ರಾಷ್ಟ್ರೀಯ ಪಿಂಚಣಿ ಯೋಜನೆ (NPS) ಖಾತೆ ಆನ್ಲೈನ್ ಮೂಲಕ ತೆರೆಯುವುದು ಹೇಗೆ?

Get Updates

Get notified about market trends, financial advice, and investment tips!

Sensex 78,918.90 -1.37% ↓ Nifty 24,450.45 -1.27% ↓ 22k Gold ₹ 15,000/gm Silver ₹ 2,85,000/kg Petrol ₹ 103.54 Diesel ₹ 90.03 Crude Oil $ 94.10 USD ₹ 91.94

ರಾಷ್ಟ್ರೀಯ ಪಿಂಚಣಿ ಯೋಜನಾ ಖಾತೆ (NPS) ತೆರೆಯುವುದು ಬಲು ಸುಲಭ. ಇದಕ್ಕೆ ಕೇವಲ 25-30 ನಿಮಿಷಗಳು ಸಾಕು. ನ್ಯಾಷನಲ್ ಸೆಕ್ಯುರಿಟೀಸ್ ಡಿಪಾಸಿಟರಿ ಲಿಮಿಟೆಡ್(ಎನ್ಎಸ್ಡಿಎಲ್) ಪಟ್ಟಿಗೆ ಸೇರಿರುವ 17 ಬ್ಯಾಂಕ್ ಒಂದರಲ್ಲಿ ಖಾತೆ ತೆತೆರೆಯಬಹುದು.

By Siddu Thorvat

Updated: Friday, April 27, 2018, 13:49 [IST]

ರಾಷ್ಟ್ರೀಯ ಪಿಂಚಣಿ ಯೋಜನಾ ಖಾತೆ (NPS)ಯನ್ನು ತೆರೆಯುವುದು ಬಲು ಸುಲಭ. ಇದಕ್ಕೆ ಕೇವಲ 25-30 ನಿಮಿಷಗಳು ಸಾಕು. ನ್ಯಾಷನಲ್ ಸೆಕ್ಯುರಿಟೀಸ್ ಡಿಪಾಸಿಟರಿ ಲಿಮಿಟೆಡ್(ಎನ್ಎಸ್ಡಿಎಲ್) ಪಟ್ಟಿಗೆ ಸೇರಿರುವ 17 ಬ್ಯಾಂಕ್ ಒಂದರಲ್ಲಿ ನೀವು ಖಾತೆಯನ್ನು ತೆರೆಯಬಹುದು. ಪ್ಯಾನ್ ಕಾರ್ಡ್ ಲಿಂಕ್ ಮಾಡಿ, www.enps.nsdl.com ವೆಬ್ಸೈಟ್ ಮೂಲಕ ಆನ್ ಲೈನ್ ಖಾತೆಯನ್ನು ತೆರೆಯಬಹುದು.

ಅಗತ್ಯ ದಾಖಲೆಗಳು

NPS ಖಾತೆ ತೆರೆಯುವುದು ಹೇಗೇ?

ಎನ್ಪಿಎಸ್ ಖಾತೆ ತೆರೆಯಲು ಈ ಕೆಳಗಿನ ಹಂತಗಳನ್ನು ಅನುಸರಿಸಬೇಕು.
1. NSDL's eNPS ವೆಬ್ಸೈಟ್‍ ತಾಣ enps.nsdl.com ಗೆ ಹೋಗಿ.
2. ನೋಂದಣಿ (REGISTRATION) ಟ್ಯಾಬ್ ಮೇಲೆ ಕ್ಲಿಕ್ ಮಾಡಿ.
3. ಆಗ ಒಂದು ಹೊಸ ವಿಂಡೋ ತೆರೆದುಕೊಳ್ಳುತ್ತದೆ. ಆನ್ಲೈನ್ ಚಂದಾದಾರರ ನೋಂದಣಿ (Online Subscriber's Registration) ಪುಟದಲ್ಲಿ ಹೊಸ ನೋಂದಣಿ (New Registration)ಯನ್ನು ಆಯ್ಕೆ ಮಾಡಿ.
4. ನಿಮ್ಮ ಖಾತೆ ತೆರೆಯಲು ಬೇಕಾದ ಸೂಕ್ತ ಮಾಹಿತಿ ಹಾಗೂ ಖಾತೆಯ ಬಗೆಯನ್ನು ಆಯ್ಕೆ ಮಾಡಿ.
5. ನಿಮ್ಮ ಬಳಿ ಆಧಾರ್ ಇದ್ದರೆ ಆಧಾರ್ ಕಾರ್ಡ್ ಆಯ್ಕೆ ಅಥವಾ ಪಾನ್ ಕಾರ್ಡ್ ಆಯ್ಕೆಯನ್ನೂ ಮಾಡಬಹುದು.

ಆಧಾರ್ ಕಾರ್ಡ್

ನೀವು ಆಧಾರ್ ಕಾರ್ಡ್ ಆಯ್ಕೆ ಮಾಡಿದರೆ ಈ ಕೆಳಗಿನ ಕ್ರಮವನ್ನು ಅನುಸರಿಸಬೇಕಾಗುತ್ತದೆ.
1. Generate OTP ಮೇಲೆ ಕ್ಲಿಕ್/ಆಯ್ಕೆ ಮಾಡಿ.
2. ಎಲ್ಲಾ ವಿವರಗಳನ್ನು ನಮೂದಿಸಬೇಕು. ನಂತರ ನೋಂದಣಿಯಾದ ಮೊಬೈಲ್ ನಂಬರ್ ಗೆ ಒಟಿಪಿ ಬರುತ್ತದೆ.
3. ಆಧಾರ್ ಡೇಟಾಬೇಸ್ ನಿಂದ ನಿಮ್ಮ ವೈಯಕ್ತಿಕ ಮಾಹಿತಿಯನ್ನು ಪಡೆದುಕೊಳ್ಳಲಾಗುವುದು.
4. ಆನ್ಲೈನ್ ಫಾರ್ಮ್ ನಲ್ಲಿ ತುಂಬಬೇಕಾದ ಕಡ್ಡಾಯ ಮಾಹಿತಿಯನ್ನು ನಮೂದಿಸಿ.
5. ಸ್ಕ್ಯಾನ್ ಮಾಡಿರುವ ಭಾವಚಿತ್ರ ಮತ್ತು ಸಹಿಯನ್ನು ಅಪ್ ಲೋಡ್ ಮಾಡಬೇಕು.
6. ಆನ್ಲೈನ್ ಪೇಮೆಂಟ್ ಗೆ ಬೇಕಾದ ಎಲ್ಲಾ ವಿವರಗಳನ್ನು ಸಲ್ಲಿಸಬೇಕು.
7. ಡೆಬಿಟ್ ಕಾರ್ಡ್ ಅಥವಾ ಕ್ರೆಡಿಟ್ ಕಾರ್ಡ್ ಅಥವಾ ನೆಟ್ ಬ್ಯಾಂಕಿಂಗ್ ಮೂಲಕ ಸೌಲಭ್ಯವನ್ನು ಪಡೆದುಕೊಳ್ಳಬೇಕು.

ಪಾನ್ ಕಾರ್ಡ್

ನೀವು ಪಾನ್ ಕಾರ್ಡ್ ಆಯ್ಕೆ ಮಾಡಿಕೊಂಡಿದ್ದರೆ ಈ ಕೆಳಗಿನ ಹಂತವನ್ನು ಅನುಸರಿಸಬೇಕು.
1. ಉಳಿತಾಯ ಖಾತೆಯನ್ನು ಹೊಂದಿರುವ ಬ್ಯಾಂಕ್ ಆಯ್ಕೆ ಮಾಡಿಕೊಳ್ಳಬೇಕು. ನಿಮ್ಮ ಬ್ಯಾಂಕ್ ಕೆವೈಸಿ ವಿವರವನ್ನು ಪರಿಶೀಲಿಸುತ್ತದೆ.
2. ಪರಿಶೀಲನೆಗಾಗಿ ನಿಮ್ಮ ಖಾತೆಯಿಂದ ರೂ. 125 ಶುಲ್ಕವನ್ನು ಬ್ಯಾಂಕ್ ಪಡೆದುಕೊಳ್ಳುತ್ತದೆ.
3. ಆನ್ಲೈನ್ ಫಾರ್ಮ್ ನಲ್ಲಿ ಕಡ್ಡಾಯ ವಿವರಗಳನ್ನು ಭರ್ತಿಮಾಡಬೇಕು.
4. ಕೆವೈಸಿ ಪರಿಶೀಲನೆಗಾಗಿ ನಿಮ್ಮ ಹೆಸರು ಮತ್ತು ವಿಳಾಸ ಬ್ಯಾಂಕ್ ಖಾತೆಯ ಮಾಹಿತಿಗೆ ಹೊಂದಾಣಿಕೆಯಾಗಬೇಕು ಎಂಬುದನ್ನು ಮುಖ್ಯವಾಗಿ ಗಮನಿಸಬೇಕು.
5. ಸ್ಕ್ಯಾನ್ ಮಾಡಿರುವ ಭಾವಚಿತ್ರ ಮತ್ತು ಸಹಿಯನ್ನು ಅಪ್ ಲೋಡ್ ಮಾಡಬೇಕು.
6. ಆನ್ಲೈನ್ ಪಾವತಿ(ಪೇಮೆಂಟ್) ಮಾಡಬೇಕು.
7. ಆನ್ಲೈನ್ ಪೇಮೆಂಟ್ ಯಶಸ್ವಿಯಾದ ಮೇಲೆ PRAN ಚಾಲ್ತಿಗೆ ಬರುತ್ತದೆ.