GST ಕಡಿತದ ನಂತರ ಚಿನ್ನದ ಬೆಲೆಯಲ್ಲಿ ಬದಲಾಗಿದ್ಯಾ? ಬೆಲೆ, ಹೊಸ GST ದರ ಮತ್ತು ಮೇಕಿಂಗ್ ಶುಲ್ಕ ಸಂಪೂರ್ಣ ಮಾಹಿತಿ!

ಇಂದಿನಿಂದ ಭಾರತದಲ್ಲಿ ಹೊಸ ಜಿಎಸ್‌ಟಿ ದರಗಳು ಜಾರಿಗೆ ಬಂದಿವೆ. ದಿನನಿತ್ಯದ ಆಹಾರ ಪದಾರ್ಥಗಳಿಂದ ಹಿಡಿದು ಕಾರುಗಳು, ಮೊಬೈಲ್ ಫೋನ್‌ಗಳು, ಗೃಹೋಪಯೋಗಿ ಸಾಧನಗಳವರೆಗೆ, ಜಿಎಸ್‌ಟಿ 2.0 ಪ್ರತಿಯೊಬ್ಬರ ಜೀವನದ ಮೇಲೂ ಪ್ರಭಾವ ಬೀರುತ್ತಿದೆ. ಹಬ್ಬದ ಕಾಲಕ್ಕೆ ಕಾಲಿಟ್ಟಿರುವ ಈ ಸಂದರ್ಭದಲ್ಲಿ ಜನರು ಹೊಸ ವಸ್ತುಗಳ ಖರೀದಿಗೆ ತಯಾರಾಗುತ್ತಿರುವುದು ಸಹಜ. ವಿಶೇಷವಾಗಿ ನವರಾತ್ರಿ, ಧನ್‌ ತೇರಸ್‌ ಮೊದಲಾದ ದಿನಗಳಲ್ಲಿ ಚಿನ್ನ ಖರೀದಿಯ ಕ್ರೇಜ್ ಇನ್ನಷ್ಟು ಹೆಚ್ಚಾಗುತ್ತದೆ.

ಚಿನ್ನದ ಮೇಲಿನ GST ದರ ಯಥಾಸ್ಥಿತಿಯಲ್ಲಿ:

ಚಿನ್ನದ ಮೇಲಿನ ಜಿಎಸ್‌ಟಿ ದರದಲ್ಲಿ ಯಾವುದೇ ಬದಲಾವಣೆ ಮಾಡಲಾಗಿಲ್ಲ. ಚಿನ್ನದ ಮಾರುಕಟ್ಟೆ ಅತಿ ಸೂಕ್ಷ್ಮವಾಗಿರುವುದರಿಂದ ಜಿಎಸ್‌ಟಿ ಕೌನ್ಸಿಲ್ ಚಿನ್ನದ ಮೇಲಿನ ತೆರಿಗೆ ದರವನ್ನು ಶೇಕಡಾ 3 ರಷ್ಟೇ ಉಳಿಸಲು ತೀರ್ಮಾನಿಸಿದೆ. ಅಂದರೆ, ಈಗ ಚಿನ್ನ ಖರೀದಿಸುವಾಗ ರೂ. 3% ಜಿಎಸ್‌ಟಿ ತೆರಿಗೆ ಅನ್ವಯವಾಗುತ್ತದೆ.

ಮೇಕಿಂಗ್ ಶುಲ್ಕ ಮತ್ತು ಎರಡು ಹಂತದ ತೆರಿಗೆ:

ಚಿನ್ನದ ಆಭರಣ ಖರೀದಿಸುವಾಗ ಕೇವಲ ಚಿನ್ನದ ಮೇಲಿನ GST ಮಾತ್ರವಲ್ಲದೆ, ತಯಾರಿಕೆ ಶುಲ್ಕದ ಮೇಲೂ ತೆರಿಗೆ ಪಾವತಿಸಬೇಕಾಗುತ್ತದೆ. ಉದಾಹರಣೆಗೆ, ನೀವು 10 ಗ್ರಾಂ 22 ಕ್ಯಾರೆಟ್ ಚಿನ್ನದ ಉಂಗುರ ಖರೀದಿಸಿದರೆ, ಮೊದಲು ಚಿನ್ನದ ತೂಕಕ್ಕೆ ರೂ. 3% ಜಿಎಸ್‌ಟಿ ಅನ್ವಯಿಸುತ್ತದೆ. ಅದಲ್ಲದೆ, ಆಭರಣ ತಯಾರಿಕೆಗಾಗಿ ವ್ಯಾಪಾರಿಗಳು ವಸೂಲಿ ಮಾಡುವ ಮೇಕಿಂಗ್ ಶುಲ್ಕದ ಮೇಲೆ ರೂ. 5% ತೆರಿಗೆ ವಿಧಿಸಲಾಗುತ್ತದೆ. ಈ ಎರಡು ಹಂತದ ತೆರಿಗೆ ಪದ್ದತಿಯನ್ನು ಹೊಸ ಜಿಎಸ್‌ಟಿ ನಿಯಮಗಳಲ್ಲಿ ಯಾವುದೇ ಬದಲಾವಣೆ ಮಾಡದೆ ಮುಂದುವರೆಸಲಾಗಿದೆ.

ಇತ್ತೀಚಿನ ಚಿನ್ನದ ದರ ವಿವರ:

ನವರಾತ್ರಿಯ ಮೊದಲ ದಿನದಂತೆಯೇ ಚಿನ್ನದ ಬೆಲೆಯಲ್ಲಿ ಏರಿಕೆ ಕಂಡುಬಂದಿದೆ. ಸೆಪ್ಟೆಂಬರ್ 22, 2025ರ ಮಾರುಕಟ್ಟೆ ದರ ಪ್ರಕಾರ:

10 ಗ್ರಾಂ 24 ಕ್ಯಾರೆಟ್ ಚಿನ್ನಕ್ಕೆ ರೂ. 1,12,580
10 ಗ್ರಾಂ 22 ಕ್ಯಾರೆಟ್ ಚಿನ್ನಕ್ಕೆ ರೂ. 1,03,200
ಈ ಬೆಲೆ ಏರಿಕೆ ಹಬ್ಬದ ಖರೀದಿದಾರರಲ್ಲಿ ಸ್ವಲ್ಪ ಒತ್ತಡವನ್ನುಂಟುಮಾಡಿದರೂ, ಚಿನ್ನದ ಮೇಲಿನ ಜನರ ಪ್ರೀತಿ ಎಂದಿಗೂ ಕಡಿಮೆಯಾಗಿಲ್ಲ.

ಡಿಜಿಟಲ್ ಚಿನ್ನದ ಮೇಲಿನ GST:

ಇತ್ತೀಚಿನ ದಿನಗಳಲ್ಲಿ ಯುವ ಪೀಳಿಗೆಯಲ್ಲಿ ಡಿಜಿಟಲ್ ಚಿನ್ನದ ಖರೀದಿ ಹೆಚ್ಚು ಜನಪ್ರಿಯವಾಗುತ್ತಿದೆ. ಇದು ಸುರಕ್ಷಿತವಾಗಿರುವುದಲ್ಲದೆ, ಆನ್‌ಲೈನ್ ಮೂಲಕ ತಕ್ಷಣ ಖರೀದಿ ಮಾಡಲು ಅನುಕೂಲಕರವಾಗಿದೆ. ಆದರೆ, ಡಿಜಿಟಲ್ ಚಿನ್ನದ ಮೇಲೂ ರೂ. 3% ಜಿಎಸ್‌ಟಿ ತೆರಿಗೆ ಅನ್ವಯವಾಗುತ್ತದೆ. ಆದ್ದರಿಂದ, ಭೌತಿಕ ಚಿನ್ನವಾಗಲಿ ಅಥವಾ ಡಿಜಿಟಲ್ ಚಿನ್ನವಾಗಲಿ, ತೆರಿಗೆ ದರದಲ್ಲಿ ಯಾವುದೇ ವಿನಾಯಿತಿ ಇಲ್ಲ.

ಈ ನವರಾತ್ರಿಯಲ್ಲಿ ಅಥವಾ ಧನ್‌ ತೇರಸ್ ಸಂದರ್ಭದಲ್ಲಿ ಚಿನ್ನ ಖರೀದಿಸಲು ಯೋಚಿಸುತ್ತಿರುವವರು ಜಿಎಸ್‌ಟಿ ದರ ಹಾಗೂ ಮೇಕಿಂಗ್ ಶುಲ್ಕದ ಬಗ್ಗೆ ಸ್ಪಷ್ಟ ಮಾಹಿತಿಯನ್ನು ಹೊಂದಿರಬೇಕು. ರೂ. 3% ಜಿಎಸ್‌ಟಿ ಮತ್ತು ರೂ. 5% ಮೇಕಿಂಗ್ ಶುಲ್ಕ ಸೇರಿ ಒಟ್ಟಾರೆಯಾಗಿ ಖರ್ಚು ಎಷ್ಟು ಆಗಬಹುದು ಎಂಬುದನ್ನು ಪೂರ್ವಭಾವಿಯಾಗಿ ಲೆಕ್ಕ ಹಾಕಿಕೊಂಡರೆ ಖರೀದಿಯ ಅನುಭವ ಸುಗಮವಾಗುತ್ತದೆ.