'ಕಾಲ ಮಿಂಚಿಲ್ಲ' 30ರ ಹರೆಯದಲ್ಲಿ ಹೂಡಿಕೆ ಆರಂಭಿಸಿ ನಿವೃತ್ತಿ ವೇಳೆ 2 ಕೋ.ರೂ. ಗಳಿಸಬಹುದು.!

ಬಾಲ್ಯದಲ್ಲಿ ಯಾವ ಶಾಲೆಯಲ್ಲಿ ಶಿಕ್ಷಣ ಪಡೆಯುವುದು ಎಂಬ ಚಿಂತೆಯಾದರೆ ಹೈಸ್ಕೂಲ್‌ ಬಳಿಕ ಕಾಲೇಜು ಶಿಕ್ಷಣದಲ್ಲಿ ಯಾವ ವಿಷಯವನ್ನು ಆಯ್ಕೆ ಮಾಡುವ ಚಿಂತೆ. ಅದೇ ರೀತಿ ಕಾಲೇಜು ಬಳಿಕ ಉದ್ಯೋಗ ಚಿಂತೆ. ಉದ್ಯೋಗದ ಬಳಿಕ ನಿವೃತ್ತಿಯಾದ ಬಳಿಕ ಎಷ್ಟು ಹಣವನ್ನು ಸಂಗ್ರಹವಾಗಿದೆ ಎಂಬ ಚಿಂತೆ. ಹೀಗೆ ಪ್ರತಿಯೊಂದು ವಿಷಯದಲ್ಲೂ ಸಮಸ್ಯೆಗಳು ಎದುರಾಗುವುದು ಸಹಜವೇ ಆಗಿದೆ.

ಇನ್ನು ಸಹಜವಾಗಿಯೇ ಉದ್ಯೋಗ ನಿವೃತ್ತಿಯ ಬಳಿಕ ಹಲವರಲ್ಲಿ ಹಣಕಾಸಿನ ಬಗ್ಗೆ ಆತಂಕದ ಪರಿಸ್ಥಿತಿ ನಿರ್ಮಾಣವಾಗುವುದು ಸಹಜವೇ ಆಗಿದೆ. ಇನ್ನು ಒಂದು ವೇಳೆ ಮ್ಯೂಚುಯಲ್ ಫಂಡ್ ಹೂಡಿಕೆಗಳ ಮೂಲಕ ನಿವೃತ್ತಿಯ ಬಳಿಕ ಹಣವನ್ನು ಸೂಕ್ತ ರೀತಿಯಲ್ಲಿ ಹೊಂದಿಸಲು ನೀವು ಬಯಸುತ್ತಿದ್ದರೆ ಅದನ್ನು ಒಂದು ಬಾರಿ ಹೂಡಿಕೆ ಮತ್ತು ಮಾಸಿಕ SIP (ವ್ಯವಸ್ಥಿತ ಹೂಡಿಕೆ ಯೋಜನೆ) ಮೂಲಕವೂ ಮಾಡಬಹುದು.

ಆದರೆ ಹೂಡಿಕೆಯನ್ನು ಪ್ರಾರಂಭಿಸುವ ಮೊದಲು ನಿವೃತ್ತಿಯ ಸಮಯದಲ್ಲಿ ನಿಮಗೆ ಎಷ್ಟು ಹಣ ಬೇಕು ಎಂದು ನೀವು ನಿರ್ಧರಿಸಬೇಕು ಇದರಿಂದ ನೀವು ಅದಕ್ಕೆ ಅನುಗುಣವಾಗಿ ಹೂಡಿಕೆಯನ್ನು ಪ್ರಾರಂಭಿಸಬಹುದು. ಒಂದು ವೇಳೆ ನಿಮ್ಮ 30ರ ವಯಸ್ಸಿನಲ್ಲಿ ನಿಮ್ಮ ಹೂಡಿಕೆಗಳನ್ನು ನೀವು ತಡವಾಗಿ ಪ್ರಾರಂಭಿಸುತ್ತಿದ್ದರೂ ಸಹ, ನೀವು ಚಿಂತಿಸಬೇಕಾಗಿಲ್ಲ, ನೀವು ಇನ್ನೂ ಕೆಲವು ಲೆಕ್ಕಾಚಾರಗಳೊಂದಿಗೆ ನಿಮ್ಮ ಹಣಕಾಸಿನ ಗುರಿಯನ್ನು ಸಾಧಿಸಬಹುದು.

1. ಮ್ಯೂಚುಯಲ್ ಫಂಡ್ SIP vs ಒಂದು ಬಾರಿ ಹೂಡಿಕೆ

SIP ನಲ್ಲಿ ನೀವು ನಿಯತಕಾಲಿಕವಾಗಿ ಸಣ್ಣ ಮೊತ್ತವನ್ನು ಹೂಡಿಕೆ ಮಾಡಬಹುದು. ಆದರೆ ಒಂದು-ಬಾರಿ ಹೂಡಿಕೆ ಅಥವಾ ಒಟ್ಟು ಮೊತ್ತದ ಹೂಡಿಕೆಯಲ್ಲಿ ನೀವು ಒಂದೇ ಬಾರಿಗೆ ಮ್ಯೂಚುವಲ್ ಫಂಡ್‌ನಲ್ಲಿ ದೊಡ್ಡ ಮೊತ್ತವನ್ನು ಹೂಡಿಕೆ ಮಾಡಬೇಕಾಗುತ್ತದೆ.

2. ಮಾರುಕಟ್ಟೆ ಏರಿಳಿತ

SIP ಗಳಂತಹ ಮಾರುಕಟ್ಟೆಯ ಏರಿಳಿತಗಳಿಂದ ಕೂಡ ಒಟ್ಟು ಮೊತ್ತದ ಹೂಡಿಕೆಗಳು ಪರಿಣಾಮ ಬೀರಬಹುದು. ಹಾಗಾಗಿ ಹಣಕಾಸಿನ ಯೋಜನೆಯಲ್ಲಿ ಹೆಚ್ಚಿನ ದೂರಾಲೋಚನೆ ಹಾಗೂ ಜಾಣ್ಮೆಯ ಹೂಡಿಕೆ ಅಗತ್ಯವಾಗಿದೆ.

3. ಒಟ್ಟು ಮೊತ್ತದ ಹೂಡಿಕೆಗಳು ಹೇಗೆ ಕೆಲಸ ಮಾಡುತ್ತವೆ?

ಈ ನೀತಿಯು ಒಂದು ದೊಡ್ಡ ಮೊತ್ತದ ಸಂಪೂರ್ಣ ಹಣವನ್ನು ಒಂದೇ ಬಾರಿಗೆ ಮಾರುಕಟ್ಟೆಯಲ್ಲಿ ಹೂಡಿಕೆ ಮಾಡುವುದನ್ನು ಒಳಗೊಂಡಿದೆ. ಈ ಕಾರ್ಯತಂತ್ರವು ಏರುತ್ತಿರುವ ಮಾರುಕಟ್ಟೆಯಲ್ಲಿ ವಿಶೇಷವಾಗಿ ಉಪಯುಕ್ತವಾಗಬಹುದು. ಏಕೆಂದರೆ ಇದು ಪ್ರಾರಂಭದಿಂದಲೇ ಒಟ್ಟು ಮೊತ್ತವನ್ನು ವಿಸ್ತರಿಸಲು ಅವಕಾಶ ನೀಡುತ್ತದೆ. ಆದರೆ ಇದು ವಿಶೇಷವಾಗಿ ಪ್ರಕ್ಷುಬ್ಧ ಮಾರುಕಟ್ಟೆಗಳಲ್ಲಿ ದೊಡ್ಡ ಅಪಾಯವನ್ನು ಹೊಂದಿದೆ. ಅಲ್ಲದೆ ಸಂಪೂರ್ಣ ಮೊತ್ತವು ಏಕಕಾಲದಲ್ಲಿ ಮಾರುಕಟ್ಟೆಯ ಏರಿಳಿತಗಳಿಗೆ ಒಡ್ಡಿಕೊಳ್ಳುವ ಹಿನ್ನೆಲೆಯಲ್ಲಿ ಅಪಾಯಕಾರಿ ಪರಿಸ್ಥಿತಿ ಕೂಡ ಇದೆ.

4. ಅಪಾಯ ಒಳಗೊಂಡಿದೆ

ಒಂದು ವೇಳೆ ನೀವು ಹೂಡಿಕೆಯ ಕಾರ್ಯತಂತ್ರದಲ್ಲಿ ನೀವು ಅಪಾಯಗಳನ್ನು ಎದುರಿಸಲು ಸಿದ್ಧರಿದ್ದರೆ, ಕಡಿಮೆ ಹಂತದಲ್ಲಿ ಮಾರುಕಟ್ಟೆಯನ್ನು ಸೇರುವುದು ಹೆಚ್ಚಿನ ಲಾಭಗಳಿಗೆ ಕಾರಣವಾಗಬಹುದು. ಆದರೆ ಮಾರುಕಟ್ಟೆಯ ಏರಿಳಿತಗಳಿಗೆ ನೀವು ಸಿದ್ದರಾಗಿರಬೇಕಿದೆ.

5. ಕಡಿಮೆ ಹೂಡಿಕೆ

ಸೆಕ್ಯುರಿಟೀಸ್ ಅಂಡ್ ಎಕ್ಸ್‌ಚೇಂಜ್ ಬೋರ್ಡ್ ಆಫ್ ಇಂಡಿಯಾ (SEBI) ಪ್ರಕಾರ, ಮ್ಯೂಚುಯಲ್ ಫಂಡ್‌ನಲ್ಲಿ ಒಟ್ಟು ಮೊತ್ತದ ವಹಿವಾಟಿನಲ್ಲಿ ಇರಿಸಬಹುದಾದ ಕಡಿಮೆ ಮೊತ್ತವು 100 ರೂ. ಆಗಿದೆ. ಆದರೆ ಕೆಲವು ಮ್ಯೂಚುವಲ್ ಫಂಡ್‌ಗಳಿಗೆ ಇದಕ್ಕಿಂತ ಹೆಚ್ಚಿನ ಕನಿಷ್ಠ ಹೂಡಿಕೆಯ ಮೊತ್ತ ಬೇಕಾಗಬಹುದು.

6. ದೊಡ್ಡ ಮೊತ್ತದ ಹೂಡಿಕೆಗಳು ಅನುಕೂಲಕರ

ಒಮ್ಮೆ ಹೂಡಿಕೆ ಮಾಡುವುದರಿಂದ ಮತ್ತು ನಿಮ್ಮ ಹೂಡಿಕೆಯು ವಿಸ್ತರಿಸುವ ಪ್ರಕ್ರಿಯೆಯಿಂದ SIP ಗಳಿಗಿಂತ ಒಂದೇ ಬಾರಿ ಬೃಹತ್‌ ಹೂಡಿಕೆಗಳು ಹೆಚ್ಚು ಅನುಕೂಲಕರವಾಗಿರುತ್ತದೆ.

7. ವೆಚ್ಚಗಳು

ಒಟ್ಟು ಮೊತ್ತದ ಠೇವಣಿಗಳನ್ನು ಕೇವಲ ಒಂದು ಬಾರಿ ಮಾಡಲಾಗುತ್ತದೆ. ಹಾಗಾಗಿ ಪದೇ ಪದೇ ನಿಯಮಿತ ಹೂಡಿಕೆಗಳಿಗೆ ಹೋಲಿಸಿದರೆ ಅವು ಕನಿಷ್ಠ ವೆಚ್ಚವನ್ನು ವಿಧಿಸುತ್ತವೆ. ಹಾಗಾಗಿ ಒಂದೇ ಬಾರಿಯ ದೊಡ್ಡ ಮೊತ್ತದ ಹೂಡಿಕೆಗಳು ಉತ್ತಮವಾಗಿದೆ.

8. ಕಡಿಮೆ ಬೆಲೆಗೆ ಖರೀದಿ

ಒಟ್ಟು ಮೊತ್ತದ ಯಶಸ್ಸು ಕಡಿಮೆ ಹಂತದಲ್ಲಿ ಖರೀದಿಸುವುದರ ಮೇಲೆ ಅವಲಂಬಿತವಾಗಿದೆ.

9. 30ರ ಹರೆಯದಿಂದ ಹೂಡಿಕೆ ಪ್ರಾರಂಭಿಸಿದರೆ ನಿವೃತ್ತಿಯ ಸಮಯದಲ್ಲಿ ರೂ 2 ಕೋಟಿ ಹೇಗೆ ಪಡೆಯಬಹುದು?

ಒಂದು ವೇಳೆ ನೀವು ಮ್ಯೂಚುವಲ್ ಫಂಡ್‌ಗಳಲ್ಲಿ 6,80,000 ರೂ.ಗಳ ಒಟ್ಟು ಮೊತ್ತದ ಹೂಡಿಕೆಯನ್ನು ಮಾಡಿದರೆ ಎಲ್ಲಾ ಲೆಕ್ಕಾಚಾರಗಳ ಪ್ರಕಾರ ನೀವು ನಿವೃತ್ತಿಯ ಸಮಯದಲ್ಲಿ ರೂ.2 ಕೋಟಿಗಿಂತ ಹೆಚ್ಚಿನ ಹಣವನ್ನು ಪಡೆಯಬಹುದು.

10. ಒಂದು ಕೋಟಿ ರೂ. ಮೊತ್ತ ಸಂಗ್ರಹಿಸುವ ಲೆಕ್ಕಾಚಾರ

ಸದ್ಯ ನಾವು ಒಂದು ಕೋಟಿ ರೂ. ಹೇಗೆ ಪಡೆಯಬಹುದು ಎಂಬ ಬಗ್ಗೆ ಲೆಕ್ಕಾಚಾರ ಮಾಡುವ. ಒಂದು ವೇಳೆ ನಮ್ಮ ಹೂಡಿಕೆ ಮಾಡಿದ ಮೊತ್ತ: 6,80,000 ರೂ. ಆಗಿದ್ದರೆ ಸುಮಾರು 30 ವರ್ಷಗಳಲ್ಲಿ ಅಂದಾಜು ಆದಾಯ ರೂ. 1,96,92,747 ಪಡೆಯಬಹುದು. ಅಲ್ಲದೆ ಮೆಚ್ಯೂರಿಟಿ ಮೊತ್ತವು ಆ ವೇಳೆಗಾಗಲೇ 2,03,72,747 ರೂ. ಆಗಲಿದೆ. ಇನ್ನು ಅಂತಿಮ ಮಾತು ಏನೆಂದರೆ ಮ್ಯೂಚುವಲ್ ಫಂಡ್‌ಗಳಲ್ಲಿ ಹೂಡಿಕೆ ಮಾಡುವುದು ಮಾರುಕಟ್ಟೆಯ ಅಪಾಯಗಳಿಗೆ ಒಳಪಟ್ಟಿರುತ್ತದೆ. ಹಾಗಾಗಿ ಯಾವುದೇ ಹೂಡಿಕೆ ಮಾಡುವ ಮೊದಲು ನಿಮ್ಮ ಸಲಹೆಗಾರರನ್ನು ಸಂಪರ್ಕಿಸುವುದು ಜಾಣ್ಮೆಯ ನಡೆಯಾಗಿದೆ.