ಮಹಿಳೆಯರ ಖರ್ಚಿನ ಹಾದಿ ಬದಲಾಗಲಿ; ಉಳಿತಾಯ, ಹೂಡಿಕೆಯತ್ತ ಸಾಗಲಿ- ಆರ್ಥಿಕ ಭದ್ರತೆಯ ಮಾರ್ಗಸೂಚಿ

ಕೆಲ ದಶಕಗಳ ಹಿಂದಿನ ಬದುಕು ನೆನಪಿಸಿಕೊಳ್ಳಿ ಅವಿಭಕ್ತ ಕುಟುಂಬಗಳು, ಮನೆಗೆ ಮಾತ್ರ ಸೀಮಿತವಾಗಿದ್ದ ಹೆಣ್ಣುಮಕ್ಕಳು, ಹೆಚ್ಚು ಓದಿದ್ರೆ ಗಂಡು ಹುಡುಕೋದು ಕಷ್ಟ, ಮನೆ ಮಗಳಿಗೆ ವಿವಾಹವಾದ್ರೆ ದೊಡ್ಡ ಜವಾಬ್ದಾರಿ ಮುಗಿಸಿದಂತೆ ಅಂದಿನ ಕಾಲವೆಲ್ಲಿ, ವೃತ್ತಿ - ಕುಟುಂಬ ಎಂದು ಸಮನತೋಲನ ಮಾಡುವ, ಅಥವಾ ಸ್ವಾಲಂಬಿಗಳಾಗಿ ಬದುಕುವ ಹೆಣ್ಣುಮಕ್ಕಳೆಲ್ಲಿ.

ಇಂದು ಮಹಿಳೆಯರು ತಮ್ಮ ವೃತ್ತಿ ಮತ್ತು ಕುಟುಂಬಗಳಿಗಾಗಿ ಬಹಳಷ್ಟು ಶ್ರಮ ವಹಿಸುತ್ತಾರೆ. ಸಂಸಾರ ಜವಾಬ್ದಾರಿಯನ್ನು ಪೂರ್ತಿಯಾಗಿ ಹೊತ್ತು ಮುನ್ನಡೆಸುವ ಅನೇಕ ಹೆಣ್ಣುಮಕ್ಕಳನ್ನು ನಾವು ನಮ್ಮ ಸುತ್ತಮುತ್ತ ನೋಡಿದ್ದೇವೆ. ಆದ್ರೆ ಮಹಿಳೆಯರು ತಮ್ಮ ಸ್ವಂತ ಆರ್ಥಿಕ ಯೋಗಕ್ಷೇಮ ವಿಚಾರಕ್ಕೆ ಬಂದ್ರೆ

ಅದನ್ನು ಅವರ ಆದ್ಯತೆಯ ಪಟ್ಟಿಯಲ್ಲಿ ಕೊನೆಯ ಸ್ಥಾನದಲ್ಲಿಇಡುತ್ತಾರೆ. ತಮ್ಮ ಆರ್ಥಿಕ ಭದ್ರತೆಯನ್ನು ಕಡೆಗಣಿಸುತ್ತಾರೆ. ಇದನ್ನು ಬದಲಾಯಿಸುವ ಸಮಯ ಇದೀಗ ಬಂದಿದೆ. ತಮ್ಮದೇ ಆದ ಆರ್ಥಿಕ ಯೋಗಕ್ಷೇಮದ ಜವಾಬ್ದಾರಿಯನ್ನು ತೆಗೆದುಕೊಳ್ಳುವ ಸಮಯ ಇದು. ಯುವತಿಯರು ಮಹಿಳೆಅಯರು ತಮ್ಮ ಹಣಕಾಸನ್ನು ಹೇಗೆ ಯೋಜಿಸಬಹುದು ಮತ್ತು ಖರ್ಚಿನಿಂದ ಉಳಿತಾಯ ಮತ್ತು ಹೂಡಿಕೆಗಳತ್ತ ಹೇಗೆ ಗಮನ ಹರಿಸಬಹುದು ಎಂಬುದರ ಬಗ್ಗೆ ಕೆಲವು ಸಲಹೆಗಳು ಇಲ್ಲಿವೆ:

ಹಣವು ಎಲ್ಲರಿಗೂಅತ್ಯಗತ್ಯ. ಆದರೆ ಅದನ್ನು ಹೇಗೆ ಉಳಿಸುವುದು, ಸರಿಯಾದ ಸ್ಥಳದಲ್ಲಿ ಹೂಡಿಕೆ ಮಾಡುವುದು ಹೇಗೆ ಎಂಬುದನ್ನು ನಾವು ಕಲಿಯಬೇಕು ಮತ್ತು ಅದಕ್ಕಾಗಿ ನಿಮಗೆ ಜ್ಞಾನ ಮತ್ತು ತಿಳುವಳಿಕೆ ಬೇಕು. ಇದೇ ಕಾರಣಕ್ಕೆ 'ಸ್ವತಂತ್ರ ಹಣಕಾಸಿನ ಸಾಕ್ಷರತೆ' ಮಹಿಳೆಯರಿಗೆ ತುಂಬಾ ಮುಖ್ಯ. ಸಂಯುಕ್ತೀಕರಣ(Compound)ದ ಶಕ್ತಿಯನ್ನು ಅರ್ಥಮಾಡಿಕೊಳ್ಳುವುದು ಮತ್ತು ವಿವಿಧ ಆಸ್ತಿ ವರ್ಗಗಳ ಗುಣಲಕ್ಷಣಗಳನ್ನು ತಿಳಿದುಕೊಳ್ಳುವುದು ಅತ್ಯಗತ್ಯ. ಮಹಿಳೆಯರು ಸ್ವಲ್ಪ ಸಮಯವನ್ನು ವಿನಿಯೋಗಿಸಿ ವಿವಿಧ ಆಸ್ತಿ ವರ್ಗಗಳ ಪಾತ್ರವನ್ನು ಅರ್ಥಮಾಡಿಕೊಳ್ಳುವುದು ಮುಖ್ಯವಾಗಿದೆ, ಇದು ಅವರು ತಮ್ಮ ಹಣವನ್ನು ಹೇಗೆ ಹೂಡಿಕೆ ಮಾಡಬೇಕೆಂದು ನಿರ್ಧರಿಸಲು ಸಹಾಯ ಮಾಡುತ್ತದೆ. ವೈವಿಧ್ಯಮಯ ಹೂಡಿಕೆ ಬಂಡವಾಳವನ್ನು ಹೇಗೆ ನಿರ್ಮಿಸುವುದು ಎಂಬುದನ್ನು ಮಹಿಳೆಯರು ಕಲಿಯಬೇಕು, ಇದು ಅಪಾಯವನ್ನು ಕಡಿಮೆ ಮಾಡಲು ಮತ್ತು ಆದಾಯವನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ.

ಖರ್ಚಿಗೆ ಕಡಿವಾಣ, ಉಳಿತಾಯ-ಹೂಡಿಕೆ ದ್ವಿಗುಣ: ಮಹಿಳೆಯರ ಆರ್ಥಿಕ ಸ್ವಾತಂತ್ರ್ಯದ ಹಾದಿ

ಮಹಿಳೆಯರು ತಮ್ಮ ಹಣಕಾಸಿನ ನಿಯಂತ್ರಣವನ್ನು ತಮ್ಮ ಹಿಡಿತಕ್ಕೆ ತೆಗೆದುಕೊಳ್ಳುವುದು ಅತ್ಯಗತ್ಯ. ಖರ್ಚಿನಂತೆಯೇ, ಉಳಿತಾಯ ಮತ್ತು ಹೂಡಿಕೆಗೆ ಆದ್ಯತೆ ನೀಡುವ ಮೂಲಕ ಅವರು ಆರ್ಥಿಕ ಸ್ವಾತಂತ್ರ್ಯವನ್ನು ಸಾಧಿಸಬಹುದು.

ಸೂಕ್ತ ಯೋಜನೆಯ ಮಹತ್ವ: ಸರಿಯಾದ ಹಣಕಾಸಿನ ಯೋಜನೆಗಳು ತುರ್ತು ನಿಧಿಗಳನ್ನು ನಿರ್ಮಿಸಲು, ನಿವೃತ್ತಿ ಉಳಿತಾಯವನ್ನು ಹೆಚ್ಚಿಸಲು ಮತ್ತು ಕಾಲಾನಂತರದಲ್ಲಿ ಸಂಪತ್ತನ್ನು ನಿರ್ಮಿಸಲು ಸಹಾಯ ಮಾಡುತ್ತವೆ.

ಹೂಡಿಕೆಯ ಅವಕಾಶಗಳ ಬಗ್ಗೆ ಅರಿಯಿರಿ: ಮಹಿಳೆಯರು ಚಿನ್ನ ಮಾತ್ರವಲ್ಲದೇ ಷೇರುಗಳು, ಮ್ಯೂಚುಯಲ್ ಫಂಡ್‌ಗಳು ಮತ್ತು ವ್ಯವಸ್ಥಿತ ಹಿಂತೆಗೆದುಕೊಳ್ಳುವ ಯೋಜನೆಗಳಂತಹ ವಿವಿಧ ಹೂಡಿಕೆ ಆಯ್ಕೆಗಳನ್ನು ತಿಳಿದುಕೊಳ್ಳಬೇಕು.

ಮಾಲೀಕತ್ವ ಮತ್ತು ದಾಖಲಾತಿ: ಆಸ್ತಿಗಳ ಸರಿಯಾದ ಮಾಲೀಕತ್ವವನ್ನು ಖಚಿತಪಡಿಸಿಕೊಳ್ಳುವುದು ಮತ್ತು ಹಣಕಾಸಿನ ದಾಖಲೆಗಳನ್ನು ನಿರ್ವಹಿಸುವುದು ದೀರ್ಘಕಾಲೀನ ಭದ್ರತೆಗೆ ಬಹಳ ಮುಖ್ಯ. ಅದರಲ್ಲೂ ಹೂಡಿಕೆ ದಾಖಲೆಗಳು, ಬ್ಯಾಂಕ್ ಸ್ಟೇಟ್ಮೆಂಟ್, ತೆರಿಗೆ ದಾಖಲೆಗಳು ಇತ್ಯಾದಿಗಳನ್ನು ವ್ಯವಸ್ಥಿತವಾಗಿ ಇಟ್ಟುಕೊಳ್ಳಿ. ಜೊತೆಗೆ ವಿಲ್ ಮತ್ತು ನಾಮಿನಿಗಳನ್ನು ಸರಿಯಾಗಿ ಮಾಡಿ

ಶಿಕ್ಷಣ ಮತ್ತು ಅರಿವು: ಮಹಿಳೆಯರು ಹೂಡಿಕೆ ಅವಕಾಶಗಳ ಬಗ್ಗೆ ತಮ್ಮನ್ನು ತಾವು ಅಪ್ಡೇಟ್ ಮಾಡಿಕೊಳ್ಳಬೇಕು. ಹೂಡಿಕೆಗಳ ಬಗ್ಗೆ ತಿಳಿದುಕೊಳ್ಳಲು ಪುಸ್ತಕಗಳು, ವೆಬ್‌ಸೈಟ್‌ಗಳು ಮತ್ತು ಕೋರ್ಸ್‌ಗಳನ್ನು ಬಳಸಬಹುದು ಮತ್ತು ಅಗತ್ಯವಿದ್ದಾಗ ವೃತ್ತಿಪರ ಹಣಕಾಸು ಸಲಹೆಯನ್ನು ಪಡೆಯಲು ಮರೆಯಬಾರದು.

ಸಹನೆ ಮತ್ತು ಪೋರ್ಟ್ಫೋಲಿಯೊ ವಿಮರ್ಶೆ: ಹೂಡಿಕೆಗೆ ಸಹನೆ ಅಗತ್ಯ, ಮತ್ತು ನಿಯಮಿತ ಪೋರ್ಟ್ಫೋಲಿಯೊ ವಿಮರ್ಶೆಗಳು ಹೂಡಿಕೆಗಳನ್ನು ಆರ್ಥಿಕ ಗುರಿಗಳೊಂದಿಗೆ ಹೊಂದಿಸಲು ಸಹಾಯ ಮಾಡುತ್ತವೆ. ನಿಮ್ಮ ಆರ್ಥಿಕ ಗುರಿಗಳಿಗೆ ಅನುಗುಣವಾಗಿ ಹೂಡಿಕೆಗಳನ್ನು ಮಾಡಲು ಮರೆಯಬೇಡಿ.

ಹೂಡಿಕೆಯಲ್ಲಿ ಮಹಿಳೆಯರ ಹೆಚ್ಚುತ್ತಿರುವ ಪಾತ್ರ: ಇಂದು ಹೆಚ್ಚು ಮಹಿಳೆಯರು ಷೇರು ಮಾರುಕಟ್ಟೆಗಳಲ್ಲಿ ಸಕ್ರಿಯವಾಗಿ ತಮ್ಮನ್ನು ತಾವು ತೊಡಗಿಸಿಕೊಂಡಿದ್ದಾರೆ. ಕೆಲವು ಸಂದರ್ಭಗಳಲ್ಲಿ ಪುರುಷರಿಗಿಂತ ಉತ್ತಮ ಆದಾಯವನ್ನು ಸಾಧಿಸಿದ ಉದಾಹರಣೆಗಳು ಇವೆ. ಮಹಿಳೆಯರು ಉತ್ತಮ ಆರ್ಥಿಕ ನಿರ್ಧಾರಗಳನ್ನು ತೆಗೆದುಕೊಳ್ಳುವ ಸಾಮರ್ಥ್ಯವನ್ನು ಹೊಂದಿರುವ ಕಾರಣ ಲಾಭಗಳು ಒಲಿದುಬರುತ್ತದೆ.

ಅಂತರವನ್ನು ಕಡಿಮೆ ಮಾಡುವುದು : ತಾಯದಂತಹ ಸವಾಲುಗಳು ಇನ್ನು ಹಾಗೆಯೇ ಉಳಿದುಕೊಂಡಿವೆ. ಹೀಗಾಗಿ ಮಹಿಳೆಯರು ತಮ್ಮ ಆರ್ಥಿಕ ಭವಿಷ್ಯದ ಬಗ್ಗೆ ಜಾಗರೂಕರಾಗಿರಬೇಕು ಮತ್ತು ಪೂರ್ವಭಾವಿ ಕ್ರಮಗಳನ್ನು ತೆಗೆದುಕೊಳ್ಳುವತ್ತ ಇಂದೇ ಹೆಜ್ಜೆ ಮುಂದಿರಿಸಬೇಕು.