LPG In India: ಭಾರತದಲ್ಲಿ LPG ಸಿಲಿಂಡರ್ ಬೆಲೆಗಳು ನಾಳೆ ಹೆಚ್ಚಾಗುತ್ತವೆಯೇ,ಕಡಿಮೆಯಾಗುತ್ತವೆಯೇ? ಭವಿಷ್ಯದ ಮುನ್ಸೂಚನೆಗಳೇನು?

ತೈಲ ಕಂಪನಿಗಳು ಪ್ರತಿ ತಿಂಗಳ ಮೊದಲ ದಿನವೇ ದರ ಷರಿಷರಣೆಯನ್ನು ಮಾಡತ್ತೇವೆ.ಮೊದಲ ದಿನ ಎಲ್‌ಪಿಜಿ ಸಿಲಿಂಡರ್‌ಗಳ ಬೆಲೆ ಬದಲಾಗುತ್ತದೆ.ಜುಲೈ 1 ರಂದು ಬೆಳಗ್ಗೆ 6 ಗಂಟೆಗೆ ಹೊಸ ದರಗಳು ಜಾರಿಗೆ ಬರಲಿವೆ.

ಹೌದು,ಭಾರತದಲ್ಲಿ ಎಲ್‌ಪಿಜಿ ಸಿಲಿಂಡರ್ ಬೆಲೆಗಳಪರಿಷ್ಕೃತ ದರಗಳು ನಾಳೆಯಿಂದ ಜಾರಿಗೆ ಬರುತ್ತಿವೆ.ಕಳೆದ ಮೂರು ತಿಂಗಳಿಂದ ಭಾರತದಲ್ಲಿಎಲ್‌ಪಿಜಿ ದರಗಳು ಕಡಿಮೆಯಾಗುತ್ತಿವೆ. 19 ಕೆಜಿ ಸಿಲಿಂಡರ್‌ಗಳ ಬೆಲೆ ಕಳೆದ ಮಾರ್ಚ್‌ನಲ್ಲಿ1803 ರೂ ಇದ್ದುದು79.5 ರಷ್ಟು ಇಳಿದು ರೂ 1723.50 ಕ್ಕೆ ತಲುತ್ತು. ಇದಲ್ಲದೇ ಏಪ್ರಿಲ್ ತಿಂಗಳಲ್ಲಿ 14.2 ಕೆಜಿ ಸಿಲಿಂಡರ್‌ಗಳ ಬೆಲೆಯಲ್ಲಿ 50 ರೂಪಾಯಿ ಏರಿಕೆಯ ನಂತರ ಯಾವುದೇ ಬದಲಾವಣೆ ಆಗಿಲ್ಲ. ಭಾರತೀಯ ತೈಲ ಕಂಪನಿಗಳು ಜುಲೈ 1, 2025 ರಿಂದ ಜಾರಿಗೆ ಬರುವಂತೆ ಎಲ್‌ಪಿಜಿ ಸೇರಿದಂತೆ ತಮ್ಮ ಪ್ರಮುಖ ಉತ್ಪನ್ನಗಳ ಬೆಲೆಯನ್ನು ಪರಿಷ್ಕರಿಸಲಿವೆ. ಹಾಗಾದರೆ ಎಲ್‌ಪಿಜಿ ಬೆಲೆ ಏರುತ್ತದೆಯೇ ಅಥವಾ ಇಳಿಯುತ್ತದೆಯೇ? ಪ್ರಸ್ತುತ ಪರಿಸ್ಥಿತಿ ಏನು ಹೇಳುತ್ತದೆ ಎಂಬ ಹೆಚ್ಚಿನ ವಿವರ ಇಲ್ಲಿದೆ ನೋಡಿ.

ಎಲ್‌ಪಿಜಿ ಬೆಲೆಗಳು: ಜುಲೈ 1 ರಿಂದ ಏರಿಕೆ ಅಥವಾ ಇಳಿಕೆ?

ಜುಲೈ ತಿಂಗಳ ಕಚ್ಚಾ ತೈಲದ ಬೆಲೆಗಳು ಬೆಲೆಗಳ ಬದಲಾವಣೆಯ ಮೇಲೆ ಪರಿಣಾಮ ಬೀರುವ ಪ್ರಮುಖ ಅಂಶವೆಂದರೆ ಇರಾನ್-ಇಸ್ರೇಲ್ ನಡುವಿನ 12 ದಿನಗಳ ಯುದ್ಧದ ಸಂದರ್ಭದಲ್ಲಿ, ಮೇ ಅಂತ್ಯದಿಂದ ತೈಲ ಬೆಲೆಗಳು ಶೇ. 21 ರಿಂದ 25 ರಷ್ಟು ಏರಿಕೆಯಾಗಿದ್ದವು. ತೈಲ ಬೆಲೆ ಏರಿಕೆಯು ಒಎಂಸಿಗಳಿಗೆ (ತೈಲ ಮಾರುಕಟ್ಟೆ ಕಂಪನಿಗಳು) ಒಂದು ಪ್ರಮುಖ ಸಕಾರಾತ್ಮಕ ಅಂಶವಾಗಿ ಕಾಣುತ್ತದೆ. ಇವು ಎಲ್‌ಪಿಜಿ ಬೆಲೆಗಳು ಮತ್ತು ಇತರ ತೈಲ ಮತ್ತು ಅನಿಲ ಸಂಬಂಧಿತ ಉತ್ಪನ್ನಗಳ ಬೆಲೆಗಳನ್ನು ನಿರ್ಧಾರ ಮಾಡುತ್ತದೆ.

ಕೋಟಕ್ ಇನ್‌ಸ್ಟಿಟ್ಯೂಷನಲ್ ಈಕ್ವಿಟೀಸ್ ವರದಿಯೊಂದು ಈ ಹಿಂದೆ ವಿಂಡ್‌ಫಾಲ್ ತೆರಿಗೆಗಳನ್ನು ರದ್ದುಗೊಳಿಸಿರುವುದರಿಂದ ಮತ್ತು ಇವು ಮತ್ತೆ ಬರುವ ಸಾಧ್ಯತೆ ಕಡಿಮೆ ಇರುವುದರಿಂದ (ಒಆರ್‌ಡಿ ಕಾಯಿದೆ ತಿದ್ದುಪಡಿಯ ನಂತರ), ಹೆಚ್ಚಿನ ತೈಲ ಬೆಲೆಗಳು ಉತ್ಪಾದನಾ ವಲಯಕ್ಕೆ ಸಕಾರಾತ್ಮಕವಾಗಿವೆ ಎಂದು ಹೇಲಿಕೆಯನ್ನು ನೀಡಿತ್ತು.

ಆದಾಗ್ಯೂ, ಜೂನ್ 30 ರಂದು ಬ್ರೆಂಟ್ ಕಚ್ಚಾ ತೈಲವು ಪ್ರತಿ ಬ್ಯಾರೆಲ್‌ಗೆ ಸುಮಾರು $66.5 ಕ್ಕೆ ವಹಿವಾಟು ನಡೆಸಿತು. ಎರಡು ವರ್ಷಗಳಲ್ಲಿ ಅತಿ ದೊಡ್ಡ ಸಾಪ್ತಾಹಿಕ ನಷ್ಟವನ್ನು ದಾಖಲಿಸಿದ ನಂತರ ಈ ಬೆಲೆಗೆ ತಲುಪಿದೆ. ಟ್ರೇಡಿಂಗ್ ಎಕನಾಮಿಕ್ಸ್ ದತ್ತಾಂಶದ ಪ್ರಕಾರ, ಇಸ್ರೇಲ್-ಇರಾನ್ ಕದನ ವಿರಾಮ ಮುಂದುವರಿದಿರುವುದರಿಂದ ಮತ್ತು ಈ ಪ್ರದೇಶದಿಂದ ಕಚ್ಚಾ ತೈಲದ ಹರಿವಿಗೆ ಅಡ್ಡಿಯಾಗುವ ಸಂಘರ್ಷದ ಭೀತಿ ಕಡಿಮೆಯಾದ್ದರಿಂದ ಕಚ್ಚಾ ತೈಲದ ಬೆಲೆಗಳು ಕಳೆದ ವಾರ 13% ಕ್ಕಿಂತ ಹೆಚ್ಚು ಕುಸಿದಿವೆ. ಇದು ಮಾರ್ಚ್ 2023 ರಿಂದೀಚೆಗೆ ಅತಿ ಕೆಟ್ಟ ಸಾಪ್ತಾಹಿಕ ಕುಸಿತವಾಗಿದೆ.

ಅಮೆರಿಕದ ಮಧ್ಯಸ್ಥಿಕೆಯಲ್ಲಿ ನಡೆದ ಇಸ್ರೇಲ್‌ನೊಂದಿಗಿನ ಕದನ ವಿರಾಮ ಶಾಶ್ವತವಾಗಿ ಉಳಿಯುತ್ತದೆ ಎಂದು ಇರಾನ್ ಅನುಮಾನ ವ್ಯಕ್ತಪಡಿಸಿದೆ. ಒಂದು ವೇಳೆ ದಾಳಿಗಳು ಪುನರಾರಂಭವಾದರೆ ಪ್ರತೀಕಾರದ ಎಚ್ಚರಿಕೆಯನ್ನು ನೀಡಿದೆ. ಏತನ್ಮಧ್ಯೆ, ಇರಾನ್ ಶಾಂತಿಯುತವಾಗಿರಲು ಸಾಧ್ಯವಾದರೆ ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಇರಾನ್‌ಗೆ ನಿರ್ಬಂಧಗಳನ್ನು ಸಡಿಲಿಸಲು ಬೆಂಬಲಿಸುವ ಸಾಧ್ಯತೆಯಿದೆ ಎಂದು ಹೇಳಿದ್ದಾರೆ. ಬೆಲೆಗಳ ಮೇಲೆ ಮತ್ತಷ್ಟು ಪರಿಣಾಮ ಬೀರುವಂತೆ, ಒಪೆಕ್ + ಆಗಸ್ಟ್‌ನಲ್ಲಿ ದಿನಕ್ಕೆ 411,000 ಬ್ಯಾರೆಲ್‌ಗಳಷ್ಟು ಉತ್ಪಾದನೆಯನ್ನು ಹೆಚ್ಚಿಸಲು ಸಿದ್ಧವಾಗಿದೆ ಎಂದು ವರದಿಗಳು ಸೂಚಿಸಿವೆ. ಈಗಾಗಲೇ ಜುಲೈಗೆ ಇದೇ ರೀತಿಯ ಹೆಚ್ಚಳವನ್ನು ಯೋಜಿಸಲಾಗಿದೆ. ಆದ್ದರಿಂದ, ಕಚ್ಚಾ ತೈಲ ಬೆಲೆಗಳ ಪ್ರವೃತ್ತಿ ಪ್ರಸ್ತುತವಾಗಿ ತೀವ್ರವಾಗಿ ಏರಿಳಿತಗೊಳ್ಳುತ್ತಿದೆ.

ಮೆಹ್ತಾ ಈಕ್ವಿಟೀಸ್‌ನ ವಿಪಿ ಕಮೊಡಿಟೀಸ್ ರಾಹುಲ್ ಕಲಂತ್ರಿ ಹೇಳುವಂತೆ, "ಕಚ್ಚಾ ತೈಲವು ಹೆಚ್ಚು ಅಸ್ಥಿರವಾಗಿತ್ತು ಮತ್ತು ಈ ವಾರದ ಅತಿ ದೊಡ್ಡ ನಷ್ಟದೊಂದಿಗೆ ವಾರವನ್ನು ಮುಕ್ತಾಯಗೊಳಿಸಿತು. ಮಧ್ಯಪ್ರಾಚ್ಯ ಸಂಘರ್ಷ ಕಡಿಮೆಯಾಗಿದ್ದು ಮತ್ತು ಒಪೆಕ್+ ಉತ್ಪಾದನೆಯನ್ನು ಹೆಚ್ಚಿಸುವ ನಿರ್ಧಾರವು ಬೆಲೆಗಳ ಮೇಲೆ ತೀವ್ರ ಪರಿಣಾಮ ಬೀರಿತು. ಏತನ್ಮಧ್ಯೆ, ದುರ್ಬಲ ಯುಎಸ್ ಆರ್ಥಿಕ ಸೂಚಕಗಳು - ಜಿಡಿಪಿ ಕುಸಿತ ಮತ್ತು ಕುಸಿಯುತ್ತಿರುವ ಗ್ರಾಹಕರ ಚಟುವಟಿಕೆಯಿಂದಾಗಿ ಬೇಡಿಕೆಯ ನಿರೀಕ್ಷೆಗಳು ಕಡಿಮೆಯಾಗಿವೆ. ಮತ್ತೊಂದೆಡೆ, ಡಾಲರ್ 3.5 ವರ್ಷಗಳ ಕನಿಷ್ಠ ಮಟ್ಟಕ್ಕೆ ಕುಸಿಯಿತು ಮತ್ತು ಯುಎಸ್ ಕಚ್ಚಾ ತೈಲ ದಾಸ್ತಾನುಗಳು ನಿರೀಕ್ಷೆಗಿಂತ ಹೆಚ್ಚು ಕಡಿಮೆಯಾದವು, ಇದು ಸ್ವಲ್ಪ ಪರಿಹಾರವನ್ನು ನೀಡಬಹುದು.

ಕಚ್ಚಾ ತೈಲವನ್ನು ಸಂಸ್ಕರಿಸುವ ಪ್ರಕ್ರಿಯೆಯಿಂದ ಅನಿಲವನ್ನು ಪಡೆಯುವುದರಿಂದ, ಇದು ನೇರವಾಗಿ ಅದರ ಬೆಲೆಗೆ ಸಂಬಂಧಿಸಿದೆ. ಕಚ್ಚಾ ತೈಲದ ಬೆಲೆಯಲ್ಲಿ ಯಾವುದೇ ಏರಿಕೆಯು ಅನಿಲ ಉತ್ಪಾದನೆಯ ವೆಚ್ಚದ ಮೇಲೆ ಪರಿಣಾಮ ಬೀರುತ್ತದೆ. ಮಾರುಕಟ್ಟೆಯಲ್ಲಿ ಕಚ್ಚಾ ತೈಲದ ಬೆಲೆಯಲ್ಲಿನ ಏರಿಳಿತವು ಎಲ್‌ಪಿಜಿಯ ಬೆಲೆಯ ಬದಲಾವಣೆಗೆ ನೇರವಾಗಿ ಕಾರಣವಾಗಬಹುದು ಎಂದು ಶಿವಗಾಸ್ ತನ್ನ ವೆಬ್‌ಸೈಟ್‌ನಲ್ಲಿ ವಿವರಿಸಿದೆ.

ಜೆಎಂ ಫೈನಾನ್ಷಿಯಲ್ ತನ್ನ ವರದಿಯಲ್ಲಿ"ಒಎಂಸಿಗಳ ಸ್ವಯಂ-ಇಂಧನ ಜಿಎಂಎಂ (ಒಟ್ಟು ಮಾರ್ಕೆಟಿಂಗ್ ಮಾರ್ಜಿನ್) ಒಂದು ವೇಳೆ ಬ್ರೆಂಟ್ ಕಚ್ಚಾ ತೈಲದ ಬೆಲೆ ಪ್ರತಿ ಬ್ಯಾರೆಲ್‌ಗೆ ಯುಎಸ್‌ಡಿ ಡಾಲರ್ 77 ಇದ್ದರೆ INR 3.5/ಲೀಟರ್ ಆಗಿರುತ್ತದೆ ಮತ್ತು ಬ್ರೆಂಟ್ ಕಚ್ಚಾ ತೈಲದ ಬೆಲೆ ಪ್ರತಿ ಬ್ಯಾರೆಲ್‌ಗೆ USD 73 ಇದ್ದರೆ INR 5.5/ಲೀಟರ್ ಆಗಿರುತ್ತದೆ. ಇದು FY26 ರ ಎಲ್‌ಪಿಜಿ ನಷ್ಟವನ್ನು ಸಂಪೂರ್ಣವಾಗಿ ಸರಿದೂಗಿಸುತ್ತದೆ. ಕಚ್ಚಾ ತೈಲದ ಬೆಲೆಯಲ್ಲಿ ಪ್ರತಿ USD 1/ಬ್ಯಾರೆಲ್ ಏರಿಕೆಯು OMC ಗಳ ಸ್ವಯಂ-ಇಂಧನ GMM ಅನ್ನು INR 0.5/ಲೀಟರ್‌ನಷ್ಟು ಕಡಿಮೆ ಮಾಡುತ್ತದೆ. ಸ್ವಯಂ-ಇಂಧನ ಜಿಎಂಎಂನಲ್ಲಿ ಪ್ರತಿ INR 1/ಲೀಟರ್ ಏರಿಕೆ/ಇಳಿಕೆಯು ಒಎಂಸಿಗಳ ಪುಸ್ತಕ ಮೌಲ್ಯದಲ್ಲಿ ತಿಂಗಳಿಗೆ 0.2-0.5% ರಷ್ಟು ಹೆಚ್ಚಳ/ಕಡಿಮೆ ಮಾಡುತ್ತದೆ.

ಎಲ್‌ಪಿಜಿ ಬೆಲೆಗಳು: 14.2 ಕೆಜಿ ಸಿಲಿಂಡರ್ ಮತ್ತು 19 ಕೆಜಿ ಸಿಲಿಂಡರ್

14.2 ಕೆಜಿ ಎಲ್‌ಪಿಜಿ ಸಿಲಿಂಡರ್ ಬೆಲೆಗಳು ಏಪ್ರಿಲ್ 8, 2025 ರಂದು 50 ರೂಪಾಯಿ ಹೆಚ್ಚಳವಾದ ನಂತರ ಬದಲಾಗದೆ ಉಳಿದಿವೆ. ಅಂದಿನಿಂದ, 14.2 ಕೆಜಿ ಎಲ್‌ಪಿಜಿ ಸಿಲಿಂಡರ್‌ಗಳ ಬೆಲೆ ದೆಹಲಿಯಲ್ಲಿ ರೂ 853, ಕೋಲ್ಕತ್ತಾದಲ್ಲಿ 879 ರೂ,ಗಳು ಮುಂಬೈನಲ್ಲಿ 852.50 ರೂ.ಗಳು ಮತ್ತು ಚೆನ್ನೈನಲ್ಲಿ 868.50 ರೂ.ಗಳು ಆಗಿದೆ.

ಏಪ್ರಿಲ್ 2025 ರಿಂದ 19 ಕೆಜಿ ಸಿಲಿಂಡರ್‌ಗಳ ಎಲ್‌ಪಿಜಿ ಬೆಲೆಗಳು ಕಡಿಮೆಯಾಗುತ್ತಿವೆ. ಜೂನ್‌ನಲ್ಲಿ, ಪ್ರಮುಖ ಮೆಟ್ರೋ ನಗರಗಳಲ್ಲಿ 19 ಕೆಜಿ ಎಲ್‌ಪಿಜಿ ಬೆಲೆಯನ್ನು 24 ರಿಂದ 25.5 ರೂಪಾಯಿಗಳವರೆಗೆ ಇಳಿಸಲಾಯಿತು. ದೆಹಲಿಯಲ್ಲಿ, ಎಲ್‌ಪಿಜಿ ಬೆಲೆ ಹಿಂದಿನ ತಿಂಗಳ 1747.50 ರೂಪಾಯಿಗಳಿಂದ ರಿಂದ 24 ರೂಪಾಯಿಗಳಷ್ಟು ಇಳಿದು 1723.50 ರೂ.ಕ್ಕೆ ತಲುಪಿದೆ. ಕೋಲ್ಕತ್ತಾದಲ್ಲಿ, ಮೇ ತಿಂಗಳಲ್ಲಿ ರೂ 1851.50 ಇದ್ದ ಬೆಲೆ ಜೂನ್‌ನಲ್ಲಿ25.5 ರೂ.ಗಳಷ್ಟು ಇಳಿದು1826 ರೂ.ಗೆ ತಲುಪಿದೆ. ಹೆಚ್ಚುವರಿಯಾಗಿ, ಮುಂಬೈನಲ್ಲಿ 19 ಕೆಜಿ ಎಲ್‌ಪಿಜಿ ಬೆಲೆಯನ್ನು ಮೇ ತಿಂಗಳ1699 ರೂ ರಿಂದ 24.5 ರೂಪಾಯಿಗಳಷ್ಟು ಕಡಿತಗೊಳಿಸಿ 1674.50 ರೂ.ಗಳಿಗೆ ತಲುಪಿಸಲಾಗಿದೆ. ಚೆನ್ನೈನಲ್ಲಿ, ಬೆಲೆಯನ್ನು ಹಿಂದಿನ ಬೆಲೆ 1906 ರೂ ರಿಂದ 25 ರೂಪಾಯಿಗಳಷ್ಟು ಕಡಿಮೆ ಮಾಡಿ 1881 ರೂ ಕ್ಕೆ ತಲಪಬಹುದು.

ಮಾರ್ಚ್ 2025 ರಿಂದ 19 ಕೆಜಿ ಎಲ್‌ಪಿಜಿ ಬೆಲೆಗಳು ಗಣನೀಯವಾಗಿ ಕುಸಿದಿವೆ. ಆ ತಿಂಗಳಲ್ಲಿ, 19 ಕೆಜಿ ಬೆಲೆ ದೆಹಲಿಯಲ್ಲಿ1803 ರೂ.ಗಳು, ಕೋಲ್ಕತ್ತಾದಲ್ಲಿ 1913 ರೂ.ಗಳು ಮುಂಬೈನಲ್ಲಿ 1755.50 ರೂ.ಗಳು ಮತ್ತು ಚೆನ್ನೈನಲ್ಲಿ 1965 ರೂ. ಆಗಿತ್ತು. ಮಾರ್ಚ್‌ನಿಂದ ಜೂನ್ 2025 ರವರೆಗೆ, ಎಲ್‌ಪಿಜಿ ಬೆಲೆಗಳು ದೆಹಲಿಯಲ್ಲಿ 79.5 ರೂ ಕೋಲ್ಕತ್ತಾದಲ್ಲಿ 87 ರೂ.ಗಳು ಮುಂಬೈನಲ್ಲಿ 81 ರೂ ಮತ್ತು ಚೆನ್ನೈನಲ್ಲಿ 84 ರೂ.ಗಳಷ್ಟು ಕಡಿಮೆಯಾಗಿದೆ.

ಪ್ರಸ್ತುತವಾಗಿ, ಇಂಡೇನ್ ಎಲ್‌ಪಿಜಿಯನ್ನು ಎಂಟು ವಿಭಿನ್ನ ಪ್ಯಾಕ್ ಗಾತ್ರಗಳಲ್ಲಿ ಮಾರಾಟ ಮಾಡಲಾಗುತ್ತದೆ ಮತ್ತು ವಿತರಿಸಲಾಗುತ್ತದೆ. 5 ಕೆಜಿ ಮತ್ತು 14.2 ಕೆಜಿ ಸಿಲಿಂಡರ್‌ಗಳನ್ನು ಹೆಚ್ಚಾಗಿ ಮನೆಯ ಬಳಕೆಗಾಗಿ ಬಳಸಲಾಗುತ್ತದೆ ಮತ್ತು ಇದು ವಿತರಿಸಲಾಗುವ ಎಲ್ಲಾ ಅನಿಲದಲ್ಲಿ ಸುಮಾರು ಶೇ. 90 ರಷ್ಟಿದೆ. ಆದರೆ 19 ಕೆಜಿ, 47.5 ಕೆಜಿ ಮತ್ತು 425 ಕೆಜಿ ಜಂಬೋ ಸಿಲಿಂಡರ್‌ಗಳನ್ನು ಕೈಗಾರಿಕಾ ಮತ್ತು ವಾಣಿಜ್ಯ ಬಳಕೆಗೆ ಮಾರಾಟ ಮಾಡಲಾಗುತ್ತದೆ.

ಒಟ್ಟಾರೆಯಾಗಿ ಹೇಳುವುದಾದರೆ ಜುಲೈ 1, 2025 ರಿಂದ ಎಲ್‌ಪಿಜಿ ಬೆಲೆಗಳಲ್ಲಿ ಏರಿಳಿತವಾಗುವ ಸಾಧ್ಯತೆಗಳು ಹೆಚ್ಚಾಗಿವೆ ಇವೆ. ಜಾಗತಿಕ ಮಾರುಕಟ್ಟೆಯಲ್ಲಿನ ವಿದ್ಯಮಾನಗಳು ಮತ್ತು ತೈಲ ಉತ್ಪಾದನಾ ರಾಷ್ಟ್ರಗಳ ನಿರ್ಧಾರಗಳು ಭಾರತದಲ್ಲಿನ ಎಲ್‌ಪಿಜಿ ಬೆಲೆಗಳ ಮೇಲೆ ಪರಿಣಾಮ ಬೀರಲಿವೆ.