ಸಾಲ ಮತ್ತು ಓವರ್ ಡ್ರಾಫ್ಟ್ ನಡುವಿನ ವ್ಯತ್ಯಾಸಗಳೇನು?
ನೀವು ಬ್ಯಾಂಕಿನಿಂದ ಯಾವುದೇ ಬಗೆಯಲ್ಲಿ ಹಣ ಪಡೆದುಕೊಳ್ಳುವುದಕ್ಕಿಂತ ಮುನ್ನ ಸಾಲ ಮತ್ತು ಓವರ್ ಡ್ರಾಫ್ಟ್[ಓಡಿ] ನಡುವಿನ ವ್ಯತ್ಯಾಸ ತಿಳಿದುಕೊಳ್ಳುವುದು ಅಗತ್ಯವಾಗುತ್ತದೆ.
ಲೋನ್ ಮತ್ತು ಓವರ್ ಡ್ರಾಫ್ಟ್ ಎರಡು ಶಬ್ದಗಳು ಎಲ್ಲರಿಗೂ ತಿಳಿದಿದ್ದೇ ಆದರೂ ಅವುಗಳ ನಡುವಿನ ವ್ಯತ್ಯಾಸ ಗೊತ್ತಿರುವುದಿಲ್ಲ.[ದೇಶದ ಶೇ. 70 ಚಿನ್ನಾಭರಣಗಳಿಗೆ ಹಾಲ್ ಮಾರ್ಕ್ ಇಲ್ಲ!]
ಕರೆಂಟ್ ಖಾತೆ ಹೊಂದಿರುವ ಅನೇಕ ವಾಣಿಜ್ಯೋದ್ಯಮಿಗಳು ಓಡಿ ಅಥವಾ ಸಾಲವನ್ನು ಸದಾ ಪಡದುಕೊಳ್ಳುತ್ತಿರುತ್ತಾರೆ, ಹಾಗಾದರೆ ಇವೆರಡರ ನಡುವಿನ ವ್ಯತ್ಯಾಸ ನೋಡಿಕೊಂಡು ಬರೋಣ....
* ಓವರ್ ಡ್ರಾಫ್ಟ್ ಎಂದರೆ ವ್ಯಕ್ತಿ ಅಥವಾ ಕಂಪನಿ ಬ್ಯಾಂಕ್ ನಲ್ಲಿ ಹೊಂದಿರುವ ಫಿಕ್ಸೆಡ್ ಡಿಪಾಸಿಟ್ ನ ಮೇಲೆ ನೀಡುವ ಕ್ರೆಡಿಟ್ ಮೊತ್ತ. ಲೋನ್ ಅಥವಾ ಸಾಲ ಅಂದರೆ ಬ್ಯಾಂಕ್ ನೇರವಾಗಿ ನೀಡುವ ಹಣದ ಮೊತ್ತ.
* ನಿಮ್ಮ ಖಾತೆಯಲ್ಲಿರುವ ಹಣದ ಮೊತ್ತಕ್ಕೆ ಲೆಕ್ಕಹಾಕಿ ಓಡಿ ನೀಡಲಾಗುವುದು. ಇಲ್ಲಿ ನೀವು ಹೆಚ್ಚುವರಿ ಮೊತ್ತಕ್ಕೆ ಮಾತ್ರ ಬಡ್ಡಿ ನೀಡಿದರೆ ಸಾಕಾಗುತ್ತದೆ.
ಸಾಲ ಪಡೆದುಕೊಂಡರೆ ತೆಗೆದುಕೊಂಡ ಅಷ್ಟೂ ಹಣಕ್ಕೆ ಬಡ್ಡಿ ಕಟ್ಟಬೇಕಾಗುತ್ತದೆ. ಅಲ್ಲದೇ ಸಾಲ ಪಡೆಯಲು ಕೆಲ ದಾಖಲೆಗಳನ್ನು ಒದಗಿಸಬೇಕಾಗುತ್ತದೆ.[ಸೇವಾ ತೆರಿಗೆ-ಸೇವಾ ಶುಲ್ಕದ ನಡುವಿನ ವ್ಯತ್ಯಾಸವೇನು?]
* ಸಾಮಾನ್ಯವಾಗಿ ಓಡಿಯನ್ನು ಕಡಿಮೆ ಅವಧಿಗೆ ತೆಗೆದುಕೊಳ್ಳಲಾಗುತ್ತದೆ. ಗ್ರಾಹಕ ಮತ್ತು ಸಂಬಂಧಿಸಿದ ಬ್ಯಾಂಕ್ ನ ನಡುವೆ ಮೌಖಿಕ ಒಪ್ಪಂದ ಇರುತ್ತದೆ.
ಸಾಲ ದೀರ್ಘಾವಧಿಗೆ ಸಂಬಂಧಿಸಿದ್ದಾಗಿದ್ದು 3 ರಿಂದ 25 ವರ್ಷ ಅವಧಿಗೂ ಇರಬಹುದು.
* ಓಡಿ ಪಡೆದುಕೊಳ್ಳುವುದು ಸುಲಭ, ಇದಕ್ಕೆ ಕಡಿಮೆ ದಾಖಲೆ ಪತ್ರಗಳು ಸಾಕಾಗುತ್ತವೆ.
ಆದರೆ ಸಾಲ ಪಡೆದುಕೊಳ್ಳುವುದಕ್ಕೆ ಸಾಕಷ್ಟು ದಾಖಲೆ ಹಾಜರು ಪಡಿಸಬೇಕು. ಅಲ್ಲದೇ ಜಾಮೀನನನ್ನು ಕೇಳಲಾಗುತ್ತದೆ.
* ಓಡಿಯ ಮರುಪಾವತಿ ಮೊತ್ತ ದೊಡ್ಡದಾಗಿರುತ್ತದೆ. ಅಲ್ಲದೇ ಯಾವುದೇ ಸಂದರ್ಭದಲ್ಲಿ ಅಷ್ಟೂ ಹಣ ನೀಡಿ ಎಂದು ಬ್ಯಾಂಕ್ ಕೇಳಬಹುದು. ಆದರೆ ಸಾಲ ಪಡೆದುಕೊಂಡಿದ್ದರೆ ಕಂತಿನ ಆಧಾರದಲ್ಲಿ ಸಾಲ ಮರುಪಾವತಿ ಮಾಡಲಾಗುವುದು. ನಿಗದಿತ ವೇಳೆಗೆ ನಿರ್ದಿಷ್ಟ ಮೊತ್ತ ತುಂಬಬೇಕಾಗುತ್ತದೆ.
ಕೊನೆ ಮಾತು: ತುರ್ತು ಸಂದರ್ಭದಲ್ಲಿ ಓಡಿ ಪಡೆದುಕೊಳ್ಳಬಹುದು. ಕಡಿಮೆ ಮೊತ್ತದ ಹಣವನ್ನು ಈ ಆಧಾರದಲ್ಲಿ ಪಡೆದುಕೊಳ್ಳಲು ಅಡ್ಡಿಯಿಲ್ಲ.(ಗುಡ್ ರಿಟರ್ನ್ಸ್.ಇನ್)