Bank Account: ಬ್ಯಾಂಕ್ ಖಾತೆ ತೆರೆಯುವುದು ಹೇಗೆ, ದಾಖಲೆಗಳ ಪಟ್ಟಿ ಇಲ್ಲಿದೆ

ಮನೆ ಅಥವಾ ಲಾಕರ್‌ನಲ್ಲಿ ಹಣವನ್ನು ಉಳಿಸಿಕೊಳ್ಳುವ ದಿನಗಳು ಬಹಳ ದಿನಗಳ ಹಿಂದೆಯೇ ಹೋಗಿದೆ. ಅತೀ ಮುಖ್ಯವಾಗಿ ಹೆಚ್ಚಿನ ವಹಿವಾಟುಗಳು ಈಗ ಆನ್‌ಲೈನ್‌ನಲ್ಲಿ ನಡೆಯುತ್ತಿವೆ. ಎಲ್ಲಾ ಹಣಕಾಸಿನ ವಹಿವಾಟುಗಳನ್ನು ಡಿಜಿಟಲ್ ಮೂಲಕ ನಿರ್ವಹಣೆ ಮಾಡಲಾಗುತ್ತದೆ. ಹಾಗೆಯೇ ದೇಶದಲ್ಲಿ ಬ್ಯಾಂಕ್ ಖಾತೆಯನ್ನು ಹೊಂದಿರುವುದು ಪ್ರತಿಯೊಬ್ಬ ವ್ಯಕ್ತಿಯ ಜೀವನದಲ್ಲಿ ಅನಿವಾರ್ಯವಾಗಿದೆ. ಜನರು ಕಷ್ಟಪಟ್ಟು ಸಂಪಾದಿಸಿದ ಹಣವನ್ನು ಬ್ಯಾಂಕ್ ಖಾತೆಗಳಲ್ಲಿ ಸುರಕ್ಷಿತವಾಗಿರಬಹುದು.

ಜನರು ಬ್ಯಾಂಕ್ ಖಾತೆಯಲ್ಲಿ ಹೂಡಿಕೆ ಮಾಡುವುದು ಲಾಭದಾಯಕವಾಗಿದೆ. ನಾವು ಆನ್‌ಲೈನ್ ಖಾತೆಯನ್ನು ತೆರೆಯುವುದು ಪ್ರಸ್ತುತ ಸರಳವಾಗಿದೆ, ಆನ್‌ಲೈನ್ ಅಥವಾ ವೈಯಕ್ತಿಕವಾಗಿ ಬ್ಯಾಂಕ್‌ಗೆ ಹೋಗಿ ಬ್ಯಾಂಕ್ ಖಾತೆಯನ್ನು ತೆರೆಯಬಹುದು. ಇದು ಸುಲಭ ಪ್ರಕ್ರಿಯೆಯಾಗಿದೆ. ಹೊಸ ಬ್ಯಾಂಕ್ ಖಾತೆಯನ್ನು ತೆರೆಯುವ ಮೊದಲು ಹಲವು ಅಂಶಗಳನ್ನು ಪರಿಗಣಿಸಬೇಕಾಗುತ್ತದೆ. ಬ್ಯಾಂಕ್ ಖಾತೆಯನ್ನು ಹೇಗೆ ತೆರೆಯುವುದು ಎಂಬ ಬಗ್ಗೆ ಇಲ್ಲಿದೆ ವಿವರ.

ನೀವು ಪರಿಗಣಿಸಬೇಕಾದ ಹಂತಗಳು

ನಿಮ್ಮ ಅಗತ್ಯ, ಆದ್ಯತೆ ಆಧಾರದಲ್ಲಿ ಬ್ಯಾಂಕ್ ಅನ್ನು ನಾವು ಆಯ್ಕೆ ಮಾಡಬೇಕಾಗುತ್ತದೆ. ಬ್ಯಾಂಕ್ ಆಯ್ಕೆ ಮಾಡುವಾಗ ಕೆಲವು ಅಂಶಗಳನ್ನು ಪರಿಗಣಿಸಬೇಕಾಗುತ್ತದೆ. ಉಳಿತಾಯ ಖಾತೆ ತೆರೆಯುವಾಗ ಅಧಿಕ ಬಡ್ಡಿದರ ಪಡೆಯುವ ಬಯಕೆ ನಿಮಗೆ ಇರುತ್ತದೆ. ಯಾವ ಬ್ಯಾಂಕ್‌ನಲ್ಲಿ ಉಳಿತಾಯ ಖಾತೆಗೆ ಅಧಿಕ ಬಡ್ಡಿದರವನ್ನು ನೀಡುತ್ತದೆ ಎಂದು ನೋಡಿ, ಅದನ್ನು ಆಯ್ಕೆ ಮಾಡುವುದು ಉತ್ತಮವಾಗಿದೆ. ಅದರಿಂದಾಗಿ ನಿಮಗೆ ಲಾಭವಾಗಲಿದೆ.

ವೈಯಕ್ತಿಕ ಬ್ಯಾಂಕುಗಳು ನಿಗದಿಪಡಿಸಿದ ಕನಿಷ್ಠ ಬ್ಯಾಲೆನ್ಸ್ ಎಷ್ಟು ಎಂದು ಕೂಡಾ ನೋಡುವುದು ಮುಖ್ಯವಾಗುತ್ತದೆ. ಕೆಲವು ಬ್ಯಾಂಕ್ ಖಾತೆಗಳು ಕನಿಷ್ಠ ಬ್ಯಾಲೆನ್ಸ್ ಮಾನದಂಡವನ್ನು ಹೊಂದಿರುತ್ತದೆ. ಕೆಲವು ಬ್ಯಾಂಕ್‌ಗಳನ್ನು ಶೂನ್ಯ ಬ್ಯಾಲೆನ್ಸ್ ಇರಲಿದೆ. ನಿಯಮಗಳು ಮತ್ತು ಷರತ್ತುಗಳ ಪ್ರಕಾರ ನಿಮ್ಮ ಖಾತೆಯಲ್ಲಿ ಕನಿಷ್ಟ ಬ್ಯಾಲೆನ್ಸ್ ಇಲ್ಲದಿದ್ದರೆ, ಬ್ಯಾಂಕುಗಳು ದಂಡವನ್ನು ವಿಧಿಸುತ್ತದೆ. ಉತ್ತಮ ಬ್ಯಾಂಕ್ ಅನ್ನು ಆಯ್ಕೆ ಮಾಡುವ ಮೊದಲು ಈ ಅಂಶಗಳನ್ನು ಪರಿಗಣಿಸಬೇಕಾಗುತ್ತದೆ.

 

ಬ್ಯಾಂಕ್‌ಗೆ ಭೇಟಿ ಅಥವಾ ಆನ್‌ಲೈನ್ ವಹಿವಾಟು

ಬ್ಯಾಂಕ್ ನಿರ್ಧಾರ ಮಾಡಿದ ಬಳಿಕ ಬ್ರಾಂಚ್‌ಗೆ ಹೋಗಿ ಅಥವಾ ವೆಬ್‌ಸೈಟ್‌ಗೆ ಭೇಟಿ ನೀಡಿ. ಬ್ಯಾಂಕ್ ಖಾತೆಯನ್ನು ತೆರೆಯಲು ವೈಯಕ್ತಿಕವಾಗಿ ಬ್ಯಾಂಕ್‌ಗೆ ಭೇಟಿ ನೀಡುವುದಾದರೆ, ಫಾರ್ಮ್ ಅನ್ನು ಭರ್ತಿ ಮಾಡಬೇಕಾಗುತ್ತದೆ. ನೀವು ಆನ್‌ಲೈನ್‌ನಲ್ಲಿ ಬ್ಯಾಂಕ್ ಖಾತೆ ತೆರೆಯಲು ಮುಂದಾದರೆ, ನೀವು ಆಯ್ಕೆ ಮಾಡಿದ ಬ್ಯಾಂಕ್‌ನ ವೆಬ್‌ಸೈಟ್‌ಗೆ ಭೇಟಿ ನೀಡಬೇಕಾಗುತ್ತದೆ. ಅರ್ಜಿಯನ್ನು ಭರ್ತಿ ಮಾಡುವಾಗ ನಿಮ್ಮ ಹೆಸರು, ಜನನ ದಿನಾಂಕ, ಇಮೇಲ್ ವಿಳಾಸ, ಫೋನ್‌ ಸಂಖ್ಯೆ ಇತರೆ ಮಾಹಿತಿ ಹಾಕಬೇಕಾಗುತ್ತದೆ. ಫಾರ್ಮ್ ಭರ್ತಿ ಮಾಡಿ ಸಬ್‌ಮಿಟ್ ಮಾಡಿ.

ಅಗತ್ಯ ದಾಖಲೆಗಳನ್ನು ಸಬ್‌ಮಿಟ್ ಮಾಡಿ

ಅರ್ಜಿಯನ್ನು ಭರ್ತಿ ಮಾಡಿದ ಬಳಿಕ ನೀವು ಅಗತ್ಯ ದಾಖಲೆಗಳನ್ನು ಅಟ್ಯಾಚ್ ಮಾಡುವುದು ಮುಖ್ಯವಾಗುತ್ತದೆ. ಬೇರೆ ಬೇರೆ ಬ್ಯಾಂಕ್‌ಗಳಲ್ಲಿ ದಾಖಲೆಗಳನ್ನು ಬೇರೆ ಬೇರೆ ಕೇಳಲಾಗುತ್ತದೆ. ಕೆಲವು ಬ್ಯಾಂಕ್‌ಗಳ ಅಗತ್ಯತೆಗಳ ಪ್ರಕಾರ, ನಿಮ್ಮ ದಾಖಲೆಗಳನ್ನು ಸಲ್ಲಿಸುವ ಮೊದಲು ಪ್ರತಿಯನ್ನು ಸೆಲ್ಫ್‌ ಅಟೆಸ್ಟ್ ಮಾಡಬೇಕಾಗುತ್ತದೆ. ಅಗತ್ಯ ದಾಖಲೆಗಳಲ್ಲಿ ಸೇರಿಸಬೇಕಾದ ಕೆಲವು ದಾಖಲೆಗಳು ಈ ಕೆಳಗಿನಂತಿದೆ.

* ಆಧಾರ್ ಕಾರ್ಡ್
* ಗುರುತು ಮತ್ತು ವಿಳಾಸ ಪುರಾವೆಯಾದ ಪ್ಯಾನ್ ಕಾರ್ಡ್, ಡ್ರೈವರ್ ಲೈಸೆನ್ಸ್, ಪಾಸ್‌ಪೋರ್ಟ್ ಸಲ್ಲಿಸಿ
* ಫಾರ್ಮ್ 16 (ಪ್ಯಾನ್ ಕಾರ್ಡ್ ಇಲ್ಲದಿದ್ದರೆ ಮಾತ್ರ ಬೇಕಾಗುತ್ತದೆ)
* ಇತ್ತೀಚಿನ ಪಾಸ್‌ಪೋರ್ಟ್ ಗಾತ್ರದ ಚಿತ್ರ
* ಕೆಲವು ಬ್ಯಾಂಕ್‌ಗಳಲ್ಲಿ ದಾಖಲೆ ಸಬ್‌ಮಿಟ್ ಮಾಡುವ ಮೊದಲು ಸೆಲ್ಫ್ ಅಟೆಸ್ಟ್ ಅಗತ್ಯವಾಗಿರುತ್ತದೆ.

 

ಕೆವೈಸಿ, ವಹಿವಾಟು ಮಾಡಿ

ಆನ್‌ಲೈನ್‌ನಲ್ಲಿ ಖಾತೆಯನ್ನು ತೆರೆದರೆ ವಿಡಿಯೋ ಕಾಲ್‌ ಮೂಲಕ ನೋ ಯುವರ್ ಕಸ್ಟಮರ್‌ (ಕೆವೈಸಿ) ಮಾಡಬೇಕಾಗುತ್ತದೆ. ಅದಕ್ಕಾಗಿ ವ್ಯಕ್ತಿಯು ತಮ್ಮ ಗುರುತು ಮತ್ತು ಇತರೆ ಮಾಹಿತಿ, ದಾಖಲೆಗಳನ್ನು ನೀಡಬೇಕಾಗುತ್ತದೆ. ಖಾತೆಯನ್ನು ನೀವು ತೆರೆದ ಬಳಿಕ, ನೀವು ಮೊದಲ ಬಾರಿಗೆ ಡೆಪಾಸಿಟ್ ಮಾಡಲು ಬ್ಯಾಂಕ್‌ಗೆ ಭೇಟಿ ನೀಡಬೇಕಾಗುತ್ತದೆ. ಇದು ಬ್ಯಾಂಕ್‌ನ ನಿಯಮವಾಗಿದೆ. ವೆರಿಫೀಕೇಷನ್ ಬಳಿಕ ನಿಮಗೆ ಪಾಸ್‌ಬುಕ್ ಮತ್ತು ಚೆಕ್‌ಬುಕ್, ಕಾರ್ಡ್‌ಗಳು ಲಭ್ಯವಾಗುತ್ತದೆ.