್ ಸದಸ್ಯರಾಗಿದ್ದರೆ, ಇ-ಕಾಮರ್ಸ್ ಸೈಟ್ ನಿಂದ ಖರೀದಿಸಿದ ವಸ್ತುವಿನ ಮೇಲೆ ಶೇಕಡಾ 5ರಷ್ಟು ಕ್ಯಾಶ್ ಬ್ಯಾಕ್ ಪಡೆಯುತ್ತೀರಿ. ಅಲ್ಲದೇ ಪ್ರೈಮ್ ಸದಸ್ಯ ಅಲ್ಲದೇ ಇದ್ದರೆ ಶೇಕಡಾ 3ರಷ್ಟು ಕ್ಯಾಶ್ ಬ್ಯಾಕ್ ಪಡೆಯುತ್ತೀರಿ. Amazon Pay ಮೂಲಕ ಪಾವತಿಗಾಗಿ ಕಾರ್ಡ್ ಬಳಸುವುದರಿಂದ ನಿಮಗೆ ಶೇಕಡಾ 2ರಷ್ಟು ಕ್ಯಾಶ್‌ಬ್ಯಾಕ್ ಸಿಗುತ್ತದೆ. 100 ಕ್ಕೂ ಹೆಚ್ಚು Amazon Pay ಪಾಲುದಾರ ವ್ಯಾಪಾರಿಗಳಿಗೆ ಮಾಡಿದ ಪಾವತಿಗಳಿಗೆ ಈ ಕ್ಯಾಶ್‌ಬ್ಯಾಕ್ ಅನ್ವಯಿಸುತ್ತದೆ. ಗಳಿಸಿದ ಪ್ರತಿ ರಿವಾರ್ಡ್ ಪಾಯಿಂಟ್ ಅಮೆಜಾನ್ ಪೇ ಬ್ಯಾಲೆನ್ಸ್ ಆಗಿ 1 ರೂಪಾಯಿ ಮೌಲ್ಯ ನೀಡುತ್ತದೆ.

ICICI ಪ್ಲಾಟಿನಂ ಚಿಪ್ ಕ್ರೆಡಿಟ್ ಕಾರ್ಡ್ ಬಗ್ಗೆಯೂ ತಿಳಿದುಕೊಳ್ಳಬೇಕು. ಈ ಕಾರ್ಡ್‌ನಲ್ಲಿ ಇಂಧನ ವೆಚ್ಚಗಳನ್ನು ಹೊರತುಪಡಿಸಿ, ಎಲ್ಲಾ ಚಿಲ್ಲರೆ ಖರೀದಿಗಳಿಗೆ ಖರ್ಚು ಮಾಡುವ ಪ್ರತಿ 100 ರೂಪಾಯಿಗಳಿಗೆ ನೀವು 2 ರಿವಾರ್ಡ್ ಪಾಯಿಂಟ್‌ಗಳನ್ನು ಗಳಿಸುತ್ತೀರಿ. ಇದಲ್ಲದೆ, HPCL ಪೆಟ್ರೋಲ್ ಪಂಪ್‌ಗಳಲ್ಲಿ ICICI ಮರ್ಚೆಂಟ್ ಸರ್ವಿಸಸ್ ಸ್ವೈಪ್ ಯಂತ್ರ ಬಳಸುವುದರಿಂದ ಶೇಕಡಾ 1ರಷ್ಟು ಇಂಧನ ಹೆಚ್ಚುವರಿ ಶುಲ್ಕವನ್ನು ಮನ್ನಾ ಪಡೆದುಕೊಳ್ಳಬಹುದು.

ಆಕ್ಸಿಸ್ ಬ್ಯಾಂಕ್ ಮೈ ಝೋನ್ ಕ್ರೆಡಿಟ್ ಕಾರ್ಡ್ ಬಗ್ಗೆ ಸಹ ಇದೆ ಕೆಟಗರಿಗೆ ಸೇರುತ್ತದೆ. ಈ ಕಾರ್ಡ್‌ನೊಂದಿಗೆ, ನೀವು ಕನಿಷ್ಟ 500 ರೂಪಾಯಿಗಳನ್ನು ಖರ್ಚು ಮಾಡಿದರೆ ನೀವು ಆನ್‌ಲೈನ್ ಖರೀದಿಗಳಲ್ಲಿ ತಿಂಗಳಿಗೆ ಎರಡು ಬಾರಿ 120 ರೂಪಾಯಿಗಳವರೆಗೆ ರಿಯಾಯಿತಿಯನ್ನು ಪಡೆಯುತ್ತೀರಿ. ಅಲ್ಲದೇ ಪ್ರತಿ ಖರೀದಿಯೊಂದಿಗೆ ನೀವು ರಿವಾರ್ಡ್ ಪಾಯಿಂಟ್‌ಗಳನ್ನು ಸಹ ಗಳಿಸುತ್ತೀರಿ.

ಇದೆ ಬಗೆಯ ಇನ್ನೊಂದು ಕಾರ್ಡ್ ಏನೆಂದರೆ ಅದು ಕೆನರಾ ಬ್ಯಾಂಕ್ ಕ್ಲಾಸಿಕ್ ವೀಸಾ ಇಂಡಿವಿಜುವಲ್ ಕ್ರೆಡಿಟ್ ಕಾರ್ಡ್. ಇದು 50-ದಿನಗಳ ಬಡ್ಡಿ-ಮುಕ್ತ ಕ್ರೆಡಿಟ್ ಅವಧಿಯನ್ನು ಮತ್ತು ಆನ್‌ಲೈನ್ ಶಾಪಿಂಗ್‌ನಲ್ಲಿ ರಿಯಾಯಿತಿಗಳನ್ನು ನೀಡುತ್ತದೆ. ಇದು ಹೊರದೇಶದಲ್ಲೂ ಕೆಲಸ ಮಾಡುತ್ತದೆ. ನೀವು ಯಾವುದೇ ಮಾರಾಟ/ಇ-ಕಾಮರ್ಸ್ ಸೈಟ್‌ನಲ್ಲಿ ಪ್ರತಿ ವಹಿವಾಟಿನ ಜೊತೆಗೆ ರಿವಾರ್ಡ್ ಪಾಯಿಂಟ್‌ಗಳನ್ನು ಗಳಿಸುತ್ತೀರಿ.

ಇವುಗಳನ್ನ ಹೊರತುಪಡಿಸಿ, ಇನ್ನೂ ಅನೇಕ ಜನಪ್ರಿಯ ಲೈಫ್ ಟೈಮ್ ಫ್ರೀ ಕ್ರೆಡಿಟ್ ಕಾರ್ಡ್‌ಗಳಿವೆ. ಶಾಪರ್ಸ್ ಸ್ಟಾಪ್ ಎಚ್‌ಡಿಎಫ್‌ಸಿ ಬ್ಯಾಂಕ್ ಕ್ರೆಡಿಟ್ ಕಾರ್ಡ್, ಕೋಟಕ್ ಮಹೀಂದ್ರಾ ಬ್ಯಾಂಕ್ ಫಾರ್ಚೂನ್ ಗೋಲ್ಡ್ ಕಾರ್ಡ್, ಐಡಿಎಫ್‌ಸಿ ಮೊದಲ ಕ್ಲಾಸಿಕ್ ಕ್ರೆಡಿಟ್ ಕಾರ್ಡ್, ಐಡಿಎಫ್‌ಸಿ ಫಸ್ಟ್ ಸೆಲೆಕ್ಟ್ ಕ್ರೆಡಿಟ್ ಕಾರ್ಡ್, ಬ್ಯಾಂಕ್ ಆಫ್ ಬರೋಡಾ ಈಸಿ ಕ್ರೆಡಿಟ್ ಕಾರ್ಡ್, ಯಸ್ ಪ್ರಾಸ್ಪೆರಿಟಿ ಪರ್ಚೇಸ್ ಕ್ರೆಡಿಟ್ ಕಾರ್ಡ್, ಸ್ಟ್ಯಾಂಡರ್ಡ್ ಚಾರ್ಟರ್ಡ್ ಪ್ಲಾಟಿನಂ ರಿವಾರ್ಡ್ ಕ್ರೆಡಿಟ್ ಕಾರ್ಡ್, ಎಯು ಎಲ್. ಕ್ರೆಡಿಟ್ ಕಾರ್ಡ್, HSBC ವೀಸಾ ಪ್ಲಾಟಿನಂ ಕ್ರೆಡಿಟ್ ಕಾರ್ಡ್, ಇತ್ಯಾದಿ.

ಬೇರೆ ಬಗೆಯ ಕ್ರೆಡಿಟ್ ಕಾರ್ಡ್ ಗಳು ನೀಡುವ ಹೆಚ್ಚುವರಿ ಪ್ರಯೋಜನಗಳು ಈ ಕಾರ್ಡ್ ಬಳಕೆಯಲ್ಲಿ ಸಿಗುವುದಿಲ್ಲ. ಉದಾಹರಣೆಗೆ ವರ್ಷವಿಡೀ ಮಲ್ಟಿಪಲ್ ಏರ್ ಪೋರ್ಟ್ ಲಾಂಜ್ ಆ್ಯಕ್ಸಸ್, ಫಿಕ್ಸೆಡ್ ಏರ್ ಮೈಲ್ಸ್, ಯಾವುದೇ ರೀತಿಯ ಐಷಾರಾಮಿ ಸದಸ್ಯತ್ವ, ಪ್ರತಿ ಖರ್ಚಿನ ಜೊತೆಗೆ ಹೆಚ್ಚಿನ ರಿವಾರ್ಡ್ ಪಾಯಿಂಟ್‌ಗಳು ಇಲ್ಲಿ ಸಿಗುವುದಿಲ್ಲ. ನಿಮಗೆ ಕ್ರೆಡಿಟ್ ಕಾರ್ಡ್ ಮೂಲಭೂತ ಸೌಲಭ್ಯಗಳ ಅಗತ್ಯವಿದ್ದರೆ, ನೀವು ಲೈಫ್ ಟೈಮ್ ಉಚಿತ ಕ್ರೆಡಿಟ್ ಕಾರ್ಡ್ ಅನ್ನು ಆಯ್ಕೆ ಮಾಡಬಹುದು. ಆದರೆ ನೀವು ಹೆಚ್ಚಿನ ರಿವಾರ್ಡ್ ಪಾಯಿಂಟ್‌ಗಳು, ಏರ್ ಮೈಲ್ ಬೇಕೆಂದು ಬಯಸಿದರೆ ಬೇರೆ ಕಾರ್ಡ್ ಗಳನ್ನು ಪಡೆದುಕೊಳ್ಳಬಹುದು.