Post Office: ಅಂಚೆ ಕಚೇರಿಯ ಬಂಪರ್‌ ಯೋಜನೆ! 50 ಸಾವಿರ ಹೂಡಿಕೆ ಮಾಡಿ, 35 ಲಕ್ಷ ಪಡೆಯಿರಿ

ಹೂಡಿಕೆದಾರರಿಗಾಗಿ ಪೋಸ್ಟ್‌ ಆಫೀಸ್‌ (Post Office) ಮೂಲಕ ಹಲವು ಯೋಜನೆಗಳನ್ನು ಜಾರಿಗೆ ತಂದಿದೆ. ಆರ್‌ಡಿ, ಎಫ್‌ಡಿ, ಸುಕನ್ಯಾ ಸಮೃದ್ಧಿ ಯೋಜನೆ ಕೂಡಾ ಒಂದು. ಇವುಗಳಲ್ಲಿ ಆರ್‌ಡಿ ಯೋಜನೆಯನ್ನು ಬೆಸ್ಟ್ ಎಂದು ಹಲವರು ಹೇಳುತ್ತಾರೆ. ಅಂಚೆ ಕಚೇರಿಯ ಈ ಆರ್‌ಡಿ (Recurring Deposit) ಯೋಜನೆಯಲ್ಲಿ ಕೇವಲ 100 ರೂಪಾಯಿಗಳಿಂದ ಹೂಡಿಕೆ (Invest) ಪ್ರಾರಂಭಿಸಬಹುದು. ಅಧಿಕ ಹಣವನ್ನೂ ಹಾಕಬೇಕಾಗಿಲ್ಲ. ಬದಲಿಗೆ ಪ್ರತಿ ತಿಂಗಳು ಸಣ್ಣ ಮೊತ್ತವನ್ನು ಜಮಾ ಮಾಡುವ ಮೂಲಕ ಅಧಿಕ ಲಾಭ ಪಡೆಯಬಹುದು. ಇದೇ ಕಾರಣದಿಂದ ಪೋಸ್ಟ್ ಆಫೀಸ್ RD ಯೋಜನೆ ಸಾಮಾನ್ಯ ಜನರಿಗೆ ಉತ್ತಮ ಆಯ್ಕೆ ಎಂದು ಪರಿಗಣಿಸಲ್ಪಟ್ಟಿದೆ.

ಒಂದು ವೇಳೆ ನೀವು ಪ್ರತಿ ತಿಂಗಳು ಅಂಚೆ ಕಚೇರಿ ಆರ್‌ಡಿ ಯೋಜನೆ ಮೂಲಕ 50,000 ರೂಪಾಯಿಗಳನ್ನು ಹೂಡಿಕೆ ಮಾಡಿದರೆ, ಬರೀ ಐದು ವರ್ಷಗಳಲ್ಲಿ ಹೆಚ್ಚಿನ ಹಣ ನಿಮ್ಮ ಖಾತೆ ಸೇರುತ್ತದೆ. 50 ಸಾವಿರದಂತೆ 5 ವರ್ಷಗಳಲ್ಲಿ ಒಟ್ಟು 30 ಲಕ್ಷ ರೂಪಾಯಿಗಳು ಜಮಾ ಆಗುತ್ತವೆ. ಇದರೊಂದಿಗೆ ದೊರೆಯುವ ಬಡ್ಡಿಯೊಂದಿಗೆ ನಿಮ್ಮ ಒಟ್ಟು ಮೊತ್ತವು 35 ಲಕ್ಷ ರೂಪಾಯಿಗಳವರೆಗೆ ನೀವು ಪಡೆಯಬಹುದು. ಅಂದರೆ ಐದು ಲಕ್ಷದವರೆಗೆ ನೀವು ಇಲ್ಲಿ ಬಡ್ಡಿಯನ್ನು ಪಡೆಯಬಹುದು.

ಸುರಕ್ಷಿತ ಯೋಜನೆ
ಈ ಯೋಜನೆಯು ಸರ್ಕಾರದ ಅಧೀನದಲ್ಲಿರುವುದರಿಂದ ತುಂಬಾ ಸೇಫ್‌ ಎಂದು ಪರಿಗಣಿಸಲ್ಪಟ್ಟಿದೆ. ಷೇರು ಮಾರುಕಟ್ಟೆ ಅಥವಾ ಮ್ಯೂಚುಯಲ್ ಫಂಡ್‌ಗಳಂತೆ ಇಲ್ಲಿ ಯಾವುದೇ ರೀತಿಯಲ್ಲಿ ಲಾಸ್‌ ಆಗುತ್ತೆ ಅನ್ನೋ ಭಯವಿಲ್ಲ. ನಿಮ್ಮ ಹೂಡಿಕೆ ಹಣಕ್ಕೆ ನಿಗದಿತ ಬಡ್ಡಿದರವೂ ಇರುತ್ತೆ, ಲಾಭವೂ ಸಿಗುತ್ತೆ.

ಇನ್ನು ತುರ್ತು ಅವಶ್ಯಕ್ಕಾಗಿ ಹಣ ವಿಥ್‌ಡ್ರಾ ಮಾಡಬೇಕು ಎಂದೆನಿಸದರೆ, ಒಂದು ವರ್ಷದ ನಂತರ ನಿಮ್ಮ ಜಮಾ ಮಾಡಿದ ಮೊತ್ತದ ಶೇಕಡಾ 50ರಷ್ಟು ಸಾಲವನ್ನು ಸಹ ಪಡೆಯಬಹುದು. ಈ ಮೂಲಕ ಖಾತೆಯನ್ನು ಕ್ಲೋಸ್‌ ಮಾಡದೆಯೇ ಹಣವನ್ನು ಹಿಂಪಡೆಯಬಹುದು ಮತ್ತು ಮತ್ತೆ ಹೂಡಿಕೆ ಮಾಡಬಹುದು.

ಪೋಸ್ಟ್ ಆಫೀಸ್‌ನ ಈ ಯೋಜನೆಯಲ್ಲಿ ನೀವು 1.5 ಲಕ್ಷ ರೂಪಾಯಿಗಳವರೆಗೆ ತೆರಿಗೆ ವಿನಾಯಿತಿಯನ್ನು ಸಹ ಪಡೆಯುವ ಅವಕಾಶವಿದೆ. ಅಂದರೆ, ನೀವು ಹೂಡಿಕೆಯ ಮೇಲೆ ತೆರಿಗೆ ಉಳಿತಾಯ ಸಹ ಮಾಡಬಹುದು, ಜೊತೆಗೆ ಸುರಕ್ಷಿತ ಗಳಿಕೆಯನ್ನೂ ಪಡೆಯಬಹುದು. ತೆರಿಗೆ ವಿನಾಯಿತಿಯಲ್ಲೂ ಈ ಯೋಜನೆ ಬೆಸ್ಟ್‌ ಎಂದು ಗುರುತಿಸಿಕೊಂಡಿದೆ.

ಪೋಸ್ಟ್‌ ಆಫೀಸ್‌ ಇದೇ ರೀತಿಯ ಹಲವು ಯೋಜನೆಗಳನ್ನು ಸಾರ್ವಜನಿಕರಿಗಾಗಿ ಬಿಡುಗಡೆ ಮಾಡಿದೆ. ಈ ಮೂಲಕ ಸಾರ್ವಜನಿಕರು ಹಲವು ಪ್ರಯೋಜನಗಳನ್ನು ಪಡೆಯಬಹುದು. ಹುಡುಗಿಯರಿಗಾಗಿ ಸುಕನ್ಯಾ ಸಮೃದ್ಧಿ ಯೋಜನೆಯನ್ನು, ಪಿಪಿಎಫ್‌, ಎಫ್‌ಡಿ ಯೋಜನೆಗಳನ್ನು ಸಹ ನೀಡಲಾಗಿದೆ. ಯಾವುದೇ ರೀತಿಯ ಹೂಡಿಕೆ ಮಾಡುವ ಮುನ್ನ, ಬಜೆಟ್‌ ಪ್ಲಾನ್‌ ಮಾಡಿಕೊಳ್ಳಿ. ಇದರಿಂದ ನಿಮ್ಮ ವೆಚ್ಚಗಳ ಬಗ್ಗೆಯೂ ಗಮನ ನೀಡಲು ಸುಲಭವಾಗುತ್ತದೆ.