SIP ಅಥವಾ PPF: ₹ 1.4 ಲಕ್ಷ ವಾರ್ಷಿಕ ಹೂಡಿಕೆ ಯಾವುದು ಹೆಚ್ಚು ಲಾಭ ನೀಡುತ್ತೆ?

ರಿಸ್ಕ್ ತೆಗೆದುಕೊಳ್ಳಲು ಇಷ್ಟಪಡದವರಿಗೆ ಸಾರ್ವಜನಿಕ ಭವಿಷ್ಯ ನಿಧಿ (PPF) ಒಂದು ಅತ್ಯುತ್ತಮ ಆಯ್ಕೆ. ಕೇಂದ್ರ ಸರ್ಕಾರದಿಂದ ಬೆಂಬಲಿತವಾದ ತೆರಿಗೆ ಮುಕ್ತ ಉಳಿತಾಯ ಯೋಜನೆಗಳಲ್ಲಿ ಇದು ಪ್ರಮುಖವಾಗಿದೆ. ಆದರೆ ಈ ಯೋಜನೆಯಲ್ಲಿ ಹೂಡಿಕೆ ಮೊತ್ತವು ಲಾಕ್-ಇನ್ ಅವಧಿಯೊಂದಿಗೆ ಮಿತಿಯನ್ನು ಹೊಂದಿದೆ, ಆದರೆ SIP ನಲ್ಲಿ, ಅಂತಹ ಯಾವುದೇ ನಿರ್ಬಂಧವಿಲ್ಲ. ವ್ಯವಸ್ಥಿತ ಹೂಡಿಕೆ ಯೋಜನೆ (SIP) ಮತ್ತು ಸಾರ್ವಜನಿಕ ಭವಿಷ್ಯ ನಿಧಿ (PPF) ಎರಡೂ ಜನಪ್ರಿಯ ಹೂಡಿಕೆ ಆಯ್ಕೆಗಳಾಗಿವೆ. ಹೀಗಾಗಿ, ಕೇವಲ 18 ವರ್ಷಗಳಲ್ಲಿ ವರ್ಷಕ್ಕೆ 1,40,000 ರೂ. ಹೂಡಿಕೆಯ ಮೇಲೆ ಯಾವುದು ಹೆಚ್ಚಿನ ಕಾರ್ಪಸ್ ಅನ್ನು ಉತ್ಪಾದಿಸಬಹುದು ಎಂಬುದನ್ನು ಕಂಡುಹಿಡಿಯೋಣ.

SIP ಹೂಡಿಕೆ ಎಂದರೇನು?

SIP ಹೂಡಿಕೆ ಅಂದರೆ ನೀವು ಒಂದು ಕ್ರಮಬದ್ಧವಾಗಿ ಮ್ಯೂಚುವಲ್ ಫಂಡ್‌ಗಳಲ್ಲಿ ಹಣವನ್ನು ಹಾಕುವುದು. ಇದರಲ್ಲಿ ಪ್ರತಿ ದಿನ, ತಿಂಗಳು, ಮೂರು ತಿಂಗಳಿಗೆ ಒಮ್ಮೆ ಅಥವಾ ವರ್ಷಕ್ಕೊಮ್ಮೆ ಹೀಗೆ ಹೂಡಿಕೆದಾರರ ಅನುಕೂಲವಾದ ರೀತಿಯಲ್ಲಿ ಹಣವನ್ನು ಹೂಡಿಕೆ ಮಾಡಬಹುದು. ಮುಖ್ಯವಾಗಿ, ಅವರವರ ಆರ್ಥಿಕ ಪರಿಸ್ಥಿತಿಗೆ ತಕ್ಕಂತೆ ಎಷ್ಟು ಹಣ ಹಾಕಬೇಕು ಎಂಬುದನ್ನು ಸಹ ಬದಲಾಯಿಸಿಕೊಳ್ಳಬಹುದು. ಇದು ಮ್ಯೂಚುವಲ್ ಫಂಡ್‌ಗಳಲ್ಲಿ ಹೂಡಿಕೆ ಮಾಡುವ ಒಂದು ಸುಲಭವಾದ ಮಾರ್ಗ.

ಸಾರ್ವಜನಿಕ ಭವಿಷ್ಯ ನಿಧಿ ಎಂದರೇನು?

ಸಾರ್ವಜನಿಕ ಭವಿಷ್ಯ ನಿಧಿ ಸರ್ಕಾರಿ ಬೆಂಬಲಿತ ಯೋಜನೆಯಾಗಿದ್ದು, ಇದನ್ನು ನೀವು ಪೋರ್ಟ್‌ಫೋಲಿಯೋ ವೈವಿಧ್ಯೀಕರಣಕ್ಕೂ ಬಳಸಬಹುದು. ಒಂದು ವರ್ಷದಲ್ಲಿ 1.5 ಲಕ್ಷದವರೆಗಿನ ಠೇವಣಿಗಳು ಆದಾಯ ತೆರಿಗೆ ಕಾಯ್ದೆಯ ಸೆಕ್ಷನ್ 80C ಅಡಿಯಲ್ಲಿ ತೆರಿಗೆ ವಿನಾಯಿತಿಗಳಿಗೆ ಅರ್ಹವಾಗಿವೆ.

SIP ನಲ್ಲಿ ಮತ್ತು PPF ನಲ್ಲಿ ಕನಿಷ್ಠ ಹೂಡಿಕೆ ಮೊತ್ತ ಎಷ್ಟು?

ವ್ಯವಸ್ಥಿತ ಹೂಡಿಕೆ ಯೋಜನೆಯಲ್ಲಿ ಕನಿಷ್ಠ ಹೂಡಿಕೆ ಮೊತ್ತ 100 ರೂ. ಆಗಿದ್ದು, ಇದನ್ನು ನಿಮ್ಮ ಅನುಕೂಲಕ್ಕೆ ತಕ್ಕಂತೆ ಹೆಚ್ಚಿಸಬಹುದು, ಕಡಿಮೆ ಮಾಡಬಹುದು ಅಥವಾ ಹೂಡಿಕೆ ಮಾಡುವುದನ್ನು ನಿಲ್ಲಿಸಬಹುದು. ಆದರೆ ಸಾರ್ವಜನಿಕ ಭವಿಷ್ಯ ನಿಧಿಯಲ್ಲಿ ಒಂದು ವರ್ಷದಲ್ಲಿ ಕನಿಷ್ಠ ಹೂಡಿಕೆ 500 ರೂ.ಗಳಾಗಿದ್ದರೆ, ಗರಿಷ್ಠ ಹೂಡಿಕೆ 1.5 ಲಕ್ಷ ರೂ.ಗಳಾಗಿರುತ್ತದೆ.

SIP ಮತ್ತು PPF ಹೇಗೆ ಕೆಲಸ ಮಾಡುತ್ತದೆ?

ವ್ಯವಸ್ಥಿತ ಹೂಡಿಕೆ ಯೋಜನೆಯಲ್ಲಿ, ನಿಮ್ಮ ಬ್ಯಾಂಕ್ ಖಾತೆಯಿಂದ ನಿಗದಿತ ಮೊತ್ತವನ್ನು ಸ್ವಯಂಚಾಲಿತವಾಗಿ ಕಡಿತಗೊಳಿಸಿ ಮ್ಯೂಚುವಲ್ ಫಂಡ್‌ಗಳಲ್ಲಿ ಹೂಡಿಕೆ ಮಾಡಲಾಗುತ್ತದೆ. ಈ ಹೂಡಿಕೆಗಳು ನಿಯಮಿತವಾಗಿ ನಡೆಯುತ್ತವೆ . ಆದರೆ ಪಿಪಿಎಫ್ ಅಂಚೆ ಕಚೇರಿಗಳು ಮತ್ತು ಬ್ಯಾಂಕುಗಳಲ್ಲಿ ಲಭ್ಯವಿರುವ ಈ ಉಳಿತಾಯ ಯೋಜನೆಯು ಸ್ವಯಂಪ್ರೇರಿತ ಠೇವಣಿಗಳನ್ನು ಮಾಡಲು ನಿಮಗೆ ಅನುವು ಮಾಡಿಕೊಡುತ್ತದೆ. ಅಂಚೆ ಕಚೇರಿ ಆವೃತ್ತಿಯು ವಾರ್ಷಿಕವಾಗಿ ಸಂಯೋಜಿತವಾಗಿ 7.1 ಪ್ರತಿಶತ ವಾರ್ಷಿಕ ಬಡ್ಡಿದರವನ್ನು ನೀಡುತ್ತದೆ.

ಪಿಪಿಎಫ್ ನಲ್ಲಿ ಹೂಡಿಕೆ ಮಾಡಿದ್ರೆ ಸಿಗುವ ಮೊತ್ತ

ವಾರ್ಷಿಕವಾಗಿ ರೂ. 1,40,000 ರಂತೆ 18 ವರ್ಷಗಳ ಕಾಲ ಹೂಡಿಕೆ ಮಾಡಿದರೆ, ಶೇಕಡಾ 7.1 ರ ಬಡ್ಡಿ ದರದಲ್ಲಿ ನಿಮ್ಮ ಒಟ್ಟು ನಿವೃತ್ತಿ ನಿಧಿಯು ಸುಮಾರು ರೂ. 51,47,049 ಆಗಿರುತ್ತದೆ. ಈ ಅವಧಿಯಲ್ಲಿ ನೀವು ಗಳಿಸುವ ಅಂದಾಜು ಒಟ್ಟು ಬಡ್ಡಿಯು ರೂ. 26,27,049 ಆಗಿರುತ್ತದೆ. ಅಂದರೆ, ನಿಮ್ಮ ಹೂಡಿಕೆಯು ಕಾಲಕ್ರಮೇಣ ಗಮನಾರ್ಹವಾಗಿ ಬೆಳೆಯುತ್ತದೆ.

SIP ಹೂಡಿಕೆ ಮಾಡಿದ್ರೆ ಸಿಗುವ ಮೊತ್ತ

ನೀವು ಮಾಸಿಕವಾಗಿ ರೂ. 11,666 ರಂತೆ 18 ವರ್ಷಗಳ ಕಾಲ ಹೈಬ್ರಿಡ್ ಫಂಡ್‌ನಲ್ಲಿ ಹೂಡಿಕೆ ಮಾಡಿದರೆ ಮತ್ತು ವಾರ್ಷಿಕವಾಗಿ ಶೇಕಡಾ 12 ರಷ್ಟು ಬೆಳವಣಿಗೆಯನ್ನು ನಿರೀಕ್ಷಿಸಿದರೆ, 18 ವರ್ಷಗಳ ಕೊನೆಯಲ್ಲಿ ನಿಮ್ಮ ಅಂದಾಜು ಒಟ್ಟು ಮೊತ್ತವು ರೂ. 83,03,026 ಆಗಿರುತ್ತದೆ. ಈ ಅವಧಿಯಲ್ಲಿ ನೀವು ಹೂಡಿಕೆ ಮಾಡಿದ ಒಟ್ಟು ಮೊತ್ತ ರೂ. 25,19,856 ಆಗಿರುತ್ತದೆ ಮತ್ತು ನಿಮ್ಮ ಬಂಡವಾಳದ ಲಾಭವು ಅಂದಾಜು ರೂ. 57,83,170 ಆಗಿರುತ್ತದೆ. ಇಕ್ವಿಟ್ ಫಂಡ್‌ ನೊಡುವುದಾದರೆ ವಾರ್ಷಿಕ ಶೇ. 10 ರಷ್ಟು ಬೆಳವಣಿಗೆಯೊಂದಿಗೆ, 18 ವರ್ಷಗಳಲ್ಲಿ ಅಂದಾಜು ಕಾರ್ಪಸ್ ರೂ. 67,24,259 ಆಗಿರುತ್ತದೆ. ಅಂದಾಜು ಬಂಡವಾಳ ಲಾಭ ರೂ. 42,04,403 ಆಗಿರುತ್ತದೆ. ಸಾಲ ನಿಧಿಯದ್ರೆ ಶೇ. 8 ರಷ್ಟು ವಾರ್ಷಿಕ ಬೆಳವಣಿಗೆಯೊಂದಿಗೆ, 18 ವರ್ಷಗಳಲ್ಲಿ ಅಂದಾಜು ಕಾರ್ಪಸ್ ರೂ. 54,67,249 ಆಗಿರುತ್ತದೆ. ಅಂದಾಜು ಬಂಡವಾಳ ಲಾಭ ರೂ. 29,47,393 ಆಗಿರುತ್ತದೆ.

Disclaimer: The write-up is just for information purposes, and is not a recommendation to buy, sell or hold. We have not done fundamental or technical analysis and have no opinion on article mentioned. Neither, the author nor Greynium Information Technologies should be held liable for any losses. Please consult a professional advisor.