ಕಾರ್ಖಾನೆ ಬೇಸ್‌ಮೆಂಟ್‌ನಲ್ಲಿ ಜೀವಿಸುತ್ತಾ, ಪ್ಯೂನ್ ಆಗಿದ್ದ ವ್ಯಕ್ತಿ ಈಗ 1.24 ಟ್ರಿಲಿಯನ್ ಕಂಪನಿ ಮಾಲೀಕ!

ಬೆಂಗಳೂರು, ಸೆಪ್ಟೆಂಬರ್‌ 30: ಯಶಸ್ಸು ಎಂಬುದು ಕಾಪಿ ಅಂಡ್ ಪೇಸ್ಟ್ ಕೆಲಸವಲ್ಲ. ಇದು ಕಠಿಣ ಪರಿಶ್ರಮ ಮತ್ತು ಅಚಲವಾದ ಆತ್ಮ ವಿಶ್ವಾಸದಿಂದ ಅನನ್ಯ ಮಾರ್ಗದ ಪ್ರತಿಫಲವಾಗಿರುತ್ತದೆ. ಅಂತಹ ಮಾಗದಲ್ಲಿ ಯಶ ಕಂಡವರು ಬಲ್ವಂತ್ ಪರೇಖ್ ಅವರು.

ಭಾರತದ ಫೆವಿಕಾಲ್ ಮ್ಯಾನ್ ಎಂದು ಪ್ರೀತಿಯಿಂದ ಕರೆಯಲ್ಪಡುವ ಬಲ್ವಂತ್ ಪರೇಖ್ ಅವರು ತಮ್ಮ ಜೀವನಾವಧಿಯಲ್ಲಿ ಸಾಕಷ್ಟು ಕಡು ಕಷ್ಟಗಳನ್ನು ಜಯಿಸಿದರು. ಅಲ್ಲದೆ ವ್ಯಾಪಾರ ಜಗತ್ತಿನಲ್ಲಿ ತಮ್ಮದೇ ಹೆಸರನ್ನು ಬರೆದುಕೊಂಡರು.

ಬಲವಂತರಾಯ್ ಕಲ್ಯಾಣಜಿ ಪರೇಖ್ ಅವರು ಗುಜರಾತ್‌ನ ಸಣ್ಣ ಪಟ್ಟಣವಾದ ಮಹುವಾವದರು. ಅವರು ವ್ಯವಹಾರದಲ್ಲಿ ಸ್ವಾಭಾವಿಕ ಒಲವನ್ನು ಹೊಂದಿದ್ದರೂ, ಕುಟುಂಬದ ಒತ್ತಡಗಳಿಂದ ಅವರನ್ನು ಸರ್ಕಾರಿ ಕಾನೂನು ಕಾಲೇಜಿನಲ್ಲಿ ಕಾನೂನು ಪದವಿ ಪಡೆಯಲು ಮುಂಬೈಗೆ ಬರಬೇಕಾಯಿತು.

ಕಾನೂನು ಅಧ್ಯಯನ ಮಾಡುತ್ತಿರುವಾಗ ಕ್ವಿಟ್ ಇಂಡಿಯಾ ಚಳವಳಿಯ ಸಮಯದಲ್ಲಿ ಮಹಾತ್ಮ ಗಾಂಧಿಯವರ ಪ್ರಭಾವದಿಂದ ಭಾರತವು ಮುಳುಗಿತ್ತು. ಪರೇಖ್‌ ಅವರು ಅನೇಕರಂತೆ ಅವರು ತಮ್ಮ ಶಿಕ್ಷಣವನ್ನು ತಾತ್ಕಾಲಿಕವಾಗಿ ಬದಿಗಿಟ್ಟು ಭಾರತದ ಸ್ವಾತಂತ್ರ್ಯಕ್ಕಾಗಿ ಸೇರಿಕೊಂಡರು. ವಿವಿಧ ಸಾಮಾಜಿಕ ಚಳುವಳಿಗಳಲ್ಲಿ ಸಕ್ರಿಯವಾಗಿ ಭಾಗವಹಿಸಿದ ನಂತರ ಅವರು ತಮ್ಮ ಪದವಿಯನ್ನು ಪೂರ್ಣಗೊಳಿಸಲು ಮುಂಬೈಗೆ ಮರಳಿದರು.

ಹಲವು ವರ್ಷಗಳ ಪರಿಶ್ರಮದ ಬಳಿಕ ಅವರು ಜರ್ಮನಿಗೆ ಪ್ರಯಾಣಿಸಲು ಅವಕಾಶವನ್ನು ಪಡೆದರು. ಅಲ್ಲಿ ಅವರು ಮೌಲ್ಯಯುತವಾದ ವ್ಯವಹಾರದ ವಿವಿಧ ಮಜಲುಗಳನ್ನು ಅರಿತುಕೊಂಡರು. 1954 ರಲ್ಲಿ, ಅವರು ಮುಂಬೈನಲ್ಲಿ ಪರೇಖ್ ಡೈಕೆಮ್ ಇಂಡಸ್ಟ್ರೀಸ್‌ಗೆ ಸೇರಿದರು, ಅಲ್ಲಿ ಅವರು ಮತ್ತು ಅವರ ಸಹೋದರ ಸುಶೀಲ್ ಪರೇಖ್ ಜವಳಿ ಮುದ್ರಣಕ್ಕಾಗಿ ಪಿಗ್ಮೆಂಟ್ ಎಮಲ್ಷನ್‌ಗಳನ್ನು ತಯಾರಿಸಲು ತೊಡಗಿದರು.

1959 ರಲ್ಲಿ ಪಿಡಿಲೈಟ್ ಅನ್ನು ಭಾರತದಲ್ಲಿ ಸ್ಥಾಪಿಸಲಾಯಿತು. ಇದು ಗಮ್‌ನಂತಹ ವಸ್ತಗಳನ್ನು ತಯಾರಿಸುತ್ತಿತ್ತು. ಈ ಫೆವಿಕಾಲ್‌ನ ಪರಿಚಯವು ಗಮ್‌ ಉದ್ಯಮದಲ್ಲಿ ಕ್ರಾಂತಿಯನ್ನುಂಟು ಮಾಡಿತು. ಇದು ದೇಶಾದ್ಯಂತ ಬಡಗಿಗಳಿಗೆ ಮೂಲ ವಸ್ತುವಾಗಿ ಮಾರ್ಪಟ್ಟಿತು. ಒಂದೇ ಒಂದು ಸಣ್ಣ ಅಂಗಡಿಯಿಂದ ಪ್ರಾರಂಭಿಸಿ ಫೆವಿಕಲ್ ಮಾರುಕಟ್ಟೆಯಲ್ಲಿ ಅವರು ಪ್ರಾಬಲ್ಯ ಸಾಧಿಸಿದರು. ಪಿಡಿಲೈಟ್ ಇಂಡಸ್ಟ್ರೀಸ್ ಪ್ರಸ್ತುತ ಮಾರುಕಟ್ಟೆ ಬಂಡವಾಳ ಸುಮಾರು ರೂ. 1.24 ಟ್ರಿಲಿಯನ್ ಎಂದು ಅಂದಾಜಿಸಲಾಗಿದೆ.

ಬಲ್ವಂತ್ ಪರೇಖ್ ಅವರ ಜೀವನವು ಕಠೀಣ ಪರಿಶ್ರಮ, ವ್ಯವಹಾರ ಕೌಶಲತೆಗೆ ಸಾಕ್ಷಿಯಾಗಿದೆ, ಯಶಸ್ಸು ನಿಮ್ಮ ಮಾರ್ಗವನ್ನು ರಚಿಸುತ್ತದೆ. ಬದಲಾಗಿ ಬೇರೆಯವರ ಹೆಜ್ಜೆಗಳನ್ನು ಅನುಸರಿಸುವುದಿಲ್ಲ ಎಂದು ಸಾಬೀತುಪಡಿಸುತ್ತದೆ.