Post Office RD: 5000 ರೂ. ಹೂಡಿಕೆ ಮಾಡಿ, ಮೆಚ್ಯೂರಿಟಿ ಬಳಿಕ 8,54,272 ರೂ. ಪಡೆಯಿರಿ.!

ಬಹಳಷ್ಟು ಜನರಿಗೆ ಅಲ್ಪ ಪ್ರಮಾಣದಲ್ಲಿಯಾದರೂ ಒಂದಷ್ಟು ಹಣ ಹೂಡಿಕೆ ಮಾಡಬೇಕು ಎಂಬ ಮನಸ್ಸಿರುತ್ತದೆ. ಷೇರು ಮಾರುಕಟ್ಟೆಯಲ್ಲಿ ಹೂಡಿಕೆ ಮಾಡಲು ಕೆಲವೊಮ್ಮೆ ಜ್ಞಾನದ ಹಾಗೂ ಅನುಭವ ಕೊರತೆ ಇದ್ರೆ, ಇನ್ನು ಬೇರೆ ಕಡೆ ಹೂಡಿಕೆ ಮಾಡಲು ನಂಬಿಕೆ ಹಾಗೂ ರಿಸ್ಕ್ ಸಮಸ್ಯೆ. ಇಂತಹ ಸಮಯದಲ್ಲಿ ಭಾರತೀಯರೆಲ್ಲರಿಗೂ ಅಂಚೆಕಚೇರಿಯಲ್ಲಿನ ಯೋಜನೆಗಳ ಹೂಡಿಕೆ ಮಾಡುವುದೆಂದರೆ ಸುರಕ್ಷಿತ ಭಾವನೆ.

ಹೂದಿಕೆ ಮಾಡಿದ ಹಣಕ್ಕೆ ಬಡ್ಡಿಯನ್ನು ಪಡೆಯುವುದರ ಜೊತೆಗೆ ಹಣಕ್ಕೆ ಅಷ್ಟೇ ಸುರಕ್ಷತೆಯನ್ನು ಪೋಸ್ಟ್ ಆಫೀಸ್ ಒದಗಿಸುವ ಕಾರಣ ಇಲ್ಲಿ ಹಲವರು ಹಣ ಹೂಡಿಕೆ ಮಾಡುತ್ತಾರೆ. ಇದೇ ಕಾರಣಕ್ಕೆ ಅಂಚೆ ಕಚೇರಿಯೂ ಅನೇಕ ವಿಧದ ಯೋಜನೆಗಳನ್ನು ಜನರಿಗೆ ಪರಿಚಯ ಮಾಡಿಸುತ್ತದೆ.

ಇನ್ನು ಹೂಡಿಕೆ ವಿಚಾರಕ್ಕೆ ಬಂದ್ರೆ ಅನೇಕರಿಗೆ ಒಂದೇ ಬಾರಿಗೆ ಹೂಡಿಕೆ ಮಾಡಲು ಕಷ್ಟ ಸಾಧ್ಯ. ಹೆಚ್ಚಿನ ಜನ ಮಾಸಿಕ ವೇತನವನ್ನೇ ನಂಬಿಕೊಂಡಿರುವುದರಿಂದ ತಮಗೆ ಸಾಧ್ಯವಾದಷ್ಟು ಅಲ್ಪ ಪ್ರಮಾಣದಲ್ಲಿ ಹಣವನ್ನು ಹೂಡಿಕೆ ಮಾಡಬಹುದು. ಹೀಗಾಗಿ ಯಾವುದೇ ರಿಸ್ಕ್ ತೆಗೆದುಕೊಳ್ಳದೇ ಉತ್ತಮ ಹಣ ಗಳಿಸಲು ಬಯಸಿದರೆ, ಕಡಿಮೆ ಸಮಯದಲ್ಲಿ ಉತ್ತಮ ಹಣ ಗಳಿಸಬಹುದಾದ ಪೋಸ್ಟ್ ಆಫೀಸ್ ಯೋಜನೆಗಳು ನಿಮಗೆ ಸಹಾಯಕಾರಿಯಾಗುತ್ತದೆ.

ಪೋಸ್ಟ್ ಆಫೀಸ್ ಸಣ್ಣ ಉಳಿತಾಯ ಯೋಜನೆಗಳು ಬಹಳ ಜನಪ್ರಿಯವಾಗಿವೆ, ಇದರಲ್ಲಿ ಆಫೀಸ್ ರಿಕರಿಂಗ್ ಠೇವಣಿ ಅಂದರೆ ಪೋಸ್ಟ್ ಆಫೀಸ್ ಆರ್‌ಡಿ ಕೂಡ ಸೇರಿದೆ. ಈ ಯೋಜನೆಯಲ್ಲಿ, ನೀವು ಪ್ರತಿ ತಿಂಗಳು ಕೇವಲ 5000 ರೂ. ಹೂಡಿಕೆ ಮಾಡುವ ಮೂಲಕ 8 ಲಕ್ಷ ರೂ.ಗಳಿಗೂ ಅಧಿಕವಾದ ಮೊತ್ತವನ್ನು ಸಂಗ್ರಹಿಸಬಹುದು. ಈ ಯೋಜನೆಯ ಇನ್ನೊಂದು ವಿಶೇಷತೆಯೆಂದರೆ ಜನರು ಸುಲಭವಾಗಿ ಸಾಲಗಳನ್ನು ಸಹ ಪಡೆಯಬಹುದು.!

ಕೇಂದ್ರ ಸರ್ಕಾರವು 2023 ರಲ್ಲಿ ಪೋಸ್ಟ್ ಆಫೀಸ್ ಮರುಕಳಿಸುವ ಠೇವಣಿ (RD) ಯೋಜನೆಯ ಮೇಲಿನ ಬಡ್ಡಿದರವನ್ನು ಹೆಚ್ಚಿಸುವ ಮೂಲಕ ಹೂಡಿಕೆದಾರರಿಗೆ ಉಡುಗೊರೆಯನ್ನು ನೀಡಿತು. ಈ ಯೋಜನೆಯಲ್ಲಿ ಹೂಡಿಕೆಯ ಮೇಲಿನ 6.7 ಪ್ರತಿಶತದಷ್ಟು ಬಡ್ಡಿದರ ಲಭ್ಯವಿದೆ, ಇದನ್ನು ತ್ರೈಮಾಸಿಕ ಆಧಾರದ ಮೇಲೆ ಪರಿಷ್ಕರಿಸಲಾಗುತ್ತದೆ.

ಆದರೆ ಯೋಜನೆಯ ಅಡಿಯಲ್ಲಿ, ವಾರ್ಷಿಕ ಆಧಾರದ ಮೇಲೆ ಪ್ರಯೋಜನಗಳನ್ನು ನೀಡಲಾಗುತ್ತದೆ. ಹೀಗಾಗೊ ನೀವು ಅನೇಕ ಕಡೆ RD ಇಟ್ಟಿದ್ದ್ರೂ ಕೂಡಾ ನಿಮಗೆ ಹೆಚ್ಚು ಸುರಕ್ಷೆ ಹಾಗೂ ಹೆಚ್ಚು ಬಡ್ಡಿ ಸಿಗುವುದು ಅಂಚೆ ಕಚೇರಿಯ RD ಯಲ್ಲಿ. ಹೀಗಾಗಿ 5000 ರೂ. ಹೂಡಿಕೆ ಮಾಡಿ 8 ಲಕ್ಷ ರೂ. ಗಳನ್ನು ಪಡೆಯುವುದು ಹೇಗೆ ಎಂಬುವುದನ್ನು ಇಲ್ಲಿ ವಿವರಿಸಲಾಗಿದೆ.

ಪೋಸ್ಟ್ ಆಫೀಸ್ ಆರ್‌ಡಿಯಲ್ಲಿನ ಹೂಡಿಕೆ ಮತ್ತು ಬಡ್ಡಿಯನ್ನು ಲೆಕ್ಕಾಚಾರ ಮಾಡುವುದು ತುಂಬಾ ಸುಲಭ. ಈ ಯೋಜನೆಯಡಿಯಲ್ಲಿ ನೀವು ತಿಂಗಳಿಗೆ ಕೇವಲ 5000 ರೂಪಾಯಿಗಳನ್ನು ಉಳಿಸುವ ಮೂಲಕ 8 ಲಕ್ಷ ರೂಪಾಯಿಗಳ ನಿಧಿಯನ್ನು ಯಾವ ರೀತಿಯಲ್ಲಿ ಸಂಗ್ರಹಿಸಬಹುದು ಎಂಬುದರ ಕುರಿತು ಲೆಕ್ಕಚಾರ ಹೀಗೆ ಹಾಕಬಹುದು.

ನೀವು ಪೋಸ್ಟ್ ಆಫೀಸ್ ರಿಕರಿಂಗ್ ಠೇವಣಿ ಯೋಜನೆಯಲ್ಲಿ ಪ್ರತಿ ತಿಂಗಳು 5,000 ರೂಪಾಯಿಗಳನ್ನು ಹೂಡಿಕೆ ಮಾಡಿದರೆ, ಅದರ ಮುಕ್ತಾಯ ಅವಧಿಯಲ್ಲಿ ಅಂದರೆ ಐದು ವರ್ಷಗಳಲ್ಲಿ, ನೀವು ಒಟ್ಟು 3 ಲಕ್ಷ ರೂಪಾಯಿಗಳನ್ನು ಠೇವಣಿ ಮಾಡುತ್ತೀರಿ ಮತ್ತು ಶೇಕಡಾ 6.7 ರ ದರದಲ್ಲಿ, 56,830 ರೂಪಾಯಿಗಳನ್ನು ಬಡ್ಡಿ ಮೊತ್ತಕ್ಕೆ ಸೇರಿಸಲಾಗುತ್ತದೆ.

ಅಂದರೆ, ಒಟ್ಟಾರೆಯಾಗಿ, ನಿಮ್ಮ ನಿಧಿ ಐದು ವರ್ಷಗಳಲ್ಲಿ 3,56,830 ರೂಪಾಯಿಗಳಾಗಿ ಬೆಳೆದಿರುತ್ತದೆ. ಒಂದು ವೇಳೆ ನೀವು ಈ ಯೋಜನೆಯನ್ನು ಹತ್ತು ವರ್ಷಗಳ ವಿಸ್ತರಿಸಿದರೆ 10 ವರ್ಷಗಳಲ್ಲಿ ನೀವು ಠೇವಣಿ ಇಟ್ಟ ಮೊತ್ತ 6,00,000 ರೂ. ಇದರೊಂದಿಗೆ, ಈ ಠೇವಣಿಯ ಮೇಲಿನ ಶೇಕಡಾ 6.7 ರ ದರದಲ್ಲಿ ಬಡ್ಡಿ ಮೊತ್ತ 2,54,272 ರೂ. ಇದರ ಪ್ರಕಾರ, 10 ವರ್ಷಗಳಲ್ಲಿ, ನಿಮ್ಮ ಒಟ್ಟು ಠೇವಣಿ ನಿಧಿ 8,54,272 ರೂ. ಆಗುತ್ತದೆ.

ಸಾಲವನ್ನು ಪಡೆಯಬಹುದು:

ನೀವು ನಿಮ್ಮ ಯಾವುದೇ ಹತ್ತಿರದ ಯಾವುದೇ ಅಂಚೆ ಕಚೇರಿಗೆ ಹೋಗಿ ಪೋಸ್ಟ್ ಆಫೀಸ್ ಮರುಕಳಿಸುವ ಠೇವಣಿ ಯೋಜನೆಯಲ್ಲಿ ಖಾತೆಯನ್ನು ತೆರೆಯಬಹುದು. ಇದರಲ್ಲಿ ಹೂಡಿಕೆಯನ್ನು ರೂ 100 ರಿಂದ ಪ್ರಾರಂಭಿಸಬಹುದಾಗಿದೆ.

ಪೋಸ್ಟ್ ಆಫೀಸ್ ಆರ್‌ಡಿ ಮುಕ್ತಾಯದ ಅವಧಿ ಐದು ವರ್ಷಗಳು, ಆದರೆ ಈ ಅವಧಿ ಪೂರ್ಣಗೊಳ್ಳುವ ಮೊದಲು ನೀವು ಖಾತೆಯನ್ನು ಮುಚ್ಚಲು ಬಯಸಿದರೆ, ಈ ಸೌಲಭ್ಯವು ಈ ಉಳಿತಾಯ ಯೋಜನೆಯಲ್ಲಿಯೂ ಲಭ್ಯವಿದೆ. ಇದರಲ್ಲಿ ಸಾಲ ಸೌಲಭ್ಯವನ್ನು ಸಹ ನೀಡಲಾಗುತ್ತದೆ. ಖಾತೆಯು ಒಂದು ವರ್ಷ ಸಕ್ರಿಯವಾದ ನಂತರ, ಠೇವಣಿ ಮೊತ್ತದ ಶೇಕಡಾ 50 ರವರೆಗೆ ಸಾಲವಾಗಿ ತೆಗೆದುಕೊಳ್ಳಬಹುದು. ಆದಾಗ್ಯೂ, ಸಾಲದ ಮೇಲಿನ ಬಡ್ಡಿದರವು ಬಡ್ಡಿದರಕ್ಕಿಂತ ಶೇಕಡಾ 2 ರಷ್ಟು ಹೆಚ್ಚಾಗಿದೆ.